هیلاک

برا زۆر سـه‌یره زوو نـه‌مناسی مـن هه‌ر زۆر له زوو کوردم که تۆ پێنج شه‌ش که‌ڕەت گۆڕاوی من بێ سێ و دوو کوردم له ته‌کییه بوویه جێگر ڕێگر و مێگر له بن به‌ر ماڵ ئه‌من له‌و ساوه جێی وبانم له بانی بێشکه بوو کوردم عەجەم بووی بوویە تورک و بوویە عەرەب ئێستە سەر شێواو ئەمن بێ گێڵمە گێڵم و کەشمەکەش بێ <چاشنو> کوردم سپی بووی ، بوویە شین و بوویە سوور و ئێستە ڕوو زەردی ئەمن یەک ڕەنگ و ڕوو وەک پیاوی خاوەن ئابڕوو کوردم کە تۆ بۆ مز لە ناو مزگەوتی کوردستانە ڕووگەی من کە تۆ دەروێشی زەرگ و مەگری من بێ هایوهو کوردم کە تۆ پەل بۆ هەموو جێیەک ئەکێشی و بێ ڕەگ و پنجی ئەمن گەر پەل پەلیشم کەن، لە سەر یەک ڕێگەم و کوردم دڵت بۆ پارە پارە ، بیر لە لیرە گیرە ، دەمدبۆ دەم سەراپا ، ڕەگ بە ڕەگ ،ئێسقان بە ئێسقان ، موو بە موو کوردم کە تۆ دەرپێت فڕێ دا و چاکەتی چاکت دەبەر خۆ کرد ئەمن شەرمم بە خۆ شاییم بە خۆمە ، جل شڕ و کوردم کە تۆ گیرفان پڕی گیرفان بڕی ، من هەر هەژار ماون کە تۆ خۆت دا بە خواردن ، من لەگەڵ گاڵ و بەڕوو کوردم