Bîranîn 🌱

📚 ڕێگای درێژ و دژواری ئازادی ژیاننامەی #نێلسۆن_ماندێلا نێلسۆن ماندێلا یەکێکە لە ناسراوترین ڕابەرانی جیهان و یەکێک لە گەورەترین نیشانەکانی خەبات دژی جیاکاری و نادادپەروەری. ئەو لە باشووری ئەفریقا بۆ مافی ڕەشپێستان و بەرابەریی مرۆڤەکان خەباتی کرد و ساڵانێکی زۆری لە زیندان بەسەر برد، بەڵام ئەو سەختییە نەیتوانی باوەڕی بە ئازادی و دادپەروەری لە دڵیدا بسڕێتەوە. «ڕێگای درێژ و دژواری ئازادی» ژیاننامەی خۆنووسەری ماندێلایە؛ چیرۆکی منداڵیی، گەشەکردن، خوێندن، خەباتی سیاسی، زیندانیبوون و دواتر گەیشتن بە پلەی ڕابەریی وڵات. کتێبەکە تەنها باسێک لە ژیانی تاکێک نییە، بەڵکوو وێنەیەکە لە مێژووی خەبات بۆ ئازادی و بەرابەری لە باشووری ئەفریقا. یەکێک لە جوانترین لایەنەکانی ئەم کتێبە ئەوەیە کە ماندێلا خۆی وەک قەهرەمانێکی بێ‌هەڵە پیشان نادات؛ بەڵکوو لە هەڵەکان، ترسەکان، هەڵبژاردنە سەختەکان و فێربوونەکانی خۆی دەدوێت. بە خوێندنەوەی ژیاننامەکەی دەبینین کە ئازادی تەنها بە وشە بەدەست نایەت، بەڵکوو پێویستی بە ئارەزوو، خۆڕاگری و ماندووبوونی زۆر هەیە. «ڕێگای درێژ و دژواری ئازادی» کتێبێکە بۆ ئەو کەسانەی کە حەزیان لە ژیاننامەی کەسایەتییە کاریگەرەکان، مێژوو و چیرۆکی خەبات بۆ ئازادییە. ژیانی ماندێلا فێرمان دەکات کە ڕێگا بەرەو ئازادی لەوانەیە درێژ و دژوار بێت، بەڵام هەنگاوە بەردەوامەکان دەتوانن گۆڕانێکی گەورە دروست بکەن. 🌿📖 💡هاوڕێیان، ئەگەر PDFی ئەو کتێبەتان ویست، لە نەناسراو پەیامم بۆ بنێرن یان کۆمێنت دانێن، بە دڵخۆشی بۆتان دەنێرم. 📚🤍

تا بمێنم پەرژینی مەندی دەشکێنم لە نێو کەلاوەی ماوەدا لە هەرێمی ئاژاوەدا شەتڵە تیشک و نەمامی مەحاڵ دەچێنم :)

🕊🌿

کڵاوی سەر دڕاوی خۆم بە تاجی پادشا نادەم کەلاوەی دوکەڵاوی خۆم بە تەختی پادشا نادەم لە سایەی عززەتی نەفسم لە پاشا مەرحەبا ناکەم لە ئەربابی کەرەم دوورم بە کەس خۆم ئاشنا ناکەم ئەگەرچی لەحزەیەک دەرد و خەم و قەهرم بەبا ناکەم ئیلاهی شوکر ئومێدی نانێک من لە شا ناکەم

🌱☀️

من ئەبم بە هەوری تۆش ببە بە جامانە لە لۆمەی خەڵکیش ناترسین کورد بوون ئەکەین بە بەهانە

❤️⛅️💚

هیوا نەمرە، دەژی، لەگەڵ بوونمان لەگەڵمانە! بەرز و نەوی، ژیانی هەموومانی ئاخنیوە،‌ ژیان تاڵ بێ یان شیرن، سەخت بێ یان لەبار، ژینی خۆی لە هیوا گرێ داوە، پەیوەندییان ناپسێ، هەرگیزاوهەرگیز!

📚 کتێبی #زینوێ_بەتەم | ✍🏻 #کامران_حامیدی

بەشێک لە کتێبی #زینوێ_بەتەم:🕊📚

مەگیم دونیای بێ زیندان ناتوانێ هەبێ؟ یانی بەشەر لە مێش و میرووان کەمترە؟ هەزاران ساڵە بەرد لەسەر بەرد، ئاسن لەسەر ئاسن دادەندرێ، قورس و قایم، سەخت و سەخت، ئینسانی دە خۆیان دەگرن، بۆوەی دەنگی نەیەتە دەر و بڵاو نەبێتەوە، لە نێو بارستی ئەوان دا هەرای قەتیش بمێنێتەوە و بەشی خۆی نەوێ. کە پێیان دەڵێی بۆ؟ دەڵێن یاسایە. بە زیندان، بە کوشتن؛ هەزاران ساڵە بەو خەیاڵەن، بەو هیوایەن؛ بەڵام کەی کاژەڕەسەر توانیوێتی پێش بە ڕۆینی خەیاڵ بگری هەتا بەرد و ئاسن بتوانن؟!

📚 #زینوێ_بەتەم | #کامران_حامیدی «زینوێ بەتەم» ڕۆمانێکە کە لە پاشبنەمایەکی پڕ لە ئاڵۆزیی سیاسی و کۆمەڵایەتی، ژیانی ژمارەیەک لەو کەسانە دەخاتەڕوو کە بۆ ئازادی و ڕزگاریی گەلەکەیان ڕێگایەکی پڕ مەترسی و فیداکارییان هەڵبژاردووە. لە ناو بەشەکانی ڕۆمانەکەدا، وێنەی مرۆڤانێک دەبینین کە لە دژی زوڵم و دەسەڵاتە سەرکوتکەرەکان دەوەستن و هەوڵ دەدەن بە خەڵک ئاگاداری و هۆشیاری ببەخشن. ئەوان لەو ڕێگایەدا تەنها بە قسە پشتگیریی ئازادی ناکەن؛ بەڵکوو بە کردار و فیداکاری نرخ و بەرپرسیارێتیی خۆیان نیشان دەدەن. ڕۆمانەکە هەروەها دەچێتە ناو ئەو بارودۆخە کۆمەڵایەتی و سیاسییەی دەورانی پەهلەوی، کاتێک زۆرێک لە چین و توێژەکانی کۆمەڵگە لە ژێر بارێکی قورس و سیستەمێکی پڕ لە نادادپەروەریدا دەژیان. لە شار و دێهاتەکاندا، هێز و دەسەڵات زۆرجار بەجێی پاراستنی مافەکانی خەڵک، ببۆ بە هۆی ترس و چەوساندنەوە. لە کوردستانیش، ژمارەیەک لە گەنجان و تێکۆشەرانی ڕۆشنبیر لەو بارودۆخەدا بڕیاری خەباتیان دا و بەرەنگاری زوڵم و زۆری بوون. «زینوێ بەتەم» تەنها گێڕانەوەی چیرۆکی چەند کەس نییە؛ بەڵکوو هەوڵێکە بۆ زیندووکردنەوەی یادی ئەو مرۆڤانەی کە بە خەبات و قوربانیدان بەشێک لە مێژووی گەلەکەیان نووسیوە. ناو و یادەکانیان لەگەڵ چیرۆکەکەدا دەمێننەوە، چونکە پشت هەر فیداکارییەکەوە چیرۆکی مرۆڤێک و هیوای ڕزگاریی گەلێک هەیە.🕊📜

بەڕاستی لە سەردەمێکی تاریکدا دەژیم گەمژەییە بە نەرم و نیانی بدوێیت نێوچەوانی سفت و لووس نیشانەی دەبەنگییە ئا ئەو کەسەی پێدەکەنێت هێشتا هەواڵی مەترسی پێنەگەیشتووە.🕊🫧

بێرتۆڵت #برێشت

نیشتمانم❤️☀️🌿 بە هەر خاکێکدا تێپەڕم بە هەر کێوێکدا سەرکەوم لە هەر ڕووبار و دەریایەک بپەڕمەوە بە حەرفی گڕ ناوەکەی تۆی لێ دەنووسم کاتێک بۆ لای تۆیش دێمەوە داستانی خاک و کێو و ڕووبارەکان لەسەر لوتکەی کەژانت دەنووسمەوە. #ڕەفیق_سابیر

بەس کتێب📚🩵🍓

دەربارەی کتێبەوە پێت بڵێم؟ 📚✨

دەربارەی ئەوانەی کە جیهان جوانتر دەردەخەن، ئەوانەی کە ڕزگاریان کردم کاتێک تەنیا بووم، ئەوانەی کە زۆرجار پەناگەی من بوون، ئەوانەی کە هەرکاتێک هەستم بە دڵتەنگی دەکرد دەچووم بۆ لایان و بە وشەکانیان باوەشیان پێدا دەکردم، ئەوانەی منیان برد بۆ شوێنێکی دوور کە وەک ئێرە نەبوو، ئەوانەی کە گوێیان لێم گرت و لە تەنیشتم مانەوە کاتێک زۆر کەس لێم تێنەدەگەیشتن.

ئەوان هۆکاری هەستی باشن بۆ هەتاهەتایە.🩵🫧

لە شاییدا لە وەختی هەڵپەڕینا لە خۆشیدا لە کاتی پێکەنینا لە کۆڕی ماتەم و گریان و شینا ئەمن ئەی نیشتمان تۆم هەر لەبیرە بە شەو تاکوو بەسەرما زاڵ دەبێ خەو بە ڕۆژ تاکوو دووبارە دێتەوە شەو لە کاتێکدا کە دەدوێنم ئەم و ئەو ئەمن ئەی نیشتمان تۆم هەر لەبیرە زەمانێکی کە دەچمە سەیری گوڵزار لەگەڵ پۆلی ڕەفیقانی وەفادار تەنانەت وەختی دەسبازی لەگەڵ یار ئەمن ئەی نیشتمان تۆم هەر لەبیرە لە کوێستانێ دەمی ڕاو و شکارێ لە مەزرایە کە خۆم هەڵکرد لە کارێ لە جێژوانێ کە دەکوشم مەمکی یارێ ئەمن ئەی نیشتمان تۆم هەر لەبیرە دەکەم تەرخان لە ڕێی تۆدا ژیانم لە سەنگەردا بەرەوڕووی دوژمنانم بە خاکی تۆ دمی ئاویلکەدانم ئەمن ئەی نیشتمان تۆم هەر لەبیرە

🌱☀️❤️

مامۆستا #هێمن

"تۆ هیوات پێدام تا بژیم" خەتای تۆ بوو فێری خەوبینینت کردم تا بفڕم. ڕەفیق سابیر🫠🕊