𝘅𝗮𝗸

تۆ بەس وەرە، من ئەمساڵم ناو ئەنێم ساڵی دووهەزار و تــۆ

لە ساڵڕۆژی کۆچی دوایی حەزرەتی حەسەن زیرەکدا، ڕێز و خۆشەویستی یادی ئەو هونەرمەندە نەمرە دەکەینەوە؛ کە نەک تەنها گۆرانیبێژێکی بڵێمەت بوو، بەڵکوو یەکێک بوو لە ناسنامە و هێمای نەتەوەی کورد. حەسەن زیرەک بۆ زۆرێک لە کوردان، سەرەتاو کۆتایی مۆسیقای کوردییە. دەنگێک بوو کە خەم، خۆشی، خۆشەویستی و ئازاری گەلێکی تەواو لە خۆی گرتبوو. گۆرانییەکانی نەک تەنها مۆسیقا، بەڵکوو مێژوو و ناسنامەی کورد بوون. وتەیەکی ناسراو لە مامۆستا هەژار دەگێڕدرێتەوە کە: «ئەگەر لوغەت نامەب زمانی کوردی لەناو بچێت، دەتوانین لە گۆرانییەکانی زیرەکدا دووبارە زیندووی بکەینەوە.» ئەم وتەیە، بە باشترین شێوە نرخ و پایەی ئەو پیاوە نیشان دەدات. حەزرەتی زیرەک پیاوێکی کوردپەروەر، ئوستادێکی گەورە، مامۆستای هونەر و شاعیرێکی هەست‌ناس بوو. ناوی ئەو هەمیشە لەگەڵ دەنگی بێهاوتای و خزمەتە گەورەکانی بۆ مۆسیقا و فەرهەنگی کوردی زیندوو دەمێنێتەوە. ڕوحت شاد بێت، حەزرەتی حەسەن زیرەک. دەنگت هەرگیز نامرێت و هەمیشە لە دڵی گەلەکەتدا دەمێنیتەوە. شێت و شەیدای دەنگتم خاوەنشکۆ گیان.

شێرزاد حەسەن

ئەگێڕنەوە ڕۆژێک شێخ ڕەزای تاڵەبانی دێتە زانستەکەی کاک ئەحمەدی شێخ، بە یەکەوە دا ئەنیشن، وە لەو کاتەدا یەکێک لە کەسایەتیە گەورە کانی مەسیحیەکانی شار لێرەیە، کاک ئەحمەد بە ئیشێک ئەچێتە دەرەوە، تا دێتەوە، کەسایەتیە مەسیحیەکە لەگەڵ شێخ ڕەزای تاڵەبانی شاخیان لە شاخی یەک ئەگیرێ و ئەیکەن بە موناقەشە لەسەر حەزرەتی موحەمەد سەلامی خوای لەسەر بێت و حەزرەتی عیسا سەلامی خوای لەسەر بێ، کابرای مەسیحی موناقەشەیەک ئەکا ئەڵێ: پێغەمبەری ئێمە مەزن ترە، پێغەمبەری ئێمە گەورەترە لەبەر ئەوەی ئەو خوا بە زیندویی بردویەوە بۆ ئاسمان بەڵام پێغەمبەری ئێوە وەفاتی فەرموە لە ناو خاکا. شێخ ڕەزا ئەگەر چی شاعیری هەجوە بەڵام هیچ وەختێکت زاتوی ئەوەی نەکردوە ڕوی ئەوەی نەهاتووە لە حزووری حەزرەتی کاک ئەحمەد و لە مزگەوتی گەورەیا شێعری هەجو بڵێێ، بەڵام وکو بڵێی دڵی خەریکە شەق ئەبا بۆیە شێعرێک ئەهۆنێتەوە بە زمانی فارسی. کاتێک کاک ئەحمەدی شێخ هێتەوە ژورەوە سەیرەکا مەجلیس بێدەنگ و کپن، کاک ئەحمەد پرسیار ئەکا ئەڵێ چیبوە؟ شێخ ڕەزا یەکسەر ئەڵێت: قوربان با من عەرزت بکەم، ئەو بەرادەرە مەسیحیەمان فەرموی قەزەی حەزرەتی مەسیح و حەزرەتی موحەمەدی هێنا، منیش پێم وت مەسەلەی ئەم دو پێغەمبەرە مەسەلەی تاوی تەرازوە، یەکێکیان بەرەو ئاسمان چو و یەکێکیان نیشتە زەوی. حەزرەتی کاک ئەحمەدی شێخ بۆ ئەوەی مەجلیسەکە جۆرێک لە هاوسەنگی ڕابگرێ و دڵی کەس عاجز نەبێ و بێ ئەدەبیش بەرامبەر هیچ یەک لە پێغەمبەرە کان نەکرێ، بە مەسیحیەکە ئەڵێ: شێخ ڕەزای ئامۆزام لە حاڵە، گوێی مەیەرێ، ئاگای لە خۆی نیە، حاڵی لێ هاتووە دڵت نەڕەنجێ لێی ئازیزم.