Motivation_Sultanovich

Яна биздан 3D ҳамкорлик тўғрисида

📖 «БИЗСИЗ ҚОЛГАН ДУНЁ....» Агар эртага биз бўлмасак, дунёда нимамиз қолади? Бир куни ҳар бир инсон бу дунёдан кетади. Аммо савол бошқача: Биз кетганимиздан кейин нимадир қоладими? Бир оғиз сўз. Бир яхши амал. Бир инсоннинг хотираси. Бир фарзанднинг тарбияси. Бир шогирднинг ютуғи. Бир куннинг хотираси. Ёки... ҳеч нарса? Шу саволлар асосида «Бизсиз қолган дунё....» номли онлайн китоб яратишни бошлаяпмиз. Бу оддий китоб эмас. Бу — турли инсонларнинг ҳаёт, инсон, хотира, муҳаббат, вақт, йўқотиш ва из қолдириш ҳақидаги қарашлари жамланадиган асар. 📢 Шу китобни яратиш учун ижодий жамоага кастинг эълон қиламиз! Бизга: ✍️ Муаллифлар 🧠 Ғоячилар 🎤 Интервьюерлар 🔎 Тадқиқотчилар 📝 Муҳаррирлар 🔤 Корректорлар 🎨 Дизайнер ва иллюстраторлар керак. 🎯 КАСТИНГ ТОПШИРИҒИ: Тасаввур қилинг: Эртага сиз дунёда йўқсиз. Сизсиз қолган дунёда нимангиз етишмайди? Бу саволга 300–500 та сўздан иборат жавоб ёзинг. Жавобингизда ўзингизни кўрсатинг. Биз дипломингизга эмас, лавозимингизга эмас, таниш-билишингизга эмас — фикрингизга қараймиз. Балким, сиз оддий бир иштирокчи эмассиз. Балким, «Бизсиз қолган дунё....» китобининг энг таъсирли бобини айнан сиз ёзардирсиз. 📝 Кастингда иштирок этиш учун: [исм-фамилия + ёш + шаҳар + қайси йўналишда иштирок этмоқчи эканингиз + 300–500 сўзлик жавоб] ⏳ Қабул муддати: [2026 йил 30 сентябрга қадар] 21 инсон. 21 нигоҳ. 21 қисса. Битта китоб. 📖 «Бизсиз қолган дунё....» Балки, бу китобда сизнинг ҳам изингиз қолар... Ушбу эълонни сиз билган барчага етказсангиз, китобимиз биз истагандан ҳам яхшироқ чиқишига ишонаман.

🌿 MOTIVATION_SULTANOVICH — БУ ШУНЧАКИ КАНАЛ ЭМАС... Балким, сиз Motivation_Sultanovich каналида бошқа каналлардаги каби кўплаб кулгили контентларни учратмасангиз керак. Лекин бу ерда бошқа бир нарса бор... ❤️ Ҳақиқий меҳр. 🫂 Ҳақиқий дўстлик. 💫 Ҳақиқий муҳаббат. 🧠 Сиз учун керакли, ҳаётда асқотадиган фикрлар. 🌱 Ва энг муҳими — инсонни инсонга яқинлаштирадиган самимият. Мен бу канални оддий обуначилар йиғиладиган саҳифа эмас, битта катта оила бўлишини хоҳлайман. Бу оилада сиз ҳам борсиз. Мен ҳам бор. Ва ишонаманки, биз ҳали бу оила аъзолари сафини янада кенгайтирамиз. 🤝 Чунки яхши гапга, яхши ниятга, самимиятга ва инсонни руҳлантирадиган сўзларга эҳтиёж бор. 🌅 Бугун ҳам сизларни янада кўпроқ мотивация, ҳаётий фикрлар ва қалбга яқин постлар кутмоқда. Биз билан қолинг. Кузатишда давом этинг. ❤️ Бир кун келиб, бу канал ҳақида:

«Бу менинг ҳам оилам...»

деб айтишингизни истайман. MOTIVATION_SULTANOVICH Қалбдан чиққан сўз — қалбга етиб боради.

Кечиккан ҳаёт...

🌅 Якшанба тонги муборак бўлсин! Янги кун қалбингизга хотиржамлик, хонадонингизга файзу барака, юрагингизга қувонч олиб кирсин. 🤲 Бугунги кунингиз эзгу ниятлар, самимий табассумлар ва гўзал янгиликларга бой бўлсин. Яқинларингиз соғ-омон, дастурхонингиз тўкин, кўнглингиз доимо хотиржам бўлсин. 🌿 Якшанба муборак! Ҳар бир тонгингиз хайрли, ҳар бир қадамингиз баракали бўлсин! 🤍

ҚАШШОҚЛИК... Қашшоқлик — фақат чўнтакда пулнинг йўқлиги эмас. Баъзан инсоннинг уйи бор, аммо уйида меҳр йўқ — бу ҳам қашшоқлик. Дастурхони тўкин, аммо қалби оч — бу ҳам қашшоқлик. Атрофида юзлаб одамлар бор, аммо дардини эшитадиган бир инсон йўқ — бу энг оғир қашшоқлик. Ҳақиқий қашшоқлик — имкониятсиз туғилиш эмас. Ҳақиқий қашшоқлик — имконият берилганда ҳам бировнинг қўлидан ушламаслик. Бир бола бугун мактабга боролмаётган бўлса, бир оила кечаси нонни ўйлаб ухлаётган бўлса, бир инсон эртага иш топаман деган умид билан бугунни ўтказаётган бўлса — биз уни фақат томоша қилиб турмаслигимиз керак. Чунки қашшоқликдан чиқиш учун баъзан катта бойлик эмас, бир томчи эътибор, бир томчи меҳр, бир томчи имконият кифоя. Балки сиз берган кичик ёрдам кимнингдир ҳаётида катта ўзгаришнинг бошланиши бўлар. Томчи — кичик. Аммо томчилар йиғилса, дарё бўлади. Бугун бир инсонга ёрдам беринг. Эртага балки сизга ҳам бировнинг «томчиси» керак бўлар...

DIQQAT TANLOV! 🎓 Ixtisoslashtirilgan ta’lim muassasalari agentligi tizimidagi ixtisoslashtirilgan maktablarda mavjud vakant direktor o‘rinbosari lavozimlariga tanlovning birinchi bosqichi o‘tkaziladi Yangi tashkil etilayotgan ixtisoslashtirilgan maktablarda o‘quv ishlari hamda ma’naviy-ma’rifiy ishlar bo‘yicha direktor o‘rinbosari lavozimlariga hujjat topshirgan nomzodlar uchun tanlovning birinchi bosqichi — hududiy saralash jarayonlari o‘tkaziladi. Tanlovning birinchi bosqichi quyidagi muddatlarda tashkil etiladi: 👉🏻 O‘quv ishlari bo‘yicha direktor o‘rinbosari lavozimiga — 2026-yil 10–11-avgust kunlari; 👉🏻 Ma’naviy-ma’rifiy ishlar bo‘yicha direktor o‘rinbosari lavozimiga — 2026-yil 12–13-avgust kunlari.

Mazkur bosqich Ixtisoslashtirilgan ta’lim muassasalari agentligi tanlov komissiyasi hamda hududiy ishchi guruhlar tomonidan belgilangan tartib asosida o‘tkaziladi.

✔️ Birinchi bosqichdan muvaffaqiyatli o‘tgan nomzodlar tanlovning keyingi bosqichi — asosiy suhbatga tavsiya etiladi. Suhbat savollari Agentlik tanlov komissiyasi tomonidan oldindan tayyorlanib, maxsus himoyalangan paketlarda, muhrlangan konvertlar ko‘rinishida hududlarga yetkaziladi. ✔️ Konvertlar nomzodlar ishtirokida ochiladi. Suhbat jarayonlari ochiqlik, shaffoflik, xolislik va teng imkoniyatlar tamoyillari asosida tashkil etiladi.

Tanlov nizomiga muvofiq, har bir vakant direktor o‘rinbosari lavozimi uchun eng munosib 3 nafargacha nomzod tanlovning ikkinchi bosqichi — asosiy suhbatga tavsiya etilishi mumkin.

Ixtisoslashtirilgan ta’lim muassasalari agentligi tanlov jarayonlarining ochiq, shaffof, xolis va adolatli o‘tkazilishini ta’minlaydi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

Энг яхши психолог ким биласизми? Аёл учун турмуш ўртоғи, эркак учун аёли.

Аслидан қочган сохта бойвачча Уни маҳаллада ҳамма «Бойвачча» деб чақирарди. Ўзи эса бу лақабни жуда яхши кўрарди. Қаерга борса ҳам машинасининг калитини атайлаб стол устига қўяр, телефонда баланд овозда: — Ҳа, ака, эртага Дубайдан юк тушади... — деб гаплашарди. Аслида эса Дубайда юки эмас, бир таниши бор эди. У ҳам унга икки йилдан бери «Салом» деб жавоб бермасди. Бойваччанинг кийими ҳам алоҳида. Кўйлаги — брендники. Соати — қимматбаҳодек. Оёқ кийими — Италияники. Фақат бир муаммо бор эди: ҳаммасининг ярми бозордан олинган, қолган ярми эса бўлиб тўлашга. Бир куни у маҳалладаги чойхонага кирди. — Ака, чой! — деди чойхоначи. — Мен чой ичмайман, — деди Бойвачча жиддий туриб. — Мен фақат кофе ичаман. — Кофе йўқ. — Унда чой беринг. Чой келди. У чойни бир ҳўплаб: — Бу қандай чой? — Оддий чой. — Мен оддий чой ичмайман. — Ака, ҳозиргина «чой беринг» дедингиз-ку? — Ҳа, лекин оддийсини демадим. Чойхонадагилар кулди. Бойвачча эса жиддийлигича қолди. Шу пайт кўча бошидан қиммат машина келиб тўхтади. Ҳамма қаради. Бойвачча ҳам қаради. Машинадан бир киши тушиб, тўғри унинг олдига келди. — Сиз Бойвачча эмасмисиз? Унинг юзи ёришди. — Ҳа, ўзим. — Унда сиз билан гаплашишимиз керак. Чойхонадагилар бир-бирига қарашди. Бойвачча ўзини янада каттароқ тутиб: — Марҳамат, машинада гаплашамиз. У машинага ўтирди. — Қаерга борамиз? — Аввал уйингизга. — Нима учун? — Сизга бир нарса беришимиз керак. Бойваччанинг хаёлида аллақачон миллионлар айланарди. «Балким, меросдир... Балким, хориждан инвестиция...» Машина уни маҳалланинг энг четидаги эски уй олдига олиб борди. У тушди. — Бу ерга нима қиламиз? Ҳалиги киши эшикни очди. Ичкаридан қариб қолган онаси чиқди. Бойвачча қотиб қолди. — Ўғлим... Онаси уни қучоқлади. — Қанча йил бўлди сени кўрмаганимга... Бойвачча бошини эгди. У онасидан бойлигини яширмаганди. У ўзининг аслини яширганди. Унинг «қиммат» кийимлари, «бой» машинаси, «катта» гаплари — ҳаммаси одамларга кўриниш учун эди. Чунки у болалигида камбағалликдан эмас, камбағал кўринишдан қўрққан эди. Ҳалиги киши эса унинг елкасига қўлини қўйди: — Бойвачча, сизга бир хабар бор. — Қандай хабар? — Отангиздан қолган эски уйни сотмоқчи эдик. Лекин ҳужжатлардан маълум бўлишича, бу уйнинг ёнида катта ер майдони ҳам бор экан. Қонун бўйича ҳаммаси сизники. Бойваччанинг кўзи катта очилди. — Демак... мен ҳақиқатан бойманми? Онаси кулди: — Йўқ, болам. — Нега? — Сен бой бўлишга ҳаракат қилиб юрибсан. Аслида эса сен бой эканингни исботлашга эмас, кимлигингни қабул қилишга муҳтож экансан. Бойвачча жим қолди. Эртаси куни у чойхонага яна борди. Чойхоначи: — Кофеми? Бойвачча кулиб: — Йўқ, ака. Бугун оддий чой. — Бойвачча бўлиб қолдингизми? У бош чайқади: — Йўқ. Бугун биринчи марта ўзим бўлиб қолдим. Чойхоначи чойни узатаркан: — Унда бугун сиздан пул олмайман. Бойвачча ҳайрон бўлди: — Нега? — Кеча чойни «оддий» деб ичмаган эдингиз. Бугун эса ўзингизни оддий тутдингиз. Ҳамма кулди. Бойвачча ҳам. Фақат бу сафар унинг кулишида бойваччалик эмас, одамийлик бор эди.

🍽️ Ёқимли тушлик! 🌿 Дастурхонингиз файзли, таомингиз мазали, кайфиятингиз аъло бўлсин! 😊 Бугунги тушлик сизга куч-қувват, хотиржамлик ва яхши кайфият бағишласин. Яхши ният билан бошланган кун — чиройли натижалар билан давом этсин! ✨ ☕️ Ёқимли иштаҳа, қадрлилар!

🌿 ШАНБА ТОНГИ МУБОРАК! 🌿 Янги тонг — янги умидлар, янги ниятлар ва янги имкониятлар демакдир. 🤲 Бугунги кунингиз хотиржамлик, барака ва қувонч билан бошлансин. Хонадонингиздан файз, дастурхонингиздан барака, қалбингиздан шукр аримасин. ❤️ Ҳар бир эзгу ниятингиз ижобат бўлиб, кўнглингиз кутган яхши хабарлар бугун сизга етиб келсин. 🌸 Шанба тонги муборак бўлсин! Яхши ниятлар билан бошланган кунингиз хайрли ўтсин! ☀️🤲

"Бир-бирингизни ўзгартиришга эмас, тушунишга ҳаракат қилинг. Чунки ҳақиқий муҳаббат шу ердан бошланади."

Шифокорнинг қасамидан устун ... Шаҳарнинг энг машҳур хусусий шифохоналаридан бирида доктор Камолиддин ишларди. У билимли, тажрибали ва маҳорати билан танилган эди. Аммо бир камчилиги бор эди — у беморларни инсон сифатида эмас, чўнтагининг қалинлигига қараб қабул қиларди. Қиммат машинада келган беморни эшик олдигача кутиб олар, табассум билан қарши оларди. Камбағал, эски кийимда келган инсонлар эса соатлаб навбат кутишар, баъзан эса: — Аввал пулни тўланг, кейин кўрамиз, — деган совуқ жавоб билан ортга қайтариларди. Бир куни ёмғирли кечада тахминан ўн икки ёшлардаги бола онасини етаклаб шифохонага кириб келди. — Доктор ака, илтимос... Онамнинг аҳволи оғир. Дадам йўқ. Ҳозирча пул тополмадим. Фақат бир марта кўриб беринг. Пулини кейин албатта тўлайман... Боланинг кўзларида ёш, овозида эса умид бор эди. Доктор эса ҳужжатларини йиғиштириб, унга ҳатто қарамасдан деди: — Бу ер хайрия маркази эмас. Пулсиз бўлсангиз, давлат шифохонасига боринг. — Илтимос... Онам ўлиб қолади... — Қўриқчи! Буларни ташқарига чиқаринг. Қўриқчи бола билан онасини ёмғир остига чиқариб қўйди. Бола кетар экан, шифохона эшигига бир марта орқасига қаради. Ўша нигоҳида алам ҳам, орзу ҳам бор эди. Ўша кеча онаси вафот этди... Йиллар ўтди. Доктор Камолиддин бойлик орттирди. Катта ҳовли, қиммат машиналар, мол-дунё... Аммо ҳаёт ҳаммага бир хил эмас. Ёши ўтиб, соғлиғи ёмонлаша бошлади. Бир куни оғир инсульт туфайли ўзи ҳам шифохонага тушди. Бу пайтга келиб фарзандлари чет элга кетган, хотини вафот этган, бойлиги эса фирибгар шериклари туфайли қўлидан кетган эди. Энди у оддий беморга айланганди. Кўпчилик уни танир, аммо илгариги муомаласини ҳам яхши эсларди. — У киши бизга вақтида ёрдам бермаган... — Мени ҳам қабул қилмаган эди... — Навбатим келмасидан чиқариб юборган... Шу сабабли ҳеч ким унга меҳр билан қарамасди. Бир куни палатага ёш шифокор кириб келди. У беморнинг ҳужжатларини диққат билан кўриб чиқди. — Ассалому алайкум, устоз. Энди даволанишингиз билан мен шуғулланаман. Унинг муомаласи жуда илиқ, ҳурматли ва самимий эди. Доктор Камолиддин ҳайрон бўлди. — Болам... Менинг даволанишим жуда қимматга тушса керак. Менда эса деярли ҳеч нарса қолмаган... Ёш шифокор жилмайди. — Сиздан бир сўм ҳам олмаймиз. — Нега? — Чунки шифокорнинг вазифаси инсонни эмас, касалликни танлашдир. Беморнинг чўнтаги эмас, ҳаёти муҳим. Бу гаплар қария докторнинг юрагига ўқдек санчилди. Бир неча кун ўтгач, у аста-секин тузала бошлади. Чиқиш олдидан ёш шифокор унинг ёнига келди. — Доктор ака... Мени танимадингизми? Қария диққат билан қаради. — Йўқ... Эслолмадим. Ёш шифокор кўзларини ерга тикиб секин гап бошлади: — Йигирма беш йил аввал ёмғирли кечада бир бола онасини етаклаб олдингизга келган эди. "Илтимос, онамни қутқаринг. Пулини кейин тўлайман", деб йиғлаган эди. Докторнинг ранги оқариб кетди. — Сен... ўша боламисан?.. — Ҳа. Мен ўша боламан. Палата жимиб қолди. — Онам ўша кечаси вафот этган. Мен эса ўша кун бир қарорга келганман. Агар Аллоҳ насиб этса, шифокор бўламан. Лекин ҳеч қачон беморни бой ёки камбағал деб ажратмайман, деб ўзимга сўз берганман. Қария докторнинг кўзларидан ёш оқиб тушди. — Болам... Мени кечир... Ёш шифокор унинг қўлини маҳкам ушлади. — Мен сизни кечирганман. Агар кечирмаганимда, бугун сизга меҳр билан қарамаган бўлардим. Шифохонадан чиқар экан, қария доктор эшик олдида бир лаҳза тўхтаб қолди. У энди бир ҳақиқатни жуда кеч бўлса-да англаган эди. Бойлик инсонни буюк қилмайди. Лавозим ҳам эмас. Инсонни улуғ қиладиган нарса — унинг инсонийлиги, меҳри ва адолатидир. Чунки ҳурмат талаб қилиб эмас, ҳурмат қилиб топилади. Ҳаёт айланади. Бугун сен ёрдам берадиган қўлсан, эртага ёрдам кутадиган қўлга айланишинг мумкин. Шунинг учун ким бўлишингдан қатъи назар, ҳар бир инсоннинг қадрини бил. Чунки ўзлигини англаган инсон ҳеч қачон бошқани камситмайди.

🚀 Ихтисослаштирилган мактабларда PD (Professional Development – касбий ривожланиш) кунлари қандай ташкил этилиши керак? Замонавий мактабларда PD куни — бу оддий методик йиғилиш эмас. Бу ўқитувчининг касбий маҳоратини ошириш, илғор тажрибани оммалаштириш ва таълим сифатини юксалтиришга хизмат қилувчи амалий майдондир. 📌 Энг самарали ёндашув — "70–20–10" модели 🔹 70% – Practical Activities (амалий фаолият) ✔️ Дарсни биргаликда режалаштириш; ✔️ Дарс кузатиш; ✔️ Дарс таҳлили; ✔️ Янги методларни амалда синаб кўриш. 🔹 20% – Peer Learning (ҳамкасблардан ўрганиш) ✔️ Lesson Study (дарсни биргаликда режалаштириш, кузатиш ва таҳлил қилиш); ✔️ Peer Coaching (ҳамкасблик коучинги); ✔️ Micro Teaching (қисқа намунали дарс). 🔹 10% – Theory (назарий билимлар) ✔️ Янги педагогик ёндашувлар; ✔️ Халқаро тажрибалар; ✔️ Илмий тадқиқотлар. 📅 PD кунининг тавсия этиладиган тартиби 🕘 09:00–10:30 Common Session (умумий педагогик сессия) Барча педагоглар учун ягона мавзу: Formative Assessment (форматив баҳолаш); Critical Thinking (танқидий фикрлаш); Artificial Intelligence – AI (сунъий интеллект); Project Based Learning (лойиҳа асосида ўқитиш) ва бошқалар. 🕥 10:45–12:30 Subject Workshop (фанлар кесимида амалий семинар) Фанлар кесимида: 📘 Математика 🧪 Кимё 🌿 Биология 💻 Информатика 🇬🇧 Инглиз тили 🌍 География 📖 Она тили ва адабиёт 🏛 Тарих Ҳар бир фан гуруҳи ўз методик материалларини ишлаб чиқади. 🕜 13:30–15:00 Lesson Study (дарсни биргаликда ўрганиш) ✔️ Бир ўқитувчи очиқ дарс ўтади. ✔️ Қолганлар кузатади. ✔️ Дарс таҳлил қилиниб, таклифлар берилади. 🕒 15:00–16:00 Reflection (рефлексия ва хулоса) Ҳар бир педагог: ✅ Нима яхши ишлади? ✅ Нимани такомиллаштириш керак? ✅ Кейинги ҳафта қандай инновацияни қўллайман? 📌 Ҳар бир PD кунида бўлиши шарт бўлган 5 та блок 📊 Data Talk (таҳлилий маълумотлар муҳокамаси) 🏆 Best Practice (энг яхши тажриба) 🛠 Workshop (амалий семинар) 🎓 Classroom Lab (амалий дарс кузатуви) 💡 Reflection (рефлексия ва келгуси режалар) 🌟 Қўшимча инновацион ғоялар 📘 PD Passport (касбий ривожланиш паспорти) 🚪 Open Classroom Week (Очиқ дарслар ҳафталиги) 🧑‍🏫 Teacher Lab (ўқитувчилар лабораторияси) 👨‍💼 PD Leader (касбий ривожланиш етакчиси) 📈 Impact Dashboard (натижалар мониторинги панели) 🎯 Мақсад: PD кунларини расмий йиғилиш эмас, балки ўқитувчиларнинг ҳақиқий касбий ўсиши, инновацияларни жорий этиш ва таълим сифатини оширишга хизмат қилувчи самарали платформаларга айлантириш.