Seeker of knowledge

الهندسة الفضائية جِدًّا عبقرية

وطبعًا بضرورة اعتماد المسارات البيضوية، Hohmann Transfer Orbit والّلي هو مدار تقريبًا نصف بيضوي، يكون قطع ناقص، ويكون هو المسار الأفضل لتهيئة كل هذا بالاعتماد على جاذبية القمر.

السبب الّلي يخلّي المركبة تدور بهالطريقة هو غالبًا لسببين، والاثنين يعتمدون بيها على جاذبية القمر، اثناء مرور المركبة بالقرب من القمر، فجاذبية القمر هي الّلي تخلّيه يكدر يثني مساره بأن يرجع للأرض، وهالشي عن طريق حساب مسبق من خلال قوانين كبلر بشكل خاص، وحتى قوانين نيوتن. وبالعلاقة ما بين البعد والزمن، يعني لازم توصل المركبة لنقطة معينة بالفضاء باللحظة نفسها لازم يكون القمر عند هالنقطة كذلك موجود، فيتم استخدام قانون كبلر لحساب السرعة المطلوبة بهالبعد، ونحسب الزمن الدوري T بإعتباره يمثل اكمال دورة كاملة، ومتوسط المسافة بين المركبة ومركز الارض a، وحتى السرعة نكدر نحددها من خلال هالشي لأن كلما زاد البعد، زاد الزمن الدوري، فتكون سرعة المركبة اقل كلما ابتعدت عن الارض.

بصراحة أنا بعدين يلا عرفت ان هالمقطوعة الموسيقية، بدأ ماكس ريختر العمل عليها من ٢٠٠٣، ب٢٠٠٤ اصدرها، وكان السبب متعلق بتعبير عن الحزن والعنف الّلي صار بالحروب بفترة ٢٠٠٣ وتحديدًا حرب العراق. لمّا سمعتها لأوّل مرة حسيت بعاطفة الحزن الّلي كانت بيها، هذا النوع من الحزن الّلي يكون كأنه رثاء للعالم بأكمله، فحسّيت بشعور لطيف لمّا عرفت عن هالشي للسببين.

الفيزيائي موري جيل مان، اثناء بحثه ومحاولة توسعه بنظرية الجسيمات تحت الذرية، كان اكو صوت لنطق كلمة بذهنه وهو كوارك او كورك، وما كان يعرف شلون يكتبها، بعد ما قرأ رواية يقظة فينيغان لجيمس جويس، استوقفته جملة Three quarks for Muster Mark بمعنى ثلاثة كواركات للسيد مارك، وعلى ما اعتقد هنا كان اشتقاق من كلمة Quarts الّلي هي وحدة قياس للسوائل. بعدها اختار موري جيل مان ان يكون اسم الجسيمات تحت الذرية هو quarks.

هنا اكو تلاعب ما بين الإنجليزية والألمانية، وعلى وجه الخصوص بمثل جملة wills gen wonts, معناها الإرادات ضد العادات، كلمة wonts كأنما هي كتابة للفظ كلمة wants الإنجليزية الّلي كذلك تعبر عن الرغبات والاحتياجات، وكلمة wills هي من الفعل الألماني wollen بمعنى يريد، تعبيرًا عن الإرادة، والبعض يعتقد انها مقتبسة من اسم william ويليام شكسبير، لأن جويس كان جِدًّا مهتم بشكسبير. اما كلمة gen المشتقة من كلمة gegen الألمانية والّلي تعني (ضد).

مثلًا آخذ مقتبس عشوائي من بداية الكتاب What clashes here of wills gen wonts, oystrygods gaggin fi shy- gods! Brékkek Kékkek Kékkek Kékkek! Kóax Kóax Kóax! Ualu Ualu Ualu! Quaouauh! Where the Baddelaries partisans are still out to mathmaster Malachus Micgranes and the Verdons cata- pelting the camibalistics out of the Whoyteboyce of Hoodie Head. Assiegates and boomeringstroms.

جيمس بتعبير روايته عن الاحلام كان يشوف ان بالحلم ما تكفينا لغة واحدة لوصفه، لذلك كتبها باكثر من لغة. وبشكل مو منتظم تعبيرًا عن طبيعة الاحلام.

بهذا الكتاب لجيمس جويس، جيمس مزج بلغة الكتاب، لغات كثيرة ويخلق من خلالها معاني جديدة، فتبقى قراءته صعبة، يكون بطل الرواية هو همفري شيمبدن ايرويكر، وهو بالواقع صاحب حانة لكن بالحلم، يتحول لتمثيل حدثي عن رجال كثيرين عبر التاريخ بمختلف جوانب التأريخ مثل النبي آدم، ونوح عليهم السلام، نابليون، يوليوس قيصر، القديس باتريك…إلى آخره. وكانت القصة تنتقل انتقال لحظي مثلًا وهو ظاهر بصفته كآدم، يتحول مباشرةً للظهور بشخصية نابليون وزوجته كذلك كانت نفس الشي وياها يحصل.

كنت احسد النبي سليمان (عليه السلام) بإمتلاكه هاي القدرة، وهمين كنت أفكر ان هواي من المعلومات حنعرفها لو كدرنا نتواصل مع الحيوانات وتفيدنا حتى بالفيزياء

https://youtu.be/uI4nQic6_h8?si=xP7EMKqbYRb554Lg شوفوا هذا الفيديو مثلًا ذكروا بيه احد أقمار زحل وهو قمر titan وذكروا انه قمر كبير حتى اكبر من كوكب بلوتو ويعتبر ثاني اكبر قمر بمجموعتنا الشمسية.

طبعًا أنا عرفتها من خلال ابن اختي احمد

هاي القناة على اليوتيوب تتحدث عن الكواكب والفضاء وممتعة همين ومعلوماتها صحيحة، انصح تخلّون الأطفال من اخوانكم الصغار او أطفالكم او أيّ طفل تعرفوه ان يشاهدها، جِدًّا مفيدة وممتعة.

اللهجة تعريفيًا، هي تشمل طريقة نطق الحروف، المفردات التعبيرية وكذلك نغمة الكلام، وتشكل جزء من الهوية لمّا تكون مرتبطة بالانتماء الجغرافي فقط، استبدال اللهجة بالواقع ما يُعد تطور اجتماعي اكثر من كونه تشويه جزئي لجزء من هوية الإنسان، بالنسبة اليَّ ما اشوف اكو لغة ترتقي عن لغة إلا بحالة اختيار المفردات التعبيرية عن الأمور بالبذاءة واللؤم، يعني المفردات البذيئة مثل ان شنو الّلي يخلّي اللغة الفصحى اكثر احترام ورسمية من اللهجة، وشنو الّلي يخلّي اللهجة اكثر حنية ودفء من اللغة الفصحى غير المفردات والارتباط الذاتي والجغرافي بيها، ويبقى موضوع اختيار المفردات باللهجة همين يعتمد حتى على تأريخ وظروف البيئة الجغرافية الّلي تتحدث بهاي اللهجة والفئة الّلي همين تتحدث بهاي اللهجة من منطقة جغرافية لأخرى بنفس البلاد، مثلًا اني لاحظت ان اللهجة العراقية الجنوبية لهجة قريبة هواي من الفصحى لكونهم مثلًا معتزلين جغرافيًا من اختلاط لهجتهم بلغات اخرى مثل الفارسية والتركية…إلى آخره. ولكون اغلب سكانها اصولهم من شبه الجزيرة العربية الّلي كانت بلاد فصيحة جِدًّا باللغة العربية، مثل كلمة ميّل الّلي هي اعتقد حاليًا مو هواي تستخدم بس معناها ابتعد بس يكون الابتعاد من على اتجاه معين، وبصراحة حبيت اذكر هالكلمة لأن من يوم سمعتها من شخص وعرفت ان هي فصيحة بس نغمتها تختلف بدأت ابحث بهالشي. بالتالي ماكو ايّ رقي بنبرة عن اخرى ولا طريقة كلام عن اخرى بالنسبة اليَّ الرقي الوحيد باللهجات يكون بأخلاقيات المفردات الّلي يتم اختيارها هذا الّلي يخلّي مرات كلام معين يوصف ب(كلام شارع) بغض النظر عن اللهجة الّلي كالوا بيها هالكلام.