ملاذ القلوب

ما أجمل أن تضيع قليلًا… بين حروفٍ تعرفك أكثر مما تعرف نفسك.✨

‏القُدرة على الاستغناء من الحاجات اللي اڪتسبتها مؤخرًا ؛ بَقيت أعرف أستغنى عن أي حاجة وأي حد لمُجرّد إنّي أحافظ على راحتي وعلى سلامي النفسي ، بطلت سذاجة زمان وإنّي أشحت وجود الناس وأربُط سعادتي بيهُم وأقبل بأوضاع مش منسباني لمُجرّد إن أخلّي المرڪب تمشي ، لأ أنا حاليًا عندي إستعداد أقلب المرڪب باللي فيها ولا إن حد يمس سلامي النفسي أو ييجي على ڪرامتي.🎀

لمملكتك أسوار 🏰

هتعلق قلبك بواحدة مش شايفة حلم تستحق السعي؟ هتدي أغلى ما فيك لواحدة مش مستعدة تعلن قدام الناس إنك اختيارها؟ هتستودع روحك عند قلب نسي يسجد للي خلقه؟ اللي لسه خارجة من جرح، لسه بتنزف— مش هيكون عندها دم كافي تروي وردك. اللي عادي عندها تتخطى حدود ربنا، هتكون أمينة معاك إنت؟ اللي تقلل منك أو تستهين بقيمتك، مش هتشوف فيك الكنز اللي تستحقه. واللي مخلياها قلبها استراحة مفتوحة لأي حد، ازاي هتسكنك القصر؟ اعرف إنك لما تقفل الباب على اللي مينفعش، أنت بتحمي أغلى مملكة عندك— قلبك. مش أنانية، ده حب حقيقي لذاتك، ونضج تعبت عليه السنين.

خلي أسوارك عالية، عشان اللي جواه يفضل نضيف ونقي، يستاهل اللي يدخله بجد.