dushanbepolice

Ҷаласаи Шӯрои занони милитсияи пойтахт Занон дар мақомоти милитсия ҷойгоҳи хоссаи худро дошта, ба фаъолияти самараноки онҳо аз ҷониби роҳбарияти Вазорати корҳои дохилӣ таваҷҷӯҳи хосса зоҳир мегардад. Ин аст, ки дар Раёсати ВКД дар шаҳри Душанбе низ корманд-занон дар вазифаҳои гуногуну пурмасъулият пайи иҷрои уҳдадориҳои хизматӣ фаъолияти пурсамар доранд. Бо мақсади боз ҳам баланд бардоштани донишу малакаи касбӣ, дастгириҳои иҷтимоӣ ва бартарафсозии мушкилоту норасоии фаъолияти корӣ, ҷаласаи Шӯрои занони милитсияи пойтахт баргузор гардид. Дар мулоқоти мазкур сардори Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе, Маҳмашарифзода Дилрабо Маҳмашариф, муовини сардори Раёсати ВКД дар шаҳри Душанбе, полковники милитсия Ҳабиб Сайфулло Абдулло ва ҳамаи корманд-занони милитсияи пойтахт ширкат намуданд. Зикр гардид, ки корманд-занони милитсияи пойтахт бо талошу фаъолияти касбӣ, дар рушди ҷомеаи шаҳрвандӣ, таъмини тартиботи ҷамъиятӣ, нигоҳдории волоияти қонун ва тарбияи ҳуқуқии шаҳрвандон саҳми арзишманди худро мегузоранд. Бо назардошти фаъолияти пурсамар, одобу рафтори намунавӣ ва малакаи баланди хизматӣ аз ҷониби роҳбарияти мақомоти милитсияи пойтахт як қатор корманд-занони милитсия бо туҳфаҳои хотиравӣ қадршиносӣ гардиданд. Раёсати ВКД дар шаҳри Душанбе

Сарвари давлат Эмомалӣ Раҳмон дар сохторҳои Вазорати корҳои дохилӣ таъйиноти кадрӣ ба амал оварданд 7 июн Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳои ба вазифаҳои роҳбарӣ дар Вазорати корҳои дохилӣ ва сохторҳои тобеи он таъиншударо барои суҳбат ба ҳузур пазируфтанд. Бо Амри Президенти Ҷумҳурии Тоҷикистон муҳтарам Эмомалӣ Раҳмон роҳбари Дастгоҳи Вазири корҳои дохилии Ҷумҳурии Тоҷикистон генерал-майори милитсия Ҳафиззода Шодӣ Хуршед аз вазифа озод ва ба вазифаи машваратчии Котиби Шӯрои амнияти Ҷумҳурии Тоҷикистон таъйин карда шуд. Ҳамчунин, дар мувофиқа бо Президенти Ҷумҳурии Тоҷикистон аз ҳисоби кадрҳои ҷавону варзидаи соҳа, аз он ҷумла: - генерал-майори милитсия Саидзода Шоҳрух ба вазифаи сардори РВКД дар шаҳри Душанбе; - полковники милитсия Пирзода Маҳмадсафар Қудратулло ба вазифаи сардори РВКД дар вилояти Суғд; - генерал-майори милитсия Фаттоҳзода Абдусаттор Абдуқаҳҳор ба вазифаи сардори РВКД дар минтақа ва ноҳияи Рашт; - генерал-майори милитсия Ҳамидзода Бароталӣ Партов ба вазифаи сардори Раёсати ҳифзи тартиботи ҷамъиятии Вазорати корҳои дохилии Ҷумҳурии Тоҷикистон; - полковники милитсия Баротзода Тоҳир Барот ба вазифаи сардори Раёсати кофтукови ҷиноятии Вазорати корҳои дохилии Ҷумҳурии Тоҷикистон; - генерал-майори милитсия Азизулозода Сафиало Азизуло ба вазифаи Ҳамоҳангсози миллӣ оид ба ислоҳоти милитсияи Вазорати корҳои дохилии Ҷумҳурии Тоҷикистон; - полковники милитсия Алихон Рустам ба вазифаи сардори Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистон; - Шайдуллозода Ҷамшед Мирзо ба вазифаи сардори Раёсати алоқаи Вазорати корҳои дохилии Ҷумҳурии Тоҷикистон; - генерал-майори милитсия Шарифзода Файзалӣ Раҳмоналӣ ба вазифаи намояндаи ваколатдор дар Бюрои ҳамоҳангсозии мубориза бар зидди ҷиноятҳои муташаккил ва дигар намуди ҷиноятҳои хавфнок дар ҳудуди ИДМ аз Вазорати корҳои дохилии Ҷумҳурии Тоҷикистон; - генерал-майори милитсия Рамазонзода Суҳроб Кароматулло ба вазифаи сардори ШВКД дар ноҳияи Хуросон; - полковники милитсия Хайруллозода Муҳриддин Хайрулло ба вазифаи сардори ШВКД-1 дар ноҳияи Фирдавсӣ; - полковники милитсия Назарзода Икромҷон Ҳурматулло ба вазифаи сардори ШВКД-2 дар ноҳияи Фирдавсӣ; - подполковники милитсия Ҳайдарзода Суҳроб Насруддин ба вазифаи сардори ШВКД-1 дар ноҳияи Сино; - полковники милитсия Раҳматзода Иззат Нусрат ба вазифаи сардори ШВКД-2 дар ноҳияи Сино; - полковники милитсия Истамзода Машраф Истамӣ ба вазифаи сардори ШВКД дар ноҳияи Вахш; - полковники милитсия Файзуллозода Илҳом Файзулло ба вазифаи сардори ШВКД дар шаҳри Роғун; - майори милитсия Ниёззода Саидмақсуд Сайдамир ба вазифаи сардори ШВКД дар ноҳияи Куҳистони Мастчоҳ; - подполковники милитсия Азиззода Авазхон Зайдулло ба вазифаи сардори ШВКД дар шаҳри Хуҷанд; - подполковники милитсия Чиллазода Вафо Ҷурахон ба вазифаи сардори ШВКД дар ноҳияи Шаҳринав; - полковники милитсия Одиназода Саидаҳтам Сироҷ ба вазифаи сардори ШВКД дар шаҳри Ҳисор; - полковники милитсия Зуҳурзода Шамсиддин Боймурод ба вазифаи сардори ШВКД дар ноҳияи Дарвоз; - подполковники милитсия Шамсуллозода Баҳром Салом ба вазифаи сардори ШВКД дар ноҳияи Панҷ; - полковники милитсия Талбакзода Анвар Талбак ба вазифаи сардори ШВКД дар шаҳри Норак; - подполковники милитсия Алиматзода Шероз Шавкат ба вазифаи сардори ШВКД дар шаҳри Истиқлол; - подполковники милитсия Ҷабборзода Абдулло Қодир ба вазифаи сардори ШВКД дар ноҳияи Қубодиён; - полковники милитсия Шарифзода Аҳлиддин Ҳомуддин ба вазифаи сардори ШВКД дар ноҳияи Ҷайҳун; - полковники милитсия Ҷаборзода Илҳом Саттор ба вазифаи сардори ШВКД дар ноҳияи Файзобод; - подполковники милитсия Аҳмадзода Қобил Шуҳрат ба вазифаи сардори ШВКД дар ноҳияи Деваштиҷ таъин гардиданд. Сарвари давлат муҳтарам Эмомалӣ Раҳмон кадрҳои ба вазифаҳои пурмасъулият таъиншударо ба кору хизмати содиқонаю софдилона ба Ватан ва мардуми кишвар ҳидоят намуда, доир ба мубориза бо ҷинояткорӣ, бахусус, терроризму ифротароӣ, қочоқи маводи мухаддир ва дигар ҷиноятҳои муташаккилона, ҳифзи оромию субот дар ҷомеа ва таъмини волоияти қонун вазифаҳои мушаххас гузоштанд.

Бо ёдоварӣ аз вазъи зудтағйирёбанда ва пешгӯинашавандаи минтақа ва ҷаҳон таъкид гардид, ки иҷрои вазифаҳои мақомоти ҳифзи ҳуқуқу тартибот аз ҳар як корманди соҳа ва бахусус, ҳайати роҳбарикунандаи Вазорати корҳои дохилӣ, ҳушёрию зиракии доимӣ ва ҳисси баланди масъулиятшиносиро тақозо менамояд. “Донистани забонҳои хориҷӣ, бо назардошти таҳдидҳои замони муосир истифода аз технологияҳои рақамӣ, такмили донишу маҳорати касбӣ, омодагии ҷисмонӣ, интихоб ва таъини кадрҳои дорои савияи донишу малакаи баланди касбӣ аз вазифаҳои асосии ҳар як роҳбари воҳидҳои сохтории вазорат ба ҳисоб мераванд”, — таъкид намуданд Сарвари давлат. Бобати таъмини иҷрои вазифаҳои хизматӣ дар доираи Низомнома ва санадҳои меъёриву ҳуқуқии танзимкунандаи соҳа ва муборизаи беамон бо коррупсия дар тамоми сохторҳои вазорат аз дастурҳои Пешвои миллат буданд, ки зимни суҳбат ироа гардид.

Мулоқоти навбатӣ бо сокинону фаъолони ноҳияи Шаҳринав Имрӯз дар бинои Мақомоти иҷроияи ҳокимияти давлатии ноҳияи Шаҳринав бо иштироки муовини Раиси шаҳри Душанбе Дилбар Одилзода, сардори Раёсати ВКД дар шаҳри Душанбе генерал-майори милитсия Ҳамидзода Бароталӣ Партов ва намояндагони дигар сохторҳои ҳифзи ҳуқуқи пойтахт, бо сокинону фаъолон, кормандони бахшҳои маориф, тандурустӣ, ҷавонон, эмомхатибони масҷидҳои ҷомеъ ва дигар сохторҳои ноҳияи мазкур мулоқоти судманд баргузор гардид. Ширкаткунандагон зимни баромадҳои худ оид ба тарғиби тарзи ҳаёти солим, нигоҳдории урфу одатҳои миллӣ, саҳм гузоштан дар пешрафту тараққиёти кишварамон, таълиму тарбияи наврасон, риояи ҳамаҷонибаи талабот ва меъёрҳои қонунҳои амалкунанда, дар рӯҳияи Ватандорӣ ва арҷ гузоштан ба арзишҳои миллию фарҳангӣ  тарбия намудани наврасон ва дигар масъалаҳои муҳим суханронӣ намуданд. Ҳамзамон аз пешрафту шукуфоии пойтахти кишвар, шаҳри Душанбе андешаронӣ карда шуда, таъкид гардид, ки пойтахти ҳар давлат оинаи он ба шумор меравад. Аз ин лиҳоз, риояи одоби шаҳрдорӣ ва тозаву озода нигоҳ доштани он вазифаи шаҳрвандии ҳар як сокину меҳмони он ба ҳисоб меравад.   Дар идомаи мулоқот ҳамзамон таъкид гардид, ки ҳар як шаҳрванди соҳибхираду бофарҳанги тоҷик бо дарки масъулияти баланд дар осудагиву оромии кишвари маҳбубамон бо амалҳои неку фарҳанги баланд бояд саҳмгузор бошанд.    Раёсати ВКД дар шаҳри Душанбе

Сӯхтор Санаи 5-уми июни соли ҷорӣ, тақрибан соати 19:40 дақиқа, дар ошёнаи 17-уми бинои истиқоматӣ, воқеъ дар хиёбони Сино-48, ҳуҷраи 118, ҳангоми фаъол будани ҳавосардкунак ва ҳузур надоштани соҳибхона сӯхтор ба амал омад. Кормандони сухторхомӯшкунӣ дарҳол ба ҷойи ҳодиса ҳозир гардида, хатари паҳншавии сухтор пешгирӣ ва пурра хомӯш карда шуд. Дар натиҷаи ин ҳодисаи нохуш ягон нафар зарар надидааст. Оид ба ҳодисаи мазкур маводҳои зарурӣ тартиб дода шуда, мавриди таҳқиқ карор дорад. Раёсати ВКД дар шаҳри Душанбе

Диққат!  Эҳтиёт бошед, ба доми қаллобони интернетӣ наафтед!   Пешрафту тараққиёти илму техника, махсусан рушди бесобиқа пайдо намудани зеҳни сунъӣ (искусственный интеллект) дар баробари осон намудани баъзе аз фаъолиятҳои инсон, ҳамзамон василае барои амалисозии ҳадафҳои ҷиноятии афроди қаллобу мардумфиреб табдил ёфтааст. Мутаассифона чунин имкониятҳои илми муосирро ҷинояткорони интернетӣ моҳирона истифода намуда, садо ва симои роҳбарони воломақоми Ҷумҳурии Тоҷикистон ва шахсони машҳуру шинохтаро бо истифода аз зеҳни сунъӣ сохтакорӣ намуда, ҳар гуна эълону хабарҳои бардурӯғ паҳн карда истодаанд. Чуноне аз таҳлилҳо бармеоянд аксари қаллобони интернетӣ бо ваъдаи дар муддати кутоҳ соҳиб гаштани маблағҳои калон ва чанд баробар зиёд намудани маблағи сармоягузоришуда, ба боварии шаҳрвандон даромада, баръакс маблағҳои гуногуни шаҳрвандонро тасарруф намудаанд. Гарчанде борҳо мақомоти ҳифзи ҳуқуқ шаҳрвандонро огоҳ намуда бошанд, ҳам мутасссифона баъзе аз шаҳрвандон ба доми чунин қаллобон афтида, маблағҳои худро аз даст додаанд. Аз ҷумла, чандест тавассути шабакаҳои иҷтимоӣ, аз ҷониби ҷинояткорони интернетӣ, хабари бардуруғе аз номи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ паҳн гардида, шаҳрвандонро ба гумроҳӣ бурда истодаанд. Мақомоти милитсияи шаҳри Душанбе расман ба иттилои шаҳрвандон мерасонад, ки ба ҳар гуна эълону хабарҳои бардурӯғ бовар накунанд. Ҳамзамон шаҳрвандон ба таври қатъӣ таъкид карда мешаванд, ки бо дидани чунин эълонҳои бардурӯғ вориди суроғаҳои (ссылка) чунин сомонаҳои шубҳанок нагарданд. Зеро, чунин суроғаҳо (ссылка) ҳамчун василаи рахнасозии саҳифаҳои интернетии шахсии шаҳрвандон пешбинӣ гардидааст. Бо ин роҳ ҷинояткорони интернетӣ метавонанд махзани телефони мобилии шаҳрвандонро рахна (взломать) сохта, маълумотҳои шахсӣ ва рамзҳои ҳамёни электрониро ба дасти худ гиранд. Ҳамзамон дар баробари тасарруф намудани маблағҳои Шумо, ичунин маълумотҳои шахсиро минбаъд бо мақсади тамаъҷӯӣ истифода намоянд. Вобаста ба ин шаҳрвандон бори дигар огоҳ карда мешаванд, ки ҳангоми истифодаи интернет аз шабакаҳои иҷтимоӣ мақсаднок истифода намоянд, то ин ки ба доми афроди қаллоб гирифтор нашаванд.  Раёсати ВКД дар шаҳри Душанбе