dushanbepolice

Монеагӣ ба ҳаракати нақлиёт боиси сар задани ҷинояти авбошӣ гардид Аз ҷониби кормандони милитсия пойтахт, барои вайрон намудани тартиботи ҷамъиятӣ, шаҳрванд Пиров Раҳматуло Нуралиевич, санаи таваллудаш 29.03.2000, сокини ноияи Рӯдакӣ-ронандаи воситаи нақлиёти тамғаи «Хундай», рақамҳои қайди давалатиаш 2420МР01 ва шаҳрванд Қадамов Фирӯз Тоғоймуродович, санаи таваллудаш 08.08.1991, сокини ноҳияи Ҳамадонӣ дастгир карда шуданд. Номбурдагон, санаи 17-уми майи соли ҷорӣ, тақрибан соати 14:30 дақиқа, дар кӯчаи С.Шерозӣ назди бинои «Шарқи озод», зимни идораи воситаи нақлиёт ба ҳамдигар монеагӣ эҷод намуда, боиси халалдор гаштани ҳаракати нақлиёти ҳамдигар шудаанд. Дар натиҷа, мушкилоти ночизеро бо ҳамдигарфаҳмӣ ҳал карда натавониста, воситаҳои нақлиётро дар байни роҳи мошингард таваққуф намуда, бо ҳамдигар муноқиша кардаанд. Ҳар ду бо ин амали худ тартиботи ҷамъиятиро дағалона вайрон намуда, боиси ба вуҷуд омадани тамбашавии дигар воситаҳои нақлиёт гардидаанд. Ҳамзамон навори муноқишаи мазкур дар шабакаҳои иҷтимоӣ низ нашр гардида, вокунишҳои манфии шаҳрвандонро ба миён овардааст. Вобаста ба ин ҳолат нисбати Қадамов Фирӯз ва Пиров Раҳматулло маводҳои зарурӣ тартиб дода шуда, барои оғоз намудани парвандаи ҷиноятӣ тибқи талаботи моддаи 237 Кодекси ҷиноятии Ҷумҳурии Тоҷикистон мавриди тафтишоти пешакӣ қарор дорад. Раёсати ВКД дар шаҳри Душанбе

Шакли пурраи барномаи навбатии Ахбори ВКД дар ин саҳифа 👇👇 https://t.me/akhbor_vkd_tj https://t.me/akhbor_vkd_tj

Боздошти ду наврас барои дар ҳолати мастӣ вайрон намудани тартиботи ҷамъиятӣ   Санаи 13-уми майи соли ҷорӣ, тақрибан соати 21:00, як нафар ҷавондухтари сокини шаҳри Душанбе, тавассути суроғаи электронӣ ба мақомоти милитсияи пойтахт дар он хусус муроҷиат намуд, ки дар кӯчаи Н.Муҳаммад, назди собиқ бозори «Шоҳмансур», ду ҷавонписар ӯро дашному ҳақоратҳои қабеҳ намуда, шаъну шарафи ӯро паст задаанд. Дар натиҷа, бо гузашти ҳамагӣ чанд соат аз ҷониби кормандони милитсия ҷавонони гумонбар муайян ва дастгир карда шуда, ба Шуъбаи корҳои дохилӣ дастрас карда шуданд. Зимни санҷиш муайян гардид, ки инҳо шаҳрвандон Маҳмадуллозода Абубакр, санаи таваллудаш 11.12.2004 ва ноболиғ Ғоибов А. мебошанд. Дастгиршуда Маҳмадуллозода Абубакр дар ҳолати мастӣ қарор дошта, дар макони ҷамъиятӣ нисбати ҷавондухтари муроҷиаткунанда чунин амали зиштро раво дидааст.  Вобаста ба ҳолати мазкур, нисбати Маҳмадуллозода Абубакр тибқи талаботи моддаи 463 Кодекси ҳуқуқвайронкунии маъмурии Ҷумҳурии Тоҷикистон, барои дар ҷойҳои ҷамъиятӣ нӯшидани машруботи спиртӣ, протоколи маъмурӣ тартиб дода шуда, ҷаримабандӣ карда шуд. Ҳамзамон барои дағалона вайрон намудани тартиботи ҷамъиятӣ нисбати номбурда тибқи талаботи моддаи 460 (майдаавбошӣ) ва  нисбати волидайни ноболиғ Ғоибов А. тибқи талаботи моддаи 90 Кодекси ҳуқуқвайронкунии маъмурии Ҷумҳурии Тоҷикистон протоколҳои маъмурӣ тартиб дода шуда, барои андешидани чораҳои дахлдори қонунӣ ба Суд ирсол карда шуданд. Раёсати ВКД дар шаҳри Душанбе

Аз ҷониби кормандони Раёсати ВКД дар шаҳри Душанбе, Аҳмадов Иброҳим директори ҶДММ "Даври истиқлол" барои мардумфиребӣ дастгир гардид. Номбурда аз шаҳрвандон бо ваъдаи ба кишварҳои Аврупоӣ барои ба муҳоҷирати меҳнатӣ бурдан, маблағҳои гуногун талаб карда гирифта, онҳоро фиреб додааст.

Аз ин саҳифа Шумо метавонед аз тамошои манзараҳои зебову нотакрори Тоҷикистон лаззат баред.👇👇👇👇👇 https://t.me/tajikistan_my_country

Эълон! Ба диққати ҳаводорони гӯштини миллӣ! 26-уми майи соли 2024 Мусобиқаи умумиҷумҳуриявии гӯштини миллӣ бо иқдом ва ташаббуси мақомоти иҷроияи ҳокимияти давлатии ноҳияи Ховалинги вилояти Хатлон ва соҳибкорони ватанӣ, дар ноҳияи Ховалинг баргузор мегардад. Ба ғолибон дар маросими тантанавӣ тӯҳфаҳои қимматнок ва маблағҳои пулӣ тақдим карда мешавад. Хоҳишмандон ва варзишгарон метавонанд дар мусобиқаи мазкур иштирок намоянд.

Шакли пурраи барномаи навбатии Ахбори ВКД дар ин саҳифа 👇👇 https://t.me/akhbor_vkd_tj

Боздошти ронандаи дағалгуфтор Дар асоси навори дар шабакаҳои иҷтимоӣ нашр гардида, аз ҷониби кормандони милитсия шаҳрванд Юлдашов Маъмур Мадаминович, санаи таваллудаш 14.03.1997, истиқоматкунандаи шаҳри Душанбе, кӯчаи Нахимов, ки ронандаи автомашинаи тамғаи "Мерседес спринтер", рақамҳои қайди давлатиаш 3061ТТ09 мебошад, дастгир карда шуд. Зимни санҷиш муайян гардид, ки номбурда расман дар ККВД "АВТОБУС-3" ҳамчун ронандаи мусофирбар ба қайд гирифта шудааст. Аммо худсарона хатсайри худро иваз намуда, дар хатсайри 19 ба фаолияти мусофирбарӣ машғул гардидааст. Аз ҷумла, санаи 8-уми майи соли ҷорӣ, зимни фаъолияти мусофиркашонӣ бо шаҳрвандон дағалона рафтор намуда, тартиботи ҷамъиятиро вайрон намудааст. Вобаста ба ҳолати мазкур нисбати ронанда-Юлдашов Маъмур, маводҳои зарурӣ тартиб дода шуда, тибқи талаботи моддаи 460 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, барои андешидани чораҳои дахлдори қонунӣ, ба Суд ирсол карда шуд. Раёсати ВКД дар шаҳри Душанбе