Dunida Caashaqa💝💯

"Indhahaygu waxa ay iga baryayaan in aan seexdo se waxa aan ku xayiranahay dagaalka aamusan ee u dhexeeya maskaxdayda iyo qalbigayga” Turjumid. -Axmed keysar. "Nafbaan isla doonaayaa Is diido dhexdeeda taal." Abu hadra.

Xidhiidhku waa siyaasad laba qof  ay maamulaan, waa inaad khiyaanto qofkaa haddii aadan khiyaamin adiga ayaa lagu khiyaamayaa. Dabcan danbina maaha ee waa gaabis kugu yimaadday hadday dhacdo. Waxkale waynu garan waynay.💔🎬

Kala dheeraanshuhu wuu dhammaan doonaa, maalin ayaanan laabta ku galin doonaa.🫂❤️🖇

Muxuu jacaylkaygu ka micno leeyahay haddii uu joojin waayay tagitaankaaga? Saw kuguma filaan waayin waxwalba oo ayna qayrkaa helin.💔

Wuxuu yidhi: Seexo oo u seexo si inaan cidi kusugayn, soco oo u soco si aanad cidnawaxba ka haysan, cun oo u cun si ayna jirin cid oonta kaaga soontay, nooloow nolol aanad cidna farxad kala maqnayn, xanuunku aniga ha ila joogo inta hore inta danbana isla aniga ayaa kaa dulqaadaye ha ila joogo adigu waxba ha mudan. Sidaas ooy tahayna nabsi kulama jirayo mana rabo.🌒

Indhuhu waa xubin jidhkeena kamida mararka qaar ayaynu ku aragnaa qofkeena oo qaldan se dhalanteed waxa ka dhiga qalbigeena iyo jacaylka aan u qabno. Danbigaas indhaha loo qaban maayo qalbiguna wa cafis inta uu ka baqanayo inuu kuwaydiiyo qaladkaaga. Aniga iyo xubnahayguna waxan isku si u addeecsanahay jacaylkaaga.❤️

“You say you love rain, but you use an umbrella to walk under it. You say you love sun, but you seek shelter when it is shining. You say you love wind, but when it comes you close your windows. So that's why I'm scared when you say you love me.” ― Bob Marely

Ad adkaantu waxay leedahay dheef wayn oo qurxisa qofnimada shaqsiga, inaad shaqadaada ku adkaataa waxay dhashaa helidda waxaad manfacsato, halka ay shaqo wanaaggaagu uu dhali karo inaad dallacdo oo aad hesho martabadda xigta—dallacsiin. Bulshada aad ku dhax xammaalato waa markhaati kaliya oo caddeeya qofnimadaada iyo qiimahaaga saxda ee aad laleedahay dadkaaga. Qof ay dan kaasoo gashay mooyee qofkalana ma canbiri karo dadnimadaada iyo inta aad gobonimo leedahay. Ahaw shaqaale si uu u farxo, u noolaado, cidna uuna waxba u daba fadhiisan, balse ha u noqon shaqaale si— aad xammaal u sii ahaato ood kusii shaqayso muddo. Tartanka maskaxdu maaha wax fudud haddii ayna hagaajin karin baddalidda qaabkaagii shalay. —Summaddaadu waa xornimo wakhtigaaga ah ee maaha cabsida iyo wal-walka aad ka qabto timaaddo kasta iyo maalinkasta u xaadirista dhawrtada aad yoomkaa quudato ama aad iskaga dabbarto waxa ay dharaarahaasi kugu soo qaddimi doonaan ee baahi iyo barasho ba leh. Subax iyo galab iska daba wareeggoodu waxa uu innoo yahay xanuun, fikir, walaac se marka aad hesho baddalka saacadihii aad kiraysay ilayn wakhti lama iibiyee ayaad u dhoolla caddaynaysaa si ay kaaga buuxiso intaas yari dalool iyo meel oof wayn kugu haysay. Farxaddu waa inaad dhidido si uu dhididkaasi ugu qalmo qalinkaaga iyo maskaxdaada. Salaam dhalinyarada u xammaalata si ay qodob ugu rumeeyaan waxbarasho ama nolol kale. ____:Shabcaan.

MUCJISADA MAANSADA HADRAAWI (AHUN) Eebe (SW) waxa uu suugaanleyda (Shucarada) kaga hadlay Qur'aanka, isaga oo ugu magac daray suurad dhan (Surah Ash-Shu'ara). Wuxuuna ku sheegay inay ku jiraan hawraarleyda kuwo rumeeyey Rabbi, isla markaana camal wanaagsan sameeyey, xuskiisana Badiyey, kuwaas oo dulmiga kaga hortaga hal-abuurkooda (Diinta ugu hiiliya). إِلَّا ٱلَّذِينَ ءَامَنُوا۟ وَعَمِلُوا۟ ٱلصَّـٰلِحَـٰتِ وَذَكَرُوا۟ ٱللَّهَ كَثِيرًۭا وَٱنتَصَرُوا۟ مِنۢ بَعْدِ مَا ظُلِمُوا۟ ۗ Ergaygii (Rasuulkii) Eebena (Scw) waxa uu xadiis laga Soo weriyey Ku yidhi «إنَّ من الشِّعرِ لحكمةً» " Suugaanleyda waxa u sugnaatay Xikmad" Nebigu (NNKH) waxa uu lahaa Abwaanno ugu hiiliya maansadooda isla markaana kaga difaaca eedaha iyo aflagaadada ay usoo jeediyaan kuwa gaaladu. Abwaannada sida wayn u difaaci jiray Suubanaheenna waxa ka mid ahaa Xasaan Ibnu Saabit oo qaatay naanaysta ah "Gabyaagii Rasuulka" Marka aan Intaas kaga nimaadno kor ka xaadiska guud ee Af-suugaaneedka iyo xidhiidhka teeda wanaagsani ay la leedahay Diinta Islaamka, kol kasta oo aad u fiirsato, faaqiddo isla markaana falkiso, firka iyo fogaan aragga erey curinta maanso-yahanka Soomaaliyeed qaarkood, waxa kaaga Soo baxaya meerisyo maanka iyo maskaxdaadaba ku abuuraya cajab iyo cajiib! Hadraawina waxa uu kaalmaha hore kaga Jiraa, haddaanuba ahayn ka ugu horreeya hal-abuurka Soomaalida ee dhismaha iyo dhidibka tixdiisu ay ashqaraar iyo amankaagba kugu ridayso. Quruxda erey muceedkeeda, guro fogaanta murtida iyo macno waynaanta hab-dhiska hawraartiisa Marka laga yimaaddo waxa ay lasii gaar tahay maansadiisu, sida ay qotonka iyo salka ugu hayso dalaa'ilka iyo dabuubta Eebe. Waxa aad ka dhex arkaysaa sida uu Hadraawi markii dambe aragtida iyo awoodiisaba ugu sidkay xuska iyo xaqiiqada Mawle. Odhaahda qoraalkayganna waxa daliil u ah meeris maanseedkiisa ku Jira tixda "Daba-huwan" ee uu leeyahay; "Dagaal xaqa baan rabaa Deeqdaada inaan ku helo" Innaga oo tan ka duuleyna isla markaana ka shiidaal qaadanaynna, waxay halkan mar kale ku ablo ablaynaynaa isla markaana ku lafo guraynaa meerisyo ka mid ah Suugaanta Hadraawi ee uu dhismaha iyo dhidibkooda ka Soo qaatay aayado Qur'aan ah. "Qofaad shar u diidan tahay U doortay si khayr ku jiro Ayaa misna kuugu Duda Waxaad uga daacad tahay" وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ "Cadceedu dorraad ma dhalan Kulkeeda dawaa ku shuban If keeda Run baa ku duxan Dayuxu marin buu hayaa Xil loo diray buu hayaa Daw buu ku aroorsanyahay Dilluu ku hoggaansanyahay" هُوَ الَّذِي جَعَلَ الشَّمْسَ ضِيَاءً وَالْقَمَرَ نُورًا وَقَدَّرَهُ مَنَازِلَ لِتَعْلَمُوا عَدَدَ السِّنِينَ وَالْحِسَابَ ۚ مَا خَلَقَ اللَّهُ ذَٰلِكَ إِلَّا بِالْحَقِّ ۚ يُفَصِّلُ الْآيَاتِ لِقَوْمٍ يَعْلَمُونَ Naftiisa qofkii dulmiyey Dayrkaaga rabbow ka baxay Muxuu halis daaqayaa. وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا. Addoonku Rabbow ma dayo Deeqdaada intuu hantiyo Duntii maqan buu tebaa Wax uu degdeg kaaga filay Haddaanay ku soo dul quban Cadhuu la dakaamayaa Dibnuhu baryaday karaan Daryeel kama mahad ceshaan Jiilaal la darbbaysanyahay Diihaal iyo gaajo kulul Haddii beri roob ka da’o Qof doogey markaas illow Siduu u ducayn yiqiin Xusuusba ka sii durduri وَإِذَا مَسَّ الْإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَىٰ ضُرٍّ مَّسَّهُ ۚ كَذَٰلِكَ زُيِّنَ لِلْمُسْرِفِينَ مَا كَانُوا يَعْمَلُونَ "Daalaa dhacu waw astaan Waxaan dalab waayi karin Intuu dadba kow ka yahay" إِنَّ الْإِنسَانَ خُلِقَ هَلُوعًا﴾ "Lammaanahan laysku daray Hadday is daboolayaan Ilaah dejiyaan maqnayn" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ "Ta doora Rabbaa yaqaan" وَاللَّهُ يَعْلَمُ وَأَنتُمْ لَا تَعْلَمُونَ F:G. Wixii aan saxay Eebe xaggiisa ayay ka sugnaadeen, wixii aan khaldayna waa aniga xagayga iyo shaydaan, oo wakii Hadraawi yidhi isagoo ka hadlayaa daciifnimda Aadamaha;

"Wixii hadhay baa dellegan Daalaa dhacu waw astaan Waxaan doqoniimo badan Intuu dadba kow ka yahay Waxaan Dalab waayi karin Intuu durey hoog ku yahay" W/Q: Axmed Ceergaabo