Pulli Gap

💸 Kontraktda o‘qish endi muammo emas! Aksariyat banklar imtiyozli ta’lim krediti ajratishni boshladi. Ushbu kreditni o‘qishni tamomlab, 7-oydan boshlabgina to‘lashni boshlaysiz. Batafsil o‘qish uchun 👇

“Moliyaviy yostiqcha” — bu ko‘zda tutilmagan vaziyatlar uchun ajratilgan pul. Ya’ni, u to‘satdan daromad manbaingizni yo‘qotib qo‘ysangiz, ma’lum muddat davomida kundalik xarajatlaringizni qoplovchi summa. Bu summa qancha bo‘lishi kerak? Buni bilish uchun o‘rtacha bir oylik xarajatlaringizni hisoblang. So‘ngra ularni 3 oydan 6 oygacha bo‘lgan songa ko‘paytiring. Natija esa sizning “moliyaviy yostiqcha”ngizda bo‘lishi kerak bo‘lgan summa hisoblanadi. Shuning uchun ham har bir oila yoki shaxs uchun “moliyaviy yostiqcha” miqdori turli xil bo‘ladi. Telegram • Instagram • YouTube • TikTok

Jamoamiz bilan aholining moliyaviy savodxonlik darajasini tekshirishga harakat qildik. Xo'sh, siz nechta savolimizga javob bera olgan bo'lardingiz?) Telegram • Instagram • YouTube • TikTok

Emitent nima? Emitent — o‘z faoliyatini rivojlantirish va moliyalashtirish uchun qimmatli qog‘ozlarni chiqaradigan (emissiya qiladigan) kompaniya yoki tashkilot. Agarda emitentlar belgilangan foiz evaziga investorlardan qarz olmoqchi boʻlsa, obligatsiyalar koʻrinishidagi qimmatli qogʻozlarni chiqaradi. Shuningdek, emitent investorlarga kompaniya egasi yoki ulushdori, aksiyadori boʻlishni ham taklif qilishi mumkin. Bunda ular xaridorlarga kompaniya foydasidan bir ulush olish va ayrim hollarda uni boshqarishda ishtirok etish huquqini beruvchi aksiyalarni chiqaradi. O’zbekistonda 2023-yilning birinchi chorak yakunlariga ko’ra, 112 ta emitentning qimmatli qog’ozlari mavjud. Telegram • Instagram • YouTube • TikTok

O‘zbekistondagi qaysi banklar imtiyozli ta’lim kreditlari ajratyotganidan xabardormisiz? Bugun sizlarga shu haqida ma’lumot beramiz. Mamlakatimizdagi aksariyat banklar imtiyozli ta’lim kreditlari ajratishni boshladi. Ular quyidagilar: ● Ipoteka-bank; ● Xalq banki; ● MKBank; ● Asakabank; ● Agrobank; ● SQB; ● Turonbank. Tez orada qolgan banklar ham ushbu turdagi kreditlarni ajratishni boshlashi kutilmoqda. Ta’lim kreditlari O‘zbekistondagi barcha oliy ta’lim muassasalari (davlat, nodavlat va xorijiy)ning talabalariga beriladi. Lekin “superkontrakt” asosida o‘qishga qabul qilinganlarga kredit ajratilmaydi. Ta’lim kreditlari Markaziy bankning asosiy stavkasi asosida (ayni vaqtda 14 foiz) hisoblanadi. Talaba qizlar uchun esa imtiyozli ta’lim kreditlari ajratiladi. Bunda kreditning foizi davlat tomonidan qoplab beriladi. Imtiyozli ta’lim krediti rasmiy o‘qish tugagandan keyin 7-oydan boshlab 7 yil muddatga ajratiladi. Masalan, talaba 1-kurs bo‘lsa, 11 yilu 7 oy ichida kreditni to‘lashi mumkin. Ta’lim krediti haqida batafsil ma’lumotga ega bo‘lish uchun videomizni tomosha qiling. Ma’lumotlarimiz foydali bo‘lgan bo‘lsa, ularni do‘stlaringizga ham ulashing. Bu bizni ruhlantiradi!) Telegram • Instagram • YouTube • TikTok

Xabaringiz bor, yakuniy test natijalari (mandat) e’lon qilindi! Kontrakt asosida o‘qishga kirib, endi qanday o‘qiyman deb o‘ylanyapsizmi? Endilikda bu muammo emas. Sizga ta’lim krediti yordam beradi. Xo‘sh, uni qanday qilib olish mumkin? Bugungi videomiz shu haqida) Telegram • Instagram • YouTube • TikTok

Naqd pul yoki bank kartalari — to‘lovlarni amalga oshirish uchun qay biridan ko‘proq foydalanasiz? Telegram • Instagram • YouTube • TikTok

Biroz yirtilgan, shikastlangan valyutangizni bankda almashtirish jarayonida qo‘shimcha to‘lov qilishingizga to‘g‘ri kelganmi? Nega bunday bo‘lganiga qiziqib ko‘rganmisiz? Bugun shu savolga javob topishga urinib ko‘ramiz. Shikastlangan valyutani qabul qilish jarayonida banklar tomonidan komission to‘lovlar undirilishi mumkin. Bu odatiy holat, chunki banklarning ma’lum xarajatlari mavjud. Banklarda ko‘p miqdorda eskirgan, shikastlangan valyutalar yig‘ilganda, bank ushbu valyutalarni yangisiga almashtirishga to‘g‘ri keladi. Bunda, quyidagi xarajatlar mavjud: 1 — yangi valyutani yetkazib beruvchi bankning xizmat haqi; 2 — bojxona xarajatlari uchun to‘lovlar; 3 — transport xarajatlari; 4 — vakil chet el bankining xizmat haqi. Shu tufayli ham shikastlangan valyutangizni qabul qilish jarayonida sizdan komission to‘lovlar undiriladi. Ushbu to‘lovlarning miqdori valyutaning shikastlanganlik darajasiga qarab, uning 3 foizidan 5 foizigacha bo‘lishi mumkin. Telegram • Instagram • YouTube • TikTok

Shuningdek: — sotib olinadigan kvartiraning qiymati ipoteka kreditining eng koʻp miqdoridan oshib ketgan taqdirda, qiymatning qolgan qismi qarz oluvchi tomonidan oʻz mablagʻlari va qonun hujjatlarida taqiqlanmagan boshqa manbalar hisobidan toʻlanadi; — Markaziy bankining asosiy stavkasi pasaytirilgan taqdirda, ipoteka kreditlari boʻyicha foizlar mutanosib ravishda kamayadi, oshirilgan taqdirda esa oʻzgarishsiz qoladi.

Uzoq vaqtdan beri shaxsiy uyingizni sotib olishni xohlaysiz-u, unga yetarli pul jamg‘ara olmaysizmi? Bu holatda ipoteka kreditlari yordamga kelishi mumkin. Xo'sh, qanday qilib ipoteka kreditlarini olish mumkin? Telegram • Instagram • YouTube • TikTok

Subsidiya — bu pulmi? Subsidiya — aholiga davlat tomonidan beriladigan yordam. U ipoteka krediti orqali uy sotib olishda boshlang‘ich badal yoki kredit foiz to‘lovlarining bir qismini qoplab berish maqsadida davlat budjetidan ajratiladigan mablag‘. Ipoteka krediti uchun subsidiya olsangiz, bu mablag‘larni davlatga qaytarib berishingiz shart emas. Qonunchilikka koʻra, subsidiyalar uy-joyga muhtoj fuqarolarni aniqlashning ijtimoiy mezonlariga asosan 30 va undan yuqori ball toʻplaganlarga ajratiladi. Misol uchun, kam taʼminlangan oilalar, ijtimoiy faol yoshlar, chekka hududlarda ishlash uchun boshqa hududdan kelgan oliy maʼlumotli mutaxassislar va tibbiyot xodimlarining arizalari yuqoriroq baholanadi. Telegram • Instagram • YouTube • TikTok

MasterCard kartalari — xalqaro to‘lov tizimlarida qo‘llaniladigan karta hisoblanadi. Bugun O‘zbekistonda ushbu kartalarni ochish jarayoni haqida gaplashamiz) Telegram • Instagram • YouTube • TikTok

So‘m va AQSh dollardagi omonatdan keladigan daromadlarning farqini bilasizmi? Bugun ularni o‘rganib chiqamiz) Ma’lumki, valyuta turiga qarab yillik foiz stavkalar farqlanadi. Amaliyotda, so‘mdagi omonat foiz stavkalari AQSh dollariga nisbatan bir muncha yuqoriroq. Masalan, sizda 10 mln so‘m bor va “X-bank”ka oddiy foizlarda hisoblanadigan omonat qo‘yishga qaror qildingiz, ammo qaysi valyutada omonat ochishni bilmayapsiz. Dollardagi omonat Tasavvur qilaylik, 2022-yilning 15-avgustida so‘mdagi mablag‘ingizni AQSh dollariga ayirboshladingiz. O‘sha kuni rasmiy dollar kursi 10 911,01 so‘mni tashkil etgan. Shunda 10 mln so‘mingiz qariyb 916,50 AQSh dollariga teng bo‘lgan. Hozirda, xorijiy valyutadagi omonatlarning o‘rtacha foizi — yillik 5 foiz. Agar siz ushbu mablag‘ingizni 1 yil muddatga AQSh dollarida omonatga qo‘ysangiz, bir yildan so‘ng taxminan 962,33 dollar olasiz. Shunday qilib, siz 45,83 dollar foyda ko‘rishingiz mumkin bo‘ladi. So‘mdagi omonat Bugungi kunda, milliy valyutadagi omonatlarning o‘rtacha foizi yillik 22 foiz deb olsak, siz 10 mln so‘mingizni omonatga qo‘yib, bir yildan so‘ng taxminan 2,2 mln so‘m foyda olishingiz mumkin. Bu shuni anglatadiki, omonat muddati so‘ngida siz 12,2 mln so‘m miqdorda pulni qabul qilib olasiz. Xo‘sh qaysi biri foydaliroq? Qaysi biri ko‘proq — 962,33 AQSh dollarimi yoki 12,2 mln so‘m? Buning uchun AQSh dollarini so‘mga aylantiramiz. Bugun 15-avgust uchun rasmiy dollar kursi 12 062,04 so‘m. Demak, 962,33 AQSh dollari taxminan 11,6 mln so‘mga aylanadi. Bu esa milliy valyutadagi omonatdan keladigan daromaddan qariyb 600 ming so‘mga kamroq. *ushbu hisob-kitoblar axborot beruvchi xarakterga ega va sizni qiziqtirgan bankning hisob-kitoblaridan farq qilishi mumkin Telegram • Instagram • YouTube • TikTok

Do‘stlar, biz aloqa botimizni ishga tushirdik! Endilikda sohaga doir savollaringizni mutaxassislar yordamida o'rganib chiqamiz hamda ularga birgalikda javob topamiz. Savol va takliflar uchun: @pulligap_bot Telegram • Instagram • YouTube • TikTok

Omonat pul tejash va jamg‘armalarni ko‘paytirishning eng ishonchli usullaridan biri. Bugun shu haqida gaplashamiz) Telegram • Instagram • YouTube • TikTok

Kobeyjing bank kartalari haqida eshitganmisiz? 2018-yildan boshlab O‘zbekistonda kobeyjing kartalari joriy etilgan. Ular ikkita to‘lov tizimida ishlab, so‘mda yoki boshqa valyutalarda to‘lovni amalga oshirish imkonini beradi. Telegram • Instagram • YouTube • TikTok

Bilamiz-ki, banklar kredit berishdan avval ko‘pincha garov ta’minoti ham talab qiladi. Odatda, garov sifatida qimmatbaho mulk qo‘yiladi. Xo‘sh, sizningcha bu garovga qo‘yilgan ta’minot turini o‘zgartirish mumkinmi? Qarz oluvchi kreditni qisman so‘ndirganida garovga qo‘yilgan mulk kreditning joriy qoldig‘ini qoplay oladigan boshqa garov turiga almashtirilishi mumkin. Bu jarayonda esa bank yangi ta’minot turi holatini o‘rgangan holda uni garovga olishga rozi bo‘lishi talab etiladi. Deylik, garov ta’minotiga qo‘yilgan biror mulkingizni sotish maqsadida yoki boshqa sababga ko‘ra garovdan chiqarmoqchisiz. Bunda qarz beruvchining (bankining) roziligi bilan, uni ushbu ta’minot summasiga teng keluvchi boshqa garov ta’minotiga almashtirishingiz mumkin bo‘ladi. Masalan, 150 mln so‘m miqdoridagi kredit uchun 175 mln so‘mlik ko‘chmas mulk (do‘kon) garovga olingan. Kreditning 70 mln so‘m qismi to‘langan taqdirda, kredit qoldig‘iga mos ravishda ko‘chmas mulk garovini 105 mln so‘mlik avtotransport vositasiga almashtirish mumkin. Telegram • Instagram • YouTube • TikTok