WARTA – беларускае нацыянальнае медыя

Вялікая сустрэча з Паўлам Севярынцам у Вільні 22 студзеня Месяц таму палітык, пісьменнік і публіцыст быў вызвалены з гарадзенскай турмы і прымусова дэпартаваны з Беларусі. Агулам за жыццё Павел правёў у лукашэнкаўскай няволі больш за 11 гадоў. Севярынец - аўтар 13 кніг, мноства артыкулаў і вершаў. Апошнія 5,5 гадоў Паўла дома чакалі жонка Вольга і сын Францішак. Цяпер яны разам у Вільні і запрашаюць на сустрэчу. КЛЮЧ ДА БЕЛАРУСІ Нас вывезлі з Беларусі і захлопнулі дзверы. Але ў нас ёсць ключ. Мы ведаем, як адчыніць краіну. Мы ведаем, як узламаць імперыю. Дзеля чаго беларусы сядзяць у турме? Дзеля чаго беларусы апынуліся на эміграцыі? Удар у сэрца Беларускае трыадзінства Беларускае святло Павел падзеліцца сваімі развагамі, адказамі на пытанні і творчымі планамі. 22 студзеня, чацвер, 18:00. Віленскі дом нацыянальных аб’яднанняў, Raugyklos g. 25, заля на 2 паверсе. Уваход вольны. Запрашаем! На сустрэчы будзе магчымасць атрымаць каляндар і паштоўкі Паўла за данат наяўнымі. Удзельнікаў, блогераў і медыя ветліва просім не здымаць гледачоў на фота і відэа, каб у нас была бяспечная атмасфера. Сустрэча арганізаваная Віленскім гарадскім беларускім клубам “Сябрына”

Сёньня Марыі Зайцавай мелася споўніцца 25 год 16 студзеня – дзень Народзінаў Марыі Зайцавай, беларускай дабраахвотніцы, якая загінула ў баі за Украіну. Марыя прымала ўдзел у пратэстах 2020 году і была моцна параненая гранатай. Фота з ёй абляцелі ўвесь сьвет. Пасьля пачатку вайны Марыя далучылася да абаронцаў Украіны. Дзяўчына загінула ў баях пад Бахмутам, дзе ваявала ў складзе 2-га Інтэрнацыянальнага легіёну. Марыя Зайцава стала першай жанчынай сярод беларускіх дабраахвотнікаў, якая дадала жыцьцё за волю Украіны. Вечная памяць і слава! 🕯

"Які шлях абярэш, грэнландэц?" — такі допіс апублікаваў Белы дом у сваем акаўнце

Крывавыя пратэсты ў Іране: загінулі тысячы людзей, Трамп абяцае падтрымку Падчас масавых пратэстаў у Іране загінула прыкладна 2 500–2 600 чалавек, пераважна мірных пратэстоўцаў, уключаючы дзяцей. Улады жорстка падаўляюць выступы, а незалежныя ацэнкі сцьвярджаюць пра яшчэ большыя страты (12 000 чалавек). Прэзідэнт ЗША Дональд Трамп падтрымлівае пратэстоўцаў і пагражае жорсткімі мерамі супраць іранскіх уладаў. Чытаць навіну: https://warta.media/3739

Зробім Беларускі Пункт Нязломнасці ў Кіеве разам! Далучайцеся! Увесь свет ведае, які зараз ва Украіне цяжкі час, і ў прыватнасці ў Кіеве: мароз, абстрэлы, электраэнегрія па пару гадзін на дзень. Людзі застаюцца без цяпла, без святла, кутаюцца ў тры коўдры, каб зусім не змерзнуць у хаце, калі на вуліцы -16, а батарэі — халодныя. Часта няма магчымасці нават нармалёва падзарадзіць тэлефон. Карацей, людзі зараз засталіся без рэчаў, якія ў звычайны дзень нават не заўважаеш. Мы ў «Сустрэчы» хочам зрабіць сваю версію таго, што ва Украіне называюць «цэнтрам незламності». Месца, куды можна прыйсці, каб сагрэцца, падзарадзіць тэлефон і выпіць гарбаты. Як звычайна: ідэя з’явілася — і мы хочам рабіць гэта адразу. З месцам і часам вызначымся, калі ўсё будзе больш-меньш падрыхтавана. Але без вашай дапамогі будзе вельмі складана. Што нам патрэбна для арганізацыі: - цеплавая гармата (вялікі абагравальнік тыпу прамысловага) - палатка/шацёр (арэнда — каля 1000 грывень за дзень, але мабыць у вас такая ёсць?) - генератар - падаўжальнікі, перахаднікі, разетачныя блокі - павэрбанкі, EcoFlow (калі вы можаце штосьці пазычыць ці перадаць — мы будзем радыя) - тэрмапот, каб грэць ваду на гарбату, аднаразовыя стаканчыкі, гарбата, цукар, мабыць — штосьці да гарбаты Калі ў вас ёсць нешта са спісу (нават на час) — напішыце нам. Калі можаце дапамагчы з арэндай/закупам — таксама напішыце, мы скажам, што зараз найбольш патрэбна для рэалізацыі ідэі. Калі вы проста хочаце дапамагчы рукамі — заўсёды радыя. Рахункі для дапамогі: — мона-банка — праз PayPal — па спасылцы на EUR картку (Revolut) ці за нумарам карткі 5354563141951556 Нам трэба паказваць, што мы побач з Украінай. Так, мы намагаемся рабіць гэта штодзённа цягам амаль 6 гадоў, але вораг не спыняецца, не павінны спыняцца і мы.

Кошт нафты Urals упаў ніжэй $40 з-за санкцыяў ЗША супраць «Роснефти» ды «Лукойла» Вартасьць асноўнай расейскай экспартнай маркі нафты Urals у студзені 2026 году апусцілася да адзнакі $39,18 за барэль, што ёсьць пяцігадовым мінімумам. Паводле зьвестак The Moscow Times ды міністэрства эканамічнага разьвіцьця РФ, падзеньне склала 13% у параўнаньні зь сьнежнем ды больш за 40% у параўнаньні з пачаткам мінулага году. Асноўнай прычынай абвалу сталі санкцыі адміністрацыі Дональда Трампа, уведзеныя ў канцы 2025 году супраць найбуйнейшых нафтавых гігантаў — «Роснефти» ды «Лукойла». Гэта прывяло да таго, што зьніжка на Urals у параўнаньні з сусьветным эталёнам Brent у портах Балтыйскага ды Чорнага мораў дасягнула рэкордных $26–28 за барэль. У некаторых здзелках з кітайскімі НПЗ кошт паніжаўся да $31, што супастаўна з узроўнямі пандэміі 2020 году ды пачатку першага прэзыдэнцкага тэрміну Ўладзімера Пуціна.

Дональд Трамп: "Іранскія патрыёты, ПРАЦЯГВАЙЦЕ ПРАТЭСТЫ — БЯРЫЦЕ ПАД КАНТРОЛЬ СВАЕ ЎСТАНОВЫ!" Такое паведамленьне напісаў Трамп у сваё сацсеткі Truth: "Іранскія патрыёты, ПРАЦЯГВАЙЦЕ ПРАТЭСТЫ — БЯРЫЦЕ ПАД КАНТРОЛЬ СВАЕ ЎСТАНОВЫ!! Захоўвайце імёны забойцаў і крыўдзіцеляў. Яны заплацяць высокую цану. Я скасаваў усе сустрэчы з іранскімі чыноўнікамі да таго часу, пакуль не СПЫНІЦЦА бессэнсоўнае забойства пратэстоўцаў. ДАПАМОГА ЎЖО НА ПАДХОДЗЕ. MIGA!!! ПРЭЗЫДЭНТ ДОНАЛЬД ДЖ. ТРАМП"

85 гадоў з дня нараджэньня Уладзімера Мулявіна https://warta.media/3722

Сёньня Ірыне Міхайлаўне Быкавай — 99! Ірына Міхайлаўна па-ранейшаму знаходзіцца у бальніцы. Удава Васіля Быкава, як паведамлялася, трапіла ў бальніцу з інфарктам і пераломам сцягна. Зычым моцнага здароўя і хуткага аднаўлення Ірыне Міхайлаўне!

❗️21 і 24 гады турмы за дапамогу Ўкраіне: жудасны прысуд сям'і з Драгічыншчыны Сямейную пару зь Берасьцейшчыны — Дзьмітрыя і Вольгу Капузаў — суд прыгаварыў да шаленых тэрмінаў: 24 і 21 год калёніі адпаведна. Іх таксама ўнесьлі ў "сьпіс тэрарыстаў". Сужэнцаў абвінавацілі ў "тэрарызьме" і "незаконных дзеяньнях з баепрыпасамі". Яшчэ ў студзені 2024 году іх затрымалі і прымусілі зьняцца ў прапагандысцкім відэароліку. У ім сьцьвярджалася, нібыта жыхары Драгічынскага раёну супрацоўнічалі са Службай бясьпекі Ўкраіны: забіралі выбухоўку і рабілі тайнікі на тэрыторыі Беларусі. У тым самым відэа паказалі, як пры затрыманьні Дзьмітрыю прастрэлілі сьцягно. Пазьней яго ўжо дэманстравалі, калі ён перасоўваўся на мыліцах. А ягонага брата, як паведамілі праваабаронцы, адразу пасьля затрыманьня зьбівалі па галаве супрацоўнікі КДБ.

13 студзеня 1991 года ў Летуве далі адпор савецкім акупантам, якія не хацелі прызнаць незалежнасьць Летувы і свабоду летувісаў. Крамлёўскіх агрэсараў адразу асудзіў Васіль Быкаў і апазіцыя БНФ ды выступілі ў падтрымку народу Летувы. З часам беларускі Вярхоўны Савет таксама асудзіў прымяненьне сілы. Самым драматычным момантам у Вільні стала абарона телевежы. У выніку сутычак загінула 15 асоб, а сотні былі параненыя. Гісторыя закончылася тым, што савецкі саюз распаўся, Летува аднавіла незалежнасьць, а жыхары Летувы сталі свабоднымі і штогод адзначаюць Дзень памяці абаронцаў свабоды.

85 гадоў таму нарадзіўся Ўладзімер Мулявін 12 студзеня 1941 году нарадзіўся Ўладзімер Мулявін. Уладзімер Мулявін унёс велізарны ўклад у папулярызацыю беларускай мовы і традыцый. Ён стварыў і праславіў у сьвеце самы вядомы ансамбль Беларусі “Песьняры”, адрадзіў старадаўнія беларускія песьні й надаў ім новае гучаньне, зрабіў знакамітымі вершы нашых паэтаў, сярод якіх Янка Купала. Пад кіраўніцтвам Мулявіна "Песьняры" набылі міжнароднае прызнаньне, гастралявалі па сьвеце і сталі сымбалем беларускай музычнай культуры. Сярод знакавых твораў ансамбля — "Песня пра долю", "Касіў Ясь канюшыну" і рок-опера "Песьня пра долю". З неверагодным пачуцьцем Уладзімер Мулявін выконваў “Пагоню” на верш Максіма Багдановіча. На 25-годзьдзе “Песьняроў” Мулявін выканаў праніклівую “Малітву” на словы вялікага беларускага паэта Янкі Купалы.

Урад Нікарагуа вызваляе палітвязьняў пад ціскам ЗША Урад Нікарагуа абвясьціў у суботу, што вызваляе дзясяткі зьняволеных у адказ на ўзмоцнены ціск з боку Злучаных Штатаў. Гэта рашэньне прыпадае на той самы час, калі ЗША патрабавалі вызваленьня больш за 60 палітвязьняў. Пасьля заявы Міністэрства ўнутраных спраў Нікарагуа сотні зьняволеных вяртаюцца да сваіх дамоў і сем’яў. Але дакладна невядома, хто менавіта быў вызвалены і на якіх умовах. Пасьля масавых пратэстаў 2018 году ў краіне працягваецца жорсткае падаўленьне апазыцыі: улады арыштоўвалі апанэнтаў, рэлігійных лідараў, журналістаў і крытыкаў, пазбаўлялі грамадзянства і высылаюць многіх з краіны, закрывалі тысячы арганізацый. ЗША крытыкуюць урад прэзыдэнта Даніэля Ортэгі за несправядлівыя затрыманьні і патрабуюць вызваленьня ўсіх палітвязьняў, уключна з пастарамі, рэлігійнымі работнікамі, хворымі і пажылымі людзьмі, якія, паводле Амбасады ЗША, усё яшчэ застаюцца пад арыштам або зьніклымі безь сьледу. Таксама праваабаронцы адзначаюць, што нават вызваленыя будуць патэнцыйна падвяргацца кантролю, перасьледу і назіраньню з боку паліцыі, а іх сем’і могуць заставацца пад ціскам. Камэнтары аб тым, што вызваленьне зьняволеных адбываецца пад ціскам ЗША, з’яўляюцца часткай шырэйшай рэакцыі рэгіянальнай дыпляматыі ў сувязі з падзеямі вакол Венесуэлы і патрабаваньнямі аб вызваленьні палітвязьняў у рэгіёне.

Камандучыя Іранскай арміі паведамілі, што гатовыя вывесьці войска супраць пратэстуючых The Wall Street Journal паведамляе, што пасобнікі рэжыму аятолл, паабяцалі “цьвёрда абараняць “нацыянальныя інтарэсы”, стратэгічную інфраструктуру і дзяржаўную ўласнасьць, адначасова абвінаваціўшы ў пратэстах, Ізраіль, а так сама невядомыя “тэрарыстычныя групоўкі”. Да гэтага часу разгонамі пратэстаў займаліся паліцыя і ваенызаваныя фармаваньні.

Грузія далучаецца да паляваньня на расейскі "ценявы флот"? У тэрытарыяльных водах Грузіі за парушэньне правілаў суднаходзтва быў затрыманы танкер CAMINERO, які ходзіць пад панамскім сьцягам. Пра гэта паведамляе Памежная паліцыя МУС Грузіі. У дачыненьні да капітана судна, грамадзяніна Турэччыны, супрацоўнікі апэратыўна-сьледчага галоўнага ўпраўленьня Памежнай паліцыі распачалі справу паводле факту парушэньня правілаў суднаходзтва паводле адпаведнага артыкула Кодэксу аб адміністрацыйных правапарушэньнях Грузіі. Капітану прызначылі штраф на карысьць бюджэту ў памеры ₾15 000 (каля $5566). Пасьля яго выплаты судну дазволілі працягнуць вольнае плаваньне. Раней танкер CAMINERO (IMO 9718923) хадзіў пад расейскім сьцягам.

Колькі дзён трывае пратэст у Іране. Пасобнікі рэжыму, якія трымаюць вялікія пасады ў кіраўніцтве: пракурор Тэгерана ды кіраўнік судовай камісіі заявілі, што тым, хто аказвае супраціў дзейным уладам пагражае сьмяротнае пакараньне. https://warta.media/3692

«Рускі мір» для дзяцей у Кіеве: у сталіцы амаль год дзейнічала нелегальная прарасейская школа Украінскія незалежныя журналісты «Слідства.Інфо» даведалася, што ўжо амаль год у сталіцы Украіны працуе нелегальная школа, у якой дзяцей вучаць асновам «рускага міру » — па савецкіх падручніках і на расейскай мове. Школа працуе пад пратэкцыяй храму «Голосіївська пустинь», без афіцыйнай ліцэнзіі і пазіцыянуе сябе як «сямейны клуб». Чытаць цалкам: https://warta.media/3683

7 студзеня ў Варшаве ў кнігарні “Вырай” Зянон Пазьняк прадставіў кнігу “Стаць у праломе мура” (фота-рэпартаж) Чытаць: https://warta.media/3657

❄️ Другі «Хаўер»: цыклён «Уллі» засыпае Беларусь сьнегам Беларусь сутыкнулася з наступствамі магутнага цыклёну «Уллі», які ўжо назвалі другім «Хаўерам». Краіну засыпала сьнегам: за 12 гадзінаў выпала амаль месячная норма ападкаў, што прывяло да транспартнага каляпсу і пераводу экстранных службаў на ўзмоцнены рэжым. Паводле разьлікаў Белгідрамэту, 9 студзеня чакаецца асабліва інтэнсіўны сьнегапад, вышыня сьнежнага покрыва там можа дасягнуць 50 см. Для параўнаньня: пасьля цыклёну «Хаўер» у Менску ўзровень сьнегу вырас усяго на 11 см, а максымальная агульная таўшчыня сьнежнага покрыва ў найбольш пацярпелых месцах складала 57 см. Сытуацыю ўскладняе моцны вецер: Белгідрамэт папярэджвае, што парывы могуць дасягаць 88 км/г, што стварае ўмовы для сапраўднага сьнежнага шторму і высокіх сумётаў.

Ад 2020 году ў Беларусі ліквідавана ня менш за 1990 некамэрцыйных арганізацый На канец сьнежня 2025 году ў працэсе прымусовай ліквідацыі знаходзілася прынамсі 1220 некамэрцыйных арганізацыяў. Было закрыта найменей 99 НКА. Пастанову пра самастойную ліквідацыю прынялі ня менш за 770 НКА. Гэта вынікае з новага агляду праваабарончай арганізацыі Lawtrend.