የሀድራው ዙመር

ሒጅራ መልከ ብዙው የቅኔ ውቅያኖስ ፣ የሰም ወርቅ ማዕበል ትግሉ ማይሸሸግ ፣ ገድሉ ማይታበል #ሂጅራ የድል ፍልቂት ፣ የፅናት ኮረብታ   የፍቅር መስታዎት ፣ የመስዋት ጎታ የገድል ነጸብራቅ ፣ የኢማን ወገግታ #ሂጅራ የኑር አሊፍ ፣ ቀስት መሰል ዳናው መሬተ ትግስቱ፣ መቅድመ ልዕቅናው     ለመምጣት መውጣጣት         ለመመለስ መፍለስ፣ ለማመን መመነን        ለመስከን መብከንከን፣    ለመልበስ እርዛት ፣ ለመብዛት መነዛት ብዙ ገድል ለድል ፣ ለከፍታ መውረድ ፣ ለመጋልም መብረድ  የድል ንጋት ጮራ ፣ ላይጠልቅ ሊያበራ ማይታበይ ገድልን ፣ ያስቃኘናል ሂጅራ እንደሳቸው ቅዋ ደፋር፣ ጀግና፣ ብርቱ እንደመሆናቸው ሙሽሪኮችን ማጥፋት መች ሊያቅት ለሳቸው ግን ታጋሹ ነቢ ፣ እዝነት አስበለጡ ለጌታውም ትዕዛዝ ፣ ቀልብን ስለሰጡ ሚወዷትን አገር ፣ መካን ለቀው ወጡ በጉዟቸው ማግስት፦ ሙሽሪኮች ከበቡ ፣ ደባ ሴራ ዱለው  በተኙበት ወግተው ፣ ሊገድሉ ከጅለው ግን በሳቸው መደብ ፣ ዓልዩን ሰውተው  በፊት ለፊታቸው ፣ ወጡ እንጁ ነብዬ ፣ ቅንጣት መቼ ፈርተው   ዐጀብ ፍቅር ቅኔው ፣ መገን ታምር ገድል  ለሞት አስተኝቶ ፣ ረፍት ርጋታ ሚያድል ዓልይ አንድ ለታ ፣ እንዴት ነበር አዳር ፣ ያኔ በዚያ ማታ? ተብለው ተጠየቁ፣ ሐይደርም መለሱ ፣ ያ ከራር ያ ጀግና      "እንደዚያች ሌሊት ፣ ረፍት ያለው እንቅልፍ ፣ መች ተኝቼ አውቅና።"       ብቻ ደጉ ነቢይ ፣ ጉዘት ቀጥለዋል ፣ ጋልበው ርቀዋል ሲዲቅ ግን ፈርተዋል ፣ መዟዟር ይዘዋል ፣ ስጋት ገብቶ ሆዱ ለነፍሳቸው ሳይሆን ፣ ነገር ግን ለውዱ   ዋሻው ጋር ደርሰዋል ፤ ሲዲቅ ግን ሰግተዋል ቀድመው ውስጥ ዘልቀው የለበሱትን ልብስ ፣ እየቀዳደዱ ሽንቁር ዘጋግተዋል።        አሁን ያለም እዝነት ፣  በሲዲቅ ታፋ ላይ ፣ ጋደም ብለዋል። ሲዲቅ ግን ሰግተዋል። ተረስታ የቀረች ፣ ሽንቁር ዓይቶ ዓይናቸው ቀስ አርገው በመስደድ ፣ ቢደፍኗት በግራቸው፣  መርዘ ክፉ እፉኝት ፣ ደርሶ ነደፋቸው፤ ብቻ ነቢ ደህና ፣ ዋናው ኑሩ ደህና የርሱ ደህንነት ነው ፣ ደህና ሚያደርጋቸው አይረበሽ ሲሉ ፣ የተኙት ትልቅ ሰው ሕመሙን ቢውጡም ዓይን ጉድ አመጣ ፣ እንባ እየፈሰሰው ምን ዓይን ቢያሸልብ ፣ ቀልብ አይተኛምና ተነሱ ነቢና ፣ ተነሱ ንጉሡ ፣ ሕመምን ከእንባ ባንድ አብረው ሊያብሱ የመካ ሙሽሪኮች ፣ ለመግደል የወጡት ዋሻው ጋር ደርሰዋል። ግን ሒክማው የጌታው ሸረሪት በሩ ላይ ድሯን ጠላለፈች ከደጅ እርግቢትም እንቁላል ታቀፈች ይህን ሲያዩ ጊዜ ፣ ፈፅሞ እዚህ ዋሻ ሰው የለም ብለዋል። ሲዲቅ ግን ፈርተዋል።   ደግሞ ረሱለላህ   ላ ተሕዘን ሷሒቢ ፣ ከኛ ጋር ነው አላህ እያሉ አጽናንተዋል። ሲዲቅ እንደ ሰጉ ፣ ነቢ እንዳስታገሱ ሲዲቅ እንዳነቡ ፣ ነቢም እንዳበሱ መካ የተነሱ ፣ መዲና ቢደርሱ እንኳን ሰው እንስሳው ጦለዐ አለ ምድር ፣ ጦለዐ አለ ሰማይ የዓለሙ ጀንበር ፣ ጦይባ መድረሱን ቢያይ https://t.me/tekiyu05