នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ ក្រសួងមហាផ្ទៃ

រាជធានីភ្នំពេញ, ថ្ងៃសុក្រ ៧កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែកញ្ញា ឆ្នាំ២០២៦ នៅបន្ទប់ប្រជុំខេត្តតាកែវ ទីស្តីការក្រសួងមហាផ្ទៃ _____________________________ លោក ហេង គង់ម៉េង អនុប្រធាននាយកដ្ឋាន និងលោក គង់ សុធា អនុប្រធានការិយាល័យ នៃនាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ បានចូលរួមកិច្ចប្រជុំដើម្បីពិនិត្យពិភាក្សាផ្តល់ធាតុចូលបន្ថែមសម្រាប់រៀបចំរបាយការណ៍វាយតម្លៃពាក់កណ្តាលអាណតិ្តឆ្នាំ២០២៦ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ (ផ.អ.យ.ជ) របស់រាជរដ្ឋាភិបាលអាណត្តិទី៧ នៃរដ្ឋសភាក្រោមអធិបតីភាពដ៏ខ្ពង់ខ្ពង់របស់ឯកឧត្តម ផាន់ ចាន់ធុល រដ្ឋលេខាធិការ ក្រសួងមហាផ្ទៃ

ជាសកម្មភាពស្នូលរបស់នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល ក្រសួងមហាផ្ទៃ ដែលពាក់ព័ន្ធនឹងការគាំទ្រ និងការលើកកម្ពស់អភិបាលកិច្ចនៅថ្នាក់ក្រោមជាតិ ដើម្បីធានាថា ផែនការអភិវឌ្ឍន៍មូលដ្ឋានត្រូវបានរៀបចំឡើងប្រកបដោយប្រសិទ្ធភាព និងឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ។ --------------------------------------------------------------- រដ្ឋ​បាល​ខេត្ត​កំពត​៖ កាលពីថ្ងៃ​ពុធ​ ៥កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកញ្ញា ឆ្នាំ២០២៦ លោក មាស ឈីវហ៊ុន អនុប្រធាននាយកដ្ឋាន តំណាងលោក លី យ៉ាសាក់ ប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល ក្រសួងមហាផ្ទៃបានដឹកនាំក្រុមការងារចុះតាមដាន ត្រួតពិនិត្យ និងគាំទ្រវឌ្ឍនភាពនៃដំណើរការរៀបចំ និងកសាងកម្មវិធីវិនិយោគបីឆ្នាំរំកិល (២០២៧-២០២៩) របស់រដ្ឋបាលក្រុង ស្រុក និងរដ្ឋបាលឃុំ សង្កាត់ នៃរដ្ឋបាលខេត្តកំពត។ ការចុះតាម​ដាន​កិច្ច​ការ​ងារខាងលេីនេះ​មានគោលបំណង ដើម្បីពង្រឹងការអនុវត្តតួនាទី ភារកិច្ចរបស់រដ្ឋបាលក្រុង ស្រុក និងឃុំ សង្កាត់ ពិសេសលើការរៀបចំ និងកសាងកម្មវិធីវិនិយោគបីឆ្នាំរំកិល (២០២៧-២០២៩)។ សូមបញ្ជាក់ផងដែរថាកម្មវិធីខាងលើមានការអញ្ជើញចូលរួមលោក អភិបាលរងខេត្ត នាយករដ្ឋបាលខេត្ត អភិបាលរងក្រុង ប្រធានមន្ទីរផែនការខេត្ត ទីចាត់ការផែនការ និងវិនិយោគខេត្ត ចៅសង្កាត់ ក្រុមប្រឹក្សាសង្កាត់ និងស្មៀនសង្កាត់ និងអ្នកពាក់ព័ន្ធចំនួនសរុប៤៣នាក់ ស្រី១៦នាក់។

ខេត្តសៀមរាប៖ ថ្ងៃព្រហស្បត៍ ៦កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦ លោក ហែម សារិន អនុប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល ក្រសួងមហាផ្ទៃ និងលោក ភួង សំអឿន អនុប្រធានការិយាល័យ បានចូលរួមការចុះទស្សនកិច្ចសិក្សាស្វែងយល់ និងសិក្ខាសាលាឆ្លុះបញ្ចាំង ស្តីពីការអនុវត្តថវិកាសេវាសង្គម និងការចុះបញ្ជីអត្រានុកូលដ្ឋាន និងស្ថិតិអត្រានុកូលដ្ឋាននៅរដ្ឋបាលឃុំ សង្កាត់ ដើម្បីពង្រឹងសមត្ថភាព ការរៀនសូត្រផ្អែកលើភស្តុតាង និងកិច្ចសហការរវាងរដ្ឋបាលថ្នាក់ក្រោមជាតិ ស្ថាប័នជំនាញ និងភាគីពាក់ព័ន្ធ ដើម្បីលើកកម្ពស់ការរៀបចំផែនការ ការបែងចែក និងការអនុវត្តថវិកាសម្រាប់សេវាសង្គម និងការចុះបញ្ជីអត្រានុកូលដ្ឋាន និងស្ថិតិសំខាន់ៗនៃជីវិតឱ្យកាន់តែមានប្រសិទ្ធភាព បរិយាបន្ន តម្លាភាព និងឆ្លើយតបនឹងតម្រូវការរបស់ប្រជាពលរដ្ឋ ជាពិសេសកុមារ និងក្រុមងាយរងគ្រោះ។ ដោយមានការចូលរួមពីតំណាងក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ តំណាងគ.ជ.អ.ប តំណាងសាលជាតិរដ្ឋាលមូលដ្ឋាន រដ្ឋបាលខេត្តសៀមរាប អភិបាលក្រុង ស្រុក នាយក នារយរងរដ្ឋបាលក្រុង ស្រុក មេឃុំ ចៅសង្កាត់ ក្រុមប្រឹក្សាឃុំ សង្កាត់ និងស្មៀនឃុំ សង្កាត់ និងអង្គការសង្គមស៊ីវិល សរុបចំនួន ៨៧នាក់ ស្រី២១នាក់។

ខេត្តកំពត៖ ថ្ងៃព្រហស្បត៍ ៦កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦ ---------------------------------------------------- នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល ក្រសួងមហាផ្ទៃបានរៀបចំសិក្ខាសាលាផ្សព្វផ្សាយលើសៀវភៅណែនាំស្ដីពីសមាហរណកម្មកិច្ចការពារកុមារទៅក្នុងប្រព័ន្ធផែនការរបស់រដ្ឋបាលថ្នាក់ក្រោមជាតិ ក្រោមអធិបតីភាព ឯកឧត្តម ជា ប៊ុនហេង អគ្គនាយករង តំណាងដ៏ខ្ពង់ខ្ពស់ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ។ សិក្ខាសាលានេះមានគោលបំណង ផ្សព្វផ្សាយអំពីខ្លឹមសារ និងការអនុវត្តសៀវភៅណែនាំស្ដីពីសមាហរណកម្មកិច្ចការពារកុមារទៅក្នុងប្រព័ន្ធផែនការរបស់រដ្ឋបាលថ្នាក់ក្រោមជាតិ ដើម្បីឱ្យរដ្ឋបាលថ្នាក់ក្រោមជាតិ និងភាគីពាក់ព័ន្ធបញ្ចូលសកម្មភាពកិច្ចការពារកុមារទៅក្នុងដំណើរការរៀបចំផែនការ ការកំណត់អាទិភាព ការអនុវត្ត និងការតាមដានវាយតម្លៃការងារនៅមូលដ្ឋានឱ្យមានប្រសិទ្ធភាព និងឆ្លើយតបតាមតម្រូវការរបស់កុមារ។ សូមបញ្ជាក់ផងដែរថា សិក្ខាសាលាខាងលើមានការអញ្ជើញចូលរួមពី លោក លី យ៉ាសាក់ ប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ តំណាងក្រសួងផែនការ តំណាងក្រសួងសង្គមកិច្ច អតីតយុទ្ធជន និងយុវនីតិសម្បទា លោក លោកស្រីអភិបាលរងរាជធានី ខេត្ត នាយកទីចាត់ការផែនការ និងវិនិយោគរាជធានី ខេត្ត អង្គការយូនីសេហ្វ អង្គការទស្សនៈពិភពលោកអន្តរជាតិ អង្គការគ្រួសារសុខភាពពិភពលោក សរុបសមាសភាពចំនួន៨១រូប ស្រី១៦រូប។

កាលពីថ្ងៃចន្ទ ៣កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែកញ្ញា ឆ្នាំ២០២៦ —————————————————————— នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ បានរៀបចំសិក្ខាសាលាផ្សព្វផ្សាយវីដេអូណែនាំស្តីពីប្រព័ន្ធតាមដានថវិការដ្ឋបាលឃុំ សង្កាត់ ក្រោមអធិបតីភាព ឯកឧត្តម ជា ប៊ុនហេង អគ្គនាយករង តំណាងដ៏ខ្ពង់ខ្ពស់ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ។ សិក្ខាសាលាផ្សព្វផ្សាយវីដេអូណែនាំស្តីពីប្រព័ន្ធតាមដានថវិការដ្ឋបាលឃុំ សង្កាត់នេះរៀបចំឡើងក្នុងគោលបំណងដើម្បីលើកកម្ពស់ការយល់ដឹងអំពីការប្រើប្រព័ន្ធតាមដានថវិការដ្ឋបាលឃុំ សង្កាត់ លើទូរស័ព្ទដៃ និងកុំព្យូទ័រ ដល់មន្ត្រីថ្នាក់ជាតិ មន្ត្រីថ្នាក់ក្រោមជាតិ និងប្រជាពលរដ្ឋ។ ដែលប្រព្រឹត្តទៅនៅសណ្ឋាគារ រ៉ាហ្វល ឡឺ រ៉ូយ៉ាល់ ភ្នំពេញ (Raffles Hotel Le Royal Phnom Penh) រាជធានីភ្នំពេញ ដោយមានការអញ្ជើញចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ តំណាងលេខាធិការដ្ឋាន គ.ជ.អ.ប. អភិបាលរង នៃគណៈអភិបាលរាជធានី ខេត្ត ទីចាត់ការហិរញ្ញវត្ថុ ទីចាត់ការផែនការនិងវិនិយោគរាជធានី ខេត្ត តំណាងយូនីសេហ្វ ព្រមទាំងមន្រ្តីពាក់ព័ន្ធសរុបប្រមាណ១០៧រូប ស្រ្តី៥៤រូប។ ជាមួយគ្នានេះដែរសមាសភាពដែលចូលរួមតាមប្រព័ន្ធអនឡាញសរុបប្រមាណ១៨៥៥រូប មកពីរដ្ឋបាលក្រុង ស្រុក ខណ្ឌ និងរដ្ឋបាលឃុំ សង្កាត់។ គួរបញ្ជាក់ផងដែរថាសិក្ខាសាលានេះមានការគាំទ្របច្ចេកទេសពីអង្គការយូនីសេហ្វ និងអង្គការមូលនិធិអាស៊ី។ https://t.me/ddc_gda_moi

សមត្ថកិច្ចក្រសួងមហាផ្ទៃ តាមបោសសម្អាតទីតាំង Online Scams សេសសល់តូចៗ ៨៥កន្លែង និងឃាត់ខ្លួនជនសង្ស័យជាង ១ពាន់នាក់ ក្នុងខែសីហា ................................ ទទួលបានព័ត៌មានថ្មីៗ ពាក់ព័ន្ធនឹងក្រសួងមហាផ្ទៃ សូមតាមដាននៅលើឆាណែលតេឡេក្រាម និង platform ខាងក្រោម៖

ការកែតម្រូវអត្តសញ្ញាណបណ្ណសញ្ជាតិខ្មែរ ១-កំហុសទិន្នន័យដែលអាចកែតម្រូវ ករណីដែលអាចកែតម្រូវទិន្នន័យក្នុងបញ្ជី និងអត្តសញ្ញាណបណ្ណសញ្ជាតិខ្មែរ ស្របតាម ច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ត្រូវបានកំណត់ដូចខាងក្រោម៖ ក- កែតម្រូវទិន្នន័យក្នុងបញ្ជី និងអត្តសញ្ញាណបណ្ណសញ្ជាតិខ្មែរ តាមបញ្ជីអត្រានុកូលដ្ឋាន ដែលត្រូវ បានកែតម្រូវរួច ស្របតាមបញ្ញត្តិនៃផ្នែកទី១០ (ការកែបញ្ជីអត្រានុកូលដ្ឋាន) នៃជំពូកទី២ (ការចុះបញ្ជី អត្រានុកូលដ្ឋាន)។ ខ- កែតម្រូវទិន្នន័យក្នុងបញ្ជី និងអត្តសញ្ញាណបណ្ណសញ្ជាតិខ្មែរ តាមបញ្ជីអត្រានុកូលដ្ឋាន ករណីបញ្ជីអត្តសញ្ញាណបណ្ណសញ្ជាតិខ្មែរមានការកត់ត្រាខុសពីបញ្ជីអត្រានុកូលដ្ឋាន។ គ- ជនដែលទទួលបានសញ្ជាតិខ្មែរ ហើយមិនបានចុះបញ្ជីអត្រានុកូលដ្ឋាន អាចស្នើសុំកែតម្រូវទិន្នន័យ អត្តសញ្ញាណរបស់ខ្លួននៅក្នុងបញ្ជី និងអត្តសញ្ញាណបណ្ណសញ្ជាតិខ្មែរ ដោយផ្អែកលើព័ត៌មានក្នុងព្រះរាជក្រឹត្យ ស្ដីពីការចូលសញ្ជាតិរបស់ខ្លួន។ ក្នុងករណីដែលទិន្នន័យក្នុងបញ្ជីអត្រានុកូលដ្ឋានពុំមានកំហុស ប៉ុន្តែទិន្នន័យក្នុងអត្តសញ្ញាណបណ្ណសញ្ជាតិខ្មែរមានកំហុសបច្ចេកទេស នោះការកែតម្រូវបានត្រូវកំណត់ដូចខាងក្រោម ក- កំហុសបច្ចេកទេសដោយការវាយបញ្ចូលទិន្នន័យខុសចូលទៅក្នុងប្រព័ន្ធ ដូចជាកំហុសឆ្គងអក្ខរាវិរុទ្ធលើ៖ - គោត្តនាមនិង/ឬនាម (អក្សរខ្មែរ និង/ឬអក្សរឡាតាំង) - ថ្ងៃខែឆ្នាំកំណើត - ភេទ - ទីកន្លែងកំណើត និង/ឬ - អាសយដ្ឋាន។ ខ- កំហុសបច្ចេកទេសផ្សេងទៀត រួមទាំងការបំពេញបែបបទលើពាក្យស្នើសុំផ្ដល់មានការភាន់ច្រឡំ ឬ មិនច្បាស់លាស់ ឬខុសទៅនឹងឯកសារយោង ដែលបានភ្ជាប់មកជាមួយ សំដៅសម្រេចឱ្យបានបុគ្គលម្នាក់មាន អត្តសញ្ញាណតែមួយ ស្របតាមច្បាប់ និងលិខិតបទដ្ឋានគតិយុត្តជាធរមាន។ ២-បែបបទ និងនីតិវិធីនៃការកែតម្រូវទិន្នន័យ អត្តសញ្ញាណបណ្ណសញ្ជាតិខ្មែរ ប្រជាពលរដ្ឋដែលប្រើប្រាស់អត្តសញ្ញាណបណ្ណសញ្ជាតិខ្មែរ មានកំហុសទិន្នន័យ អាចដាក់ពាក្យស្នើសុំ កែតម្រូវទិន្នន័យអត្តសញ្ញាណបុគ្គលក្នុងបញ្ជី និងអត្តសញ្ញាណបណ្ណសញ្ជាតិខ្មែរបាន ដោយត្រូវបំពេញពាក្យ ស្នើសុំកែតម្រូវទិន្នន័យអត្តសញ្ញាណបណ្ណសញ្ជាតិខ្មែរ និងសលាកបត្រស្នើសុំផ្ដល់អត្តសញ្ញាណបណ្ណសញ្ជាតិខ្មែរ ដោយត្រូវភ្ជាប់ជាមួយនូវឯកសារដូចខាងក្រោម៖ ក- ករណីការកែតម្រូវទិន្នន័យ ដោយសារកំហុសបច្ចេកទេស -អត្តសញ្ញាណបណ្ណសញ្ជាតិខ្មែរច្បាប់ដើម -សេចក្តីចម្លងសំបុត្រកំណើត ឬសេចក្ដីចម្លងសំបុត្របញ្ជាក់កំណើត ឬព្រះរាជក្រឹត្យស្តីពីការចូល សញ្ជាតិខ្មែរ មានបញ្ជាក់នីត្យានុកូលកម្ម និង -ឯកសារសម្គាល់ការស្នាក់នៅ (សៀវភៅស្នាក់នៅ ឬសៀវភៅគ្រួសារ មានបញ្ជាក់នីត្យានុកូលកម្ម ឬលិខិតបញ្ជាក់ទីលំនៅ)។ ខ- ករណីការកែតម្រូវទិន្នន័យ តាមការចែងកំណត់ក្នុងច្បាប់ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម -អត្តសញ្ញាណបណ្ណសញ្ជាតិខ្មែរច្បាប់ដើម សេចក្តីចម្លងសំបុត្រកំណើត ឬសេចក្ដីចម្លងសំបុត្របញ្ជាក់កំណើតនិងឬសេចក្តីសម្រេចជាស្ថាពរ របស់តុលាការ និង/ឬសេចក្តីសម្រេចរបស់មន្ត្រីអត្រានុកូលដ្ឋាន នឹងព្រះរាជក្រឹត្យស្តីពីការផ្តល់ សញ្ជាតិខ្មែរ មានបញ្ជាក់នីត្យានុកូលកម្ម -ឯកសារសម្គាល់ការស្នាក់នៅ (សៀវភៅស្នាក់នៅ ឬសៀវភៅគ្រួសារ មានបញ្ជាក់នីត្យានុកូលកម្ម ឬលិខិតបញ្ជាក់ទីលំនៅ) - ឯកសារសម្អាងផ្សេងទៀត (ប្រសិនបើមាន)។ សម្រាប់ព័ត៌មានបន្ថែម សូមទាក់ទងលេខ ១២៧១ ឬ ០១៧ ៨៩៨ ៩១៥ រៀងរាល់ម៉ោងធ្វើការពីថ្ងៃចន្ទ ដល់ថ្ងៃសុក្រ។ #ប្រភពពីឧត្តមសេនីយ៍ឯកសាយម៉េងឈាង

ផ្សារភ្ជាប់នឹងកម្មវិធីសន្និបាតបូកសរុបសមិទ្ធផលការងារក្រុមប្រឹក្សាឃុំ សង្កាត់ អាណត្តិទី៥ កន្លងមក ក្រសួងមហាផ្ទៃបានដាក់ចេញសេចក្ដីណែនាំអំពីការជ្រើសរើសតំណាងយុវជនចូលរួមជាសមាជិកគណៈកម្មាធិការទទួលបន្ទុកកិច្ចការនារី និងកុមារឃុំ សង្កាត់ ក្នុងគោលបំណងឱ្យជំរុញការចូលរួមពីយុវជនដែលជាចលករសម្រាប់អភិវឌ្ឍន៍មូលដ្ឋានរបស់ខ្លួន។ ជារួម ការចូលរួមរបស់យុវជនក្នុង គ.ក.ន.ក. ត្រូវឈរលើគោលការណ៍ស្ម័គ្រចិត្ត បរិយាប័ន្ន និងគ្មានការរើសអើង ព្រមទាំងធានាថាយុវជនទទួលបានព័ត៌មានគ្រប់ជ្រុងជ្រោយ មុននឹងសម្រេចចិត្តចូលរួមធ្វើជាតំណាងក្នុង គ.ក.ន.ក.។

ពិធីបំពាក់មេដាយជូនមេឃុំ ចៅសង្កាត់ ដែលដឹកនាំរដ្ឋបាលឃុំ សង្កាត់ចំនួន៥អាណត្តិជាប់គ្នា និងមានស្នាដៃក្នុងការបំពេញកិច្ចការបម្រើផលប្រយោជន៍សាធារណៈ និងប្រជាពលរដ្ឋនៅមូលដ្ឋាន។