ONA TILI_MILLIY SERTIFIKAT

Milliy alifbo ehtiyoji “Ba’zan, “bu yozuvdan voz kechilib, deylik, lotinchaga o‘tilsa, maktablarda o‘rganiladigan alifbolar miqdori ko‘payib, o‘quvchilarga qiyin bo‘ladi”, qabilidagi gaplar aytiladi. Bu gapda ham jon yo‘q. Hozir maktablarda kirill, lotin (chet tili) va arab alifbolari kabi uchta yozuv o‘rganilmoqda. Bordiyu lotin imlosiga o‘tilsa ham uchta, ya’ni lotin (ham rasmiy yozuv, ham chet tili sifatida), kirill (rus tili) va arab yozuvlari o‘rgatiladi. Demak, kirill yozuvidan rasmiy alifbo sifatida voz kechsak, hech narsa yutqazmaymiz”, - Nizomiddin Mahmudov, filologiya fanlari doktori, professor “Xalq so‘zi” gazetasining 1993-yil 29 aprel sonidan

❓Test uchun to‘lovni qachongacha qilish kerak? #abituriyent  ✅ JAVOB: Joriy yil bitirganlar uchun testga kirish tekin, avvalgi yillarda bitirganlar 170 ming so‘m (yarim “minimalka”) to‘lashi kerak. ❗️To‘lovni amalga oshirmagan abituriyentlar ro‘yxatdan o‘tmagan deb hisoblanadi va test sinovlariga qo‘yilmaydi. Ushbu to‘lovni bo‘lib-bo‘lib amalga oshirsa ham bo‘ladi, faqat 25-iyunga qadar (o‘sha kuni ham) mazkur summa to‘liq to‘lanishi shart. Ya'ni qachon ro'yxatdan o'tganingizni farqi yo'q, asosiysi to'lovni 25-iyun soat 23:59 gacha to'lash shart. ‼️LEKIN!!! Siz taqab oxirgi muddatga olib bormang. Sababi bank va onlayn tizimlarda kutilmagan profilaktik ishlar bo'lsa, yoki oxiriga taqagan odamlar tufayli serverda yuklama ko'payib ketsa, kutilmaganda to'lovni amalga oshira olmay qolishingiz mumkin. ❓Kimlar to‘lovdan ozod qilingan: — taʼlim muassasasini joriy yilda tugatganlar; — Mehribonlik uyi va Bolalar shaharchalari bitiruvchilari; — to‘liq davlat taʼminotidagi shaxslar; — nogironligi bor shaxslar; — ijtimoiy himoya yagona reyestriga kiritilgan shaxslar va ularning farzandlari; — “Yoshlar daftari”ga kiritilgan yoshlar. 👉 @xushnudbek 👈

"Jadidlarimizni targ‘ib qilamiz", deb aslida buning teskarisini qilayotganimizni anglamayapmiz. Qachon jadidlar masalasiga to‘xtalsak, albatta, ularning mazlum, ezilgan, abgor va eng achinarlisi, milliy qahramonlarimizning MAG‘LUB qiyofalari aks etgan rasmlarini tirkayveramiz. Maqolalar, postlar, ma’ruzalarning hammasi jadidlarning qatag‘on qilingan davri, NKVD tomonidan ayovsiz qiynoqlarga solingani, oxir-oqibat otib yuborilgani to‘g‘risida bo‘ladi. Jadidlar haqida ishlangan filmlarning aksariyati og‘zi-burni qonga bo‘yalgan millat oydinlari, qovog‘i uyilgan, har gapida stol mushtlaydigan NKVD xodimlari bilan boshlanadi. Jadidlarimizning fojiali taqdirlari butun millatimizni qayg‘uga solishi tabiiy. Lekin, ular MAG‘LUB edilarmi?! YO‘Q! Aslida jadidlar G‘OLIB edilar! Ularni jisman yenga olishgan, ammo g‘oyaviy emas. Agar g‘oyaviy yenga olganlarida, o‘ldirmagan bo‘lardilar. Bunga “o‘lmay qolgan”larning ijodlari qanday gullab-yashnagani ham yaqqol misol bo‘la oladi. Nima, Qodiriy 1935-yilda tug‘ilib, 1938-yilda otilganmi? Cho‘lpon 1937-yilda tug‘ilib, 1938-yilda otilganmi? Usmon Nosir-chi? Ularning ijodi gullab-yashnagan davrlar bo‘lmaganmi? Bolaliklari, yoshliklari bo‘lmaganmi? Qodiriy qanday Qodiriy bo‘ldi? U qaysi buloqlarning suvidan simirib ulg‘aygan? Uni nima uchun qatag‘on qilishdi? Nima uchun butun boshli tuzum birgina yozuvchini yenga olmadi? Sulton Abdulhamid aslida Usmonli sultonlar ichidagi eng ko‘p tanazzulga uchragani, Usmonlilar imperiyasi inqirozini boshlab bergani emasmi? Aynan u bilan buyuk saltanat poyoniga yetmadimi? Endi e’tibor bilan bir qarang-chi, turklar Abdulhamidni qanday qiyofada ko‘ryapti va boshqalarga ham ko‘rsatyapti? Mag‘rur, viqorli, salobatli. U haqidagi film yoki seriallarni tomosha qilarkansiz, "Sulton Abdulhamid ma’nan va g‘oyaviy jihatdan yengilmagan buyuk hukmdor bo‘lgan!" degan xulosani olasiz. Nafaqat xulosa olasiz, balki bunga ishonasiz ham. Ishontirilasiz! Jadidlar haqida so‘z borganda, albatta, qatag‘on yillarini eslamay o‘tishning imkoni yo‘q. Ammo oydinlarimizning hayoti faqat qatag‘ondan iborat bo‘lmagan, qatag‘on ular umrining so‘ngi, fojiali yakuni xolos. Ular millat uchun yonib yashagan, mag‘rur va yengilmas bo‘lganlar. Biz o‘z kitoblarimiz, maqolalarimiz hamda filmlarimizda jadidlarning ana shunday qiyofalarini chizishimiz kerak. MAG‘RUR va G‘OLIB! Jahongir Ahmedov

O‘z naslini o‘z qo‘li bilan kofir qo‘liga tutqun qilib topshirguvchi biz - ko‘r va aqlsiz otalarga Xudoning la’nati, albatta, tushar, o‘g‘lim. Bobolarning muqaddas gavdasi dafn etilgan Turkistonimizni to‘ngizxona kilishga xozirlang‘on biz itlar Yaratguvchining qahriga, albatta, yo‘liqarmiz. Abdulla KODIRIY. Rasmdagi yigit Abdulla Qodiriyning evarasi. Sherkon Qodiriyning o‘g‘li. Bo‘rijarda o‘ris otgan millatparlarning suyaklari ko‘milgan Oqil ota qabristonida tilovat qilyapmiz. Bobosini so‘rab kelgan bolaginam. ©️ Karim Bahriyev Obuna bo‘lishni unutmang: 👇 https://t.me/+KaPTxYNJseAzNmMy