ماذا بعد! 🖤

من فترة شوفت بوست لبنوتة بتقول ( يارب يا جميل، اجعل الأكل جميل).. ربنا ألهمني أردده كتير اليوم وأنا بحضر الغدا كنت مرتاحة وحاسه إن كل شيء في عيني جميل والأكل طلع جميل أوي فعلاً! حد تاني كان منزل إنه لما بيدخل على patient بيقول دعاء "اللهم إن يدك سابقة ولاحقة ومحيطة بأيدينا فاجعل الشفاء يجري عليها اللهم لا تؤاخذه بذنبي ولا تؤاخذني بذنبه اللهم أصلح ما بين أيدينا" بدأت أعمل كده فعلاً وحسيت بفرق رهيب وراحة وتحسن مش طبيعي! قريب كنت مع ماما فى مشوار واحنا راجعين وقفنا كتير ومش لاقيين مواصلات ماما قالتلي هنعمل إيه قولتلها هندعي يا ماما ولسه بقول يارب لقينا مواصلة وروحنا واحنا مبسوطين أوي.. الدعاء نعمة كبيرة يا شباب:)) نعمة زي نعمة الصحة وزي كل نِعم الله علينا رزق ربنا بيسوقه على ألسنتنا زي الأكل والشرب والدوا كدا بالظبط.. تخيّل أنت في موقف وتلاقي لسانك نطق بالدعاء المظبوط المناسب للموقف دا، كان ممكن على فكرة تفضل تفكر وتزداد همّ وحزن وبؤس وتسرح في عالم تاني خالص ، لكن فكرة أن لسانك ينطق ويقول يارب ومش بس كده، لا ربنا بيدلك بالكلمات الصح والدعوة الصح.. فلله الحمد كله على نعمة الدعاء وتيسيره على ألسنتنا في الوقت المظبوط ومش تاركنا لاهيين ومسحولين.. حد من الصحابة مش متذكرة اسمه كان يقول كنا لا نحمل همّ الإجابة، لأنهم واثقين أن مادام ربنا جعل لسانهم يسترسل في الدعاء لأنه رزق من الله يبقى أكيد مُجاب بفضل الله وكرمه علينا والمسألة مسألة وقت متقاس من رب العالمين في الوقت المظبوط بالثانية جميل إن الواحد يدرب نفسه على رؤية ألطاف ربنا ليه ولا يألف النعم فيُصاب في نفسه، والدعاء نعمة حتى لو لم ترى إجابة بعد فيكفي إنك مسموع متعبد لله بدعوة.. الله ودود جميل ورحيم. - آمال علاء

‏"يا وهاب، هب لنا بركة لا تزول، وخيرا لا ينقطع، وحياة طيبة، ودعوة مستجابة، وقبولاً في الأرض والسماء وبارك لنا فيما نملك، وارزقنا محبتك وعفوك، ومغفرتك."

.

وعليكم السلام ورحمه الله وبركاته 🤎. أنا شايفه أنه الشخص الصح لما يجي هتبقي مطمنه ومرتاحه ، مفيش قلق ،مفيش تردد مفيش قلق ، بتبقي حاسه شويه انك تعرفيه فهماني ؟ صلي استخاره تاني وفكك م التفكير ، ودا مش حاجه غلط انك ترفضي ، بس تفكري بقلبك وعقلك مع بعض🤍.

اللهم إنَّ في تدبيرك ما يُغني عن الحيَل، وفي كرمك ما هو فوق الأمل، أصلح لنا شأننا كلّه ولا تَكِلنا لأنفسنا طرفة عين🤍.

اللهم صل وسلم وبارك علي سيدنا محمد صلاة وسلاماً ، توصلني إليه وتجمعني عليه وتقربني لحضرته وتمتعني برؤيته ، واشاهده عيانا واراه يقظة ومناما وتقع عين قلبي علي عين ذاته ،واحظي بعطفه وافوز بمناجاته واتيني بنورك نور اليقين وايدني بروح منك يا ارحم الراحمين، وان أعمل صالحاً ترضاه واسكني برحمتك في عبادك الصالحين 🤍.

اخدت بالي أنه الصورة دي لفت التواتساب كله ، عاوزين كمان نخليها تلف التليجرام كله🤍.

ادعولي ي جماعة ربنا يطمن قلبي ، عشان بالله أنا محتاجه الدعوه دي جداً .

قويني يا رب و راضيني❤️‍🩹.

اللهم اشفِ أمي وانثر العافية في جسدها، واسقها لذة الصحة، واجعلها سالمة معفاة لا ضرر فيها ربي اشفها شفاء لا يغادر سقمًا❤️‍🩹.

ما أضيق أفق العبد، وما أوسع فضل الله❤️‍🩹.

شكراً جداً جداً لكل اللي سأل ع ماما ، ربنا يديمكم ويكرمكم يا رب . بس بالله أنا بنزل عشان متنسوهاش أبدا ف دعواتك ، يا رب عافي مامت دينا ، يا رب متحرمش دينا منها🤍.

كنت قاعدة ف الكافتيريا ، وبعيط ، مش بعيط دا انا كنت منهارة ، لقيت القرآن اشتغل ع آية ، " وبشر الصابرين" وبعدها علطول "ولا تقطنوا من رحمة الله " وبعدها والله الأيتين" ولا يكلف الله نفساً إلا وسعها " أنا يا رب ؟ أنا يا رب بطمني ؟ أنا اللي كلي ذنوب تنظر لأمري وتواسيني ؟ الحمدلله حتى ترضى والحمدلله إذا رضيت والحمدلله بعد الرضا 🥹❤️‍🩹.

قاعده قدام العناية ، وبحاول اتماسك ، وانا ع تكه وأعيط وربنا .

ادعوا لماما ، بالله عليكم ادعوا لماما ❤️‍🩹.

أكيد طبعاً طبعاً 😂❤️. لا يست نستحملك😂❤️.

تدوم😂😂. لأ إذا كان كدا ماشي. لأ طبعاً استحملك ،قولي الاكونت بتاعك وانا أزيلك م الاتشانل نيهاهاها😂.

يخربيت لمتكم يحبايبي❤️.

يعني عارفنا ماذا قبل عشان نعرف ماذا بعد ؟ ادوني يخواتي بقى ف جلد الذات 🥹.

والله يخواتي أنا مش تمام ، ولا شكلي أنا ، ولا أي حاجه ، ينهار انهيار 😭.