🫂ሰው ሁን ከሰውም ሰው🫂

በህይወት ስንኖር አንድ ልብስ ብቻ መልበስ ቢኖርብን የምናደርገውን ጥንቃቄ አስቡት እስኪ? ያ ልብስ እንዳይቆሽሽ ስንጠነቀቅ፣ ከቆሸሸብን ደግሞ ስናጥበው እንዳይሳሳ ስንጠነቀቅ፣ እንዳይቀደድ ስንሳቀቅ ብቻ በተቻለን አቅም እኛ ሳናልቅ እሱ ቀድሞ እንዳያልቅ ዋጋ እንከፍላለን። የተሰጠን ህይወት እንደዚህ ልብስ ነው፤ ሌላ ተቀያሪ የለንም። ታዲያ ለምንድነው ግድየለሽ የምንሆነው? ሰዎች ምን ይሉኛል ብለን የማንፈልገውን የምናደርገው? አንድ አይን ያለው ሰውኮ በአይን አይቀልድም! ወንድሜ የተሰጠህን የመኖር ዕድል በነፃነት የፈለከውን ሆነህ የፈለከውን አሳክተህ መኖር አለብህ! ጥሩ ጥሩ ነገሮች በሙሉ ለ እናንተ መልካም ቀን🌞 ታዚ✍✍✍

👁    አንድ ዓይን በአንድ መንደር የሚኖር አንድ ምቀኛ ሰው ነበር። ከዕለታት አንድ ቀን እግዚአብሔር ተገለጠለትና ንገረኝ ምን ላድርግልህ ካለው በኋላ ወንድማዊ ፍቅርን ሊያስተምረው ስለፈለገ የፈለከውን ጠይቀኝ እሰጥሃለሁ። ፡ ግን ለአንተ አንድ ነገር ሳደርግልህ ለጎረቤትህ ሁለት እጥፍ እንደማደርግለት ልታውቅ ይገባሃል አለው። : ምቀኝነቱ ከደሙ ጋር የተዋሃደ ያህል የሚያመው ይኽ ምቀኛ ሰው የሚፈልገው ብዙ ነገር ቢኖርም ለጓደኛው /ጎረቤቱ እጥፍ ሊሰጠው በመሆኑ ተበሳጨ እናም ምን ብሎ ቢለምን ጥሩ ነው??? . . . . . . . : እግዚአብሔር ሆይ አንድ አይኔን አጥፋው...........(የጎረቤቱ ሁለቱም እንዲጠፋ ) ✳️✳️✳️✳️✳️✳️✳️✳️✳️✳️ ምቀኛ ነጋዴ "በራሱ መዘረፍ ሳይሆን በጓደኛው መታለፍ ይበሳጫል" እንዲሉ .... እኔ መልካም ስለሆንኩ ዓይንህ ምቀኛ ናትን? ማቴ 20:1 - 17      ✍ታዚ

ስጦታው ከአንድ ሰው በራፍ ላይ ቁጭ ብሎ ድንች የሚሸጥ ምሲኪን ሰው ነበረ። የቤቱ ባለቤት ሁሌም ወደ ውጪ ሲወጣ ይህንን ምስኪን ሰው ይመለከተው ነበረ። ቀኑን ሙሉ ብርድና ጸሀይ እየተፈራረቀበት ኑሮን ለማሸነፍ መድከሙ ስላሳዘነው በአቅሙ ሊረዳው ወሰነ። ነጋዴው አንዷን ድንች በ50 ሳንቲም ነበር የሚቸረችረው። ታዲያ ይህ ሰው ምስኪኑን ነጋዴ ለመርዳት በማሰብ በየቀኑ የአንድ ድንች ዋጋ እየሰጠው ለመሄድ ወሰነ። በየቀኑ 50 ሳንቲሙን እየሰጠው በአንጻሩ ምንም ድንች ሳይቀበል ይሄዳል። ከብዙ ጊዜ በኋላ ይህ ሰው እንደለመደው 50 ሳንቲሙን አኑሮለት ጉዞውን ቀጠለ። ድንገት ከኋላው “ጌታዬ” የሚል ጥሪ ይሰማል። ዞር ብሎ ሲመለከት ምስኪኑ ነጋዴ ነበር በሩጫ የደረሰበትና የጠራው። ሰውየው በፈገግታ “ከስንት ጊዜ በኋላ ለምን በቀን በቀን 50 ሳንቲም በነጻ እየሰጠሁ እንደማልፍ ልጠይቀኝ ነው ያስቆምከኝ?” አለው ነጋዴው ግን እያለከለከ “አይደለም ኸረ” ሲል መለሰ። ይሄኔ ሰውየው ግራ ገብቶት “እና ለምን አስቆምከኝ?” ቢለው “የድንች ዋጋ 75 መግባቱን ልነግርዎት ነው፤ እናም ስሙኒ ይጎድላል” አለው አሉ። ይህንን ታሪክ  ቁልጭ አድርጎ  የሰው ልጅን የአልጠግብ ባይነትና ያለማመስገንን ባህሪ የሚያንጸባርቅ ነው። ልክ እንደዚህ ምስኪን ነጋዴ ነጻ በሚሰጠን ነገር ላይ እንኳን እንደራደራለን። የእኛ ባልሆነው ሀብት እንሟገታለን። በቸርነት በተሰጠን ነገር ሁሉ ይበልጥ እንጠይቃለን። ሃምሳ ሳንቲም ለምን በነጻ ተሰጠኝ ሳይሆን ለምን ስሙኒ ጎደለ የሚል አመለካከት ስላለን እኮ ነው አብዛኛዎቻችን ባለን ነገር መደሰት የሚያቅተን። ብዙ ጊዜ ከፈጣሪ ጋርም ሆነ በየእለት ኑሮዋችን በነገሮች ላይ የምንደራደረው ልክ እንደዚህ ምስኪን ነጋዴ ነው። በነጻ የሚሰጠንን 50 ሳንቲም ሳይሆን የኑሮዋችንን ዋጋ እራሳችን ተምነን ቀሪው ጎደለ ብለን እንሟገታለን። ስዎች የሚሰጡንን ነጻ ፍቅር፤ ነጻ ክብር፤ ነጻ እምነት ዋጋ የማንሰጠው ቀሪውን ስሙኒ ስለምናስብ ነው። እኛ በባህሪያችን ነጻ የሆነን ነገር ዋጋ አንሰጠውም እንደውም አንድ ተናጋሪ ሰዎች አይምሮዋችንን በደንብ የማንጠቀምበት ነጻ ስለተሰጠን ነው ሲል ሰምቸው ግርምት ጭሮብኝ ነበር። እውነት እኮ ነው፤ የላፕቶፓችንን ያህል አይምሮዋችንን ዋጋ አንሰጠውም። ላፕቶፓችንን ቫይረስ እንዳይነካው የምንጠነቀቀውን ያህል አይምሮዋችን እንዳይበከል አንጠነቀቅም።የሚያስደንቀው ግን የሰው ልጅ በምንም ያህል ገንዘብ ሊገዛቸው የማይችላቸው ሀብቶቹ በሙሉ በነጻ የሚያገኛቸው ናቸው። በ50 ሳንቲሙ ያልተደሰተና ያላመሰገነ ሰው ስሙኒ ቢጨመርለት ምን ዋጋ አለው? በየቀኑ የሚቸረን 50 ሳንቲም ከበቂ በላይ ነው፤ አንዳንዴ ስሙኒው ይቀራል ብለን ሰጪውን ባናስቀይም መልካም ነበር፤ ነገር ግን ሰው ነን!!! ብዙ ጊዜ ደስታችንን የሚነጥቀን የ “ስሙኒ ይቀራል” አይነት አመለካከታችን ነው። የተሰጠንስ 50 ሳንቲም? የተሰጠን ነጻ ፍቅር፤ ነጻ ክብር፤ ነጻ እምነት፤ ነጻ ጤንነት፤ እነዚህ ሁሉ የ ሰጠንን ፈጣሪ እናመስግነው እንጂ አናማረው እላለው። ማናችንም በዚያ ላይ ሙሉ ስልጣን የለንምና። ✍ታዚ

ወጣቶች! አፍቅሩ፣ ነገር ግን . . . አንድን ሰው ስታፈቅሩ በዚያ ስሜት ውስጥ ሆናችሁ ረጅም ርቀት ከመጓዛችሁ በፊት እናንተ ያንን ሰው ባፈቀራችሁበት የፍቅር ጥልቀት ልክ እሱም እንደሚያፈቅራችሁ እርግጠኛ መሆናችሁን አትዘንጉ፡፡ እናንተ ላላችሁ ጠሊቅ ፍቅር የሚመጥን ፍቅር የሌለው ሰው የሚሰጣችሁ ቁስል ያንኑ ያህል ጠሊቅ መሆኑን አትርሱ፡፡ • አፍቅሩ፣ ነገር ግን ያላችሁን የፍቅር ስሜት መውሰድ በፈለጋችሁት ፍጥነት ያኛውም ሰው መውሰድ መፈለጉን እርግጠኛ ሁኑ፡፡ • አፍቅሩ፣ ነገር ግን ልባችሁን አሳልፋችሁ ከመስጠታችሁ በፊት እናንተም መፈቀራችሁን እርግጠኛ ሁኑ፡፡ • አፍቅሩ፣ ነገር ግን ፍቅር አውነተኛ ነው እንጂ እውር እንዳልሆነ አትርሱ፡፡ ፍቅር ያስባል፣ ያያል፣ ያመዛዝናል፣ ምላሽ ይጠብቃል፣ በመጨረሻም በትክክለኛው ነገር ላይ ይቆርጣል፡፡ ✍ታዚ

የፊልም ጥቆማ Dear Zindigi ( ውድ ህይወት ) ፊልሙ ላይ Aliya Bat እና Sharku Khan ጨምሮ የተለያዩ ተዋንያን በአንድ ላይ ተጣምረው ያቀረቡት ሲሆን ፊልሙ በአንዲት በህፃንነቷ በቤተሰቦቿ ያለመፈለግ፣ የመገፋትና ችላ የመባል የልጅነት ጠባሳ ውስጥ ያለፈች ሴት ላይ ያጠነጠነ ነው። በፊልሙ ላይ ያቺ ልጅ ካደገች በኋላ የተዋጣላት ካሜራ ማን ብትሆንም በፍቅር ህይወቷ እና በራሷ ግን መቼም ደስተኛና ሰላም ሆና አታውቅም። የምትቀርባቸው ወንዶች ጋር ጥሩ ግንኙነት ቢኖራትም እሷ ግን የሆነ ሰዓት ላይ ያለ በቂ ምክንያት ግንኙነቱን ታቋርጠዋለች። የሚመጡት ለመሔድ ነው ብሎ ልጅነቷ ስላሳመናት ሳይተዋት፣ ሳይገፏት እሷ ቀድማ ትተዋቸዋለች። ለምን  ምክንያቱም በልጅነቷ የተሰማትን የመገፋትና ያለመፈለግ ከባድ የስሜት ስቃይ ደግማ ላለማሳለፍ ስትል ነበር። በኋላ ላይ በመጨረሻ ባገጠማት ወንድ ምክንያት የልጅነት ጠባሳዋ trigger ያደርግባትና የእንቅልፍ ችግር ያጋጥማታል። በዚህ ጊዜ ነው በስራ አጋጣሚ ያየችውን therapist ለማየት የወሰነችው። በፊልሙ መጨረሻ ላይ Dr Jangeer ስለ ስነ ልቦና ምክክር ሲገልፅ እንዲህ ይላል " ህይወት ልክ እንደ puzzle ናት። እንደኔ አይነት ሰዎች የጠፋውን የ puzzle ቁራጭ እንድታገኚውና በትክክለኛው ቦታ ላይ እንድትገጥሚው ማገዝና መርዳት ነው ስራችን፣ ሆኖም Puzzlun ግን ገጥመሽ የምታጠናቅቂው አንቺ ነሽ " በማለት ያብራራዋል። በአጠቃላይ ፊልም በነበራት Adverse Childhood ምክንያት የፍቅር ግንኙነቷን ጨምሮ ሌላው የህይወት ክፍሏ ላይ ምን ያህል ተፅዕኖ እንዳሳደረባትና ለምን አይነት የስነ ልቦና ስቃይ እንደዳረጋት ያሳያል። በመጨረሻም ፊልሙን እየጋበዝኳችሁ ከ ፊልሙ ላይ በጣም የወደድኩትን ንግግር በማካፈል ልሰናበታችሁ። " ትላንትሽ በነገው ብሩህ ህይወትሽ ላይ እንዲነግድብሽ አትፍቀጅ " ራሳችሁን ከመጥፎ የልጅነት ልምዳችሁ ነፃ አውጡ። ✍በኃይሉ (ታዚ)

የፊልም ጥቆማ Dear Zindigi

የአስተዳደግ ጣጣ በፍቅር ሕይወት ውስጥ (“የፍቅር ሕይወት” ከተሰኘው የዶ/ር ኢዮብ ማሞ መጽሐፍ የተወሰደ) ልጆች ከቤተባቸው ጋር ወይም ከአሳዳጊዎቻቸው ጋር ሲኖሩ እያዩ፣ እየሰሙና እየተደረገባቸው የሚያድጓቸው አስቸጋሪ ልምምዶች አስፈላጊው “ሕክምና” ተደርጎላቸው መስመር ካልያዙ በፍቅር ግንኙነት ላይ መዘዝ ይዘው ይመጣሉ፡፡ እነዚህ መዘዞች ሰዎቹ፣ “ምን ሆኛለሁ” እስኪሉ ድረስ የተመሰረቱ አስተሳሰቦች ስለሆኑ ግንኙነታቸውን ሲያቃውሰው አቅም-የለሽ ሆነው ከማየት በስተቀር ምንም ነገር ማድረግ እንደማይችሉ ይሰማቸዋል፡፡ ከዚህ በታች በልጅነት በመጣ የተዛባ ንጽረተ-ዓለም አማካኝነት በውደፊት የፍቅር ግንኙነትም ሆነ የትዳር ሕይወት ውስጥ ከሚከሰቱ ችግሮች ጥቂቶቹንና ዋና ዋናዎቹን ጠቅሰን እናልፋለን:: 1) ፍቅረኛ ትቶኝ ይሄዳል የሚል ፍርሃት በልጅነት ከቤተቦቻቸው ጋር የተዛባ ግንኙነት የነበራቸው፣ የተገፉ፣ ቤተሰቦቻቸው ሲገፋፉ የተመለከቱና የተመሳሳይ ችግር ሰለባ የሆኑ ልጆች አድገው በሚኖራቸው የፍቅር ግንኙነት ውስጥ የፍርሃት ስሜት ሊያጠቃቸው ይችላል፡፡ ለምሳሌ፣ በሚኖራቸው የፍቅር ግንኙነት ውስጥ ራስን ለሌላኛው ሰው አምኖ በፍቅር የመስጠትን ሁኔታ እንዲፈሩ ጫና ሊያሳደርባቸው ይችላል፡፡ ይህንን ፍርሃታቸውን ደግሞ ቀድሞውኑ ፍቅረኛ ለመያዝ በመቸገር፣ ፍቅረኛ ከያዙ በኋላ ፍቅረኛቸው ገና ለገና እንዳይገፋቸው በመፍራት ለሁሉም ነገር እሺ የማለት ባህሪይና የመሳሰሉትን ጤና-ቢስ ዝንባሌዎች ሊያንጸባርቁ ይችላሉ፡፡  2) ተጣባቂነት ይህ ባህሪይ ከላይ ከተጠቀሰው ፍቅረኛ ቶን ይሄዳል ከሚለው ፍርሃት ጋር ግንኙነት ቢኖረውም የራሱ የሆነም ባህሪይ አለው፡፡ ለምሳሌ በልጅነታቸው የመገፋትን ህመም፣ የወላጆች መለያየትን ስቃይ፣ የቤተሰብ መበታተንን መዘዝና የመሳሰሉትን ሁኔታዎች ቀምሰው ያደጉ ሰዎች ይህንን ከመለያየት የሚመጣወን ስቃይ ስለሚፈሩትና ስለማይፈልጉት ሁኔታው እንዳይከሰት በፍቅረኛቸው ላይ ከልክ ያለፈ መጣበቅን ሊያሳዩ ይችላሉ፡፡ ይህ የሙጥኝ ብሎ የመጣበቅ ባህሪይ ከዝቅተኛነት መንፈስ የሚመነጭ ከመሆኑም ባሻገር በመጣበቃቸውና ፍቅረኛቸውን አላስገባ አላስወጣ በማለታቸው ምክንያት ግንኙነቱን የሚጠብቁት ይመስላቸዋል፡፡ እንደ እውነቱ ከሆነ ግን የአጉል መጣበቁና ከአይኔና ከአጠገቤ አልጣህ የሚለው ሁኔታቸው በውጤቱ እንዲያውም ፍቅረኛቸው እንዲሸሻቸው ሊያደርገው ይችላል፡፡   3) ኃይለኛነትና ሁከት ፈጣሪነት በልጅነታቸው በስነ-ልቦናቸውም ሆነ በአካላቸውም የተደበደቡ ሰዎች ሲያድጉ ያንንው ባህሪይ የማንጸባረቅ ሰፊ እድል አላቸው፡፡ ይህ ዝንባሌ በፍቅር ህይወታቸው ሲንጸባረቅ፣ ለሚከሰቱ አለመግባባቶች ሁሉ ኃይልን በመጠቀም፣ ደብዳቢ በመሆን ወይም ፍቅረኛን የሚያውኩ ንግግሮችን በመናገርና ተግባሮችን በማድረግ ሊገለጽ ይችላል፡፡ ስለሆነም፣ ከዚህ የኃይለኛነት ባህሪይ የተነሳ በግንኙነት ወቅት ከፍቅረኛቸው ጋር በሰላም የሚያሳልፏቸው ቀናት እጅግ በጣም ውስን ናቸው፡፡ ብዙ ሰዎች ራሳቸውንና ፍቅረኛቸውን ግራ በሚያጋባ ሁኔታ ይህ ነው የማይባል ፍቅርና ሊቆጣጠሩት የማይችሉት ኃይለኛነት በአንድ ላይ ሲገልጹና ሲያስተናግዱ ራሳቸውን ያገኙታል፡፡  4) ፍቅረኛን ማመን አለመቻል የተለያዩ የልጅነት ስቃዮች ሰለባ የሆነ ሰው ከዚህ ቁስሉ ሳይድን ወደ ፍቅር ሕይወት ሲገባ ፍቅረኛውን ማመን ያለመቻልና ሁል ጊዜ የመጠራጠርን ባህሪይ ሊያንጸባርቅ ይችላል፡፡ በፍቅረኛቸው ላይ  ምንም አይነት እንዲጠራጠሩት የሚያበቃቸው ሁኔታ ባይመለከቱም እንኳን በምክንያት-የለሽ ጥርጣሬና ባለማመን ድባብ ስር የመኖር ዝንባሌ አላቸው፡፡ የዚህ ችግር ሰለባ የሆኑ ሰዎች ፍቅረኛቸው የወጣበትንና የገባበትን ሁሉ መጠርጠር፣ በስራም ቢሆን የሚያደርጋቸውን የተቃራኒ ጾታ ግንኙነት ሁሉ በጥርጣሬ አይን ማየት፣ ሁኔታውንም እያነሱ መቋጫ የሌለው ጭቅጭቅ ማስነሳትና የመሳሰሉትን ባህሪዎች ያንጸባርቃሉ፡፡  እንግዲህ ከላይ የዘረዘርናቸውን መሰረታዊ ሃሳቦች መሰረት በማድረግ በልጅነት ከነበረን የተዛባ አስተዳደግና በዚያም ምክንያት ከተሸከምነው የስነ-ልቦና ጫና ነጻ የምንሆንበትን መንገድ የመፈለጉ አስፈላጊነት የቀረውን የሕይወት ዘመናችንን ለአንዴና ለመጨረሻ ጊዜ የሚለውጥ ጉዳይ መሆኑን በሚገባ ልናስብበት ይገባል፡፡    ✍ታዚ

#AmanuelMentalHospital ወደ አማኑኤል ሆስፒታል የሚገቡ የአዕምሮ ህሙማን ቁጥር እየጨመረ ነው። ሆስፒታሉ አዳዲስ ታካሚዎች እየጨመሩ መጥተዋል ብሏል። አማኑኤል አዕምሮ ስፔሻላይዝድ ሆስፒታል ምን አለ ? - ከሚመጡ ታካሚዎች ከሴቶች በበለጠ ወንዶች ትልቁን ቦታ ይይዛሉ። - ከሆስፒታሉ ደህና ሆነው ወጥተው ከወጡም በኋላ ያለው ሁኔታ የተስተካከለ ስለማይሆንላቸው ተመልሶ የማገርሸት እና ተመልሶ የመምጣት ነገር እየጨመረ ይገኛል። - አንድ ክፍተት እየፈጠረ ያለው የተጠኑ ጥናቶች ባለመኖራቸው መንግስትም ትኩረት እየሰጠው ባለመሆኑ ነው። - ወደ ሆስፒታል የሚመጡ አብዛኞቹ ታካሚዎች ፦ ° #ድባቴ ፣ ° #ባይፖላር ፣ ° #ከባድ_የአእምሮ_ህመም ° #በአደንዛዥ_እፅ_ሱስ ሳቢያ የሚመጣ የአዕምሮ ህመም የተጠቁ ናቸው። - በሆስፒታሉ ከሚታከሙ ታካሚዎቸ ውስጥ በብዛት ከ20-40 አመት የእድሜ ክልል ውስጥ የሚገኙት ቁጥራቸው ከፍ ይላል። - የሆስፒታሉ ግንባታ በጣም የቆየና ደረጃውን የጠበቀ ባለመሆኑ በተደጋጋሚ የአልጋ እጥረቶች እየገጠሙ ነው። - ለሚፈጠሩት ክፍተቶች እንደማስተንፈሻ እንዲሆን በጤና ሚኒስቴር አማካኝነት በሆስፒታሉ ግቢ ሌላ ህንፃ ለመገንባት መሰረተ ድንጋይ ተጥሏል። በአንድ አመት ግዜ ውስጥ ያልቃል ተብሎ እቅድ ተይዟል። - የአእምሮ ህመም ታክሞ መዳን የሚችል በመሆኑ ህብረተሰቡ በቂ ግንዛቤ ሊኖረው ይገባል። የዚህ መረጃ ባለቤት ኢትዮ ኤፍ ኤም 107.8 ሬድዮ ጣቢያ ነው። @tikvahethiopia

#ሕይወት_የመጀመሪያም_የመጨረሻም_እድል! “ሕይወት የአንድ ጊዜ ብቻ አቅርቦት ነው። በደንብ ኑሩት” (Thoughts Wonder) ዛሬ ለማድረግ ያልቻልናቸውን ነገሮች ነገ እስከምናደርጋቸው ጓጉተን በመቆይ ጊዜውና እድሉ ሲመቻች እናደርጋቸዋለን፡፡ ሕይወት ግን እንደዚያ አይደለም፡፡ ሕይወት ማለት ለአንዴና ለመጨረሻ ጊዜ የሚሰጥ እድል ነው፡፡ አንዴ ካልተጠቀምንበት ደግሞ ተመልሶ አይመጣም፡፡ ይህንን የአንድ ጊዜ ብቻ እድል በተለያዩ ምክንያቶች ሳታጣጥሙትና ሳትኖሩት እንዳታልፉ ብልሆች ሁኑ፡፡ ይህንን ሕይወት በማጣጣም መለመኖር ሃብታም መሆን የለባችሁም፣ አዋቂ መሆን የለባችሁም፣ ዝነኛ መሆን የለባችሁም፣ ትቷችሁ የሄደውን ሰው ማስመለስ የለባችሁም፣ የምትፈልጉትን ነገር ሁሉ ማግኘት የለባችሁም፣ በሁሉም ሰው ተቀባይነት ማግኘት የለባችሁም፣ የትም ሃገር ሄዳችሁ መኖር የለባችሁም . . . ፡፡ ዛሬ ሕይወትን በማጣጣም ለመኖር መወሰን ትችላላችሁ፡፡ •  ዛሬ ባላችሁ ነገር ተደሰቱ፣ የሌላችሁን ነገር ለማግኘት ግን ጠንክራችሁ ስሩ፡፡ •  ባሏችሁ ወዳጆች ላይ በማተኮ ደስተኞች ሁኑ፣ የራቋችሁን ጓደኞች ደግሞ ለቀቅ  ማድረግ ተማሩ፡፡ •  በእጃችሁ ላይ ያለውን ስራ በደስተኛነትና በትጋት ስሩ፣ ነገር ግን ለተሻለ ነገ በማቀድ በዓላማ ኑሩ፡፡ •  ማንነታችሁን በመቀበል ከራሳችሁ ጋር ደስተኞች ሁኑ፣ መለወጥና መሻሻል የሚገባውን የስብእና ሁኔታችሁ ላይ ግን ካለማቋረጥ ስሩ፡፡ •  ግባችሁ እስከምትደርሱ ባላችሁ ጉዞ ተደሰቱ፣ ግባችሁ እስከምትደርሱ ግን እርምጃችሁን ቀጥሉ፡፡ የሰላምና የጤና ሕይወት ይሁንላችሁ! ዶ/ር ኢዮብ ማሞ ✍ታዚ

ለምን የሰው ባሪያ እንደሆነክ! በውስጥህ ያለው ጥማት ነው የሰው ባሪያ የሚያደርግህ፡፡ • ተቀባይነት የማግኘት ጥማት ሁሉን ሰው አስደሳች የመሆን ባሪያ ያደርግሃል፡፡ • የፍቅር ጥማት በፍቅር ሽፋን የግል መጠቀሚያ የሚያደርግህ ሰው ባሪያ ያደርግሃል፡፡ • የስኬት ጥማት የማይሞላ ተስፋ ሰጪ ሰዎች ባሪያ ያደርግሃል፡፡ • ትኩረት የማግኘት ጥማት የተለማመጡኝ ባይ ሰዎች ባሪያ ያደርግሃል፡፡ ከእነዚህና እነዚህን ከሚመስሉ ፈጽመው ሊያረኩ ከማይችሉ ነገሮች ውጪ መኖር እንደምትችል ራስህን አሳምነህና አስለምደህ ቀና ብል መኖር እስካልለመድክ ድረስ ከሰዎች ባርነት ነጻ ልትሆን አትችልም፡፡ ከሰዎች ባርነት ነጻ እስካልወጣህ ድረስ ደግሞ እንደዞረብህና እንደተዘባረቀብህ ትኖራለህ፡፡ ዛሬ የውሳኔ ቀን ይሁንልህ! ✍ታዚ