The Christian News

#አዲስ መጽሐፍ #በቅርብ #ቀን... ከ1,300 ገጾች በላይ ተዋቅሮ ከ4,800 በላይ ቃላት ያካተተ #ድንቅ የአማርኛ መጽሐፍ #ቅዱስ መዝገበ ቃላት በዘላለም መንግስቱ ተዘጋጅቶ በቅርብ ቀን ወደ አንባቢያን ይደርሳል። 23 ዓመታት የፈጀው #ይህ #ድንቅ መጽሀፍ በቅርብ ቀን በአዲስ አበባ ሰኔ 15 2016 በኢቫንጀሊካል ቴዎሎጂካል ኮሌጅ (ETC) የምስጋና ጊዜ ከጠዋቱ 4 እስከ 6 ሰዓት በድምቀት ይመረቃል።

#የዛሬ -ሃምሳ #ዓመት #እኔ #በጌታ ምሪት #ወደ ባሌ ጎባ ገብቼ ቤተክርስቲያን ለመትከል ቤት የተከራየውበት ቀን #በሮቤና በአጋርፋ ይሠሩና ይኖሩ ከነበሩት ሁለት ወንድሞች #አያና መኳንንና #ከአባተ ወላኒዎሰ ጋር ከሮቤ አንድ ታጣፊ አልጋ ከነፍራሹ በ28 ብር ገዝተን ቤቱን ደግሞ በ10 ብር ተከራይተን የኪራይ ውል ፈጸምን። ኪራዩን ከሁለቱ ወንድሞች ማን እንደከፈለ ትዝ አይለኝም ። ቤቱ ወንዝ ደር ከመሆኑም በላይ ንፋስ ያስገባል እና በጣም ይበርዳል። በተለይም በማያውቁት አገር ሌሊቱን ለብቻ ማደር እንዴት ያስፈራል። ሃምሳ ዓመት ወደ ኋሊት አሰብኩ ። የአምላኬ ምህረትና ማደን ቸርነቱም ገረመኝ ደነቀኝም። ስሙ ለዘለዓለም የተባረከ ይሁን ። 🙏🙏🙏 ከመጋቢ ጻድቁ አብዶ (የኢትዮጵያ ወንጌላውያን አብያተክርስቲያናት ኅብረት ፕረዚዳንት) ገጽ የተወሰደ

በመቱ የሙሉ #ወንጌል አማኞች #ላይ ደረሰ የተባለው ድብደባ እንዲጣራ የአብያተ ክርስቲያናት ኅብረቱ ጠየቀ። #እሁድ ግንቦት 25 በመቱ ከተማ ለወንጌል ስርጭት በወጡ ክርስቲያኖች ላይ በፖሊስ እና ሚሊሻዎች ድብደባ ተፈጽሟል። ጥቃቱ ከተፈጸመባቸው ወገኖች መካከል አስተያቷን ለአሜሪካ ድምጽ ራድዮ የሰጠችው ኤደን ግርማ እንዲህ ብላለች። ኤደን ግርማ፣ ጥቃት የደረሰባት “የእሁድ አምልኮ ጨርሰን ለወንጌል ስርጭት ሶሪ ዳቦ የሚባልበት አካባቢ ስንደርስ ፖሊሶችና ሚልሻዎች በመኪና መጡ። መሬት ላይ ተቀመጡ ካሉ በኋላ፣ የተወሰኑ ወጣቶች ወደ ፖሊስ ጣብያ ወሰዱን። አመሻሽ ላይ ከአንዱ አመራር ጋር ፖሊስ ጣብያው አካባቢ መሬት ተቀመጡ ብሎ እያወራን፣ ፖሊሶችና ሚሊሻዎች ድብደባ ጀመሩ። እኔ ጭንቅላቴን ተመቼ ስደማ፣ ሌሎችም በጣም ተጎድተው ወደ ሆስፒታል ለህክምና ተወስደናል።” ስትል ተናግራለች። #ቄስ ደበላ ያደታ፣ የኢሉባቦር ዞን ወንጌላዊያን አብያተ ክርስትያናት ህብረት ሰብሳቢ በበኩላቸው “እኛ ህገ መንግስቱ በሚሰጠን መብት መሰረት እምነታችንን የማካሄድ መብት አለን። ከመንግስት ጋርም በሚያስፈልጉ ነገሮች ዙርያ በትብብር ስንሰራ ቆይተናል። መንግስት እንደዚህ ያደርጋል የሚል እምነት ባይኖረንም፣ የመንግስት መዋቅር ውስጥ ያሉ ሰዎች ግን ይሄንን እንዳደረሱ በትክክል እናውቃለን። ስለዚህ ሁኔታው በትክክል እንዲታራ እንጠይቃለን።” ብለዋል። አቶ ተሻለ ኤጄርሶ፣ የመቱ ከተማ ከንቲባ በበኩላቸው “ከሳምንት በፊት ለነበረው ስብከተ ወንጌል ፍቃድ የተሰጠ ቢሆንም፣ እሁድ ግንቦት 18 ሲደረግ ለነበረው የወንጌል ስርጭት የተሰጠ ፍቃድ የለም። አላስፈላጊ ድብደባና ግጭት ከፖሊስ ዘንድ መድረሱን ተመልክተናል። ከጸጥታ አካላት ጋርም ይሄንኑ ጉዳይ በተመለከተ ምርመራ እየተካሄደ ነው።” VOA Amharic

ምዕመናን #ወደ ፕሮግራሙ እንዳትሄዱ። "በወላይታ ሶዶ ሁለገብ ስታዲየም የሚደረገው ኮንፈረንስ እውቅና የለዉም" ስትል የወላይታ ቀጠና ቃለ ሕይወት ቤተክርስቲያን ገለፀች። ቤተክርስቲያኒቱ ከሰኔ 01 እና 02/2016ዓ.ም በወላይታ ሶዶ ሁለገብ ስታዲየም CJ ኮንፍራንስ ለማድረግ በሶሻል ሚዲያ እና ለአጥቢያዎች ደብዳቤ በመጻፉ የማስታወቂያ ስራዎችን መስራቱ ይታወሳል፡፡ በመሆኑ የሶዶ ከተማ ቃለ ሕይወት አጥቢያ ቤተ ክርስቲያናት ኅብረት ይህ ኮንፈረንስ በወላይታ ቀጠና ቃ/ሕ/ጽ/ቤት ፤ የሶዶ ከተማ እና ዞን ወንጌላዊያን አብያተ ክርስቲያናት ካውንስሉም እንዲሁም የሶዶ ከተማ ቃ/ሕ/ቤ/ያናት ኅብረትም ዕውቅና የሌለው በመሆኑም አጥቢያዎችም ሆነ ምዕመኖቻቸው ወደዚህ ፕሮግራም እንዳይሄዱ በዞን ፕሮግራም ጭምር በማስታወቂያ እንዲነገራቸው በጌታ ፍቅር እናሳውቃለን፡፡ ሲሉ በደብዳቤ ገልፀዋል። በቀኑ በኅብረቱ እውቅና ኮንፈረንስን ያዘጋጁ አጥቢያዎች ስታዲየም ቃ/ሕ/ቤ/ያን እና መብራት ኃይል ታ/ሕ/ቤ/ያን በእነዚህ አጥቢያዎች ንፁህን የእግዚአብሔር ቃል ትምህርት እንዲትካፈለ እናሳስባለን፡፡ ሲሉም አሳስበዋል።

የመጋቢ ቢኒያም ሽታዬ እና ነቢይ ኢዮብ ጭሮ ጨምሮ የ4 ግለሰቦች #ቤተክርስቲያን ፈቃድ ተሰረዘ። #የኢትዮጵያ ወንጌል አማኞች አብያተ ክርስቲያናት ካውንስል በስህተት ትምህርትና ልምምዶች ዙሪያ የ3ተኛ መደበኛ ጠቅላላ ጉባኤ ውሳኔን ጋዜጣዊ መግለጫ ለሚዲያዎች ሰጥቷል። የካውንስሉን ምክር ተቀበለው፤ ሕዝብን ከሚያሳስት ተግባራቸው ለመመለስ ፈቃደኛ ሆነው ባለመገኘታቸው፤ ስማቸው ከዚህ በታች የተዘረዘሩት አብያተ ክርስቲያናትና ሚኒስትሪዎች ሠርተፍኬት እንዲሰረዝ ተወስኗል ሲል ዛሬ ባወጣው መግለጫ ጠቅሷል። በዚህ መሰረት 1. ነቢይ ኢዮብ ጭሮ (ጆይ ጭሮ) (ጋድስ ላይት ግሎሪ ኢንተርናሽናል ሚኒስትሪ) 2. መጋቢ ካሳ ኪራጋ (ገዥዋ ዓለም አቀፍ የክርስቶስ ቤተክርስቲያን) 3. መጋቢ መዝገቡ ሚስጥሩ (የሰማይቱ ጽዮን ማኅበርተኞች የክርስቶስ ቤተክርስቲያን) 4. መጋቢ ቢኒያም ሽታዬ (የእግዚአብሔር መንግስት እውነት ዓለም አቀፍ ሚኒስትሪ) ሙሉ በሙሉ ፈቃዳቸው ተሰርዟል። በመሆኑም የሚመለከታችሁ የመንግስት አካላት ከላይ ስማቸው የተቀመጡ አካላት ከዚህ ቀደም ከነበረባቸው ስህተቶች እንዲታረሙ በዝርዝር ቢመከሩም ፈጽሞ ሊመለሱ ያልቻሉ መሆናቸው ታውቆ ካውንስሉ ለሚወስደው ማንኛውም አስተዳደራዊ እርምጃ አስፈላጊውን ድግፍ እንዲያደርግ ተጠይቋል። በቀጣይ በተቋማቱ እና በግለሰቦቹ ስም የተከፈቱ የባንክ ሂሳቦችና ሌሎች ተዛማጅ ጉዳዮች ሁሉ ላይ የሚወስደውን አስተዳደራዊ እርምጃ አስመልከቶ ወደ ተግባር በመቀየር ረገድ ድጋፍ ተጠይቋል። ተጨማሪ ዝርዝር መረጃ በቪዲዮ ይዘን የምንመለስ ይሆናል።

#እግዚአብሔር ያፅናናሽ። የአርቲስት ዘሪቱ ከበደ የመጀመሪያ ልጅ #ወደ ጌታ ሄደ። የአርቲስት ዘሪቱ ከበደ የ 17 ዓመት የመጀመሪያ ልጅ ክርስቲያን ላቃቸው በድንገተኛ ህመም ላንሴት አጠቃላይ ሆስፒታል በህክምና ሲረዳ ቆይቶ ከዚህ ዓለም በሞት መለየቱ ተሰምቷል። The Christian News - የክርስቲያን ዜና ለአርቲስት ዘሪቱና ለወዳጅ ዘመዶች መፅናናትን ይመኛል።

#ዜና «ዲልቢ ገለታ የሱሲፍ" የተሰኘ የመዝሙር ድግስ በሚሊኒየም #አዳራሽ ሊካሄድ ነዉ። ኤልሀዳር ኢንጂነሪንግ ከዘማሪ ጳውሎስ ተገኝ ጋር በመተባበር «ዲልቢ ገለታ የሱሲፍ» የተሰኘውን የመዝሙር ድግስ በሚኒሊየም አዳራሽ ሰኔ 2/2016 ዓ.ም ቀን ከ7፡00 ጀምሮ ማዘጋጀቱን #ዛሬ ግንቦት 27/2016 ዓ.ም በስካይ ላይት ሆቴል በሰጠው ጋዜጣዊ መግለጫ አስታውቋል ። #ዘማሪ ጳውሎስ ተገኝ ሶስት አልበሞችን እና የተለያዩ ዝማሬዎችን ከተለያዩ ዘማሪዎች ጋር በመስራት ለኢትዮጵያ ቤተክርስቲያን ያበረከተ ሲሆን «ሙጫ ካዮ» ከተሰኘ የህፃናት ህብረት ጋር በመሆን ሁለት ቪሲዲዎችን በመስራት ለአማኞች አድርሷል። በእለቱ ስለታማ ነገሮች ምግብ እና መጠጥ ይዞ መግባት እንደማይቻል የተገለፀ ሲሆን በሚሊኒየም አዳራሽ መጠጥ እና ምግብ በሽያጭ እንደተዘጋጀ ተነግሯል። በዚህ ፕሮግራም ለመሳተፍ የመግቢያ ዋጋው በነፃ ስለሆነ መጨናነቅ እንዳይፈጠር ከጠዋቱ 4 ሰአት ጀምሮ እንዲገኙ ጥሪ አስተላልፈዋል። ፎቶ 📸 @ጥላሁን ደሳለኝ

በኦሮሚያ ክልል ኢሉአባቦራ መቱ ከተማ ለሃይማኖታዊ ስብከት አደባባይ ወጥተው የነበሩ የሙሉ ወንጌል ቤተ ክርስቲያን አባላት በአካባቢው የፀጥታ ኃይሎች ድብደባ ተፈጽሞባቸው ጉዳት እንደደረሰ ለቢቢሲ ተናገሩ። ቢቢሲ ያነጋገራቸው የቤተክርስቲያኒቱ መሪዎች እና በወቅቱ በስፍራው የነበሩ ግለሰቦች እንዳሉት ከሆነ የፀጥታ ኃይሎቹ በፈጸሙት ድብደባ የተጎዱት ሰዎች ከ20 በላይ እንደሚሆኑ ገልጸዋል። የመቱ ከተማ ከንቲባ አቶ ተሻለ ኤጀርሶ በበኩላቸው የቤተክርስቲያኒቱ አባላት ያካሄዱት የጎዳና ላይ ስብከት ከተገቢው የመንግሥት አካል ፈቃድ እንዳላገኘ ተናግረዋል። የሙሉ ወንጌል #ቤተክርስቲያን አገልጋይ የሆኑት ፓስተር ብርሃኑ ዘለቀ በበኩላቸው ከመቱ እና አካባቢዋ የመጡ የቤተክርስቲያኒቷ አባላት እሁድ ግንቦት 25/2016 ዓ.ም ለጎዳና ላይ ስብከት በወጡበት በፖሊስ ጥቃት ተፈጽሞባቸዋል። “ወደ ከተማዋ ጎዳና የወጣነው ወንጌል ለመስበክ ነው። ከአንድ #ሺህ #ሰው በላይ ይሆናል በወቅቱ የወጣው። መንገድ ሳንዘጋ በጎዳናው ላይ እየተንቀሳቀስን እየሰበክን ነበር። ሕገ መንግሥታዊ መብታችን ነው። የፀጥታ ኃይሎች መጥተው አስቆሙን” ሲሉ ለቢቢሲ ተናግረዋል። የከተማው ከንቲባ በበኩላቸው “በዕለቱ በከተማችን የትኛውም የእምነት ተቋም በከተማዋ ጎዳና ላይ አምልኮ ለማካሄድ በሚል ፈቃድ አልጠየቀም፣ አልወሰደም። በከተማው ጎዳና ላይ ወጥተው የነበሩ ሰዎችን ፖሊስ አስቁሟቸዋል። ፖሊስ ያስቆማቸው ፈቃድ ስለሌላቸው እና የመሰባሰባቸው ምክንያት ባለመታወቁ ነው” ብለዋል። ፓስተር ብርሃኑ፣ የፀጥታ ኃይል አባላቱ ምዕመናኑን ካስቆሟቸው በኋላ እየዘመሩ የነበሩትን በመኪና ጭነው ወደ ፖሊስ ጣቢያ መውሰዳቸውንም ይናገራሉ። ሙሉ ዝርዝር መረጃ ከThe Christian news የfacebook ገፃችን ያንብቡ #ወንጌል #ለዓለም #ሁሉ

የኮርያ እና አይቮሪ ኮስት አብያተ ክርስቲያናት ከእናት ሜቱዲስት ቤ/ክ  መገንጠልን ለምን መረጡ? በአሜሪካ ከሚገኙ የፕሮቴስታንት አብያተ ክርስቲያናት መካከል የዩናይትድ ሜቱዲስት ቸርች ተጠቃሽ ናት። ስር መሰረቷን እንግሊዝ ሃገር ከተነሱ የ18ኛው ክ/ዘመን መጀመሪያ፣ እውቅ የስነ መለኮት መምህራን መካከል የሆኑት ጆን ዌስሊይ ያደረገችው ይህቺ ቤ/ክ ዛሬ በአሜሪካ እና መላው አለም በርካታ አብያተ ክርስቲያናትን ተክላ ወንጌል ስትሰራ ቆይታለች። ታሪካዊ በሆነ ውሳኔ፣ ይህቺ ጥንታዊት ቤ/ክ ልክ የዛሬ 1 ወር በፊት ነው፣ ግብረሰዶም የሆኑ አገልጋዮችን በቤቷ የፈቀደችው። ከዚያን ጊዜ ጀምሮ በየወሩ በአለም ዙርያ ያሉ አብረው ሰራተኛ አብያተ ክርስቲያናት ህብረት ማድረጋቸውን እያቆሙ ነው። ለአብነትም የኮትዲቯር፣ እና ሌሎችም የአፍሪካ ሃገራት የሚገኙ ከ4.6 ሚሊዮን በላይ አባላት ያሏቸው ሃገራት ከአሜሪካዋ ሜቱዲስት ጋር ያላቸውን ህብረት ማቆማቸውን በግልጽ አውጀዋል። ይሄንኑ የቤ/ክኗ ውሳኔ ተከትሎ፣ በሃገረ አሜሪካ ብቻ የሚገኙ ከ77 መቶ በላይ አብያተ ክርስቲያናትም ህብረት ማቆማቸውን አሳውቀው ነበር። ይህም የአባላቱን ቁጥር ከአፍሪካ አብያተ ክርስቲያናት ጋር በድምሩ ከ10 ሚሊዮን በላይ ያደርገዋል። የኮርያ ሜቱዲስት አብያተ ክርስቲያናትም የቤተ ክርስቲያኗን ውሳኔ ተከትለው “ክርስትና የስሜት ጉዳይ አይደለም!” ሲሉ አቋማቸውን ገልጸዋል። መጽሃፍ ቅዱስ በግልጽ ሃጢያት ነው ብለው ያስቀመጠው ጉዳይ ላይ የግለሰቦች ሃሳብ በቤ/ክን ላይ መሰልጠን የለበትም ብለዋል አቋማቸውን ሲገልጡ። ቤተ ክርስቲያኗ ያላት #አንድ ተስፋ በአፍሪካ ብቻ ነው ብለዋል። በዚህ ውሳኔዋ ብቻ ከአባላቷ ሩብ ያክል ወደ 11 ሚሊዮን የሚገመቱ አባላትን የያዙ አብያተ ክርስቲያናት፣ ህብረታቸውን ከአሜሪካ ሜቱዲስት ጋር አቋርጠዋል።