Yupiterlik Markayeva

Xitoydan salomlar~

​Overthinking - Keragidan ortiqcha o'ylayverish, nega buncha ko'p o'ylaymiz, qanday qilib intruziv fikrlarni to'xtatish mumkin? Ba'zida xuddi faqat siz hamma uxlab yotgan paytda uyg'oqdek, hamma mazza qilib dam oladigan paytda siz g'amgin musiqaga cho'kib yotgandek, hammada hayot tep-tekis-u, birgina sizdagi hayot o'nqir-cho'nqirdek tuyuladi. Lekin, xavotir olmang, siz butun dunyo aholisining 18 dan 35 yoshgacha bo'lgan 76% iga kirasiz, bu degani sizning barqaror bo'lmagan mental holatingiz faqat sizda emas, qolganlarda ham bor degani. Overthinking - ortiqcha o'ylab siqilish - voz kechish qiyin va inson o'zi istamagan holda amal qiladigan odat hisoblanadi va mazkur mental holat insonning o'tgan voqealarni uzoq muddat tahlil qilishi va hali sodir bo'lmagan kelajakdagi voqealarni o'ylab xavotir olishi tufayli kelib chiqadi. Bilasizmi, men qanday izohlardim bu holatni. Tassavur qiling, Siz hamster siz, (dengiz cho'chqasi) kichkina sichqonga o'xshaydigan hayvon, va sizni dumaloq, yog'ochdan yasalgan g'ildirakni ichiga solib qo'yishadi va o'sha aylana ichida aylanaverasiz, aylanaverasiz, chiqa olmaysiz. Loop. Oxiri yo'q. Overthinking ham xuddi shunday. Siz o'ylab na o'tgan ishni o'zgartira olasiz, na hali sodir bo'lmagan voqeani nima bo'lishini bila olasiz. Bu shunchaki energiyangizni va vatqingizni sug'urib oladigan holat, agar fikrlashni nazorat qila olmasangiz, bora bora bu depressiya, PTSD, ADHD degan psixologik inqirozlarga sabab bo'ladi. Qanday qilib to'xtataman o'ylashni axir, iloji bormi? Ha. Bu holatda men insonlarni 2 turga bo'laman: 1. Overthinker (Ko'p o'ylovchi) 2. Problem-solver (Muammoni hal qiluvchi) Keling, shu turdagi insonlarning reaksiyasini "O'tmish va kelajak" misollarida ko'rib chiqsak: O'tmish: Kecha siz imtihon topshirdingiz yoki ish uchun suhbatga bordingiz va qovun tushurgandek his qilyapsiz va ishingiz o'xshamasligini sezib turibsiz. Overthinker: Ahmoqman, qo'limdan hechnima kelmaydi, xato qildim, xato gapirib qo'ydim, nimaga shunchalik omadsizman, nega menga bunaqa savollar tushdi, qancha tayyorlangandim-a, essiz, bir umr shu ahvol, jin ursin! Problem-solver: Ha, xato javob bergan bo'lishim mumkin, chunki bu haqida bilmasdim, va bu o'tib ketdi. Endi nima qilsam menda mana shu holat boshqa takrorlanmaydi? O'sha mavzu haqida ko'proq izlanaman, o'rganaman va bu narsa meni boshqa tashvishga solmaydi. Kelajak: Ertaga 200 kishilik auditoriyada prezentatsiya qilishingiz kerak, nutq so'zlashingiz va loyihani tushuntirib berishingiz kerak va hayajon kuchli, xavotirdan uxlay olmayapsiz hatto. Overthinker: Adashib ketsam rasvo bo'ladi, yodlab chiqishim kerak gaplarimni, hayajonlanib qolsam-a, ustimdan kulishsachi, sharmanda bo'laman, xushimni yo'qotib qo'ysamchi, qaltirayapman... Problem-solver: Nima qilsam muvaffaqqiyatli yakunlayman, avvalo o'zimni erkin tutishim kerak, ko'proq suv ichishim, hydrated turishim kerak, gaplarimni yodlamayman, shunchaki eslab qolib, tabiiy gapirishga harakat qilaman, qo'limga nimadir ushlab gapiraman hayajonni bosish uchun, masalan ruchka, telefon, marker. Hammasi yaxshi bo'ladi, men uddalayman. Ko'rdingizmi farqni? Siz qaysi mode dasiz? Umumiy qoida: O'tmish o'tib ketdi, sodir bo'lgan voqealarni eslab, o'ylayverish - hechnimani o'zgartirmaydi. Kelajak hali kelmagan, bo'lmagan narsalardan vahima qilib xavotir olish - sizni ertangi kun uchun "tayyor" qilib qo'ymaydi. Har ikkisida ham, o'tmishni o'ylab siqilganingizda ham, kelajakdan xavotir olganingizda ham siz "bugun" ni yo'qotib qo'yasiz, "hozir" ni his qila olmay qolasiz. O'ylang, mayli, problem-solver bo'lib o'ylang, muammoni o'zini emas, uni hal qilish usullarini o'ylang, bu yordam beradi. Hamster bo'lmang. Hammasi yaxshi bo'ladi) Siz kuchlisiz, siz o'z hayollaringizni nazorat qila olasiz. Shunchaki konsentratsiyani nimaga qaratishni o'rganing. @yupiterlik

Saviya - o’zlashtirish o’ta murakkab bo’lgan qadriyat, xarakterning muhim bir elementi, shaxsiyatga ulkan ta’sir qiladigan tushuncha. Afsuski, buni yuqtirib bo’lmaydi, o’rgatib bo’lmaydi, sotvolib bo’lmaydi pulga. Chiroyliroq bo’lishing mumkin, aqlliroq, yoshroq, kattaroq, boyroq, sog’lomroq, “educated” roq hatto. Lekin saviyali bo’lish uchun bularning birortasi yetmaydi. Odamlar hatto bu so’zning mohiyatiga yetmaydi. Lekin karrillab hammani oldida katta ketadi, qo’shtirnoq ichidagi saviyasi bilan. Essiz. @yupiterlik

pauza. “uzr” - hech qanday ma’noga ega emas, toki bu so’z doktorning og’zidan chiqmagunicha. iltijo qilib kechirim so’rash - egoyingga qullikdek eshitiladi toki o’zing yerga yotib yalinishga majbur bo’lmagunincha. baland ovozdagi tezyordam mashina sirenasi ahamiyatsiz eshitiladi - toki u ketayotgan manzil seni uying bo’lmagunicha. uying oddiy to’rt devordek ko’rinadi - toki oilangdan uzoq bo’lib, uy bu odamlar ekanini anglamaguningcha. xatolaringni tuzatishing uchun vaqting bordek tuyuladi, 7 soniyada hayoting ko’z o’ngingdan o’tishni boshlamaguncha. o’lim seni oddiy kunda topadi, oddiy holatda. chala qolgan rejalaring bilan, dunyo sensiz davom etadi. nafas ol. @yupiterlik

Filippinda bugungi zilzila tufayli 37 kishi halok bo’libdi, pray for them, everyone.

Qanday mavjudotsan o'zi? Tanang uyquga muhtoj, ruhing inkor qilaveradi. Miyang o'chmaydi, OFF switch yo'qdek xuddi, 24 soat band va gavjum miyang xotirjamlikni his qilishga ulgurmay qoladi hecham, uxlashing kerak payt ko'rshapalaksan, nokturnal nafas olging keladi, uyg'onishing kerak payt o'ta irodasizsan, qani endi dunyo seni tinch qo'ysa. Baxtga talpinasan, lekin juda baxtli bo'lib ketishdan qo'rqasan, chunki shubhali, hali buncha baxtni his qilmagansan, baxt senga qopqon bo'lib kelgan doim, pishloqqa qiziqtirib, keyin boshing bilan qisib qolgan o'sha qopqon. Albatta shubhalanasan. Izidan qayg'u kelishini his qilasan. Chekinasan. Yuqori status uchun kurashasan, uncha buncha joyda shovqin ko'tarvoradigan kimdir bo'lib ketging keladi, Bekzod akaga o'xshab 9.0 xoxlaysan agar senam IELTS deb yugurib yurgan bo'lsang, Tashkent City dan 3 xonali uyga yo'q demasding masalan, keyin sekingina bitta oppoq Kia yoki Hyundai olsangda bittasini dadangga sovg'a qilsang, sekin kuchayib sursang dengizortiga...qizil yo'lak, kameralar, paparazzi, media...lekin qani endi aslida xonangdan chiqmasangda, o'qimasangda...faqat yotsangdaaa birovga ozor bermaygina.. haligi 99% xolerik xarizmatikang 1% introvert melanxoliyang bilan parcha- parcha bo'lib ketadi. Ehh, sengayam qiyin. Qanaqa mavjudotsan o'zi... @yupiterlik

Art is a therapy. Istalgan turdagi art - terapiya, g'ird tekin. ayniqsa o'zingiz yaratganingiz. Ruhiyatingizga bilasizmi qanchalik ta'sir ko'rsata oladi art? Masalan, chizish. Ba'zi insonlar qo'liga ruchka bilan varoq tushishi bilan imzo qo'yishni boshlashadi, bunday insonlar o'zidagi ko'p jihatlardan qoniqmaydilar va o'ziga bo'lgan ishonchini oshirish uchun intiladiganlar turidan, idealistlar, xullas. Bilasizmi aslida qanday ta'sir ko'rsatish mumkin shunchaki chizib? Charchasangiz - gullar chizing. Darg'azab bo'lsangiz - chiziqlar chizing. Og'risangiz - nimadir yasang, quring. G'amga botsangiz - rangli bo'yoqlar bilan kamalak chizing. Hamma narsadan bezovta bo'laversangiz - origami yasang. Esga olish kerak bo'lsa - labirint chizing. Toliqqan, holsiz bo'lsangiz - naqshlar chizing. Umidsizlikka tushgan bo'lsangiz - yo'llar chizing. Yodda saqlash kerak bo'lsa - rangli katta dog'lar chizing. Sinab ko'ring) Bu bilan katta muammolaringiz hal bo'lib qolmaydi-yu, lekin ongostida kichik mo'jizalar sodir bo'lishni boshlaydi, sizga ko'rinmasa, bilinmasa ham) Siz - muammolaringizdan kuchliroqsiz. love you, take care. @yupiterlik

Ertaga o’lishingizni bilsangiz, bugun nima qilardingiz?

what’s not meant for you will disappoint you a thousand times.

25 - juda g’alati yosh, kecha sen bilan suvsepar o’ynagan odamlar bugun basharangdan mag’zava ag’darib ketishlariga ortiq hayron bo’lmay qo’yasan. ishda hurmatga ega bo’lish, do’st orttirish, muvaffaqqiyatli romantik munosabatlar qurish uchun o’zingni qadringni isbotlashga uringaningni eslab kulasan, krinj his qilasan. hamma joyni svetini o’chirib yuradigan bo’lasan, chunki kommunalga endi sen pul to’laysan, oysha xolangni katta qizini uyidamassan, mustaqilsan. istalgan ziyofat, vecherinka, tug’ilgan kun, tug’ilmagan kunlardan ko’ra jimgina bir o’zing serial ko’rib uxlashni afzal ko’rasan. avval senga vauuv tuyulgan hamma narsaga deyarli qurbing, qo’ling yetadi lekin o’sha zavq qolmagan, hayratlanishing qiyin. odamlarni asl niyatlarini ancha yaxshi payqaydigan bo’lasan, avtomatik introvertlashasan, qancha kam gapirsang, shuncha yaxshi his qilasan. telefoningga hechkim sms yoki qo’ngiroq qoldirmasligidan yolg’iz qilishing kamayib, tinch his qilishni boshlaysan. seni quritadigan munosabatlardan sekin sekin chiqib ketib qolganingni bilmaysan, atrofingga qarasang uje senda krug yo’q. Maqsadlar o’zaro bo’lmagan hechkimga qiziq emassan. kanalingga avval yozgan postlaringga odamlar ko’p komment, fikr bildirishlari uchun harakat qilsang, endi e’tiborni so’rab olayotgandek his qilasanda, hammani tinch qo’yasan. auditoriyang sekin o’zgarib boradi, avval seni ba’zi yigitlar yaxshi ko’rgani uchun kuzatgan bo’lsa, endi kuzatmaydi chunki blokda/uylanib ketgan/qamoqda/foydasi yo’q/va hkz. qizlar ham shunday, avval seni o’qishga kirish, karyera qilishga matvassa beruvchi odam sifatida ko’rgan bo’lsa endi 1 oyda 60 ta postingni yig’ib o’qiydi yo o’tkazvoradi, chunki o’qishga kirib bo’lgan/mustaqil/yigit bor/erga tekkan/boshqa opashkalari bor. Va hammada instagram borakan, bir nima deyish qiyin.

bir marta xato bu xato ikkinchi marta ham xato uchinchi, to’rtinchi va qirq sakkizinchi martasida bu - tanlov.

galleriyangizni eng random rasm? (i wanna laugh)

maggii)

2 ta 4, shuyam bittasi eng yaxshi korgan fanimdan tovba, ikkinchisi moodle da bitta mendan oldingi familiyaga qo'yilishi kk bo'gan texnik xato, to'g'rilattirmaganman eee deb

sessiya sezon qale ketyapti, talabalar) 6 yil o'qib jami 12 ta sessiya, 2 ta himoya, gos postlar bilan hisoblasam, ancha vaqtim shu bechara GPA imga sarflangan ekan, shu orada bekor paytim o'qiganman ham lekin)

Onaga bog’lanib qolish — “mother complex” Ona kompleksi — bu insonning o'zi bilib-bilmay qiladigan harakatlari, fikrlari, o'ylari, his-tuyg'ularining tagida ona obrazi yotishini tushuntiruvchi tushuncha. Bunday odam nima qilsa ham harakatining driveri ona obrazi bo'ladi. Bola onasiga qattiq bog’lanib qolishi tufayli ona kompleksi yuzaga keladi va natijada o‘z ehtiyojlarini mustaqil qondirish qobiliyatidan mahrum bo‘ladi yoki kech shakllanadi. Kelajakda o‘z fikr va pozitsiyasini erkin ifodalashda muammolar kuzatiladi.

Misol: - 20 yoshli talaba bahosini qo'ydirish uchun onasini yetaklab kelishi; - xotinining maishiy talabini onadan ruxsat olib qondirishi; - qizlarda esa o'z shaxsini unutib, ona bilan bitta bb ketish.

📌 Obuna bo'lish: @psycho_review

Men har doim 2-toifaga kirib yashaganman. Bu hayotimni hech qanaqasiga yengillashtirmagan. Odamlarni ko’nglini og’ritmaslikka urinib, ichimga yutganman ko’p narsalarni, aytmaganman, aybini yashirganman, xato qilsa ham indamay ketaverganman oxiri sovuq muzga aylanganman. Natijada, 25 yoshga kirib atrofimda do’stlarim tanishlarim ancha kamaydi, men bilan tez tez muloqotda bo’ladiganlar endi barmoq bilan sanoqli. Do’st, yaqin inson, muhabbatingizga arziydigan kimdir (lar) ni topish oson, lekin ularni ushlab qolish qiyin. Qochib ketish muammo emas, gap qayerda qolishda. Shuning uchun muammolardan qochib ularni hal qilaman desangiz adashasiz. Communicate. Ayting nima sizga noqulay, ayting nima qalbingizni og’ritdi, 25 ga kirganingizda ham yarim kecha 3 da yomon tush ko’rib uyg’onib ketib telefon qila oladigan odamingiz bo’lmasligi yomon. Ota-onani bog’lab bermagan. Bir umr ichingizga yutib yashay olmaysiz ham. Ulg’ayishingiz kerak. Muammolarni gaplashib hal qilishni o’rganishingiz kerak. @yupiterlik