Ormilitarism

İndoneziyanın Papua bölgəsində, Biak adlı kənddə evin altında İkinci Dünya Müharibəsindən qalmış bomba partlayıb. Partlayışda 5 nəfər ölüb, təxminən 20 nəfər yaralanıb. Partlayış bir neçə evi dağıdıb. Əlavə təhlükə ehtimalına görə ərazi nəzarətə götürülüb.

29 may tarixli peyk görüntülərinə görə Hörmüz boğazının girişində 252 metr uzunluğunda bir gəmi yanarkən görüntülənib. Şəkillərdə İran tərəfdən 4 sürətli qayığın həmin əraziyə yaxınlaşdığı, bir başqa qayığın isə əks istiqamətdə uzaqlaşdığı görünür.

SEPAH-ın dəniz qüvvələri Hörmüz boğazında sürətli qayıqlarla patrul görüntüləri yayıb. Onlar bunu adi, daim davam edən xidmət kimi təqdim edib. Qayıqların əsas işi boğazdan keçən gəmilərə istiqamət verməkdir. Əgər hansısa gəmi xəbərdarlıqlara əməl etməzsə, onu dayandırırlar.

Türkiyənin HAVA SOJ adlı elektron müharibə təyyarəsi ilk dəfə daha aydın görüntülərdə göstərilib. Bu təyyarə Bombardier Global 6000 əsasında hazırlanıb və üzərində ASELSAN-ın yerli radioelektron sistemləri quraşdırılıb. Əsas işi uzaq məsafədən düşmənin radar və rabitə sistemlərini korlamaqdır. Görüntülər Türkiyə Hərbi Hava Qüvvələrinin 115 illiyi ilə bağlı videoda yayımlanıb. Təyyarələrin bu ilin sonuna qədər istifadəyə verilməsi gözlənilir.

SEPAH bildirir ki, 1 iyunun erkən saatlarında ABŞ-a məxsus MQ-1 pilotsuz uçuş aparatını vurub.

ABŞ Hərbi Hava Qüvvələrinə məxsus təxminən 60 ədəd havadan yanacaqdoldurma təyyarəsi (KC-135 və KC-46) Ben Qurion hava limanında yerləşdirilib, əlavə olaraq 16–18 təyyarə Eylat/Ramon bazasında saxlanılır.

Panama bayrağı altında üzən konteyner gəmisi İraqın Umm Qasr limanı yaxınlığında zərbə alıb. UKMTO bildirir ki, naməlum vasitə gəminin sağ (starboard) tərəfinə dəyib və güclü partlayışa səbəb olub. İraq mənbələri isə bunun texniki nasazlıq ola biləcəyini deyir.

Hornet tipli kamikadze dronlarının İzvarino keçid məntəqəsinə (Donetsk) - LXR və Rostov vilayətinin inzibati sərhədinə, cəbhə xəttindən 160 km-dən çox məsafəyə - qədər çatdığı bildirilir. Daha əvvəl də oxşar orta mənzilli dronların DXR və Rostov vilayəti sərhədində yerləşən Veselo-Voznesenka keçid məntəqəsi üzərində uçuşları göstərilmişdi. Bu, keçid məntəqələrində dayanan avtomobillərin birbaşa vurula bilməsi imkanını göstərir. Eyni risk LXR ərazisindəki keçidlər üçün də keçərlidir, çünki burada da yük və minik avtomobilləri növbələr yaradır və bu, dron görüntülərində də görünür.

Kuba sahil müdafiəsi ABŞ-ın mümkün əməliyyatına hazırlıq vəziyyətinə gətirilib. Hazırlığın tərkibinə Bandera VI-M Remulgadas kompleksləri də daxildir. Bu sistem Sovet istehsalı P-15M gəmiəleyhinə raketlərin ixrac versiyası olan P-21/22 raketlərindən istifadə edir. Bu raketlər köhnəlmiş hesab olunur. Onların aşkar edilməsi nisbətən asandır (radar izi yüksəkdir) və gəmi hava hücumundan müdafiə sistemləri tərəfindən tutulması mümkündür. Həmçinin onların idarəetmə sistemi elektron mübarizə vasitələrinə qarşı zəifdir.

Ukraynaya məxsus FP-2 kamikadze dronları adi yük maşınının üzərinə quraşdırılmış qurğudan buraxılır. Dronlar havaya qalxmaq üçün əlavə reaktiv sürətləndirici ilə start götürür.

Rusiya ordusunun çayı keçmək üçün istifadə etməyə çalışdığı, ultra modern, əl üsulu ilə hazırlanmış ponton keçidi və qoşqu.

Yanacaq daşıyan maşınlar ilə bərabər indi də yanacaqdoldurma məntəqələri vurulur. Bu hücumlar təkcə Krıma gedən yol üzərində (Xerson və Zaporojye tərəflərində) yox, LXR ərazisində də edilir. Məqsəd yalnız Krımda deyil, bütün işğal edilmiş ərazilərdə yanacaq çatışmazlığı yaratmaqdır.

İrəvanda keçirilən paradda sistemlər nümayiş olunan Hindistan məhsulları >Akash zenit-raket kompleksi >ATAGS 155 mm yedəkli haubitsalar >MArG 155 BR/39 özüyeriyən haubitsalar >Pinaka 214 mm reaktiv yaylım atəş sistemi >Swathi artilleriya mövqelərini aşkar edən radar

Ukraymanın yaydığı zəif keyfiyyətli peyk şəkillərinə görə, vurulan Tu-142 təyyarələri hücumdan əvvəl aerodromda yerlərini dəyişiblər. Bu təyyarələr əvvəlki hücumda məhv edilən A-60 və A-100LL təyyarələrinin sağ tərəfində dayanırdı. 7 mayda yalnız bir təyyarə görünür, 9 mayda ikinci əlavə olunur, 29 mayda isə üçüncü də görünür.

Rostov vilayətinin Taqanroq hava limanında iki Tu-142 hərbi təyyarəsi və “İskander-M” raket kompleksinin buraxılış qurğusu Ukraynaya məxsus FP-2 kamikadze dronları tərəfindən vurulub. Görüntülərin keyfiyyətli və sabit olması isə onların ya Starlink ilə, ya da güclü siqnal ötürücü vasitəsilə idarə edildiyini göstərir.

Ermənistan Hərbi Hava Qüvvələrinə məxsus Su-30SM çoxməqsədli qırıcıları : Asqılardakı silahlar 4 ədəd R-27R hava-hava raketi 4 ədəd R-73 hava-hava raketi 2 ədəd X-31P hava-yer tipli taktiki idarəolunan raket 2 ədəd X-29T hava-yer idarəolunan raketi 4 ədəd Yasin (İran istehsalı Mk-80 ailəsinə bənzər) aviabomba

Putin: Ukraynadakı böhran hazırda Ermənistanda baş verənlərə bənzər bir vəziyyətlə başlayıb

IBM seriyalı minalar Ukrayna ordusunun yolları uzaqdan minalamaq üçün istifadə etdiyi kiçik partlayıcı vasitələr kimi təsvir olunur. Bu minalar çox kiçikdir və içində az miqdarda partlayıcı olur (on qramdan artıq). Amma bu miqdar belə zirehsiz avtomobilləri sıradan çıxarmaq və insanlara ciddi zərər yetirmək üçün kifayət edir. Onlar müxtəlif üsullarla işə düşə bilər: ya üzərindən maşın keçəndə, ya da toxunma və ya hərəkət dəyişməsi olduqda. Minaların özünü məhv etmə sistemi var və təxminən 90 günə qədər aktiv qala bilər. Yəni bir dəfə atıldıqdan sonra aylarla təhlükə yarada bilər. Bu minalar xüsusi kasetlərdən səpilir. Bir kasetdə onlarla mina ola bilər və onlar yol boyunca geniş əraziyə yayıla bilər. Sadə dildə desək, bunlar yolları təhlükəli hala gətirən və nəqliyyatı risk altına salan kiçik partlayıcı qurğulardır.

Krım və Donetsk Xalq Respublikasında benzin alışı üçün məhdudiyyətlər tətbiq edilib. Krımda bir nəfərə gündə maksimum 20 litr AI-95, DXR-də isə 30 litr AI-95 satılır. Bu vəziyyət yay mövsümünün başlanğıcı ilə üst-üstə düşür. Yay dövrü yanacağa tələbatın artdığı vaxtdır və bu da vəziyyəti daha da gərginləşdirə bilər.

Ukraynanın magistral yolları bloklaması. Dronla bir və ya iki yük maşını və ya yanacaq daşıyan maşın vurulur. Onlar yolda dayanaraq yanmağa başlayır və yolu hər iki istiqamətdə bağlayır. Fövqəladə xidmətlər, hərbi qüvvələr hadisə yerinə çatana, yanğını söndürüb qalıqları təmizləyənə qədər yol hərəkəti dayanır. Bu müddətdə digər nəqliyyat vasitələri sıx şəkildə toplanır və yeni hücumlar üçün daha asan hədəfə çevrilir. Beləliklə, vəziyyət getdikcə böyüyən zəncirvari problemə çevrilir. Əsas məsələ budur ki, arxa cəbhə logistikası əvvəllər hava üstünlüyünə malik müasir aviasiya ilə pozulurdusa, indi bu funksiyanı nisbətən ucuz dronlar yerinə yetirə bilir.