Ormilitarism

Çinin Guangjian-21A sistemi Yük maşını üzərində quraşdırılmış, dronlara qarşı “hard-kill” tipli lazer müdafiə kompleksi. İranın dron hücumlarına qarşı müdafiə məqsədilə Dubay Beynəlxalq Hava Limanında yerləşdirilib.

Əməliyyatın ilkin mərhələsində Rusiya “Lanset”ləri Ukraynanın yaxın və orta arxa cəbhəsində vəziyyəti ciddi şəkildə dəyişmişdisə, indi eyni dəyişikliklərin artıq Rusiya üçün orta və uzaq arxa cəbhədə baş verməsi riski yaranır.

Süni intellekt və Starlink terminalları ilə təchiz olunmuş “Hornet” kamikadze dronları cəbhə xəttindən 120 km uzaqlıqda, Mariupol üzərində ətraf yollar üzrə Rusiya logistikasını hədəfə alarkən. Ölçülərinə görə ABŞ istehsalı olan “Hornet”, “Lanset”dən ciddi şəkildə fərqlənmir. Belə hədəfləri klassik zenit-raket kompleksləri ilə aşkar edib məhv etmək olduqca çətin və səmərəsizdir. Starlink təchiz olduğu üçün radioelektron mübarizə ilə də zərərsizləşdirmək çətinləşir. Çox güman ki, buna qarşı mübarizə əsasən adi atıcı silahlarla təchiz olunmuş qrupların cəlb edilməsi və cəbhə xəttindən 100–150 km dərinlikdə əsas yollar boyunca antidron dəhlizlərinin yaradılması ilə məhdudlaşacaq. Digər mümkün variant dron-tutucuların tətbiqinin genişləndirilməsidir. Lakin bunlar problemin nəticələrinə qarşı passiv mübarizə üsullarıdır. Bu təhlükəyə real cavab yalnız həmin dronları buraxan və idarə edən qüvvələrin məhv edilməsidir. Amma bunun üçün Rusiya Silahlı Qüvvələrinin kifayət qədər kəşfiyyat və zərbə imkanları yoxdur.

Krım üzərində Ukraynaya məxsus FP-1 (FP-2) kamikadze dronunun “Arxangel” zenit dronu vasitəsilə ələ keçirilməsi. Qeyd edək ki, ötən ilin yayında məhz bu tip dron-tutucuların rus MiQ-29SMT qırıcılarına inteqrasiya edilməsi cəhdləri olmuşdu. Lakin görünür, həmin vaxt bu proses plastik bağlayıcılarla dronların bərkidilməsindən irəli getmədi. Bundan cəmi bir neçə ay sonra isə Ukrayna artıq öz P1-SUN və AS3 MEROPS zenit dronlarını PZL M28 Skytruck təyyarəsinə uğurla inteqrasiya edib və onları “Geran” tipli kamikadze dronlara qarşı istifadə edir.

Qroznı, Rostov, Perm və Yaroslavl hücuma məruz qalıb. Nəqliyyat Nazirliyi bildirib ki, aeronaviqasiya inzibati binasına pilotsuz aparatın düşməsi səbəbindən Rusiyanın cənubunda 13 hava limanının fəaliyyəti dayandırılıb.

Rusiya tərəfindən elan edilən birtərəfli atəşkəsin başlamasına bir saatdan az qalmış Ukrayna tərəfi kütləvi kamikadze dron buraxılışları həyata keçirib. Monitorinq kanallarının məlumatına görə, buraxılan dronların təxmini sayı 270-ə yaxındır.

Ukraynanın “Trizub” lazer kompleksi Ukrayna Silahlı Qüvvələrinin mobil antidron sisteminə inteqrasiya edilib və son sınaq mərhələsindən keçib. Bu barədə Celebra Tech şirkəti məlumat verib. Bildirilir ki, kompleks kəşfiyyat PUA-larını 1500 metrədək məsafədə, FPV dronları isə 800–900 metr məsafədə məhv edə bilir. Modernləşdirmə zamanı “Trizub”a süni intellekt əsasında avtomatik hədəf aşkarlama və izləmə sistemi əlavə edilib. Həmçinin hədəflərin trayektoriyasını dəqiq müəyyən etmək üçün radarlarla inteqrasiya olunub. Gələcəkdə “Trizub”un “Geran” tipli dronları 5 km məsafədə vurması planlaşdırılır. İstehsalçı şirkət kompleksi özəl hava hücumundan müdafiə sistemlərinə inteqrasiya üçün də təklif edir. PUA-lara qarşı istifadə olunan Çin istehsalı mobil lazer kompleksindən Rusiya Silahlı Qüvvələri də istifadə edir.

Mali Menaqa şəhərində patrul xidməti aparan rus “Afrika Korpusu”nun hərbçiləri. Arxa planda Çin istehsalı olan VP11 zirehli avtomobili görünür.

ABŞ Mərkəzi Komandanlığı: “7 may tarixində ABŞ Hərbi Dəniz Qüvvələrinə məxsus idarə olunan raket esminesləri Hörmüz boğazından Oman körfəzinə keçərkən İranın səbəbsiz hücumlarını dəf edib və özünümüdafiə zərbələri endirib. USS Truxtun (DDG 103), USS Rafael Peralta (DDG 115) və USS Mason (DDG 87) beynəlxalq dəniz keçidindən tranzit edərkən İran qüvvələri çoxsaylı raketlər, pilotsuz aparat və kiçik qayıqlardan istifadə edib. ABŞ tərəfinə məxsus heç bir vasitə zərər görməyib. ABŞ Mərkəzi Komandanlığı yaxınlaşan təhdidləri məhv edib və ABŞ qüvvələrinə hücumda iştirak edən İran hərbi obyektlərini hədəfə alıb. Bu obyektlərə raket və dron buraxılış məntəqələri, komanda-idarəetmə nöqtələri, həmçinin kəşfiyyat, müşahidə və izləmə infrastrukturu daxildir.”

Gəmilərə atəş açılması.

Bu paylaşımın ümumi mənası : “3 esminesimiz uğurla aradan çıxa bilib sevinək 💪🏻💪🏻”

Prezident Tramp Truth Social-da: “Üç Amerika esminesi atəş altında olmasına baxmayaraq Hörmüz boğazından çox uğurla keçdi. Esmineslərə heç bir ziyan dəymədi, lakin İran tərəfinə ciddi zərər vuruldu. Onlar tamamilə məhv edildi, həmçinin donanmalarının yerini doldurmaq üçün istifadə etdikləri çoxsaylı kiçik qayıqlar da batırıldı. Esmineslərimizə raketlər atıldı, lakin asanlıqla zərərsizləşdirildi. Eyni şəkildə dronlar havada məhv edildi və kəpənək kimi okeana düşdü. Normal ölkə bu esmineslərin keçməsinə icazə verərdi, amma İran normal ölkə deyil. Onlara dəli insanlar rəhbərlik edir və əllərində nüvə silahı olsaydı, tərəddüd etmədən istifadə edərdilər. Amma buna heç vaxt imkan verilməyəcək. Bu gün onları necə məğlub etdiksə, razılaşmanı tez imzalamazlarsa, gələcəkdə daha sərt və daha güclü şəkildə məğlub edəcəyik. Üç esminesimiz heyətləri ilə birlikdə indi yenidən “polad divar” adlandırdığımız dəniz blokadasına qoşulacaq.”

Ötən gecə bölgədə - İlk olaraq Qeşm adasında partlayış səsləri eşidilib. Paralel olaraq Bəndər-Abbas üzərində iki pilotsuz uçuş aparatı vurulub. Eyni vaxtda Malard bölgəsində İran hava hücumundan müdafiə sistemləri aktivləşdirilib. Daha sonra İran mediası, o cümlədən Mehr News, BƏƏ-nin İrana hücum etdiyini iddia edib və bu məlumatın mənbəyi kimi regional müşahidəçilər göstərilib. İran dövlət yayımçısı IRIB-in məlumatına görə, ABŞ hərbi gəmiləri İran neft tankerinə hücum etməyə cəhd göstərdikdən sonra İran qüvvələri bu gəmiləri hədəfə alıb. Digər mənbələr də İranın ABŞ hərbi gəmilərinə atəş açdığını təsdiqləyib və bildirilib ki, ABŞ tərəfi bölgədə dəniz blokadasını tətbiq etməyə çalışıb. Bunun fonunda Minab və Buşehr bölgələrində də zərbələr barədə məlumatlar yayılıb. Gərginlik zamanı ABŞ esmineslərinin Hörmüz boğazını tərk etdiyi bildirilir.

Hava hücumları təhlükəsi səbəbindən regiondakı bəzi bazalar şəxsi heyətin yerləşdirilməsi üçün həddindən artıq riskli hesab olunub və müharibənin əvvəlində bu obyektlərdəki heyətin böyük hissəsi İranın zərbə vasitələrinin çatmadığı ərazilərə çıxarılıb. Hazırda region üzrə görüntülərin əldə edilməsi xeyli çətinləşib. Çünki iri kommersiya peyk operatorları Vantor və Planet Labs ABŞ hökumətinin tələbi ilə görüntülərin yayımını məhdudlaşdırıb, gecikdirib və ya qeyri-müəyyən müddətə dayandırıb. Təhlil üçün İran dövlət mediası tərəfindən yayımlanan 100-dən çox görüntüdən istifadə olunub. İran görüntülərində aşağıdakı hədəflərin vurulduğu göstərilir: Qətərdə Əl-Udeyd aviabazasında AN/FPS-132 erkən xəbərdarlıq radarının zədələnməsi; BƏƏ-də Əl-Ruveys, İordaniyada Muvaffaq əs-Salti və Səudiyyə Ərəbistanında Prins Sultan aviabazalarında AN/TPY-2 radarlarının və THAAD kompleksinə aid texnikanın yerləşdiyi mövqelərə zərbələr; Bəhreyndə Patriot sisteminə aid AN/TPS-75 və AN/MPQ-53/65 radarlarının məhv edilməsi. Küveytdə Kemp Arifcan, Əli əl-Salem aviabazası və Bəhreyndə 5-ci Donanmanın qərargahında AN/GSC-52B peyk rabitə terminallarından beşinin məhv edilməsi; Qətərdə Əl-Udeyd bazasında peyk rabitə obyektinə zərbələr. Bəhreyndə Riffa və İsa aviabazalarında Patriot sisteminə aid texnikanın saxlanıldığı ehtimal edilən anqarların zədələnməsi. Küveytdə Kemp Büerinq ərazisində elektrik stansiyası; Bəhreyndə Hərbi Dəniz Qüvvələrinin təminat məntəqəsində, eləcə də Küveytdə Kemp Büerinq və Əli əl-Salem aviabazasında yanacaq anbarları. Texnika anbarları, müxtəlif təyinatlı binalar, kazarmalar, yeməkxanalar və idman zalları da vurulub və bu zərbələrin məqsədi şəxsi heyət arasında kütləvi itkilər yaratmaq olub. Zədələnmələrin yarıdan çoxu Bəhreyndə 5-ci Donanmanın qərargahı və Küveytdə üç baza – Əli əl-Salem aviabazası, Kemp Büerinq və ABŞ ordusunun regional qərargahının yerləşdiyi Kemp Arifcan üzərinə düşür. Bəhreyndə Hərbi Dəniz Qüvvələrinin təminat məntəqəsinə ciddi ziyan dəyib, 5-ci Donanmanın qərargahı hazırda Florida ştatındakı Makdill aviabazasına köçürülüb. Yaxın vaxtda şəxsi heyətin geri qayıtması ehtimalı aşağı qiymətləndirilir. Bundan əlavə, materialda yerdə məhv edilmiş 11 texnika vahidindən də bəhs olunur.

The Washington Post-un apardığı peyk görüntülərinin təhlilinə görə, İranın aviazərbələri nəticəsində Yaxın Şərqdə ABŞ-ın 15 hərbi obyektində ən azı 217 tikili zədələnib və ya məhv edilib.

ABŞ Hərbi Hava Qüvvələri “Şahed tipli” dronları məhv etmək üçün nəzərdə tutulan Guardian adlı dron-tutucunun sınaqlarını keçirdir. Guardian 500 qramlıq döyüş başlığı daşıyır və 340 km/saat sürətlə 15 km məsafədə dronları vurmaq qabiliyyətinə malikdir.

Qeşm adasındakı Bəhmən limanının bəzi hissələri hədəfə alınıb.

Ukraynanın pilotsuz robot kompleksinin antidron karkası ilə təchiz olunması prosesi.

Qeşm,, Bəndər-Abbas, Hörmüz istiqamətlərinə BƏƏ hücumu iddiası var.

Misir Birləşmiş Ərəb Əmirliklərinə qırıcı təyyarələr yerləşdirib.