Ormilitarism

ABŞ-ın Sierra Nevada Corp şirkəti tərəfindən istehsal olunan Ukraynaya məxsus MAAWLR yüngül anti-dron zenit-raket kompleksinin vurulması. MAAWLR sistemi pikap şassisi üzərində qurulub və hədəfləri aşkar etmək üçün öz optik-elektron stansiyası ilə təchiz olunub. Bununla yanaşı, xarici radiolokasiya stansiyalarından da hədəf təyinatı ala bilir. Kompleks AIM-9M, AIM-132, AIM-120, IRIS-T, R-27 və APKWS II daxil olmaqla geniş çeşiddə raketlərdən istifadə edə bilir. İstifadə olunan sursatdan asılı olaraq, MAAWLR 6–15 km məsafədə dronları məhv etmək qabiliyyətinə malikdir.

“Qərb” qoşun qruplaşmasının 25-ci ümumqoşun ordusunun 164-cü əlahiddə motoatıcı briqadasının hərbçiləri FPV-dronlara qarşı mübarizə üzrə məşqlər zamanı.

Çonqar, Geniçesk və Stavok yaxınlığındakı körpülərin Ukrayna kamikadze dron zərbələri nəticəsində aldığı zədələri, həmçinin idarə olunan dronlardan vizual maskalanma məqsədilə Krım körpüsü üzərində tüstü pərdəsinin qurulmasını əks etdirən peyk görüntüləri. Zədələnmiş körpülərin örtüyündə zərbələrdən yaranmış və hələ də bağlanmamış bir neçə dəlik görünür. Eyni zamanda yaxınlıqda operativ şəkildə qurulmuş ponton keçidlər və torpaq dolğuları da müşahidə olunur.

Xarkov istiqamətində körpü üzərində fiber optik idarə olunan FPV-dron zərbəsi ilə Ukraynaya məxsus yük maşınının məhv edilməsi. Kadrlarda anti-dron “koridoru” görünür. Yük maşını həmin qorunan hissəyə çatmamış vurulub.

Ukrayna HHQ MiQ-29 qırıcı-bombardmançısından öz istehsalı olan KAB-ın ilk dəfə tətbiq edildiyini iddia edir. Söhbət əvvəllər Eurosatory 2026 sərgisində təqdim edilmiş və ondan əvvəl poliqonda sınaqdan keçirilmiş “Virivnyuvaç” dəsti ilə təchiz olunmuş bombadan gedir.

Planet Labs şirkəti tərəfindən yayımlanan aşağı keyfiyyətli peyk görüntülərində Voronejdə yerləşən “VZPP-S” müəssisəsinə Ukrayna zərbəsinin nəticələri əks olunub. Görüntülərə əsasən, əsas korpusla yanaşı yaxınlıqdakı istehsal sexi də zərər görmüş ola bilər. Bu 10 martda Bryanskda “Kremniy” müəssisəsinə Storm Shadow (SCALP-EG) raketləri ilə edilən zərbə ilə oxşarlıq təşkil edir. Hədəf olan müəssisələr hərbi-sənaye kompleksi üçün mikroelektronika istehsal edib Ümumilikdə, Ukrayna Rusiyanın hərbi sənaye istehsalını təmin edən element bazasını sıradan çıxarmağa yönəlmiş strategiya izləyir. Bu baza zenit-raket kompleksləri, onlar üçün raketlər, həmçinin qanadlı və ballistik raketlərin istehsalında istifadə olunur.

Razdolnoye kəndi yaxınlığında Şimali Krım kanalı üzərində yerləşən dəmir yolu körpüsünün bir hissəsi Ukraynanın kamikadze dron zərbələri nəticəsində dağılıb. Nəticələri aradan qaldırmaq üçün gələn təmir qatarı da sonradan hədəfə alınıb. Son bir il ərzində Ukrayna Silahlı Qüvvələrinin Krımın hava hücumundan müdafiə sistemlərini zəiflətməyə yönəlmiş kampaniyası nəticə verməyə başlayır. Ukrayna dronları yarımada üzərində daha sərbəst fəaliyyət göstərir və infrastruktur obyektlərinə daha ciddi zərbələr endirir. Zərbələr, klassik zenit-raket komplekslərinin çatışmazlığı və yaxın məsafəli hava müdafiə vasitələrinin yetərincə inkişaf etməməsi arasında yaranmış boşluğa yönəlib.

Voronejdəki zərbədən sonra tapılan Storm Shadow raketinin xarakterik burun örtüyü (1-ci foto) Luqanskda aşkar olunan oxşar detal (2-ci foto) və raketin üzərindəki örtüklə (3-cü foto) müqayisə edilib. Dəqiqdir ki, zərbələr Britaniya Storm Shadow və ya Fransa istehsalı SCALP raketləri ilə həyata keçirilib.

Peyk görüntülərində Krım körpüsünün Ukraynanın pilotsuz dəniz dronlarına qarşı qurulmuş müdafiə sistemi əks olunub. Kadrlarda körpü ətrafında yerləşdirilmiş barjalar, bumu maneələri və atəş mövqeləri görünür.

Zaporojye vilayətində “Pantsir-S2” zenit-raket-top kompleksinə qarşı Starlink vasitəsilə idarə olunan kamikadze dronların sistemli hücumunun kadrları yayılıb. Bir neçə PUA eyni anda kompleksin atəş mövqeyinə hücum edib. Sistem mövqeni tərk edərək yeraltı sığınacaqda gizlənməyə çalışsa da, dronlar onu orada da vurub.

Krım blokadası davam edir.

Bu gün sabah Rusiya ərazisində Ukraynanın Starlinkli dronlardan istifadəsinə də icazə versələr ruslar qalacaq gözlərini döyə döyə

Ukrayna təzyiqi səbəbi ilə Rusiya qüvvələri Kinburn yarımadasındakı bəzi mövqeləri tərk etməyə məcbur qalır. “Odessa” taktiki qrupunun komandiri Denis Nosikovun sözlərinə görə, rus ordusu ciddi logistika problemləri ilə üzləşib və təchizat xətləri demək olar ki, tam kəsilib. Nəticədə sursat, yanacaq və ərzaq çatışmazlığı yaranıb. Ukraynanın Krıma yönəlmiş zərbələri də vəziyyəti ağırlaşdırır. Yanacaq anbarlarının, logistika mərkəzlərinin və nəqliyyat xətlərinin vurulması cənub cəbhəsində zəncirvari təsir yaradır. Bu tendensiya davam edərsə, təsirlər Zaporojye və Xerson istiqamətlərindəki rus qüvvələrinə də yayılacaq. Mövcud vəziyyət Ukraynanın Dnepr çayı boyunca daha sabit mövqe qurması üçün ilkin şərait yarada bilər.

Ukrayna rəhbərliyi Belarusdan tələb edir ki, ölkə ərazisindəki rabitə qüllələri Rusiyanın dron əməliyyatlarına dəstək verməyi dayandırsın. Ukrayna bu tələb üçün 25 iyun 2026-cı ili son tarix kimi göstərib. Əks halda, həmin qüllələrin və digər obyektlərin hədəfə alınacağı bildirilir. Məlumatlara görə, Rusiya Belarusun mobil şəbəkəsindən istifadə edərək dronlarını Ukraynanın şimal istiqamətində idarə edir. Eyni zamanda, bəzi rus hərbi bloqerləri Belarusun siqnalları məhdudlaşdırmağa başladığını iddia etsə də, bu hələ rəsmi şəkildə təsdiqlənməyib.

ABŞ avtomobil nəhəngləri raket istehsalına başlayır ABŞ rəhbərliyi qlobal silah çatışmazlığını aradan qaldırmaq üçün ölkənin avtomobil konsernlərini hərbi sənayeyə cəlb edir. Verilən rəsmi məlumatlara görə, ABŞ-ın böyük avtomobil şirkətləri bundan sonra "Tomahawk" qanadlı raketləri və "Patriot" HHM sistemlərinin kütləvi istehsalında iştirak edəcək. Bu çərçivədə "General Motors" (GM) konserninin hərbi qanadı "Lockheed Martin" şirkəti ilə rəsmi tərəfdaşlıq sazişi imzalayıb və avtomobil sənayesindəki sürətli konveyer texnologiyasından istifadə edərək Patriot raketlərinin komponentlərinin istehsalına hazırlaşır. ABŞ Prezidenti Donald Tramp da hökumətin "General Motors" və "Ford" şirkətləri ilə danışıqlar apardığını təsdiqləyib. Bu addımın əsas səbəbi Yaxın Şərq və Ukraynadakı münaqişələr fonunda ənənəvi hərbi podratçıların istehsal gücünün qlobal tələbata çatmamasıdır. Pentaqon yaranmış sənaye tıxacını avtomobil nəhənglərinin kütləvi istehsal xətləri hesabına həll etməyi planlaşdırır.

Ukrayna dronları Moskva vilayətində yerləşən “Dubna” Kosmik Rabitə Mərkəzinə hücum edib. Bu barədə mərkəzin əsas strukturu olan “Kosmiçeskaya svyaz” müəssisəsinin mətbuat xidməti məlumat yayıb. Zərbələr nəticəsində personal arasında xəsarət alan yoxdur, televiziya yayımı və rabitə sistemlərinin fəaliyyəti pozulmayıb. Hazırda hücumun nəticələrinin aradan qaldırılması üçün tədbirlər görülür. Qeyd olunur ki, “Dubna” Kosmik Rabitə Mərkəzi Rusiyada ən iri peyk rabitə obyektlərindən biridir. O orbitdəki peyklərlə yerüstü şəbəkələr arasında əlaqəni təmin edir, siqnalların qəbulu, ötürülməsi və emalı ilə məşğuldur.

Kyodo News Ukrayna tərəfinə istinadən Şimali Koreya ballistik raketlərinin dəqiqliyinin növbəti mərhələdə yaxşılaşdığını bildirir. 2026-cı ilin aprel ayına qədər raketlərin hədəfə düşmə xətası 1–5 metrə qədər azalıb. Bu o deməkdir ki, KN-23 (Hwasong-11Ga/ 화성-11가) raketləri nəticədə həm yüksək manevr qabiliyyətinə malik olub, həm kifayət qədər etibarlı hala gətirilib.

Bu gün Voronejdə güclü partlayışlar qeydə alınıb. Hücum zamanı Voronejə Ukrayna tərəfindən bir neçə “Storm Shadow” tipli qanadlı raket atılıb. Zərbələr Voronej yarımkeçirici cihazlar zavoduna (АО “VZPP-S”) endirilib.

Məsələ belədir.