Natinael Mekonnen

ሁሉም አከራይ በ15 ቀናት ተከራያቸውን ይዘው በመምጣት የአከራይ ተከራይ ውል ስምምነት መፈጸም ይጠበቅባቸዋል! የአዲስ አበባ ቤቶች ልማት አስተዳደር ቢሮ ሀላፊ ወይዘሮ ቅድስት ወ/ ጊዮርጊስ በሰጡት ጋዜጣዊ መግለጫ እንደገለፁት፤ በከተማው ግልፅና ፍትሀዊ በሆነ መንገድ አከራይና ተከራይን እኩል ተጠቃሚ ለማድረግ እየተሰራ ይገኛል። ለዚህም ቢሮው የመኖሪያ ቤት ኪራይ ቁጥጥርና አስተዳደር አዋጅ ቁጥር 1320/2016 እና መመሪያ ቁጥር 7/2016 ከመጋቢት 24 2016 ጀምሮ ተግባራዊ እየተደረገ ይገኛል። እንዲሁም በከተማው በ11 ክፍለከተሞችና በ120 ወረዳዎች ላይ የአከራይ ተከራይ የውል ስምምነት ከሰኔ 1 ጀምሮ እየተካሄደ ሲሆን እስከ ሰኔ 30 2016 የሚቆይ ይሆናል። ውሉ ለሁለት አመታት ተግባራዊ የሚደረግ ሲሆን በነዚህ ጊዜያትም ተከራይ ማስወጣት ሆነ የቤት ኪራይ መጨመር የማይቻል መሆኑንም አስታውቀዋል። ምዝገባውን በተሰጠው ጊዜ ሳይመዘገብ እስከ ሶስት ወራት የቆየ አከራይ የሁለት ወር ኪራይ እንዲሁም ከሶስት ወራት በላይ ካለፈ የሶስት ወር የቤት ኪራይ ቅጣት የሚቀጣ መሆኑም ተገልጿል። እንዲሁም አዋጁ ከፀደቀበት መጋቢት 24 2016 ጀምሮ የሚደረግ ማንኛውም የቤት ኪራይ ዋጋ ጭማሪ የማይፈቀድ መሆኑን ገልፀዋል።በመሆኑም በተቀመጠው ጊዜና መመሪያ መሰረት ሁሉም አከራይ ተከራይን ይዘው በመምጣት የአከራይ ተከራይ ውል ስምምነት መፈጸም እንዳለባቸው አስታውቀዋል።

ቃል በተግባር ! Waadaa Gochaan! Good Night #Ethiopiaዬ

የቤት ኪራይ ? የአከራይ ተከራይ አዋጅ ተግባራዊ መሆን ከጀመረበት ጊዜ አንስቶ የቤት ተከራዮች " ኪራይ ጨምሩ ካለዚያ ለቃችሁ ውጡ " እየተባሉ መሆኑን ለቲክቫህ ኢትዮጵያ ገልጸዋል። በተለይ በአዲስ አበባ በተለያዩ አካባቢዎች የሚኖሩና ቃላቸውን የሰጡን ተከራዮች ፥ አከራዮቻቸው በአንድ ጊዜ ከፍተኛ የኪራይ ብር እንዲጨምሩ ያን የማያደርጉ ከሆነ አስወጥተዋቸው ለሌላ ሰው እንደሚያከራዩ እንደነገሯቸው ገልጸዋል። አንድ ተከራይ  ፤  " በአንድ ጊዜ ብዙ ሺህ ብር ጨምር ተባልኩኝ ካለዚያ ቤቱን ልቀቀ ነው የሚሉት ፤ የትሄጄ እንደምኖር ግራ ነው የገባኝ " ሲል በሀዘን ስሜቱን ገልጿል። በአነስተኛ ወርሃዊ ደመወዝ ከመሃል ከተማው እጅግ ርቆ በተከራየትበት አካባቢ ጨምር የተባለው ብር ብዙ በመሆኑ የሚገባበት እንደጠፋው አስረድቷል። ሌላ አንዲ እናት ከባለቤቷ እና ከልጆቿ ጋር ተከራይታ እንደምትኖር ገልጻልን ፤ የአዋጁን ወደ ተግባር መግባት የሰሙት  አከራዮቿ የኪራይ ብር እንድትጨምር ካልሆነ እንድትለቅ እንደነገሯት ጠቁማለች። " ልጆቼን ይዤ የት አባቴ ልሂድ ? ጨነቀኝ  " የምትለው ይህች እናት " አሁን እራሱ የምንከፍለውን ብር እንዴት ተሰቃይተን እንደምናገኘው እኛ ነን የምናውቀው ፤ አይደለም ኪራይ ተጨምሮ የአሁኑም ከብዶናል " ስትል ተናግራለች። ቃላቸውን የሰጡን ተከራዮች ገቢያቸው ወራዊ እና ቋሚ እንደሆነ አመልክተው ሁኔታው እንዳስጨነቃቸው ጠቁመዋል። የአዲስ አበባ የቤቶች ልማት እና አስተዳደር ቢሮ ምን ይላል ? ቢሮው የ ' አከራይ ተከራይ አዋጅ ' ወጥቶ ተግባራዊ ከሆነበት ቀን (ከመጋቢት 24 ቀን 2016 ዓ/ም) ጀምሮ መንግስት ከሚያስቀምጠው የኪራይ ውሳኔ ውጪ በአከራዮች የሚደረግ የኪራይ ዋጋ ጭማሪ እና ውል ማቋረጥ ፈፅሞ የተከለከለ እንደሆነ አስጠንቅቋል። የህግ ክልከላውን ተላልፎ የተገኙ የቤት አከራዮች ላይ አስተዳደራዊ እርምጃ እንደሚወሰድ አሳስቧል። የቤት ኪራይ እንዳይጨመር አስፈላጊውን ክትትል እና ቁጥጥር እንደሚደረግም አመልክቷል።

በአድዋ ድል መታሰቢያ አዳራሽ የኢፌዴሪ መከላከያ ጀኔራል መኮንኖች አዲስ አበባ ከሚኖሩ የአማራ ክልል ተውላጆች ጋር በዛሬው ዕለት ውይይት አደረጉ። የአማራ ክልል የሰላም ኮንፈረንሰ ውይይት ከተለያዩ የህብረተሰብ ክፍሎች ጋር የተደረገ ሲሆን ፕሮግራሙን ክብርት ከንቲባ አዳነች አበቤ በእንኳን ደና መጣችሁ ንግግር ከፍተውታል። መልካም ውይይት እንዲሆን በመመኘት መድረኩን ለአወያዮችና ተወያዩች በመሥጠት በክብር ተሸኝተዋል። ወይይቱን የመሩት የክልሉ ተወላጅ የሆኑት የጦር ሃይሎች ምክትል ጠቅላይ ኢታማዦር ሹም ጀኔራል አበባው ታደሰ፤ የፌደራል ፖሊስ ምክትል ኮሚሽነር ጀነራል ኮሚሽነር ዘላለም መንግስቴ ፤ እንዲሁም የመከላከያ ዘመቻ ዋና መምሪያ ኃላፊ ሌተናል ጄኔራል በላይ ስዩም ናቸው። ተሳታፊዎችም አለ የሚሉትን ችግር በነፃነት በጥያቄም በሃሳብም የገለፁ ሲሆን ጥያቄያቸው ለክልል መንግስት እና ለፌደራል መንግስት ተደራጅቶ እንደሚቀርብ ተገልጿል። ጉባኤው ለማጠቃለያ መድረክ ተሳታፊዎችን የመረጡ ሲሆን ባለ 7 ነጥብ የአቋም መግለጫም አውጥተዋል። በመድረኩ ላይ ከመሪዎቹም ሆነ ከተሳታፊዎቹ የምንረዳው ኢትዮጵያዊያን ቁጭ ብለን ከተነጋገርን የማንፈታው ችግር እንደሌለ መደምደም ይቻላል።ዘገባውን ያደረሠን የመከላከያ ህዝብ ግንኙነት ነው።

የኢትዮጵያ ፌደራል ፖሊስ በመከላከያ ኢንጂነሪንግ ኢንዱስትሪ ኮርፖሬሽን የፖሊስ ጀልባዎችን ለማሰራት ስምምነት ላይ ደረሰ የኢትዮጵያ ፌደራል ፖሊስ በመከላከያ ኢንጂነሪንግ ኢንዱስትሪ ኮርፖሬሽን የፖሊስ ጀልባዎችን ለማሰራት ስምምነት ላይ ደረሰ። በስምምነቱ መሰረት በኮርፖሬሽኑ የሚሰሩ ጀልባዎች ዲዛይናቸው እና የጥራት ደረጃቸው ዓለም አቀፍ ተወዳዳሪ እንዲሆን ለጣሊያንና ለቻይና ሀገራት እንዲሁም ለሌሎች ዓለም አቀፍ ድርጅቶች ተልኮ የተገመገመና አዎንታዊ ምላሽ ያገኘ ዲዛይን መሆኑ ታውቋል፡፡ ጀልባዎቹ ሀገር በቀል በሆነው በመከላከያ ኢንጂነሪንግ ኢንዱስትሪ ኮርፖሬሽን በሀገር ውስጥ መሰራታቸው በሀገራችን የተጀመረውን ከፍተኛ የቴክኖሎጂ ሽግግርን የሚያፋጥንና የኢትዮጵያ ፌደራል ፖሊስ የፀጥታ ስራ አገልግሎትን የበለጠ የሚያዘምን እና ተደራሽነቱን የሚያሳድግ እንደሆነ በስምምነቱ ወቅት ተገልጿል፡፡ የታላቁ የኢትዮጵያ ህዳሴ ግድብ ጥበቃ እና ሌሎች ውሃማ አካላት ያሏቸውን ተቋማት ደህንነት ለመጠበቅ ያለው አስተዋፅዖም ከፍተኛ መሆኑንና በሀገር ዓቀፍ ደረጃ ያለው የቱሪስት ፍሰት እንዲጨምር የራሱ አበርክቶ እንዳለው ተነግሯል፡፡

ጎርጎራ ጎንደር ኢትዮጵያ

አዲሱ የንብረት ማስመለስ ረቂቅ ህግ በውጭ ሀገራት የሚኖሩ ዲያስፖራዎችን ይጎዳል? የውጭ ጉዳይ ሚንስቴር በጉዳዩ ዙሪያ ምላሽ ሰጥቷል የአውሮፓ ህብረት በቅርቡ በኢትዮጵያ ላይ ጣለው የቪዛ መጠየቂያ ገደብ ዙሪያ የሁለትዮሽ ውይይቶች እንደቀጠሉ ውጭ ጉዳይ ሚንስቴር አስታውቋል አዲሱ የንብረት ማስመለስ ረቂቅ ህግ በውጭ ሀገራት የሚኖሩ ዲያስፖራዎችን ይጎዳል? የውጭ ጉዳይ ሚንስቴር ቃል አቀባይ አምባሳደር ነብዩ ተድላ በወቅታዊ የዲፕሎማሲ ጉዳዮች ዙሪያ መግለጫ ሰጥተዋል። አምባሳደር ነብዩ በመግለጫው ወቅት ከተነሱላቸው ጥያቄዎች መካከል ባሳለፍነው ሳምንት ይፋ ስለተደረገው የንብረት ማስመለስ ረቂቅ ህግ አንዱ ነበር። ይህ ረቂቅ ህግ በተለይም በውጭ ሀገራት የሚኖሩ ኢትዮጵያዊያን እና ትውልደ ኢትዮጵያዊያን ላይ ስጋት መደቀኑን፣ ኢትዮጵያ በውጭ ከሚኖሩ ዜጎቿ ጋር ያላትን ግንኙነት ሊጎዳ አይችልም? እና ዲያስፖራዎችን ኢላማ ያደረገ ይመስላል በሚል ለቀረበላቸው ጥያቄ አምባሳደር ነብዩ ተከታዩን ምላሽ ሰጥተዋል። "ህጉ ገና በረቂቅ ደረጃ ላይ ነው፣ እንደ ውጭ ጉዳይ ሚንስቴር እኛም ገና አላየነውም፣ ረቂቅ ህጉ ከዲያስፖራዎች ጋር በተመለከት ጉዳት ካለው አስተያየት የምንሰጥበት ይሆናል" ሲሉ ምላሽ ሰጥተዋል። ሪፖርተር ጋዜጣ አማርኛው ክፍል ባሳለፍነው እሁድ ይዞት በወጣው ዘገባ የንብረት ማስመለስ ረቂቅ ህግ ወደኋላ 10 ዓመት ድረስ በመሄድ አንድ ሰው ከሚታወቀው መደበኛ ህይወቱ በተለየ ንብረት ካፈራ ንብረቱን በህጋዊ መንገድ ስለማግኘቱ ለፍርድ ቤት እንዲያስረዳ ይገደዳል። እንዲሁም ንብረቱ በህጋዊ መንገድ ስለመፈራቱ የሚያስረዳ ማስረጃ ካልተገኘ መንግሥት ንብረቱን የመውረስ መብት እንደሚሰጠው በረቂቅ ህጉ ላይ መቀመጡን በዘገባው ላይ ተጠቅሷል። ሌላኛው በዛሬው መግለጫ ላይ የተነሳው ጉዳይ በኢትዮጵያ ስለተጠለሉ ሱዳናዊያን ስደተኞች ከፍተኛ የደህንነት ስጋት እንደተደቀነባቸው እና ኢትዮጵያ ተገቢውን ጥበቃ እና ድጋፍ አላደረገችም የሚለው ጉዳይ ሲሆን የተሻለ ደህንነት ፍለጋ ወደ ኢትዮጵያ የገቡ ሱዳናዊያንን ተገቢውን ድጋፍ ለማድረግ የክልል እና ፌደራል መንግስታት የተቀናጀ ጥረት እያደረጉ መሆኑን ተናግረዋል። ኢትዮጵያ በተለያዩ የሰብዓዊ ድርጅቶች ውስጥ የሚሰሩ ሰራተኞችን ደህንነት አላስጠበቀችም በሚል ከሰሞኑ የተለያዩ ተቋማት ባወጧቸው ሪፖርቶች ዙሪያ ምላሽ እንዲሰጡም ለአምባሳደር ነብዩ ጥያቄ ቀርቦላቸው ነበር። ቃል አቀባዩም በተለያዩ የኢትዮጵያ አካባቢዎች በተሰማሩ ዓለም አቀፍ የረድኤት ድርጅቶች የሚሰሩ ሰራተኞችን ደህንነት እየጠበቀች መሆኗን ነገር ግን ከሰሞኑ በዚህ ዙሪያ የወጡ ሪፖርቶችን እንዳላዩ ተናግረዋል። የአውሮፓ ህብረት በቅርቡ ኢትዮጵያን በሚመለከት ባወጣው የቪዛ ገደብ ዙሪያ ውይይት እየተደረገ መሆኑን፣ የመኖሪያ ቪዛ ያላገኙ በአውሮፓ የሚኖሩ ኢትዮጵያዊያንን የማጣራቱ ስራ እና ወደ ሀገራቸው ለመመለስ ውይይቶች እንደቀጠሉ መሆኑንም አምባሳደር ነብዩ በመግለጫቸው ላይ ጠቅሰዋል።

የፌዴራል ቤቶች ኮርፖሬሽን ዋና ስራ አስፈጻሚ ክቡር አቶ ረሻድ ከማል የወንድም ካሊድ ፋውንዴሽንን ጎበኙ የፌዴራል ቤቶች ኮርፖሬሽን አገራዊ ሪፎርሙን መነሻ በማድረግ ባካሄደው ተቋማዊ ሪፎርም በፈጠረው ጠንካራ አቅም ድጋፍ ለሚያስፈልጋቸው ወገኖች ፣ ማህበራዊ አገልግሎት ለሚስጡ ተቋ ማት እንዲሁም ለአገራዊ ፕሮጀክቶች ተከታታይነት ባለው መልኩ ድጋፍ እያደረገ ይገኛል። ለመቀዶኒያ እና ለካንሰር ህሙማን ማዕከልም የቢሮ እና የገንዘብ ድጋፍ አድርጓል:: በዚሁ መሠረት ኮርፖሬሽኑ ለወንድም ካሊድ ፋውንዴሽንም የተለያዩ ድጋፎችን ያደረገ ሲሆን በስሩ ላሉ ወገኖችም የሥራ እድል እንዲመቻችላቸው አድርጓል፡፡ ፋውንዴሽኑ ከፌዴራል ቤቶች ኮርፖሬሽን የተከራየውን ቤት በዝቅተኛ የኪራይ ውል እንዲገለገልበትም ተወስኗል፡፡ የፌዴራል ቤቶች ኮርፖሬሽን ዋና ሥራ አስፈጻሚ ክቡር አቶ ረሻድ ከማል በወንድም ካሊድ ፋውንዴሽን በመገኘት በፋውንዴሽኑ ስር ለሚገኙ ወገኖች የምሳ ግብዣም አድርገዋል፡፡ ክቡር አቶ ረሻድ ከማል በጉበኝታቸው ወቅት ባደረጉት ንግግር ኮርፖሬሽኑ ለትርፍ ያልተቋቋሙና ማህበራዊ አገልግሎት ለሚሰጡ በርካታ ተቋማትና ፋውንዴሽኖች በዝቅተኛ ኪራይ ውል ገብተው አገራዊ እንዲሁም ማህበራዊ ፋይዳ ያላቸውን ተግባራት እያከናወኑ መሆኑንም ጠቅሰዋል፡፡ ለወንድም ካሊድ ፋውንዴሽንም በዝቅተኛ የኪራይ ውል ዋጋ እየሰጠ ያለውን በጎ ተግባር እንዲቀጥል ኮርፖሬሽኑ መወሰኑን ነው ክቡር አቶ ረሻድ ከማል የተናገሩት፡፡ በቀጣይም በኮርፖሬሽኑ ባለሙያዎች በሚሰራው ዲዛይን መሰረት የማስፋፊያ ሥራዎች ላይ ኮርፖሬሽኑ ድጋፍ እንደሚያደርግ ገልጸዋል፡፡ የወንድም ካሊድ ፋውንዴሽን መስራች ወንድም ካሊድ ኮርፖሬሽኑ ማህበራዊ ኃላፊነትን ለመወጣት እያደረገ ላለው እንቅስቃሴ ያላቸውን ምስጋና አቅርበዋል፡፡ የፌዴራል ቤቶች ኮርፖሬሽን በቤቱ የሚያገኝበትን በሚሊየን የሚቆጠር ገንዘብ በመተው ለፋውንዴሽኑ በዝቅተኛ ኪራይ ውል እንዲከራይ በመወሰን የፋውንዴሽኑን ቀጣይነት እንዲረጋገጥ አድርጓል ሲሉ ተናግረዋል፡፡ ኮርፖሬሽኑ በርካታ ድጋፎችን ለማድረግ በገባው ቃል መሰረት ፣ ድጋፉን ኮርፖሬሽኑ ከወዲሁ ማድረግ መጀመሩ ፋውንዴሽኑ እንዲጠናከር የራሱን ሚና እንዳለውም ወንድም ካሊድ ተናግረዋል ፡፡ በክቡር ዋና ስራ አስፈጻሚ ረሻድ ከማል መሪነት ኮርፖሬሽኑ እያደረገ ያለውን በጎ ተግባር አጠናክሮ እንዲቀጥልም ወንድም ካሊድ ጠይቀዋል፡፡ ኮርፖሬሽኑ ለበርካታ ማህበራዊ ግልጋሎታቸው ከፍ ላሉ ሀገር በቀል ተቋማትና ፋውንዴሽኖች በዝቅተኛ የኪራይ ውል የመስሪያ ቢሮዎችን እያቀረበ ይገኛል፡፡

የፑቲን እና ኪም የሊሞዚን ሽርሽር የሩሲያው ፕሬዝዳንት ለሰሜን ኮሪያው መሪ ሩሲያ ሰራሽ ቅንጡ ሊሞዚን በስጦታ አበርክተዋል። ፑቲን ለወዳጃቸው ያበረከቷትን ”አውረስ” የተሰኘችው ውድ መኪና እያሽከረከሩም ከኪም ጋር ሲጨዋወቱ ታይተዋል። ከ24 አመት በኋላ በሰሜን ኮሪያ ጉብኝት እያደረጉ የሚገኙት ፕሬዝዳንት ፑቲን በየካቲት ወርም ለኪም ተመሳሳይ የሊሞዚን ስጦታ መላካቸው ይታወሳል። የሁለት ስአት ምክክር ያደረጉት ሁለቱ መሪዎች “ጠላትህ ጠላቴ ነው” ተባብለው ለመተባበር መስማማታቸው ተዘግቧል።

በምስሉ ላይ የምንመለከታት በግምት በ40ዎቹ የእድሜ ክልል የምትገኝ በትግራይ ክልል የአዲግራት ነዋሪ የነበረች ስትሆን ከአራት ቀን በፊት እንደጠፋች የተነገረ ቢሆንም ዛሬ ተገድላ ተገኝታለች።