مواجدة - Mowagda

انا مش متعود اني اتعدى على جسمك .. لما قولتيلي اني مسكتك من جسمك اديقت اني عملت كدا .. انا لما كنا بنعدي كنت مسكت هدومك عشان اللي كان بيعدي وعشان دخلنا مكان انهاردة اسوء ما يمكن ان يكون .. حسيت لا هو شبهك ولا شبهي .. وانه مهما كان .. مكنتش اتوقع تدخلي مكان زي دا .. انا دايما بلاقيكي احسن وبلاقي رد فعلك مش متوقع لكن بيبقى حلو .. وبحس اني عاوز تمسك ايدك وابوسها وببقا عاوز احضنك لأن بحس اني مع انسان مختلف وهو مختلف وجميل وعزيز روح ورمانة قلب وعشان دماغي مابتسكتش عن الشغل .. مش عارف هتتظبط ازاي .. بس انا زي ما قولت كلمة عاوز ابقا كبير ليها وانفذها (ع الجواز بعد سنة) وانا عاوز قبل كدا اصلا 😒

لو حضرتك بتدور على مكان هادي تذاكر فيه بدل الكافيهات والـ Work Spaces .. فدي شوية اختيارات ممكن تساعد .. سواء في القاهرة أو المحافظات 👇 📚 1. المكتبات العامة التابعة للحكومة فيه مكتبات عامة كتير جدًا تابعة للحكومة، والاشتراك فيها غالبًا رمزي سنويًا .. وممكن تلاقي أقرب مكتبة ليك بسهولة حسب منطقتك وبصراحة من أحلى المكتبات اللي دخلتها: - مكتبة مصر الجديدة - مكتبة المعادي فلو عندك مكتبة عامة قريبة منك تستاهل التجربة جدًا قبل ما تدفع اشتراك في مكان خاص وفي يومين في الاسبوع تقدر تدخل كضيف تشوف المكتبة (خد فكرة .. واشتري بكرة😁) 🇩🇪 2. مكتبة جوته – الدقي مكتبة معهد جوته في الدقي من الخيارات المجانية ومناسبة جدًا للمذاكرة والقراءة 🕐 مواعيد من 11 صباحًا لـ 7 مساءً واجازة الجمعة 🇩🇪 3. مكتبة جوته – الإسكندرية فيه كمان مكتبة جوته في الإسكندرية .. 🕐 على حد علمي بتقفل حوالي 4 العصر، فالأفضل التأكد من المواعيد 🇯🇵 4. المكتبة اليابانية – شارع قصر العيني اختيار لطيف جدًا في القاهرة .. 📍 شارع قصر العيني 🕐 من 10 صباحًا لـ 7 مساءً 📅 إجازة الجمعة ودي من الأماكن اللي تستحق التجربة لو مكانها مناسب ليك 🇺🇸 5. AMIDEAST بنها لو محتاج Work Space حقيقي .. فيه مساحة تابعة لـ AMIDEAST في بنها. 💰 الاشتراك الشهري: حوالي 450 جنيه ⏱️ نصف يوم: حوالي 45 جنيه 📅 يوم كامل: حوالي 120 جنيه النت هناك "تحفةةةة"" 🎓 6. مكتبات الجامعات مكتبات الجامعات ممكن تكون خيار كويس جدًا .. خصوصًا إن بعض الجامعات بيكون فيها أماكن مخصصة للقراءة والمذاكرة والهدوء والتركيز أنا شخصيًا مجربتش النظام في كل الجامعات.. فلو حد يعرف جامعة بتسمح لغير طلابها باستخدام المكتبة أو عندها اشتراك رمزي .. ياريت يقول لنا 🌊 7. ساقية الصاوي ساقية الصاوي عندها نظام اشتراك وأعتقد إنه سنوي، وفيه خصم للطلبة الميزة هنا إن المكان مختلف شوية؛ فيه أماكن مطلة على النيل فلو أنت من الناس اللي تقدر تركز مع شوية دوشة وحركة حواليك .. ممكن تستمتع جدًا بالمذاكرة هناك 🏛️ 8. قصور الثقافة والمكتبات الثقافية ودي الاختيارات فيها كتير .. تستاهل البحث عنها خصوصًا لو أنت خارج القاهرة قصور الثقافة والمكتبات الثقافية موجودة في مناطق ومحافظات كتير .. ومن أمثلتها في القاهرة: • قصر ثقافة مصر الجديدة • مكتبة الأسرة بألماظة • مكتبة أحمد حلمي بشبرا • قصر ثقافة المطرية • قصر ثقافة السلام • قصر ثقافة روض الفرج • قصر ثقافة الريحاني • المكتبة الثقافية بحي المعادي • قصر ثقافة حلوان وغيرها كتير. 🇫🇷 9. المعهد الفرنسي – المنيرة المعهد الفرنسي في المنيرة عنده مكتبة، والدخول للاطلاع والقراءة داخل المكتبة مجاني ولو عايز تستعير الكتب بيكون فيه اشتراك سنوي رمزي 🇮🇹 10. المعهد الثقافي الإيطالي – الزمالك عنده مكتبة وقاعات للقراءة والدخول للمكتبة مجاني لكن خلي بالك إن مواعيده أقصر من جوته؛ المكتبة بتقفل حوالي الساعة 4 العصر .. فمش أفضل اختيار لو بتحب تذاكر بالليل 🇭🇺 11. المركز الثقافي المجري – عابدين المركز الثقافي المجري موجود في عابدين وعنده مكتبة لكن بالنسبة لنظام الدخول وهل هو مجاني تمامًا أو محتاج اشتراك رمزي .. محتاجين نتأكد من النظام الحالي قبل ما نعتبره اوبشن 🇪🇸 12. مكتبة ثربانتس – الدقي مكتبة معهد ثربانتس موجودة في الدقي ودي كمان ممكن تكون اوبشن للمذاكرة والقراءة على حد علمي فيه عضوية سنوية لاستخدام المكتبة .. فلو حد عنده معلومات أحدث عن الأسعار أو النظام الحالي ياريت يشاركها 💡 الخلاصة: قبل ما تدفع اشتراك شهري في Coworking Space أو تقعد كل يوم في كافيه .. دور الأول على: 📚 مكتبة عامة قريبة منك 🏛️ قصر ثقافة 🇩🇪 معهد جوته 🇫🇷 المعهد الفرنسي 🇮🇹 المعهد الإيطالي 🇯🇵 المكتبة اليابانية 🎓 مكتبة جامعة 🌊 ساقية الصاوي ممكن تلاقي مكان مناسب جدًا بتكلفة صفر أو اشتراك سنوي رمزي ولو حد يعرف مكتبة أو مكان للمذاكرة مجاني/رخيص في محافظته أو منطقته .. ياريت يكتب اسمه ومكانه في التعليقات عشان نجمع أكبر قائمة ممكنة ونفيد بعض ❤️

مساء الخيرات في فرصة للتطوع في مكان ضمن فريق مسؤل عن استقبال مكالمات طلب مساعدات .. وتقييم الحالات .. والاستجابة في الاوقات اللي فيها ازمة اعتقد ضمن مميزات التطوع دا انه هيوفر جزء له وضعه الخاص في الcv بجانب الخبرة العملية والاحتكاك اليومي بالحالات الحرجة واللي بتطلب مساعدة المكان بيوفر تدريبات مختلفة وكتير وباستمرار في حاجات مختلفة بشكل مجاني تماما بشهادات معتمدة وموثقة وموثوقة جدا طبعا المهارات الحياتية وغيرها كتير عشان ما ازيد في الكلام .. لكن عامة المكان في مدينة نصر .. لو حد مهتم يبعتلي

صباح الخير قناة مواجدة في التليجرام موجود فيها كتب علم نفس وطب نفسي بالعربي والانجليزي وانا مستعد لو حد عنده كتاب مش موجود فيها يبعتهولي واضمه للمكتبة وفي قناة خاصة للابحاث (رسائل ماجستير ودكتوراه) اتمنى تشاروكنا بأبحاثكم عشان نتعلم منكم الجديد🙏 دي الروابط: https://t.me/mowagda https://t.me/ed_mowagda

🚨 تم قيد مخالفة 🚨 المخالفة: تجاوز عدد الأيام المسموح بيها من غير لقاء مواجدة، وفق احتياجاتنا النفسية كبشر 💭 ✅ الحل بسيط: تقدر تسدد المخالفة بحضور لقاء مواجدة الجاي 📍 التفاصيل والتسجيل من هنا: https://chat.whatsapp.com/EDzjtmcLdSn2xSCvB2MvVn

من أول ما دخلت المجال النفسي، وأنا ملاحظ إن الشباب أو الرجالة في المجال عددهم قليل… أو يمكن حظي العثر بيخليني أنزل في الأيام اللي هما بيكونوا فيها في العيادة أو المستشفى 😅 لكن واضح برضه إن عددهم قليل فعلًا… أطباء أو معالجين أو متخصصين في المجال النفسي. والحقيقة إن إحنا كرجالة محتاجين مساحة للنقاش مختلفة شوية؛ نتكلم فيها عن الشغل، والتحديات المهنية اللي بتقابلنا، والدراسة والقراءة، والفرص… وكل الحاجات اللي تخص وجودنا في المجال. عشان كده قررنا نعمل مساحة مبدئية لينا كرجالة فقط. مش عارفين هتوصل لفين، بس على الأقل نتجمع ونلم الشمل. 🤝 لو أنت راجل متخصص في المجال النفسي، ابعت طلب وانضم لينا. يمكن نكتشف إننا مش قليلين للدرجة دي. 😄 رجالة مواجدة https://chat.whatsapp.com/C441vMP4jMcCS2X7Ar9Zob?s=cl&p=a&mlu=4&ilr=4