غِراسْ.

هل الدعاء بيغير القدر ؟ -آه..بس خد بالك القدر نوعين : أقدار مُعلقة، وأقدار مُبرمة بمعنى إن في نسختين من القدر .. قدر أزلي عند ربنا ده اسمه مُبرم مفيش أي حاجة ينفع تغيّره .. وهو ده الي ربنا قال فيه ( مَا يُبَدَّلُ الْقَوْلُ لَدَيَّ) .. وقدر في الصُحف الي ماسكاها الملائكة .. ده اسمه مُعلّق وإحنا بإيدينا نغيّره بـ حاجات موصوفة لينا اصلا في الكتاب والسنة .. ومنها مثلا إن "العُمر" ممكن يزيد بـ صلة الرحم .. فـ القدر المُعلّق بيتغير حسب تصرفاتك .. وده الي ربنا قال عليه: ( لِكُلِّ أَجَلٍ كِتَابٌ يَمْحُو اللّهُ مَا يَشَاء وَيُثْبِتُ وَعِندَهُ أُمُّ الْكِتَابِ) .. لما نرجع لأصل الموضوع نلاقي إن ربنا لما خلّى الملائكة تكتب أقدارنا المُعلقة خلاهم يكتبوا كذا طريق لكل شخص ... فـ بيقولهم "مثلا" اكتبوا عُمر فلان كذا لو ما تصدقش ... ولو تصدّق يبقى عُمره كذا .. هنا القدر بيبقى مُعلق بتصرف فلان دا واختياره... لو اختار إنه يتصدّق هيطول عمره .. ومن هنا هنعرف إن إحنا مُخيرين .. ربنا عمل نسخة كاملة من القدر وسمّاه القدر المُعلّق عشان إنت تختار طريقك بنفسك ومايجبركش على حاجة. الملائكة الي ماسكة الصٌحف ماتعرفش فلان هيختار إيه [ فهو قدر مُعلق بالنسبة للملائكة ] بينما ربنا وحده بيكون عالم باللِ هيحصل وعالم باختيار فلان ده هيكون ايه وقدره هيتغير ولا لا .. [ فـ نتيجة الاختيار هي الي بتكون قدر مُبرم بالنسبة لله عز وجل ] بمعنى إن الربط بين القسمين هو إن مصير القدر المُعلق بيكون مجهول لغير الله ومعلوم عند الله وحده في عِلمه وقدره الأزلي والخلاصة : إن القدر المُبرم هو [ كافة النتائج النهائية ] للقدر المُعلّق .. وعلي كلّ حال .. المقدور إتقدّر بـ أسباب ... ومن أهم أسبابه : العمل الصالح وبر الوالدين وصلة الرحم.... والدعاء وده من أكتر الحاجات اللي ممكن تغيّر الأقدار ... وأكتر حاجة بيعملها الدعاء هي رد البلاء .. زي ما قال رسولنا الكريم : "لا يزيد في العمر إلا البر، ولا يرد القدر إلا الدعاء، وإن الرجل ليحرم الرزق بخطيئة يعملها." باتباع الاسباب بيتحققلنا الي إتقدّر لنا ... بينما لو يأسنا وبطلّنا دعاء وأعمال ؛ يبقى هنخسر الحاجة العظيمة الي كان ممكن ناخدها وتتحققلنا .... لإن بانتفاء السبب ينتفي القدر المُعلق عليه.

النار لم تطفأ بعد، بل تتجدد في كل منتج ندعمه بأموالنا. قااااطع.

وعافِ قلبي، وتَلطَّف بأمري، ‏واهدِني، وارضَ عنّي، وارزقني الجنّة.."

ازازة الميه ممكن تشتريها من كشك بـ ٥ جنيه، وهي هي بالظبط في كافيه بـ ١٥ جنيه،وممكن تلاقيها في مكان سياحي بـ ٥٠ جنيه نفس الازازة ما اتغيرتش، لكن اللي اتغير هو المكان والبيئة، وإحنا كمان كده، ممكن نكون في مكان قيمتنا فيه قليلة وأي حد يستهلك طاقتنا ويكسرنا. وممكن نكون زي ما إحنا من غير ما نغير في نفسنا ولا نبذل مجهود عشان نرضي حد لكن وسط ناس تقدرنا، وقيمتنا عندهم تبقى غالية جدا. اختار المكان، واختار الناس اللي يعرفوا قيمتك، واوعى تقعد في مكان، محدش شايفك فيه.

ركز كويس اوي انتَ متابع مين عشان دي فيها خطوره انتَ مش مدركها ، قعدت سنين بتابع ناس بتستحِل الحرام لحد ما بدون وعي مني بدأت ابقي شبههم وافكر زيهم .. ده واقع ، متعملش جامد وترمي نفسك في الفتنه ، متتابعش حد يحسسك ان الدين اخر حاجه نعملها حساب ، متتابعش حد يكرهك في الحياه ويحسسك ان مافيش اي نعم حواليك ، ركز وانتَ بتعمل فولو لأي شخص/بيدج لإنك بدون قصد انتَ بتحط جزء منه في شخصيتك:)

حياة البلوجرز لا تناسبك. حياة الأكل والمرعى وقلة الصنعة لا تناسبك. حياة العلاقات المفتوحة والأوبن مايند بتاعتهم لا تناسبك. الارتباط الشديد بالدنيا وتصوير زينتها على أكمل وجه يفسد عليك قلبك. تصوير السفر والنجاح المزعوم والأكل باهظ الثمن والملبس اللي بالشيء الفلاني مش على مقاس حياتك. هؤلاء لا يشبهونك المجتمع بتاعهم مش إنت وحتى لو ربنا فتح عليك وبقيت غني، فأنت مش كده، اعمل بلوك واحفظ عليك نفسك.

إحنا غرقانين في نعم ربنا… بس قليل اللي بياخد باله. بنعيش ونِتنفّس ونِتحرّك، وكأنها حاجات عادية، مع إنها منّة من الله عز وجل. قال الله تعالى: "وأسبغ عليكم نعمه ظاهرة وباطنة" إنت غرقان في نعم ربنا… بعضها شايفه وبعضها باطن ما تشوفوش. ربنا أعطاك النعم الباطنة أضعاف الظاهرة. كل جزء في جسمك مليان نعم وإنت مش مدركها. حتى لما كنت طفل، قبل ما تبدأ تصلي أو تصوم، ربنا أنعم عليك. لو فكرت في نعم ربنا في حياتك… هتصاب بالذهول. اوعى تسيئ الظن بالله لو كنت في ابتلاء… ربنا يبتليك علشان تحمده على كل النعم اللي في حياتك.

-حازم شومان.

مفيش عمل صالح هتعمله لله وهيضيع. م/شريف علي.

إن كنتُ لستُ أهلًا أن يُجاب لي فأنتَ أهلٌ لأن تُجيب.

«غياب من نحب تمامًا كغياب اللون عن الصورة، هو لا يفقدنا الحياة، إنما يفقدنا طعم الحياة!»

- أحلام مستغانمي.

كل نقصٍ في ذكر الله يفتح في الصدر نوافذ الكدر، والضيق والحيرة وسوء الخلق، والتعلق بالدنيا. "الذين آمنوا وتطمئن قلوبهم بذكر الله ألا بذكر الله تطمئن القلوب". ومن أعظم الرزق الاطمئنان والسكينة، وهما بنورهما وبركاتهما في معية الذاكر لربه سبحانه وبحمده.

إنّي مُستوحش يَا رَبّ .. في الطريق، في البيت، وسط الرفاق الدنيا بأكملها لم أشعر فيها أبدًا أنني أنتمي لمكان بِداخلى وحدة مُخيفة ، مُمِيتة خفّف وطأتها عليّ وادرك غُربتي. - عالق في المنتصف حيث اللاشعور لا أعرف وجهتي ولا ما يجب علي فعله!

رزقك مش لازم يبقي فلوس كتير أو منصب أو شهرة؛ ممّكن رزقك الحقيقي يبقي في حاجات بسيطة أنت مش واخد بالك من قيمتها ممكن يبقي إن ربنا موفّقك تصلي الفجر في وقته، أو إنك عرفت تعيش الرضا والقناعة بشكل حقيقي، أو إن عندك القدرة تصلّح اللِّي اتكسر بدل ما تستسلم ممكن يبقي ستر ربنا عليك في أخطاء قديمة لحد ما تبت منها، أو دعوة فضلت تلح عليها ومتحققتش، وبعد فترة اكتشفت إن عدم استجابتها كان في مصلحتك وإن ربنا أنقذك من حاجة كانت ممّكن تأذيك ممكن يبقي رزقك إنك بصحة وعافية، بتصحى من نومك من غير وجع، أو إن ربنا ادّاك فرصة تانية تصلّح بيها حاجة كنت فاكر إنها انتهت؛ بيت كان قرب يتهد، علاقة كان مصيرها الانفصال الأرزاق مش نوع واحد..في رزق ظاهر زي الفلوس، والنجاح، والمناصب، والملك والشهرة، وفيه رزق خفي أعظم ممّا نتخيل بص حواليك، وفتّش في تفاصيل يومك، هتكتشف إن نعم كتير بتجيلك وإنت مش واخد بالك إنها رزق ممّكن تعدّي ساعات طويلة من يومك وإنت عايش وسط نعم كتير، من غير ما تحس ففكّر نفسك دايمًا: أنت في نعيم، فاحمد ربنا.

فكُل صُحبه يدخلون الجنه سوياً.🤍

أصبحنا نحمدُك علي عطاءك ونحمدك علي منعك موقنين أن الأمر كله لَك وحدك، فتولّنا.

الحمدللهِ على كل يومٍ يأتي ونحنُ بعافية وخير الحمدلله الذي أذِن لنا بيومٍ جديد لنعبده ونشكره ونتوب إليه.'

صلاة الفجر... راحة للقلب، ونور للوجه، وفرج للهم من حافظ عليها بشره الله بالجنة والله ما ضاقت الا فرجت مع الفجر 🤍

اشبعوا من العبادة وأنتم في كامل صحتكم وعافيتكم، قبل أن يُحال بينكم وبينها. تلذذوا بالسجود وأنتم أقوياء، وألصقوا جباهكم الشابة بالأرض، وأكثروا من الركوع والدعاء والاستغفار؛ فنعمة القدرة على الطاعة لا تُقدَّر إلا حين نفقدها. فكم من صحيحٍ أصبح عاجزًا، وكم من قويٍّ حال بينه وبين السجود عارض، فاغتنموا أيام العافية قبل أن يأتي يومٌ تتمنون فيه سجدةً فلا تستطيعون

إستغل وجودك على الفيسبوك، وإستوريهات الواتس، ووجودك على وسائل التواصُل الاجتماعي عمومًا، في الدعوة إلى الله حتى لو كنت غارق في الذنوب من رأسك إلى قدميك، فادعُ إلى الله بردو، لان مفيش حد معصوم. إستغل كلَّ حاجه بين يديك في الدَّعوة، متعرفش ممكن يكونُ بوست واحد سبب في تغيير حياة شخص للأفضل والاحسن. قال النبي ﷺ: (لَأنْ يهديَ اللهُ بكَ رجُلًا واحدًا خيرٌ لكَ مِن أنْ يكونَ لكَ حُمْرُ النَّعَمِ) نسألُ الله أن يستعملنا ولا يستبدلنا، وأن يرزقنا وإيّاكم الإخلاص في القول والعمل.

ناخد بالنا يا جماعه.