Ethio-Italy Polytechnic College (Dire Dawa)

የEASE ፕሮጀክት የሩብ አመት አፈፃፀም ሪፖርትና የቀጣይ ሩብ አመት እቅድ ለባለድርሻ አካላት ቀርቦ ውይይት ተካሄደ:: የኢትዮ-ጣሊያን ፖሊቴክኒክ ኮሌጅ በEASE ፕሮጀክት የተከናወኑ ያለፉት 3ወራት የትግበራ አፈፃፀም ሪፖርትና የቀጣዩን 3ወራት እቅድ ለኮሌጁ ኢንዱስትሪ አድቫይዘሪንግ ቦርድ በዛሬው እለት አቅርቦ በመድረኩ ውይይት ተደርጎበታል:: መድረኩን በንግግር ያስጀመሩት የኮሌጁ የውጤት ተኮር ትምህርትና ስልጠና ም/ዲን አቶ ኤሊያስ አህመድ በንግግራቸው እንደገልፁት ፕሮጀክቱ በየሩብ አመቱ ሪፖርቱን ሲያቀርብ በዋነኛነት የደረሰበትን አፈፃፀም ደረጃ ለባለድርሻ አካላት ግልፅ ከማድረግም በተጨማሪ ለቀጣይ ትግበራዎች ግብዓት የሚሆኑ ምክረ-ሃሳቦችን ከመድረኩ ለማግኘት በማሰብ ጭምር መሆኑንም ገልፀዋል:: የፕሮጀክቱን ያለፈው ሩብ አመት አፈፃፀም ሪፖርት በEASE ፕሮጀክት ዋና ኮርድኔተር ኢንጂነር ፋሲል ማዘንጊያ አማካኝነት ለተሳታፊዎች የቀረበ ሲሆን በቀረበው አፈፃፀም ሪፖርትም በሩብ አመቱ ሊሰሩ የታቀዱ በርካታ ተግባራት መከናወናቸው ተገልፇል:: በዚህም.... የፕሮጀክቱን አዲስ ቢሮ ከማደራጀት አንስቶ -የGender & Inclucsive guidline ማዘጋጀት -የአሰልጣኞችን የውጭ ስልጠና የማመቻቸት -የDigitalization ስራዎች የማስፋፋት -ከተለያዩ የፌደራል ተቋማት እና ከ14 አጎራባች ቴክኒክና ሙያዎች ጋር አብሮ ለመስራት የመግባቢያ ስምምነት ውል የመፈራረም -የተልያዩ የአቅም ግንባታ ስልጠናዎች -የHigh school ተማሪዎች ላይ ግንዛቤ የመፍጠር ስራዎች በሩብ አመቱ ከተከናወኑት ተግባራቶች ውስጥ እንደሚጠቀሱም ተገልፇል:: መድረኩ ቀጥሎም በEASE ፕሮጀክት በቀጣይ 3ወራት በኮሌጁ የሚከናወኑ ተግባራት እቅድ ለተሳታፊዎች የቀረበ ሲሆን የመድረኩ ተሳታፊዎች በቀረበው የፕሮጀክቱ አፈፃፀምና የቀጣይ ትግበራ እቅድን መነሻ በማድረግ ለፕሮጀክቱ ውጤታማነት የሚረዱ ምክረ ሃሳቦችን በስፋት አንስተው ውይይት ተደርጎበታል:: በመጨረሻም በEASE ፕሮጀክት የትኩረት ዘርፎች ተብለው በተለዩት ዲፓርትመንትቶች ላይ ጊዜው የደረሰበትን የስልጠና ማቴሪያሎች ለማሟላት በዲፓርትመንቶቹ የሚገኙ አሰልጣኝ መምህራንን በማቀናጀት እየተዘጋጀ ሚገኘው የማቴሪያል ልይታ(Specification) ለኢንዱስትሪ አድቫይዘሪንግ ቦርዱ የቀረበ ሲሆን የቦርዱ አባላትም ካላቸው ልምድ አኳያ በማቴሪያል ዝርዝሩ ላይ ሊካተቱ ይገባል ያሏቸውን እንዲሁም ማስተካከያ ሚያስፈልጋቸውን ጉዳዮች ምክረ-ሀሳብ እንዲሰጡበት የተደረገ ሲሆን የማቴሪያል ዝርዝሩን ሚያዘጋጁት መምህራንም ከመመድረኩ የተሰጠውን ግብረ-መልስ በማካተት በቀጣይ በሚኖረው መድረክ የሚያቀርቡም ይሆናል:: የኢትዮ-ጣሊያን ፖሊቴክኒክ ኮሌጅ ኮሚኒኬሽን ሚያዚያ 4/2017 ዓ.ም

የኢትዮ-ጣሊያን ፖሊቴክኒክ ኮሌጅ በEASE ፕሮጀክት የስርዓተ-ፆታ ትግበራ መመሪያን ለማዘጋጀት የተሰራው የፍላጎት ዳሰሳ ጥናት ቀርቦ ውይይት ተካሄደ:: የፍላጎት ዳሰሳ ጥናቱ ላለፉት ወራት ለዚህ ተግባር በተዋቀሩ ባለሙያዎች ሲዘጋጅ የቆየ መሆኑ የተገለፀ ሲሆን በዛሬው እለትም ለኮሌጁ ማኔጅመት ቀርቦ ውይይት ተደርግበታል:: የEASE ፕሮጀክት በቀጣይ አመታት በሚኖረው ትግበራ በHard Skills ላይ የሴት ሰልጣኞችን ቁጥር በተቻለ መጠን ለማሳደግ ትኩረት እድርጎ እየሰራ እንደሚገኝ የገለፁት የኮሌጁ ዲን አቶ ታደለ አሰፋ አክለውም ይህንን የዳሰሳ ጥናት በከፍተኛ ተነሳሽነት ያዘጋጁ ባለሙያዎችን አመስግነው በቀጣይም የስርዓተ-ፆታ መመሪያው ተዘጋጅቶ በአጭር ጊዜ ወደ ትግበራ እንዲገባ ማድረግ ያስፈልጋልም ብለዋል:: ፕሮጀክቱ በዚህ የትግበራ ማእቀፍ በዋነኛነት የሴት ሰልጣኝ ተማሪዎችን እንዲሁም የኮሌጁ ሴት ሰራተኞችን ተጠቃሚ ለማድረግ የምንሰራበት ነው ያሉት ደግሞ የEASE ፕሮጀክት ዋና ኮርድኔተር ኢንጂነር ፋሲል ማዘንጊያ ሲሆኑ ይህ ትግበራ በትክክል ግብ እንዲመታ ከማድረግ አኳያም የፍላጎት ዳሰሳ ጥናቱን የጉዳዩ ባለቤት በሆኑት ሴት አሰልጣኝ መምህራን እና ሴት አመራሮች እንዲዘጋጅ እድርገናልም ብለዋል:: በEASE ፕሮጀክት በቀጣይ 5አመት ውስጥ በስርዓተ-ፆታ ላይ ለሚከናወኑ ተግባራት መነሻ የሚሆን መመሪያ ለማዘጋጀት የተሰራው የፍላጎት ዳሰሳ ጥናት በወ/ሮ ራሄል እሸቱ እንዲሁም በኢንጂነር ህይወት እሸቱ አማካኝነት ለመድረኩ ተሳታፊዎች የቀረበ ሲሆን በHard Skills ላይ የሴት ሰልጣኞችን ውስነት መነሻ በማድረግ በተዘጋጀው በዚህ ጥናትም በዋነኛነት የጉዳዩ ባለቤት የሆኑት ሴት ሰልጣኞች የተሳተፉበት ሲሆን በተጨማሪም ዲፓርትመንት ተጠሪዎች፣ ሴት አሰልጣኝ መምህራን፣ የኮሌጁ ዲኖች እንዲሁም እንዱስትሪዎችንም በጥናቱ ተሳታፊ እንደነበሩ የተገለፀ ሲሆን በዘርፉ ለሚስተዋለው ችግር መንስኤ ናቸው ያሏቸው ጉዳዩችም ለጥናቱ በግብአትነት ተካተውበታል:: በመድረኩ በቀረቡት የፍላጎት ዳሰሳ ጥናቶች መነሻነት ከተሳታፊዎች በርከት ያሉ ሀሳቦች ተነስተው ውይይት የተካሄደ ሲሆን ጥናቱንም ለማዳበር ተጨማሪ ግብአቶች የተገኘበት መድረክም ነበር:: የኢትዮ-ጣሊያን ፖሊቴክኒክ ኮሌጅ ኮሚኒኬሽን ሚያዚያ 3/2017 ዓ.ም

የትምህርትና ስልጠና ስርዓቱን ዲጂታላይዝድ በማድረግ ወቅቱን ያማከለ አገልግሎት መስጠት እንደሚገባ ተገለፀ:: የኢትዮ-ጣሊያን ፖሊቴክኒክ ኮሌጅ EASE ፕሮጀክት በICT ዲፓርትመንት የተጀመረውን የትምህርትና ስልጠና ስርዓቱን ሙሉ በሙሉ ዲጂታላይዝድ የማድረግ ስራ በስፋት እንዲከናወን ለማድረግ ያለመ የውይይት መድረክ ተካሄደ:: በቴክኒክና ሙያ ዘርፍ አንደኛው በትኩረት ከተያዙ ጉዳዮች ውስጥ የትምህርትና ስልጠና አሰጣጡን ዲጂታላይዝድ ማድረግ ነው ያሉት የኮሌጁ ዲን አቶ ታደለ አሰፋ አክለውም እሁን ላይ የትኛው ፕሮጀክቶች ተግባራዊ ሲደረግ የአይ.ሲ.ቲ መሰረት ልማትና የግሪን ኢነርጂ ላይ ትኩረት እዲደረግ ይጠይቃልም ብለዋል:: ICT ላይ ቀድሞ የተጀመረና የዲጂታል ኮንቴንት (E-learning System) ላይ የተሰራ ስራ መኖሩን ያስትትወሱት የEASE ፕሮጀክት ዋና አስተባባሪ ኢንጂነር ፋሲል ማዘንጊያ ሲሆኑ የተጀመሩትን ስራዎች ኮሌጁ የልህቀት ማዕከል በሆነባቸው ዘርፎች ላይ እያሰፋን እስከ ፕሮጀክቱ ማጠናቀቂያ ድረስ በኮሌጁ ያሉትን እንቅስቂሴዎች ሙሉ በሙሉ ወደ ዲጂታል ለመቀየር እሰራለንም ብለዋል:: በኮሌጁ የICT ዲፖርትመንት አማካኝነት የትምህርትና ስልጠናውን ለማዘመን እየተሰራ ያለው ስራ ይበልጥ ለማስፋት የተዘጋጀውን ሰነድ በዲፓርትመንቱ ተጠሪ አሰልጣኝ መ/ር አቤል ፋንታሁን አማካኝነት የቀረበ ሲሆን በቀረበው ሰነድ ላይም በICT አሰልጣኝ መምህራን እንዲሁም በኮሌጁ ሀላፊዎች ውይይት የተካሄደበት ሲሆን በተቀመጠው Action plan መሰረትም ወደ ትግበራ እንደሚገባ ከመድረኩ ማወቅ ተችሏል:: የE-Learning system/ የትምህርትና ስልጠናውን ከማዘመኑም በተጨማሪ ሰልጣኝ ተማሪዎች በቴክኒክና ሙያ ኮሌጆች ቆይታቸው ስልጠናቸውን እንኪያጠናቅቁ ድረስ ሙሉ የትምህርትና ስልጠና መረጃቸውን ሲሰተሙ የሚይዝ በመሆኑ የስልጠናቸውን ሁኔታና አፈጻጸም እንዲሁም የትምህርትና ስልጠናውን ጥራት በማስጠበቅ ረገድ የራሱን እስተዋፅኦ እንደሚያደርግም ይታመናል:: የኢትዮ-ጣሊያን ፖሊቴክኒክ ኮሌጅ ኮምኒኬሽን ሚያዚያ 2/2017 ዓ.ም

የ2017 ዓ.ም "ብቃት" የወጣቶች የሥራ ላይ ልምምድ ፕሮጀክት 3ኛ ዙር ስልጠና በኢትዮ-ጣሊያን ፖሊቴክኒክ ኮሌጅ ተጀመረ። በድሬዳዋ አስተዳደር ሥራና ክህሎት ቢሮ አዘጋጅነት ከወረዳዎች ተመልምለው የተላኩ ወጣቶች በዛሬው እለት በኢትዮ-ጣሊያን ፖሊቴክኒክ ኮሌጅ የወጣቶች የስራ ላይ ልምምድ ስልጠና መውሰድ ጀምረዋል:: ለ12 ቀናት በሚቆየው በዚህ ስልጠና 12ኛ ክፍልና ከ12ኛ ክፍል በታች ትምህርታቸውን ላቋረጡ ወጣቶች የህይወት ክህሎትና የሥራ ላይ ልምምድ ስልጠና እንዲያገኙ የሚደረግም ይሆናል:: በስልጠናው ዕድሜያቸው ከ18 እስከ 25 ዓመት ያሉ ወጣቶች ተሳታፊ የሚሆኑ ሲሆን የፕሮግራሙ ዋነኛ ዓላማም ለወጣቶች የሥራ ዕድል በማመቻቸት የሥራ አጥ ቁጥር እንዲቀንስ ማስቻል እንደሆነም ተገልፇል:: በንድፈ ሐሳብና በተግባር ተደግፎ የሚሰጠው ስልጠና ስልጠናውን በወሰዱ የኮሌጁ አሰልጣኞች የሚሰጥ ሲሆን በኮሌጁ ለ12 ቀናት የህይወት ክህሎት ስልጠና የወሰዱ ሰልጣኞች ስልጠናውን እንዳጠናቀቁ ኢንዱስትሪዎች ላይ ተመድበው የሥራ ላይ የተግባር ልምምድ የሚያደርጉም ይሆናል:: የኢትዮ-ጣሊያን ፖሊቴክኒክ ኮሌጅ ኮምኒኬሽን መጋቢት 29/2017 ዓ.ም

ወጣቶች የኤች.አይ.ቪ ኤድስ ስርጭትን ለመግታት በሚደረገው ርብርብ ጉልህ ሚና ሊጫወቱ እንደሚገባ ተገለፀ:: የኢትዮ-ጣሊያን ፖሊቴክኒክ ኮሌጅ ከተለያዩ ዲፖርትመንቶች ለተወጣጡ ሰልጣኝ ተማሪዎች የኤች.አይ.ቪ ኤድስ ስርጭትን ለመግታት ያለመ የግንዛቤ ማስጨበጫ ስልጠና ሰጠ:: በመድረኩ ለሰልጣኞች መልዕክት ያስተላለፉት የኮሌጁ የውጤት ተኮር ትምህርትና ስልጠና ም/ዲን አቶ ኤሊያስ አህመድ በንግግራቸው ይህን ስልጠና መስጠት ያስፈለገው በሀገራችን በአሳሳቢ ሁኔታ እየጨመረ የመጣው የቫይረሱን ስርጭት አስመልክቶ በተቋሙ ወጣት ሰልጣኝ ተማሪዎች ላይ ሰፊ የግንዛቤ ስራ መስራት በማስፈለጉ እንደሆነ የገለፁ ሲሆን አክለውም ሰልጣኞች የተፈጠረላቸውን ግንዛቤ በየአካባቢያቸው መረጃውን በማካፈል የተሻለ ግንዛቤ ያለው ማህበረሰብ ለመፍጠር በሚደረገው ርብርብ ተሳታፊ ሊሆኑ ይገባልም ብለዋል:: በእለቱ የግንዛቤ ማስጨበጫ ስልጠናውን ለሰልጣኞች የሰጡት አቶ ፈቲ መሀመድ የተዘጋጀውን ሰነድ ለተሳታፊዎች ያቀረቡ ሲሆን በተጨማሪም "የስሜት ብልህነት" በሚል ርዕስ ራስን ስለማወቅ እንዲሁም ራስን ስለመምራትና ስለመቆጣጠር ለመድረኩ ተሳታፊዎች ስልጠና ተሰጥቷል:: የኢትዮ-ጣሊያን ፖሊቴክኒክ ኮሌጅ ኮምኒኬሽን መጋቢት 27/2017 ዓ.ም

እንኳን ደስ አላችሁ!! #የድል_ዜና በኢትዮ-ጣሊያን ፖሊቴክኒክ ኮሌጅ የተሰሩ የፈጠራ ስራዎች በተሳተፉበት የቴክኖሎጂ ውድድር አሸናፊ ሆኑ:: በክልል/በአስተዳደር ደረጃ በተካሄደው የቴክኖሎጂ ውድድር የኢትዮ-ጣሊያን ፖሊቴክኒክ ኮሌጅን ወክለው የተወዳደሩ ቴክኖሎጂዎች ውድድሩን በአሸናፊነት አጠናቀቁ:: ለቴክኖሎጂ ጥራት መሻሻል ከፍተኛ ሚና እንደሚጫወት ታምኖበት በየሁለት አመቱ የሚዘጋጀው የቴክኖሎጂ ውድድር ዘንድሮም በደማቅ ሁኔታ የተካሄደ ሲሆን በክልል ደረጃ በሁለቱ ፖሊቴክኒኮች መካከል በተደረገው ውድድር ኮሌጃችንን ወክለው የተለያዩ ቴክኖሎጂዎች መሳተፍ የቻሉ ሲሆን ውድድሩንም በአሸናፊነት አጠናቀዋል:: በውድድሩ አጠቃላይ ውጤትም በኮሌጃችን አሰልጣኝ መምህራን የተሰሩ ቴክኖሎጂዎች 1ኛ እና 2ኛ በመውጣት ውድድሩን በፍፁም የበላይነትና አሸናፊነት ማጠናቀቅም ችለዋል:: በውድድሩ 1ኛ በመሆን ያሸነፈውና በኮሌጃችን አሰልጣኝ መ/ር ያሬድ ሁሉአለም አማካኝነት በሀገራችን የሚስተዋለውን የነዳጅ ችግር መነሻ በማድረግ የተሰራው ከእፅዋትና ከተለያዩ ግብአቶች የተመረተ የነዳጅ ዘይት የውድድሩ አሸናፊ መሆን ችሏል:: በውድድሩ 2ኛ በመሆን ያጠናቀቀው ደግሞ በኮሌጃችን አሰልጣኝ መ/ር ሲሳይ ምንዳ፣ አሰልጣኝ መ/ር አበበ ተረፈ እና አሰልጣኝ መ/ር ያሬድ ሁሉአለም የተሰራውና የአርሶ አደሩን ችግር በዘላቂነት የሚፈታ የእርሻ ማረሻ መሳሪያ ውድድሩን በ2ኛ ደረጃ አጠናቋል:: በተጨማሪም በውድድሩ ኮሌጁን ወክሎ የተወዳደረውና በአሰልጣኝ መምህር ግሩም ታምራት እንዲሁም አሰልጣኝ መምህር አበበ ተረፈ የተሰራው ዘመናዊ የእንቁላል ማስፈልፈያ ኢንኩቤተር በውድድሩ 5ኛ በመውጣት አመርቂ ውጤት ማስመዝገብም ችሏል:: በዚህም መሰረት የውድድሩ አሸናፊ ቴክኖሎጂ በሀገር አቀፍ ደረጃ በሚካሄድው የቴክኖሎጂ ውድድር ላይ አስተዳደራችንን ድሬዳዋን በመወከል በሚደረገው የቴክኖሎጂ ውድድር ላይ የሚሳተፍም ይሆናል:: በክልል ደረጃ ኮሌጃችንን በመወከል አሸናፊ የሆናችሁ የቴክኖሎጂ ባለቤቶች እንኳን ደስ አላችሁ እንኳን ደስ አለን እያልን በሀገር አቀፍ ደረጃ ድሬዳዋን ወክላችሁ የምታደርጉት ውድድርም በውጤት የታጀበ እንዲሆን ኮሌጁ መልካም ምኞቱን ይገልፃልም:: የኢትዮ-ጣሊያን ፖሊቴክኒክ ኮሌጅ ኮምኒኬሽን መጋቢት 26/2017 ዓ.ም

#ዜና| የኢትዮ-ጣሊያን ፖሊ ቴክኒክ ኮሌጅ ከኢትዮጵያ መከላከያ ዩኒቨርሲቲ ጋር በተለያዩ ጉዳዮች ላይ በጋራ ለመስራት የመግባቢያ ስምምነት ሰነድ በዛሬው እለት በቢሾፍቱ ተፈራረመ:: የመግባቢያ ስምምነት ሰነዱ በዋነኝነት ሁለቱ ተቋማት በምህንድስናው ዘርፍ ለሚያደርጉት ቀጣይ ግንኙነት መሰረት የሚጥል መሆኑን በዩኒቨርሲቲው በኩል  የስምምነት ሰነዱን የፈረሙት የዩኒቨርሲቲው ኘሬዝዳንት ብርጋዴር ጄኔራል ከበደ ረጋሳ ገልፀዋል፡፡ ብርጋዴር ጄኔራል ከበደ አያይዘውም በቴክኖሎጂ እና ምህንድስናው ዘርፍ በጋራ የፈጠራ ስራን የሚያዳብሩ ትብብሮችን  ስምምነቱ ከመፍጠሩ ባሻገር፤ የዩኒቨርሲቲው መምህራን የሰሯቸው የምርምር ስራ ውጤቶች  ለፖሊ ቴክኒክ ኮሌጁ በአማራጭ ግብዓትነት እንዲቀርቡ የሚያስችል መሆኑን አመላክተዋል፡፡ ይህም ለሁለቱም ተቋማት የገበያ ትስስርን እንደሚፈጥርም ኮማንዳንቱ ጠቁመዋል፡፡ የኢንጅነሪንግ ኮሌጅ አዛዥ ኮሎኔል ኢዶሳ ቱፋ በበኩላቸው በኮሌጁ በምርምሩ ዘርፍ በርካታ የምርምር ስራዎችን ያበረከቱ መምህራን የሚገኙበት መሆኑን ጠቁመዋል፡፡ የመግባቢያ ስምምነቱ በሁለቱ ተቋማት ያለውን ሀብት በጋራ ለመጠቀም የሚያስችል ነው ሲሉም አዛዡ አክለዋል፡፡ በኢትዮ-ጣሊያን ፖሊ ቴክኒክ ኮሌጅ በኩል የመግባቢያ ስምምነት ሰነዱን የፈረሙት የኮሌጁ ዲን አቶ ታደለ አሰፋ በበኩላቸው ዩኒቨርሲቲው በጋራ ለመስራት ላሳየው መልካም ፈቃድ ምስጋናቸውን አቅርበዋል፡፡ ተግባር ተኮር ለሆኑ የምህንድስና ዘርፍ የትምህርት መስኮች ዩኒቨርሲቲው አስተዋፆው የጎላ እንደሆነም የኮሌጁ ዲን ተናግረዋል፡፡ የኢትዮጵያ መከላከያ ዩኒቨርሲቲ

በአስተዳደር ደረጃ የ2017 ዓ.ም የቴክኖሎጂና የሥራ ፈጠራ ውድድር መካሄድ ጀመረ፤ በድሬዳዋ አስተዳደር ሥራና ክህሎት ቢሮ የቴክኒክና ሙያ ትምርና ስልጠና ኤጀንሲ እና የኢኖቬሽንና ቴክኖሎጂ ኤጀንሲ በጋራ ባዘጋጁት የ2017 ዓ.ም የቴክኖሎጂና የሥራ ፈጠራ ውድድር በአስተዳደሩ በሚገኙት የመንግስትና የግል ኮሌጆች በቴክኒክና ሙያ  ስልጠና ተዋናዮች (በሰልጣኝ፣ አሰልጣኝ እና አንቀሳቃሾች እንዲሁም ተቋማት) በተጨማሪም የአጠቃላይ ት/ቤት ተማሪዎችና መምህራን የሚያሳትፍ ይሆናል፤ የውድድሩ ዋና አላማም በአስተዳደሩ የሚገኙ የፈጠራና የቴክኖሎጂ ችሎታ ያላቸውን ወጣቶችና የሙያ ባለቤቶች መካከል ከፍተኛ የውድድር ተነሳሽነትን መንፈስ በመፍጠር በመሰረታዊ  የስራ ፈጠራ፤ ተግባራዊ ምርምር እና ቴክኖሎጂዎችን የመቅዳት፣ የማሻሻል፣ የመፍጠር፣ የማለማመድ እና የማሸጋገር ስራዎች ላይ ከፍተኛ የሆነ የጥራት ለውጥ ለማምጣት የሚያስችል አቅም እንደሚፈጥር ይታሰባል፤ በውድድሩ ማስጀመሪያ ላይ የድሬዳዋ አስተዳደር ሥራና ክህሎት ቢሮ ኃላፊ አቶ ሮቤል ጌታቸው እንደተናገሩት በዘርፉ ፖሊሲ በተመላከተው መሰረት የክህሎትና የቴክኖሎጂ አቅምን ሊያሳዩና ሊያሳድጉ የሚችሉ ውድድሮችን ማድረጉ በዘርፉ ተሳታፊ የሆኑ አካላትን ከማነቃቃት በዘለለ ከኢንደስትሪው ጋር የሚያገናኝ ድልድይ ሲሆን አስተዳደሩም የተለየ ትኩረት ሰጥቶ ድጋፍ እያደረገ ይገኛል ብለዋል፡፡ የኢፌዲሪ የቴክኒክና ሙያ ስልጠና ኢንስቲትዩት የጥናትና ምርምር እና ማህበረሰብ አገልግሎት ምክትል ዋና ዳይሬክተር ዶ/ር ሀብታሙ ሙሉጌታ ባስተላለፉት መልዕክት ቴክኖሎጂ በሀገር ደረጃ ከፍተኛ ትኩረት የተሰጠው ጉዳይ መሆኑን አንስተው የቴክኖሎጂ ፈጠራ ተወዳዳሪዎችን አበረታተዋል። የሥራና ክህሎት ቢሮ ህዝብ ግንኙነት መጋቢት 23/2017 ዓ.ም ድሬዳዋ

የኢትዮ-ጣሊያን ፖሊቴክኒክ ኮሌጅ ነባሩን የኮሌጁን መለያ ሎጎ በአዲስ ለመተካት በማስፈለጉ ምክንያት ዘርፉን በሚፈለገው ልክ የሚገልፅ ሎጎ በማሰራት በመጋቢት 19/2017 ዓ.ም ለኮሌጁ ቦርድ አቅርቦ የፀደቅ በመሆኑ ተቋማች መለያ ሎጎው በዚህ መልኩ የቀየረ መሆኑን እናሳውቃለን::

እንኳን አደረሳችሁ!! የኮሌጃችን ሰራተኞች እንዲሁም በመላው አለም ለምትገኙ የእስልምና እምነት ተከታዮች በሙሉ እንኳን ለ1446ኛው የዒድ አልፈጥር በዓል በሰላም አደረሳችሁ እያልኩ በዓሉ የሰላም፣ የጤና፣ የአብሮነት፣ የመተሳሰብ እና የመረዳዳት በዓል  እንዲሆንላችሁ መልካም ምኞቴን እገልፃለሁ፡፡ #መልካም_በዓል #ኢድ_ሙባረክ የኢትዮ-ጣሊያን ፖሊ ቴክኒክ ኮሌጅ ዲን አቶ ታደለ አሰፋ