Addis Standard Afaan Oromoo

#Asoosaatti yakkamaan barattuu Daraartuu Lammeessaa ajjeese adabbii cimaa waggaa 18n adabame Yakkamaan barattuu Yuunivarsiitii Asoosaa kan turte Daraartuu Lammeessaa cuubeen waraanee ajjeese adabbii cimaa waggaa 18 adabameera. Namni Yohaannis Margaa Itichaa jedhamu Caamsaa 9, 2016 ALI ganama naannawaa sa’aatii 2:54tti Daraartuu Lammeessaatin cuubeen waraanuun ajjeesuu isaan yakka ajjeechaan himatamee ture. Abbaan Alangaa namni kun yakka ajjeechaa kana raawwachuu qorannoo taasisuun ragaa namaa fi yaalaa Mana Murtii Olaanaa Magaalaa Asoosaaf dhiyeesseera. Manni murtichaas yakkamaan seera yakkaa Mootummaa Federaalaawaa Diimookiraatawaa Riippablika Itoophiyaa tumaa keewwata 539 muraa 1 ‘A’ jalatti tumame darbuu isaa mirkaneesseera. Haaluma kanaan manni murtichaa dhaddacha guyyaa har’aa ooleen himatamaa Yohaannis Margaa irratti adabbii cimaa waggaa 18 itti murteessuu ragaan qajeelcha poolisii bulchiinsa magaalaa Asoosaa irraa argame ni mul’isa.

Yaa'ii Komishinii Ministiroota #Saawudi_Arabiyaa - #Itoophiyaa 6ffaa gaggeeffame Yaa'ii Komishinii Waloo Ministiroota Saa'udi Arabiyaa fi Itoophiyaa 6ffaa Caamsaa 21-22, 2024 magaalaa #Riyaaditti gaggeeffame. Yaa'ii kanarratti gama Itoophiyaa irraa jilli Ministirri Ministeera Dhimma Alaa Ambaasaaddar Taayyee Atsiqasillaaseetin durfamu hirmaateera. Yaa'icharratti Itoophiyaa fi Saa'udi Arabiyaan abbootiin qabeenyaa Saa’ud Arabiyaa hirmaannaa Invastimnatii fi Daldalaa Itoophiyaatti taasisan cimsanii akka itti fufan Ambaasaaddar Taayyeen waamicha dhiyeessaniiru. Walitti Qabaan Mana Maree Daldalaa Saa’ud Arabiyaa Hasan Mujiib Al Hiwaayizii gamasaaniin, Abbootiin qabeenyaa Saa’ud Arabiyaa hojiilee invastimanti fi daldalaan keessattuu, damee Qonnaan hojii qindeessaa fi oomishuurratti hirmaachuuf fedhii qabaachuu ibsaniiru. Abbootiin qabeenyaa baatii Hagayyaa keessa Itoophiyaatti daawwanaa Biziinaasii kan taasisan ta’uu ragaan Ministeera Dhimma Alaarraa argame ni mul’isa.

Xiinxala: ‘Abdii barnootarra qabnu dhabne’: Lixa #Oromiyaatti barattoota kumaatama sababa rakkoo nageenyaan barnoota ala ta’aniiru Lixa Oromiyaa waggoota hedduuf barattoota qormaata biyyaaleessaa irratti qabxii olaanaa galmeessuun akka naannoo fi biyyaaleessaatti maqaan isaanii adda durummaan ka’u oomishuun beekamu, amma barattoonni hedduu sababa rakkoo nageenyaan barnoota ala ta’uun abdii kutannaa keessatti argamu. Sababa yaaddoo nageenyaa jiruunis shamarran dabalatee barattoonni hedduu baratanii qormaata biyyaaleessaaf qophaa’u akka hin dandeenye himu. Kanaan alattis, iddoowwan muraasa keessatti loltoonni mootummaa manneen barnoota akka kaampiitti fayyadamaa waan jiraniif manneen barnoota dirqamaan cufamanillee jiraachuu barattoota fi barsiisonni Addis Standard dubbise himaniiru. Keessumaa dubartoota miidhaa saalaa dabalatee karaa adda addaan waan irratti xiyyeeffatamuuf adeemsa waraanaa keessa jireenya isaanii dhabu. Walitti bu’iinsa Lixa Oromiyaa keessa jiruunis muudannoon walfakkaataa uumamuun hin oolle. Daraartuun bara darbe Caamsaa 14, 2015 ALI shamarree waggaa 15 fi barattuu kutaa 8ffaa yeroo turte barnoota waaree boodaa hordofuuf gara mana barumsaa osoo deemaa jirtuu hidhattoota Faannoo aanaa isheen jiraattu keessa socho’aniin gudeedamte. Miidhaa gudeeddii irraa gahee kanaan barnoota ishee addaan akka kuttuuf ishee dirqisiiseera. https://addisstandard.com/Afaanoromoo/?p=3990

Xiinxala: ‘Abdii barnootarra qabnu dhabne’: Lixa #Oromiyaatti barattoota kumaatama sababa rakkoo nageenyaan barnoota ala ta’aniiru Lixa Oromiyaa waggoota hedduuf barattoota qormaata biyyaaleessaa irratti qabxii olaanaa galmeessuun akka naannoo fi biyyaaleessaatti maqaan isaanii adda durummaan ka’u oomishuun beekamu, amma barattoonni hedduu sababa rakkoo nageenyaan barnoota ala ta’uun abdii kutannaa keessatti argamu. Sababa yaaddoo nageenyaa jiruunis shamarran dabalatee barattoonni hedduu baratanii qormaata biyyaaleessaaf qophaa’u akka hin dandeenye himu. Kanaan alattis, iddoowwan muraasa keessatti loltoonni mootummaa manneen barnoota akka kaampiitti fayyadamaa waan jiraniif manneen barnoota dirqamaan cufamanillee jiraachuu barattoota fi barsiisonni Addis Standard dubbise himaniiru. Keessumaa dubartoota miidhaa saalaa dabalatee karaa adda addaan waan irratti xiyyeeffatamuuf adeemsa waraanaa keessa jireenya isaanii dhabu. Walitti bu’iinsa Lixa Oromiyaa keessa jiruunis muudannoon walfakkaataa uumamuun hin oolle. Daraartuun bara darbe Caamsaa 14, 2015 ALI shamarree waggaa 15 fi barattuu kutaa 8ffaa yeroo turte barnoota waaree boodaa hordofuuf gara mana barumsaa osoo deemaa jirtuu hidhattoota Faannoo aanaa isheen jiraattu keessa socho’aniin gudeedamte. Miidhaa gudeeddii irraa gahee kanaan barnoota ishee addaan akka kuttuuf ishee dirqisiiseera. https://addisstandard.com/Afaanoromoo/?p=3990

'Sababa yaaddoo nageenyaaf Haroo #Dambal irraa sochiin bidiruu erga dhorkame ji'a caale' Odolawwan shan kan qabu Haroon Dambal, qarqara magaalaa #Baatuutti argama. Haroon kun bakka bashannanaa fi kan namoonni qurxummii irraa soorachuuf dhaqan ture. Keessumaa erga bulchiinsi magaala Baatuu qarqara haroo kanaatti hojii bareedinaa hojjateen booda hawwattummaan bakkichaa haalan dabalee ture. Haata’u malee, erga yeroo dhihoo asitti sochiin hidhattoota Waraana Bilisummaa Oromoo (#WBO) naannawa maagaala Baatuutti mul’achuu eegalee booda yaaddoo nageenyaaf jecha sochiin bidiruu haroo kanarratti taasifamu guutummaan guutuutti dhaabbachuu jiraattonni odolaa harichaafi kanneen Bidiruu oofaa jiraatan himaniiru. Odolawwan Haroon Dambal qabu shanan keessaa isa guddaa Tulluu Guddoo irra kan jiraatan Obbo Zawuduu Waldee, tajaajilli geejjiba bidiruu Haroo Dambal irraa erga dhaabbatee ji’a tokkoo ol akka ta’ee fi kanaanis rakkoof saaxilamuu himan. https://www.bbc.com/afaanoromoo/articles/cw4491x4dn0o

Oduu: Haleellaa daangaa naannolee #Tigraay fi #Affaaritti raawwatameen daa'ima dabalatee namoonni nagaa torba ajjeefaman Daangaa naannolee Tigraay fi Affaar, aanaa Raayyaa Azabootti Wiixata darbe halkan walakkaa haleellaa hidhattoonni eenyummaan isaanii hin beekamne raawwataniin daa’ima waggaa kudha tokko dabalatee namoonni nagaa torba ajjeefaman. Bulchaa Aanaa Raayyaa Azaboo Tazarraa Getaahun, qaamoleen ajjeechaa kana raawwatan naannoo Affaar irraa akka dhufan Addis Standard’tti himaniiru. “Qaamoleen kunneen daa’ima ganna 11 dabalatee tiksitoota halkan walakkaa osoo rafaa jiranii ajjeesan,” jechuun Obbo Tazaraan ibsan. https://addisstandard.com/Afaanoromoo/?p=3985

Oduu: Rooba cimaa ganna dhufuuf eegamu fayyaa fi qonna irratti dhibbaa geessisuu akka malu ogeessonni meetirooloojii akeekkachiisan Waqtii ganna dhufu (Waxabajjii hanga Fulbaana) giddu galeessaa fi kibba #Tigraay, #Affaar, Baha #Amaaraa, kaaba #Somaalee, fi naannoolee bahaa keessatti rooba idilee ol akka eegamu Inistiitiyuutiin Meetirooloojii Itoophiyaa raage. Mootummaan lola qonnaa, eegumsa fayyaa, dhiyeessii bishaanii, fi horsiisa beeyladaa irratti miidhaa geessisu malu dammaqinaan akka ittisu dhaabbatichi dhaameera. Waltajjii Haala Qilleensaa Biyyaalessaa #Adaamaatti gaggeeffame irratti ogeeyyiin inistitiyuutichaa barana rooba waggoota kurnan darban keessatti rikardii ta’e akka eegamu ibsaniiru. Lixa Tigraay, Amaaraa, Benishaangul Gumuz, lixa #Oromiyaa, #Gaambeellaa, fi godinaalee kibba lixaatti rooba cimaa akka roobu raagan. Ogeessi Inistitiyuutichaa Dassaalanyi Taarraqany, keessummaa kibba Affaarii fi kibba lixaa Itoophiyaatti roobni cimaan daddarbiinsa busaa fi koleeraa akka dabalu akeekkachiisan.

AMMEE: #Noorweey biyyummaa #Filisxeemiif beekamtii kennuuf murteessite Mootummaan Noorweey Filisxeemiif beekamtii biyyummaa kennuuf murteessuu beeksise. Ministirri Muummee Noorweey Jonaas Gaahr Istoor, biyyi isaanii Noorweey biyyummaa Filisxeemiif beekamtii ni kenniti jechu isaanii miidiyaaleen biyyattii gabaasaniiru. “Waraana lubbuu lammiilee kuma kudhaniin lakkaawwaman galaafate kana keessatti filannoo tokkicha #Israa’elii fi Filisxeemiif walqixa furmaata siyaasaa dhiyeessu hojiirra oolchuu qabna: Innis Israa’elii fi Filisxeem biyyoota of danda’an lama ta’uu isaaniif beekamtii kennuudha,” jedhan. #Ispeenii fi #Ayarlaandiis tarkaanfii walfakkaataa fudhachuuf adeemsarra jiraachuu isaanii hordofee Ministirri Dhimma Alaa Israa’el Kaatz, “Israa’el kanneen birmadummaa ishee gadi buusanii fi nageenya ishee balaadhaaf saaxilan irraa duubatti hin deebitu,” jechuun akeekkachiisaniiru. AS

Oduu: #Itoophiyaa keessatti daa'imman gara miliyoona sagaliitti dhiyaatan barnoota ala ta’aniiru - #UN Itoophiyaa keessatti daa’imman miiliyoona 8.85 ta’an barnoota ala ta’uu Dhaabbata Mootummoota Gamtoomanitti Dhaabbanni Gargaarsa Daa'immanii (#UNICEF) beeksise. Haalli barnootaa biyyattii haala rakkisaa keessa akka jiru kan ibse UNICEF, sababni guddaan kanaa walitti bu'iinsa kutaalee biyyattii hedduu keessatti hammaataa dhufe ta'uu akeekeera. Ji’oota sadan jalqabaa bara kanatti (Amajjii, Guraandhala fi Bitootessa) biyyattii keessatti lakkoofsi manneen barnootaa cufaman dhibbeentaa 18n dabaluu isaa kan ibse UNICEF, lakkoofsi manneen barnootaa miidhaan irra gahe dhibbeentaa 4.5 dabaluu ibseera. Akka odeeffannoo UNICEF irraa argametti, biyyattii keessatti manneen barnootaa 6,770 miidhaan kan irra gahe yoo ta’u, manneen barnootaa 6,410 cufamaniiru. Kana malees, Itoophiyaatti hongee fi lolaa adeemsa barnootaa gufachiisuun lakkoofsi daa’imman gara mana barumsaa deeman hir’isuu isaa UNICEF ibseera. AS

Oduu: Aanaa #Kiiramuutti buqqaatonni kuma 50 gara qe'ee isaanitti deebi'an Godina #Wallagga_Bahaatti buqqaatonni 50,000 gandoota baadiyyaa aanaa Kiiramuu irraa buqqa'an gara qe'ee isaanitti deebi'uu waajjirri Hoggansa Sodaa Balaa Godina Wallagga Bahaa beeksise.  Buqqaatonni kunneen waggoota lama dura walitti bu'iinsa itti fufiinsaan uumameen gandoota baadiyyaa aanichaa 19 irraa buqqa'an. Itti gaafatamaan waajjira hoggansa sodaa balaa godinichaa Daanyee Laachisaa DWtti akka himanitti, yeroo ammaa kana gaaddisa buqqaatonni yeroof keesaa qubatanii turan hundi duwwaa ta’aniiru. Haa ta’u malee jiraattonni deebi’an hanqina mana jireenyaa fi gargaarsi namoomaa gahaa dhabuu dabalatee qormaata guddaa akka isaan mudate himaniiru. Namoota deebi’an hedduun isaanii manni isaanii barbadaa’ee ykn miidhame kan argatan yoo ta’u, bakka jireenyaa, nyaataa fi meeshaalee barbaachisoo biroo barbaadu. Bara 2022 keessa walitti bu’iinsa uumameen jiraattonni kumaatamaan lakkaa'aman qe'ee isaanii irraa buqqa'aniiru.