📚📚ቤተ__መፅሀፍት📖📗🧾📜

መደነቅ የምናቆምበት ጊዜ አለ ስላገኘነው የማንቦርቅበት ስላጣነው የማንቆዝምበት የመጣን አንደ አመጣጡ የምንቀለበልበት ልሂድ ያለን እንደ ፍላጎቱ የምንሸኝበት አንዳንድ ጊዜ አለ. . . . . መታገል የምናቆምበት @Meki3

መደነቅ የምናቆምበት ጊዜ አለ ስላገኘነው የማንቦርቅበት ስላጣነው የማንቆዝምበት የመጣን አንደ አመጣጡ የምንቀለበልበት ልሂድ ያለን እንደ ፍላጎቱ የምንሸኝበት አንዳንድ ጊዜ አለ. . . . . መታገል የምናቆምበት @mejnun_me

🔻::::::::::::::ሚስኪኑ አፍቃሪ::::::::::::🔻 ፀሀፊ✍✍ መሐመድ ክፍል 🔟 ባታውቀኝም የሆነ ፍንጭ እያገኘች ይመስላል። እኔም ሀሳቤን ቀይሬ እንድታውቀኝ ፍላጎት አደረብኝ።የት ትምርት ቤት ነበር ምትማረው? እናንተ ጋ ። እኔ አቅሀለው ? በጣም። ኧረ እኒጃ እኔ 12 ኛ ክፍል ማስታወሰው ሰው የለም አለች። እስቲ ትምርት ቤት ቤስት ጓደኛዬ የምትያቸውን 5 የወንድ ጓደኞችሽን ንገሪኝ አልኳት። ነገረችኝ ።አብዱ፣ኢብራሂም፣ .......... ፣እና ማሜ እነዚ የኔ ምርጥ ጓደኞቼ ናቸው አለች።ከነገረችኝ ውስጥ የሁለቱን ስም ረስቻቸዋለው። የኔ ስም መኖሩ ገርሞኛል። በቃ ከነዚ አንዱ ነኝ አልኳት።ማወጣጣቷን አላቆመችም። እሺ ለምን ስምህን በሴት ስም አደረከው ? አንቺን ለማግኘትናበወንድ ስም ባረገው አታናግሪኝም ብዬ ነው። ለምን እኔን ማግኘት ፈለክ ? እዚጋ ነበር ብሶቴን በሙሉ የዘረገፍኩት። በጣም እንደምወዳት፣ግን ለሷ እንደማልገባ ወይም እንደማልመጥናት። እሷ አግብታ ብትወልድ ራሱ እሷን መውደዴን እንደማልተው ።እሷን በማውራት እርካታና ደስታን እንደማገኝ።እንዲ ራሴን ደብቄ የማናግራትም ለዚህ እንደሆነ ነገርኳት።( ፍቀር ማለት የወደዱትን የራስ ማድረግ ማለት ብቻ እንዳልሆነ አምናለው)። ስለዚ s ዬን ማውራትና ጓደኛ መሆን እንጂ የግድ የኔ ትሁን አላልኩም። የኔ ብትሆን ደስተኛ ነኝ። ይህን ስላት "ማልመጥን የሚለውን እርሳው መማንም ለማንም ማይመጥን የለም" አለችኝ። ልክ ነበረች ።ኮንፊደስ የለኝም አላልኳቹም? ለዛ ነው ። ጥያቄዋን ቀጠለች። ስምህን ሀሊማ ለምን አልክ ሀሊማ ማናት? በነገራችን ላይ ይሄ ቃለ ምልልስ የአንድ ቀን አይደለም ። ከአንድ ወር በላይ ሆኖናል። ነሀሴ ወር አልቆ መስከረም ገብቶዋል ። እኔም ፈተና አልፌ አማራ ሀገር (ደብረ ታቦር ዩኒቨርስቲ) መመደቤንም አውቂያለው። አልሀምዱሊላህ። ወደ ቃለ ምልልሱ ስመልሳቹ። ሀሊማ በጣም የምወዳት እህቴ መሆኗን ነገርኳት። (ሚስኪን) ስለዚች እህቴ የምታውቀው ታሪክ እንዳለ ረስቼዋለው። "እንደው የሆነ ቀን የነገርከኝ" ብላ አሾፈችብኝ። እኔ ግን አልገባኝም።ምክንያቱም ስለ እህቴ እንደነገርኳት ተረስቶኛል። አሁን አስራ አንደኛው ሰአት የደረስን ይስላል። እንዲህም አለችኝ ።"""አብዲንና እነዛ ስማቸውን የረሳኋቸውን ልጆች ጠቅሳልኝ እነሱ ከኔ እኩል 11ኛ ክፍል ናቸው። ኢብራሂም ና ማሜ 12 ናቸው። ኢብራሂም ደግሞ እንዲ አዋርቶኝ አያቅም። ስለዚ ካሁን ቡሀላ ብዙም አናወራም። እኔ ማላውቀው ሰው ሲያስለፈልፈኝ አልወድም። አሪፍ አወጣጭ ነኛ?""""" ብላኝ ከ fb ወጣች ደነገጥኩ፣ ተናደድኩ፣ ጬስኩ ፣ተቃጠልኩ።ውርደትና የበታችነት ተሰማኝ። እንዴት አይሰማኝም ። እኔ መሆኔን ስታቅ ካሁን ቡሃላ እንደማናወራኮ ነው የነገረችኝ።እየተጠላሁ የምወድ ፣እየተገፋሁ የምቀርብ አሳዛኝ ሚስኪን። ደሜ ፈልቶ ፣ እልህ እስከ አናቴ ተናንቆኝ ፣ ፍም እሳት የዋጥኩ ይመስል ሆዴ እየተቃጠለ ረጅም መልእክት ፃፍኩላት።የመሰናበቻ መሆኑ ነው።ደንታም እንደማይሰጣት አቃለው። የመልእክቱን መደምደሚያ በሚከተለው ጥያቄያዊ ትእዛዝ አደረኩት እንዲ ይላል።""""""ይኸውልሽ s እኔ አንቺን ማገኝባቸው መንገዶች በሙሉ ተዘግተዋል ።የቀረው fb ብቻ ነው። አሁን እኔ ብሎክ ባደርግሽ ስትናፍቂኝ የ fb ስምሽን ስለማውቀው ዳግም ሌላ fb ከፍቼ ልበጠብጥሽ እችላለው። እናም አንድ ነገር ብቻ ተባበሪኝ ።አንቺ ብሎክ አድርጊኝና የ fb Hilwan የሚለውን ስምሽን ቀይሪው። ከዛ የትም ብፈልግሽ ኬትም አባቴ አላገኝሽም።""""""""" ብያት k fb ወጣሁ በማግስቱ ዳታ አብርቼ ስገባ "" በጣም አዝናለው እንዲ ይፈጠራል ብዬ አላሰብኩም """"" መልካም ህይወት። የሚል መልእክት ልካልኝ ብሎክ አደረገችኝ። ግልግል። ከዚ ቀን አንስቶ ሳልረሳት ረስቺያት፣ ዳግም ስለሷ ላላስብ ለራሴ ቃል ገባሁ። ትንሽ የመረጋጋት ነገር ይታይብኛል።ምክንያቱም ከሷ በግልፅ እስክሰማና ብዙ ሙከራዎችን እስከ ማደርግ ድረስ ሁሉ ነገሬን የተውኩላትን እንስት ላለመተው የዛኔ ላይብረሪ እያለው ወስኜ አልነበር?አሁን ሁሉም ነገር ስለተገለፀልኝ ለቆራጥነት አልተቸገርኩም። እነሆ እኔ ወደ ካምፓስ መግቢያዬ ደርሶዋል ። ጥቅምት ዘጠኝ ነው ምሄደው።ቢያንስ ሳምንት ቢቀረኝ ነው። ከአዲሳበባ ስወጣ ይበልጥ እሷን እንደምረሳ ና አዲስ እኔነቴን እንደማገኝ ውስጤ እያጫረብኝ ነው። ዛሬ ቀኑ ሐሙስ ከቀኑ 11 ሰአት ነው። ፆመኛ ስለሆንኩ በጣም ደካክሞኛል።መንገድ ላይ ነኝ። ወደ ሰፈሬ በቢላል መስጊድ በኩል የተጎሳቆለ ሰው መስዬ፣ ከድካም የተነሳ እግሮቼን ከመሬት እያንፏቀቅኩ፣ ቲሸርቴ ተዝረክርኮ ከፊል ደረቴን እያሳየ፣የለበስኩት ትልቅ ነጠላ ጫማ አቧራ አያነሳ እግሬን ሌላ ጫማ አስምሎት፣ ልቤ በሀዘን፣ እምሮዬ በትካዜ ፣ሆዴ በረሀብ ተቃጥሎ በመንገዱ ግራ ጠርዝ ወደታች እየተራመድኩ ነው። ድንገት ቀና ስል s ዬ ኬት መጣች ሳይባል አይን ለአን ተጋጨን። እሷ ከታች እየመጣች ነበር ። እኔ ከላይ።ያየሁትን ማመን ከበደኝ፣ደርቄ ቀረሁ ፣ አምላኬ ግን ምን አርጌ ነው? ምን አጥፍቼ ይሁን? እንዲ የማልወጣበት ማጥ ውስጥ የገባሁት?ምናለ የዛኔ እዛ ቁራን ቤት አስቀራ ስባል እምቢ ባልኩ። #ክፍል_11 ✍✍ይቀጥላል

🔻:::::::::::::::ሚስኪኑ አፍቃሪ:::::::::::🔻 ✍ፀሀፊ መሐመድ ክፍል 9⃣ኝ በዚህ እቅዴ መሰረት ነበር sዬን ዳግም የማገኝበትን ተስፋ የሰነቅኩት።እሱም አዲስ የ fb acount ከፍቼ ፣ስሜን በሴት ስም አድርጌ የsዬን fb ስሟን ስለማውቀው friend request ልልክላት ። ከዛ ሴት መስዬ ላዋራት ። ብዙ ከተግባባን ቡሀላ ወንድ መሆኔን እነግራትና ከዛ ቀስ እያልኩ ማንነቴን አሳውቂያት እሷን ለማግኘት መሰዋት መክፈሌን እንድትረዳ ለማድረግ ነው ።አሪፍ ሀሳብ ነው ፣ግን ትግስትና ጊዜ ይጠይቃል። የ fb ስሜን በታላቄ ታላቅ እህቴ ስም ነው ያደረኩት።ሀሊማ ትባላለች ስለዚች እህቴ ለsዬ ስሟንና ከቤታችን ቀይና የሁላችንም ታላቅ እንዲሁም እኔ በጣም የምወዳት እህቴ መሆኗን ትምርት ቤት እያለን አጫውቻት ነበር።sዬ እህቴን በአካል ባይሆንም በደንብ ታቃታለች። አሁን የረመዳን ወር አልቆ ፣ፈተናም ጨርሰን፣እኔም በ 15 ቀን አንዴ ምመላለስበት የነበረው ጉዳዬን ከግብ አድርሼ የተቀመጥኩበትና ቀጣይ የፈተና ውጤት የምጠባበቅበት ወቅት ነበር።ዝናቡና ደመናው ክረምቱ በደንብ መግባቱን ያሳብቃሉ።ለብርዱ እንደልብስ ለደመናው እንደ ብርሀን የምትሆነኝ እንስት በአካልም በስልክም ከተለየኋት ግንቦት አልፎ ሰኔ ፣ሰኔ አልፎ ሀምሌ ገብቶዋል። ሁለት የሀዘን ወራቶችን ካሳለፍኩ ቡሀላ ነበር እቅዱን ያቀድኩት።አሁን fb frind ሆነናል ።sዬ ብዙ ነገር ትፖስታለች ፣በጣም ብዙ ኮሜንት ይሰጣታል።ከምትፖስታቸው ነገሮች አብዛኞቹ ስለ ጋብቻ መልእክት የሚያስተላልፉ ናቸው።ትንሽ ግራ ያጋባሉ ። የሚሰጣትን ኮሜንት ሳነብ አንድ የገረመኝ ነገር አነበብኩ።ምን ይላል መሰላቹ። " አንቺ ልጅ ምን አስበሽ ነው?" አላት የሆነ ልጅ። እሷም ቀጠለች " አቆላምጣው እገሊዬ ምንላርግ ማግባት አምሮኝ እኮ ነው" አለች።ትንሽ ደነገጥኩ።እንደዛ ችላ ምትለኝ የነበረው ልታገባ አስባ ይሆን? ራሴ ራሴን የጠየኩት ጥያቄ ነበር። መልስ የለም።እኔ ስለ ትዳር ለማሰብ ገና አስር አመት ይቀረኛል።ብዙ ነገራችን አራምባና ቆቦ እየሆነብኝ ተቸግሬያለው።እኔም በበኩሌ ኮሜንት ሰጠኋት።ግን በውስጥ ሚሴጅ ነው።የማግባት ፍላጎት ያለሽ ተመስያለሽ ።አልኳት ። አዎ ሀሉዬ አለችኝ ።እቺ ልጅ ሁሉንም ነው እንዴ ምታቆላምጠው? በሌላ ጊዜም ጥያቄዬን አቀረብኩላት "የወንድ ጓደኛ አለሽ"?ሴት መስያት ስለነበር በግልፅ ነበር ምትነግረኝ። የለኝም አለችኝ።ትንሽ ተረጋጋው። ጥያቄዬን ቀጠልኩ"ወንዶች ባንቺ እይታ ምን ይመስላሉ?" "አይ ሀሉዩ ሁሉም የሚፈልጉትን እስኪያገኙ ድረስ ንግግራቸው ሁሉ ማሬ ፍቅሬ ነው ። ሚፈልጉትን ሲያገኙ ፀባያቸው ይቀያየራል" እሷ ነበር የተናገረችው።ደነገጥኩ ደሞ እኔ ምን አድርጊያት ነው? አይ እኔን አይወክልም።ታዲያ የጎዳት ሰው አለ ማለት ነው? ልክ ነሽ Hilu አልኳት። የ fb ስሟ Hilwan ነው ብያቹ አልነበር? በኔ ቤት ማቆላመጤ ነበር። ቀጠለች "አንቺስ ሀሉዬ አግብተሻል?" አለችኝ ። አንቺ ስትለኝ በውስጤ እተዝናናሁ ኧረ Hiluye እኔም እንዳንቺ የተጎዳሁ ነኝ ። አልኳት። አልዋሸሁም በሷ የተጎዳሁ ነኝ። "አይዞሽ ሀሉዬ አላህ ያቃል" አለችኝ።ጥያቄዬን ስጠይቃት እሷም ስትመልስ። ተግባባን እኔ ዱባይ ሀገር ለስራ መሄዴንና በቅርቡ እንደምመለስ አድርጌ ነው የነገርኳት። በደንብ ተግባብተናል አንዳንድ ያልገቡኝ ሚስጥሮችን አወጣጥቼያት ነበር።ከዱባይ ስመለስ እንደምንገናኝም አውርተናል። በዚ አጋጣሚ ድጋሚ አንድ ነገር ብልጭ አለልኝ ። በፊት ቁርአን ቤት እያለን አንድ በጣጣጣም የምታምር ቁርአን ሰጥታኝ ነበር። ይህ ቁርአን ነጋ ጠባ sዬን ያስታውሰኛል ።እንዲ ከመራራቃችን በፊት እሷን በአካል ለማግኘት ስል ብዙ ጊዜ ቁርአንሽን አትፈልጊውም ልስጥሽ ስላት እሷ ግን ማሜ አንተ ጋር ይቀመጥ ትለኝ ነበር።ምናልባት ለመገናኘት ከተቀጣጠርን ከሩቅ ሆኜ በህፃን ልጅ ቁረአኑን አቀብያት በfb በሴት ሆኜ ሳዋራት የነበርኩት እኔ መሆኔን አሳውቄ ላስደነግጣትም አሰቤ ነበር።ግን አልተሳካም ልንቀጣጠር አልቻልንም። የአረፋ በአል ተቃርቦዋል።ጥቂት ቀናት ነው የቀሩት እኔም ከዱባይ መጥቻለው sዬ እንኳን ደህና መጣሽ ብላኛለች። ጉዴን አላወቀች አይፈረድባትም።አሁን ወደ ሁለየኛው እቅዴ ምሸጋገርበት ሰአት ነው።እሱም ወንድ እንደሆንኩና ዱባይም እንዳልነበርኩ ልነግራት። ትንሽ ፈርቻለው ።ብሎክ ብታደርገኝስ፣ ማንነትህን ካልነገርከኝ እንዳታዋራኝ ካለችኝስ?፣የኔ ሀሳብ ደሞ አሁን ማንነቴን እንድታውቅ አልፈለኩም ። የኔ ፍላጎት ወንድ መሆኔን ብቻ ካወቀች ቡሀላ በ fb የተዋወቀችው የወንድ ጓደኛዋ ለመሆን እና በጓደኝነት ከተጣጣምንና ከተመቻቸን ቡሀላ እንደ ሰርፕራይዝ ማንነቴን ለመንገር ነው። ከቀኑ አስር ሰአት ነው ።fb ገባሁ online ላይ አለች ።አሰላሙ አልኩም ሒሉ ።ወአለይኩም አሰላም ሀሉዬ። እንዴት ነሽ? አለሁ። አንቺ እንዴት ነሽ? አልሀምዱሊላህ ደና ነኝ። ሒሉ አንድ ሚስጥር ልንገርሽ አትቆጭም? ኧረ ሀሉዬ የምን ሚስጥር ነው ንገሪኝ ችግር የለውም።አትጣይኝም? ለምን እጣላሻለው ንገሪኝ? ብሎክ እንደማታደርጊኝ ቃል ጊቢልኝ? እሺ ቃል እገባለው ንገሪኝ። እኔ ሴት አደለሁም ወንድ ነኝ😧😳። አፈረጥኩት። " ወይ ዘንድሮ እሺ ማነህ ደሞ አንተ?" አለች። የኧኧኧኧፈራሁት ደረሰ። እሱንማ አሁን አልነግርሽም። አልኳት ቃል ስላስገባኋት ብሌክ አታደርገኝም ብዬ። "ይቅርታ እኔ ከማላውቀው ወንድ ጋር ማውራት አልደልግም። አለች። እንደምንም ብዬ እኔ አንቺን ማናገር ብቻ ነው ምፈልገው ፣ መተዋወቁ ምንም አይሰራም አንቺን ብቻ በማናገሬ ደስታን አገኛለው አልኳት ።እንደፈለክ ። አለችኝና ከfb ወጣች። ደስ አለኝ። በሌላ ቀን fb ገባሁ። እህቴ ቤት ነው ያለሁት። ሀይ ሒሉ አልኳት። ሀይ አለችኝ።ማቆላመጥ አቆመች። ብዙ አወራን ፣ብዙ ተጨዋወትን።ያለ የሌለውን ሳወራ ፣ስቀልድ ስተስቅ፣ቀየን። በመጨረሻም " ማን ብዬ ልጥራህ" አለችኝ።እንደተመቻቸን ገመትኩ።ግንኙነታችንን ወዳዋለች ማለት ነው አልኩ በሆዴ። ከዛ መለስኩላት" ፈላጊዬ ወይም F እያልሽ ልትጠሪኝ ትችያለሽ አልኳት። ሳቀች hhhhhh ። አሳሳቅሽ ደስ ይላል ።አላኳት። እንዴት? አለች። መለስኩላት HaHaHaHa እያሉ መሳቅ ሰርአት ያጣ ነው። ያንቺው ደስ ይላል አለኳት።አመሰግናለው F. አለችኝ። አውሽኝ እመልስልሻለው? አይ እምቢ ። ቋጣሪ ብተሰጭኝ ምን አለበት። እሺ ውሰደው። ባንዳፍ hhhhhh አልኩ።ከዚ ጊዜ ቡሀላ ሳታውቀኝ ቢሆንም በጣም ደስተኛ ነኝ።ሁሌም በደንብ እናወራለን።እኔ መሆኔን ብታቅ ግን እንዲ ታወራኛለች? አይ አታወራኝም ። ከዚ ቀደም የነበረውን አስታውሳለው ከሌላ ወንድ ጋ እያወራች ከኔ ጋ ሲሆን ለምን ከበዳት?አላቅም።ወንድ መሆኔን ከነገርኳት ገዜ አንስቶ ማንነቴን ለማወቅ ማትፈነቅለው ድንገይ አልነበረም።እስቲ ካደረግናቸው ቃለ ምልልሶች መሀከል ጥቂቱን ላውጋቹ። ተከተሉኝ። አሷ ነበረች ጀማሪዋ ........................................... ....ተማሪ ነክ?ነበርኩ ።ዘንድሮ ካምፓስ ነኝእኔን የት ነው ምታቀኝ?ትምርት ቤት።የትሰፈር ነክ? ኧረ እሱንማ ከነገርኩሽ ታቂኛለሽ። እንዴት አቅካለው አንተ ብቻ ነክ በሰፈሩ ወንድ። እናንተ ሰፈር አልኳት።አሪፍ ነው አንድ ሰፈርነና አለች። #ክፍል_10 ይቀጥላል✍✍

🔻:::::::::::::::ሚስኪኑ አፍቃሪ::::::::::🔻 ክፍል::::::::8⃣ት ግን ተስፋ አልቆረጥኩም በሶስት ቀን አንዴ ምናምን መደወሌን ተያይዤወለው ።እሷግን ሚስኮልም አርጋ አታቅም።ዛሬ ቀኑ በማያቃጥል ፀሀይ ደምቆ ላየብረሪው በሰው ጢም ብሎ ከጠዋት ጀምሮ በአሪፍ ድባብ ላይ ነው።ያሁሉ አንባቢ ተሰብስቦ ከፀጥታው ብዛት የተነሳ የትንፋሽ ድምፅ ራሱ ይሰማል ። በዚ መሀል አስር ሰአት አካባቢ ስልኬ ጠራ ያልገመትኩት ስልክ ።sዬ ነበረች እየፈጠንኩ ከላይብሪው ወጥቼ ስልኩን አነሳሁት። ሃሎ ማሜ ላይብረሪ እየመጣን ነው። ቦታ አለ? አለችኝ።ዛሬ ማውቀው የ sዬ ድምፅ ነው። ደስ ያላት ትመስላለች። ልታጠኑ ነው? አልኳት።ምክንያቱም ትምርት እንደማትወድ ነበር ምገምተው። አደለም አሳይመንት ልንሰራ ነው አለችኝ ።ብቻዋን አደለችም ።ቦታ እንደማይጠፋ ነግሪያት ስልኩን ዘጋችዉ።ወደ ውስጥ ገብቼ ቦታዬ ላይ ቁጭ አልኩ። ከጎኔ ክርስቲያን ሴቶች አሉ። ከፊት ለፊቴ ደሞ ወንዶች ናቸው ምንም ቦታ ላገኝላቸው አልቻልኩም ።ትንሽ እንደቆየሁ ከፊይ ለፊት ያሉት 3 ልጆች መፃፋቸውን ይዘው ተነስተው ሄዱ።ማመን ከበደኝ እንዴት ሊሆን ቻለ።3ወንዶች ለ3ሴቶች ቦታ ለቀው ሄዱ። ለዛውም እኔ ፊት።ቦታውን ያዝኩላቸው።ብዙም ሳይቆዩ sዬ ከባለ መነፅሯና ከዛች ከእንደራሷ አይነት ቀጫጫ ልጅ ጋር ላየብረሪ ገቡ።እነዚ ጓደኞቿ ትምርት ቤት እኔን ከsዬ ጋር ሲያዩኝ የተለየ ስሜት ፊታቸው ላይ አይባቸው ነበር። ይኮሳተራሉ፣እንደማፈር ይላሉ ፣ፊት ያዞራሉ፣ ወይም ካሉበት ቦታ ተነስተው ይሄዳለው። እኔ የትም አላውቃቸውም።አንድ ቀን ግራ ሲገባኘኝ s እቺ ባለመነፅሯ ማናት? በጣም ነው ምፈራት ብዬ ጠየኳት። ቁራን ቤት ትቀራ ነበር አለችኝ። አስቀርቻትም አቃለው ማለት ነው። ወይ ውርደት አልኩ በሆዴ ።ለካ አስቀሪ መሆኔን አውቃ ነው እንዲ ምትሆነው። እናም ላይብረሪ ውስጥ ከዛ ሁሉ ሰው መሀል እኔን እስኪያዩኝ ባለመነፅሯ ውር ውር አለች።sዬ ለየት ያለ ጅልባብ ለብሳለች ። በጣም አምሮባታል ።የኔ ታናሽ ሳይሆን ታላቅ ነው ምትመስለው።ጅልባቡ ከግርማ ሞገሷ ጋ ተደምሮ ትልቅ ሰው አስመስሏትል።በእጄ ምልክት ስሰጣቸው sዬ በኔ አቅጣጫ በኩል ባለው ወንበር ስትቀመጥ ሁለቱ ደሞ ከጎኔ ከነበሩት ሴቶች አቅጣጫ ተቀመጡ። ገና ሲገቡ ጀምሮ ያ የሚያጠና ወንድ በሙሉ አአአአአአአ ብሎ ሊጎርሳቸው ይመስል በስስት ሲመለከታቸው አስተውያለው። ዛሬ ከሳምንታት ቡሀላ አየኋት ።ውስጤ እየከዳኝ ነው። ከገባች ሰአት አንስቶ ማጠና እየመሰልኩ ሰርቄ እያየኃት ነው። የማጠናው አደለም መስመሩ ገፁም ጠፍቶብኛል። እነሱ ግን ብዙም ሳይቆዩ ወዲያው ነበር አሳይመንታቸውን መስራት የጀመሩት። ማንበብ ሲያቅተኝ ጠረጴዛ ላይ ያስቀመጠችውን ስልኳን አንስቼ ቀጥታ ጋላሪ ውስጥ ነበር የገባሁት ።እቤት ሆና በከፊል ተገላልፃ የተነሳቻቸውን ፎቶዎች ወደራሴ መላክ ጀመርኩ። የስልኬ የሚሴጅ ድመፅ የፍየል ጩኸት ስለነበር ፎቶው ሲገባ ጮኸ የላይብረሪው ሰው ሁሉ ነበር በአንድ ድምፅ የሳቀው ። ሶስት ፎቶ ላኩኝ ሶስቴ ሚእእእእእ አለ። ይሳቁልኝ ይሳቁብኝ ማውቀው ነገር የለም።እሷም ሳትቀር እሳቀች ነበር። ግን ፎቶ እየላኩኝ መሆኔን እሷም አልባነነችም። መግሪብ ሲደርስ ተነስተው ሄዱ። ስለ ፎርሙላው ከነ አካቴው ጠይቃኝ አታቅም። ረስታዋለች። ከላይብረሪው ቡሃላ ድጋሚ ግንኙነታችን በስልክ ብቻ ሆነ።አንድ ቀን ነው ትዝ ይለኛል በጣም እየተጨዋወትን በስልክ ከ30 ብር ካርድ የሚበልጥ አወራን ። የዛኔ ነበር fb ፈሬንዷ እንድታደርገኝ የጠየኳት ።fb ላይ ማውራት ከጀመርኩ ጀምሮ በጣም ተቀዛቅዘናል። ሲላት ትንሽ ታወራኝና ዝም ፣አንዳነዴ ጭራሽ አታናግረኝም።አሁን እኔም ፋራ መሆን የለብኝም ሰው በይሉኝታ እንዲያደርግልኝ ስለማልፈልግ ማቆም እንዳለብኝ ወሰንኩ።ለራሴም ቃል ገባሁ መርሳት መቻል እነዳለብኝ ። ካሁን ቡሃላ በምንም አይነት መንገድ ማግኘት እንደማልችልና ተስፋ መቁረጥ እንዳለብኝ ቆራጥ ውሳኔ ወሰንኩ። ምክንያቱም እንደጠላችኝ በብዙ ነገሮች ምልክት አየሁዋ።ከዚ በላይ መለመን የለብኝም።ስልኳን ከስልኬ አጥፍቼ የራሴን ህይወት መኖር ጀመርኩ።ሳልነግራት መደወል ተውክ ።ጠፋሁ ።አንድም ቀን ደውላ አታቅም።ግን ከተወሰኑ ጊዚያት ቡሀላ ግን ናፍቆቱን መቋቋም አቃተኝ ለመደወል ብዬ ስለኳን ኬት ላምጣው፣ ደሞ fb ላይም ብሎክ አረጊያታለው። በማስታውሰው መጠን የተለያዩ ቁጥሮችን ሞከርኩ ግን የደለትኩትን ስልክ ቁጥሯን ላገኝ አልቻልኩም። ማን ደልት አለኝ? ድጋሚ ራሴን መውቀስ ጀመርኩ። (ሚስኪኑ ማሜ) ።በዚህ ሀዘን ውስጥ ሆኜ፣ሳልናፍቃት ናፍቃኝ፣ሳትወደኝ ወድጃት፣ሳትደውል ደውዬላት፣ አንድ እጅ ብቻውን ማጨብጨብ አይችልምና አንድ ብቻዬን ሆኜ ምንም መፍጠር እንደማልችል በድምፅ አልባ አዋጅ እየተነገረኝ ነው። እኔ ግን ተስፋ አልቆርጥም ።ትግሌን እቀጥላለው ማንንም አላማክርም።በአንድ እጅ ማጨብጨብም እንደሚቻል በተግባር አሳያለው እያልከኩ ውስጤ እየነደደ ሀሳብ ማፍለቅ ጀመርኩ።ያለ እቅድ ማይሆን የለምና አንድ በጣም የሚያምር ሀሳብ ከመጋደሚያዬ ላይ ሆኜ መጣልኝ። ወዲያው ነበር ለመተኛት ካሰብኩበት ብድግ ብዬ የተነሳሁት።በዚ እቅዴ መሰረት sዬን ዳግም የማገኝበትን ተስፋ የሰነቅኩት። ምን ይሆን እቅዱ ቀጣይ ክፍል ላይ እንገናኝ። #ክፍል_9 ✍ይቀጥላል።።።

🔻::::::::::::::ሚስኪኑ አፍቃሪ::::::::::::🔻 ክፍል: :::::::::7⃣ት መርዶው ባጭር አረፍተ ነገር በ3 ቃላት ብቻ የሚገለፅ እኔን እንክትክቴን ያወጣኝ ንግግር ነበር። አሱም እንዲህ ይላል "12 ቶች መግባት አትችሉም"።ለኔ ብቻ ነበር መርዶው ለሌላውማ ብስራት ከብስራትም በላይ ነበር ።ተማሪው ግማሹ ያፏጫል ፣ከፊሉ ይጮሀል፣ከፊሉ ደሞ እንደኔ አይነቱ ፊቱን አጨፍግጎ ነገሩን በትዝብት ይከታተላል። 11 ዶች መታወቂያ እያሳዩ አየገቡ ስለነበር ምናልባት ስትገባ ካገኘኋት ብዩ ባይኔ በር በሩን ስመለከት ቆይቼ አይኔ ደከመው።እሷም ቀድማ ገብታለች። አይኔ ከግቢው አጥር አሻግሮ ወደ ውስጥ እያየ ድመት ወተት አይታ ለመጠጣት እንደምትቋምጠው እኔም ጊቢ ውስጥ ለመግባት እቋምጥ ነበር። ግን ምን ዋጋ አለው አልችልም😢😢😢😢😢። ልክ የዛኔ sዬ የፎርሙላውን ትርጉም ሰላልነገርኳት በቀዘቀዘ መንፈስ ጥላኝ እንደሄደችው፣ ዛሬ እኔም ስሜቴን የምነግርበትን አጋጣሚ ስላከሸፉብኝ በቀዘቀዘ መንፈስ ዳግም እዚህ ትምርት ቤት ላልመለስ ወደ ቤቴ አቀናሁ። ከተዋወቅን አንድም ቀን በስልክ አውርተንአናውቅም ምክንያቱም ቀን በቀን በአካል እንገናኝ ስለነበር አላስፈለገም።አሁን ግን የቤት ምርኮኛ ሁኛለው።ከዚ ቀደም እንደነገርኳቹ ብቸኛ ነኝ ከሰው መቀላቀል ብዙም አይደላኝም።ከራሴ ጋር ማውራት አበዛ ነበር።አሁን ግን ከብዶኛል ጭርታ እንዳልወደድኩት አስጠልቶኛል።ወላጁን በሞት እንደ ተነጠቀ ታዳጊ ዝም ብሎ ብሶት ብሶት ይለኛል። ከጥቂት ቀናት ቡሀላ ትንሽ ወደ ራሴ መመለስ ጀምሪያለው። አእምሮዬ ላይም የፈተናው ነገር ብልጭ ብልጭ ይልብኛል።ከቤታችን ጥሩ ደረጃ ላይ እንድደርስ ምጠበቀው እኔ ነኝ።ታላላቆቼ ሁሉም ከታች ክፍል ነው ትምርት ያቆሙት። 12 ከመግባቴ በፊት በነበረኝ የማጥናትና ጎብዞ የመማር ባህሪዬ ነው ቤተሰቤ ሚያውቁኝ።በፍፁም አንድም ቀን ባልባሌ ቦታ ይገኛል ብለው ጠርጥረውኝ ስለማያውቁ አይቆጣጠሩኝም የትዋልክ የት አደርክ እያሉኝም።እናም ዩኒቨርስቲ የመግባት ህልሜ ጨልሞ እየታየኝ የቤተሰቤ ሸክም መሆኔ ደግሞ ይበልጥ አያበገነኝ ሲመጣ ድንገት የማላወቅ ሀይል ገፍትሮ ላይበረሪ አስገባኝ።የቀረችኝን አንድ ወር እረፍት የሌለው የ24 ሰአት ጥናት ማጥናት ተያያዝኩት።በ sዬ ናፍቆት የቆሰለው ማንነቴ ድብርቱን ሚያስረሳው ነገር ሳያገኝ አይቀርም።አሁን ከጥናቱ ጋ በጣም ተጣጥመናል፣ያለችኝ አጭር ጊዜ ስለሆነች ትኩረቴን ቀላልና የሚሰሩ ሳብጀክቶች ላይ አድርጊያለው።በተጨማሪም የትምርት ቤታችን ሰቃይ ተማሪዎችንም የመግባባት እድሉንም ስላካገኘሁ።ውስጤ ፈተናውን የማለፍ ተስፋው እያንሰራራልኝ ነው።ቁርስ በላው ላይብረሪ፣ምሳ በላው ላይብረሪ፣ ምሽት 3 ሰአት ሲል እቤት እገባለው።ታዲያ በዚ ሙድ ወስጥ ሆኜ ድብርቴ ቢጠፋም sዬን መርሳት አልቻልኩም። ከዚ በላይ መቆየት አልቻልኩም መደወል እንዳለብኝ ይሰማኛል።ውስጤ ደግሞ እሷ ለምን አልደወለችም? ይለኛል።አንተ ብቻ ነህ ምትወዳት? እንድጠራጠር እያረገኝ ነው። አይ እሷ እንደምጠላኝ ካፏ እስክሰማ መጠበቅ አለብኝ እያልኩ ከራሴ ጋ አመነታለው። ደወልኩ ሰአቱ ከመግሪብ ቡሀላ ነው።ቀኑን ሙሉ በነሻጣ ሳጠና ውዬ ውስጤ እርካታና ተስፋን በጥናቱ ምክንያት ተላብሶ በአሪፍ ሙድ ሆኜ ነበር። ለመግሪብ ሰላት ወጥተን ስንመለስ ነበር የደወልኩት ስልኩ ተነሳ።ልቤ መብረቅ የመታው መሬት ይመስል ሲሰነጠቅ ይሰማኛል። (ሚስኪን)።ሄሎ ቀጥሎ የሰማሁት ቃል ነበር። ግን ዝግ ያለ፣የመኮሳተርም ባህሪን የሚያንፀባርቅ ፣ ከምንም በላይ ደግሞ በቀዘቀዘ ስሜት የተለቀቀ ድምፅ ነበር።እኔ ደሞ ሰው ሲንቀኝ፣የበታች አርጎ ሲያየኝ ከማይ ምንም ነገር ቢቀርብኝ እመርጣለው።ሰው ሰው ሆኖ እንዴት ሰውን ከራሱ በታች አድርጎ ይመለከታል? ???እናም ይህን ድምፅ ከሰማሁ በኃላ ቀኑን ሙሉ የገነባሁት ሙዴ ድምጥማጡ ጠፋ።በዚም አላበቃም ሄሎ ሳልላት በመደወሌ ፀፀተኝ።ለነገሩ አንዴ ደውያለውና በጆሮዋ አልዘጋው። ሄሎ ሰላሙ አለይኩም ።እኔ ነበር ያልኩት። ዋለይኩመሰላም ።ማን ልበል? የሚል ድምፅ ተመለሰልኝ። ስልኬ እንደተራራ ነበር የከበደኝ ምለው ጠፋኝ።መጀመሪያ ሰልኩ ሲጠራ ድንጋጤ ሲወረኝ፣ሃሎ ሲባል ነሻጣዬ ደስታዬ ሲነፈግ፣አሁን ደግሞ ማን ልበል ስባል ንዴት አገንፍሎኛል። ማን ልበል እንዴት ልትል ቻለች? በደስታ ላወራ የነበረው ስልክ አሁን ንዴት በተላበሰ መንፈስ ሊሆን ነው። s መሀመድ ነኝ። አልኩ እንደምንም እራሴን አያረጋጋሁ። እንደፍሪጅ ውሀ በቀዘቀዘው ድምፇ ።እእእእ ማሜ እንዴት ነህ ሰላም ነው አለችኝ። ዘገነነኝ ።ማሜ ስባል ዛሬ አስጠላኝ።ማላውቃት ሆነችብኝ።በራሴ አፈርኩ።አፌ ሁሉ ተሳሰረ።እንደምንም 3 ደቂቃ ባልሞላ ጊዜ ውስጥ ተሰነባብተን። ስልኩ ተዘጋ ግያለው ፣መፃፌን ይዤ ወደ ቤቴ አመራሁ።እንደሰከረ ሰው ያረገኛል።ምን ሆና ይሁን እንደዛ ምትስቅ ምትጫወት ልጅ? በስልክ ለተፈጠረው ነገር ምንም መልስ አጣሁለት።ምክንያቱ ባልታወቀ ነገርማ ዝም ብዬ ማንነቴን ሁሉ የረሳሁባትን እንስት አልፋታም ። ብዙ ማረጋገጫዎችን ለመሞከር ወሰንኩ ።ቀን ቀን እያጠናው ማታ ወደ ቤት መግባት ሆኖዋል ስራዬ ጥሩም ተጉዣለው።ውስጤ ምንም ፈተናውን የመውደቅ ፍራቻ የለም አልሀምዱሊላህ ጭንቀቴም ፍራቻዬም ወደሷ ዞሮዋል። በየቀኑ አልደውልም ሙዴና ነሻጣዬን መምጫቸውን ጠብቄ ነው መደወል ምፈልገው ምክንያቱም ደስተኛ ሆኜ ለማውራት እንዲመቸኝ ።ደወልኩ ከቀኑ 11 ገደማ ይመስለኛል ።ተነሳ የዛሬው ድምፅ ይሻላል ።አወራን ፣አሁንም ትምርት ቤት እየሄደች እንደሆነ ነገረችኝ። ማልዋሸው ነገር ቢኖር በአካል ማቃት sዬ ግን አደለችም።ፍፁም በስልክ ተቀይራለች ። ሁሉም ሰው ይሆን በስልክ ሚቀያየረው።ወይስ ቴሌዎች ሊያጣሉን ፈልገው የሌላ ሰው ድምፅ አያሰሙኝ ነው ?። ምለው ጠፍቶኛል መደወል ለመተው ባላስብም ግን ቅፍፍ ብሎኛል ።የሆነ በማልፈልገው ነገር ላይ ተገድጄ ምደውል ምደውል እየመሰለኝ ነው። #ክፍል_8 ይቀጥላል::::::✍

🔻::::::::::::::ሚስኪኑ አፍቃሪ:::::::::🔻 ክፍል 6⃣ ዛሬ ትላንትና ነገ እያልን ስለሱ እያወራንለት የነበረው ቀን ነው።sዬ ልታገኘኝ የፈለገችበት ጉዳይ እስካውቅ ጓጉቻለው። ረፍት ላይ ተገናኘን።ለምን በድንገት መምጣት እንደተወች አልጠየኳትም።እኔ በባህሪዬ ሰው በይሉኝታ ምንም ነገር ለኔ ብሎ እንዲያደርግ አልፈልግም። ውስጡ ያዘዘውን እንዲያደርግ ነው ፍላጎቴ።እሷም ጠፋች ።የራሷ ምክንያት ይኖራታል ብትነግረኝም ባትነግረኝም እንደፈለገች። ምንም እንዳልተፈጠረ ፈገግ እያልኩ። አሰላሙ አለይኩም s ። መልስ ሰጥታኝ ።" ማሜ ቁራን ቤት አዲስ የገባው ውስታዝ ኪታብ ሲያስቀራ አይገባኝም። አንተ ከተመቸህ እዚ በምሳ ሰአት እየተገናኘን አስቀራኝ" አለችኝ ። ገርሞኛል።እንዲሁም አስፈርቶኛል። የተወደድኩም እየመሰለኝ ነው። ብዙ ጊዜ ሰው ሲስቅልኝ፣ሲያቆላምጠኝ እና እኔ በምችለው እርዳታዬን ሲፈልግ የወደደኝ ይመስለኝ ነበር።(ሚስኪን) ።ሁኔታዋ በኪታብ ሰበብ በየቀኑ ለመገናኘት ዘዴ እየዘየደች ይመስላል። እርግጠኛ ነሽ መቅራት ትፈልጊያለሽ? አልኳት። እንደምትፈልግ ስትነግረኝ። ከነገ ጀምሮ እንደምንገናኝና መቅራት እንደምንችል ፈቃደኛ መሆኔን ነግሪያት ተለያየን። ከዛ ቀን ጀምሮ የተቋረጠው ግንኙነታችን እንዳዲስ ቀጥሎዋል። እሷም እኔም የየራሳችን ኪታብ ይዘን የትምርት ቤቱ ሜዳ ጋ አንድ ጥግ ስር የመጀመሪያ ቂራት ለመቅራት ተቀመጥን።የየራሳችን ኪታብ ያስፈለገው ያልተገባ ቅርርቦሽና ንክኪ እንዳይፈጠር ነበር። እኔ ማስረዳቴን ቀጠልኩ የሷ ሁኔታ ግን ግራ ሚያጋባ ነበር። አይኗ ኪታቡ ላይ ሳይሆን እኔ ላይ ነው ።እየሰማችኝ አደለም ።ሼም ያዘኝ።ገባሽ ?አልኳት ቀና ብዬ እያየኋት። አንገቷን እየነቀነቀች አይኗን እኔ ላይ ተክላ አው አለችኝ። ፌቴን አዙሬ አነብላት ቀጠልኩ ከተወሰነ ደቂቃቡኋላ ዳግም ዞሬ ሳያት አሁንም እያየችኝ ነው።ይሄ ነገር ወዴት ወዴት እያመራ ነው? በውስጤ አጉረመረምኩ። አሁን የጠረጠርኩት ነገር እውነት መሰለኝ። ስሜቷን ለመረዳት በማሰብ ከአንድ መሰረመር ያልበለጠ ቀርተን ኪታቡን ዘግቼ ለዛሬ ይበቃናል አልኳት።አወራን ፣አወራን፣አወራን፣ ትፈነድቃለች፣ትስቃለች ፣እኔ በሷ ሳቅና ደስታ እረካለው።ለሞራሏ እገለፍጣለው ።ተጨዋውተን ተለያየን።ግን በውስጤ እየተገረምኩ ነው። ኪታቡንስ ልንተወው ነው? በነጋታው መቅራት እንደምትፈልግ ለማረጋገጥ ብዬ ላስቀራት ብሞክርም ፊቷ ላይ ምንም የመቅራት ፍላጎት ማንበብ አልቻልኩም። ትንሽ ታዘብኳት ግን ደስ ብሎኛል ።ከኔ ጋ ለመሆን ፍላጎት እንዳላት ራሴን አሳመንኩት። ኪታቡም ተረሳ እኔም እሷን በሙሉ አይን ማየት አብዝቻለው።ከእግር ጥፍሯ እስከ ራስ ፀጉሯ የመመልከት አቅሙን አግኝቻለው።ግን ከመዳፏና ከፊቷ በቀር ሌላ የሚታይ ቦታ አልነበራትም።ረጅም ጉርድ፣ ካልሲ ትለብሳለች።አይን ትልቅ ተፅዕኖ አለው።ያያል ለልብ ማሳሰቢያ ይሰጣል።ልብ ደሞ ይሸፍታል።አእምሮ ብዙ ነገር ያስባል፣ብዙ ነገር ያቅዳል። አልሀምዱሊላ ከማየት የዘለለ አእምሮዬ ሌላ ምንም አላዘዘኝም። ሁሌም ስትመጣ የምትይዘው ደብተር ነበር ከለታት አንድ ቀን አንዴ ልየው? ብያት የማየት እድሉን ስትሰጠኝ እውስጡ በርካታ የፍቅር ግጥሞችና ከጀርባው ደግሞ ስሟን፣ስልኳን፣ ሆቢዋን፣ ባጠቃላይ ስለሷ ብዙ ኢንፎርሜሽን የሚናገር ፅሁፍ አለ። ጌም ነገር ነው የሚሞላ ። ግጥሞቿ አብዛኞቹ በፍቅር የተጎዳ ሰውን የሚገልፁ ናቸው። በግጥሞቿ አንድ በጣም የምትወደው ሰው እንዳለ ተረድቻለው።ግን ማን ነው? እኒጃ ራሴን በፍፁም አልጠረጥርም ።ከተዋወቅን አመት ሳይሞላን፣ከማውራት በቀር ምንም ነገር ሳናደርግ እንዴት ሊሆን ይችላል?ጠየኳት" እቤት ወስጄ ደብተሩን ላንብብ?" አሷም አለችኝ "ውሰደው በዛውም ሚሞላውን ሙላ " አለችኝ። እኔም ግጥሞቿን አነበብኩ በቃሌም የሸመደድኩት ነበር። በዛውም ሚሞላውን ሞላሁ። በዚ አጋጣሚ ነበር ስልክ የተለዋወጥነው።እንዲ እንዲ እያልን የግቢ ላይፋችንን እያሳለፍን ነው።ግጥም ታነብልኛለች ።እኔ ደሞ ልክ Bed story ይመስል ተመስጬ ሳዳምጣት። እሷ ስጦታ ስታመጣልኝ እኔ ደሞ ልቤን በስጦታ መልክ ስሰጣት።ወሩ ሚያዝያ ነው ።በቀጣይ ወር የ 12 ኛ ክፍል አገር አቀፍ ፈተና ወሳጅ ነኝ ። ግን አደለም ስለ ፈተና ላስብ ተማሪ መሆኔን ራሱ ሳልረሳው አልቀርም። አሁን ያስጨነቀኝ ትምርት ቤታችን ለፈተና ዝግጅት እንድናደርግ በሚል ከፈተና አንድ ወር ቀደም ብሎ ነው ትምርት ሚዘጋልን።እሷ 11 ኛ ክፍል ስለ ሆነች እስከ ሰኔ እዚው ትቆያለች።ከዚ ቡሀላ የት አባቴ ነው ማገኛት? ሰፈሯን አቅጠጫውን እንጂ የት እንደሆነ አላቅም።ባውቅስ እንዴት ብዬ ነው ሰፈሯ ምሄደው።የለመድኩት እሷ መጥታ እንደምትወስደኝ ነው።ግራ ገባኝ ።እሷም መለያየታችንን ብታውቅም ምንም ነገር አላለችኝም። 12 ቶች ትምርት ጨርሰን ግቢውን ለቀን ለመውጣት 2 ቀን ሲቀረን እንደሌላው ጊዜ ሜዳ ስር ተቀምጠን ማውራቱን ትተን ከግቢ ወጣን። በበርበሬ ወይምበጨው በረንዳ አርገን አቧቦራ መስጊድን አቋርጠን በኳስ ሜዳ በኩል አድካሚ የሆነ ወክ አድርገን ወደ ጊቢ ገባን።ሁለታችንም ደስተኛ እንመስላለን።የዛኔ የማረሳወ አጋጣሚ ቢኖር ልክ ወካችንን ጨርሰን ግቢ ከመግባታችን በፊት መናኸሪያ አካባቢ አንድ መኪና ሊገጫት ወይም ሊገፈትራት ሞክሮ ነበር።ግን አላህ አተረፋት። ከዛ ቢገጨኝስ ስትል ተከትዬሽ ነበራ ጎማ ውስጥ ምገባው አልኳት።ተገርማ" እነዴለምን? አለችኝ። ወክ እናርግ ብዬ ይዤሽ የወጣሁት እኔ ነኝ ስለዚ አንቺ በመኪና አደጋ ብትሞቺ እኔ እንደገደልኩሽ ነበር ምቆጥረው። ከፀፀቱ ለመዳን አብሬሽ ብሞት እመርጣለው ለማለት ፈልጌ ነበር አባባሌ። ያ ቀን የማጄላንን የመሬት መዞር ታሪክ ያስታወሰኝ ነበር።ደክሞናል እነሱ ክፍል ጀርባ ቆምን።የእኛ ክፍል ተማሪዎች ከሰአት ላለ መማር አድማ አድርገው ከግቢው እየጨፈሩ ወጡ። ከነሱጋ ለመሄድ እየቸኮልኩ s ቻው በቃ፣ስለ ወኩ በጣም አመሰግናለው ደስስስስ ብሎኛል አልኳትና ።እጇን ይዤ የሆነ ፎርሙላ ፃፍኩላት። እኔና እሷ ከተዋወቅን ዛሬ ተሳስቼ በደስታ መንፈስ እጇን ነካኋት።የፎርሙላው ትርጉም ሲፈታ "አፈቅርሻለው" ነበር ሚለው። ምንድነው ስትለኝ ሰው ጠይቀሽም ቢሆን ትርጉሙን ፈልጊው ብያት እንደ ህፃን እያረገኝ ከክፍል ጓደኞቼ ጋ ከግቢው ወጣን

በነጋታው እረፍት ሰአት ሲደወል እየከነፈች ክፍል ድረስ መጥታ ማሜ ኧረ ምን ማለት ነው ንገረኝ አለችኝ።አቤት ቀልብ ስትስብ ትንፋሿ እየተቆራረጠ፣ክንፍ እያለች ፣ፈገግታና ጉጉት በሞላበት ያ ውብ ፊቷ በአይኗ እየተማፀነችኝ ነበር ትርጉሙን የጠየቀችኝ።በሰአቱ ከሁኔታዋ አንፃር ትኩር ብዬ ሳያት አንዲት እናት ያአንድ አመት ህፃን ልጇን አቅፋ በስስት አይን አይኑን እንደምታየውና ወድያና ወዲ እያረገች እንደምታጫውተው እኔም sዬን ባደረኳት ብዬ ተመኘሁ። ትከሻዋን ደገፍ አድርጌ ይዣት ወደ ክፍሏ ግማሽ መንገድ ከሸኘኋት ቡሀላ አርብ ከዚ ትምርት ቤት ስንወጣ እነግርሻለው አልኳት።እንድነግራት በጣም ጓጉታ ስለነበር አልነግርሽም ስላት ሞራሏን ሳልሰብረው አልቀርም።በቀዘቀዘ መንፈስ ሆና ትታኝ ሄደች ።እለቱ አርብ ነው ገና ከጠዋቱ ከቤቴ ሳልወጣ ነበር የዘነበው።መንገዱ ሁላ ጭቃ ሆኖዋል ።ትምርት ቤትም ባልሄድ ያስብላል ።ግን ከምንም በላይ ለsዬ ፍቅሬን ምነግርበት እንዲሁም ትምርትቤታችንን ምንሰናበትበት ቀን ነው። ዲንጋይም ቢዘንብ የመሄድ አቋሜን አልቀይርም!!!!! እየተጓዝኩ ነው ዛሬ ልክ የዛኔ የመጀመሪያ ቀን sዬን ለማግኘት ስጓዝ እንደነበረው አይነት ስሜት እየተሰማኝ ነው። ትምርት ቤት እየተቃረብኩ ሰመጣ በር አካባቢ ብዙ ፖሊሶች ተሰልፈው ቆመዋል።የመኪና መንገዱ ደሞ በተማሪዎች ተጥለቅልቆዋል። ከትርምሱ መሀል ገብቼ ነገሩን ሳጣራ። ፀፀትን ሚያለብስ፣አልቅስ አልቅስ ያስባለኝን፣ብጮህ የሆዴን የእልህ ቃጠሎ የማያሰታግስ የሆነ መርዶ ተነገረኝ ። #ክፍል_7 ✍✍✍ ይቀጥላል

🔻:::::::::::ሚስኪኑ አፍቃሪ::::::::::::🔻 ክፍል 5⃣ት እኔም ፊቴን ወደሷ ሳላዞር አልቀርም። ቀጣዩ ላይፌ ምን ሆነ? ከተሰናበተችኝ ሰአት አንስቶ ሆዴ እየሳቀ ፣የተወዳጅነት ስሜት እየተሰማኝ፣በዛ በሚያስጠላው ፈገግታዬ እየተፍነከነኩ ወደ ዙሁር ሰላት አመራሁ።በነገራችን ስስቅ ሰው እንዳያየኝ እጄን አፌ ላይ አደርጋለው ወይም አነገቴን እደፋለው።ላለ ማስፎገር።ለምዶብኛል። አንዳንዴ ግን እየረሳሁት ሰው ፊት እገለፍጣለው። ወይኔ ካለፈ ቡሀላ እንዴት እንደምሸማቀቅ። ግን እኮ እኔ እንደ ማስጠላ ምንም ማረጋገጫ የለኝም ግን እንዲው ስስቅ ሚያስጠላብኝ ስለሚመስለኝ ነው። ለዚ ሁሉ ምክንያቱ ደሞ ታላቅ እህቴ ናት።ታሪኩ እንዲህ ነው። ይመስለኛል የ15 አመት ጎረምሳ እያለሁ እኔና ሁለት ታላላቅ እህቶቼ አንበሳ ጊቢ ለመዝናናት ሄደን ነበር። እዛ ያሉትን አንበሳና የተለያዩ እንስሶችን እስኪሰለቹን በአይን ከሰለልናቸው ቡሀላ።እንደተለመደው ሴቶች ዛፍና አበባ ባለበት ሁሉ ፎቶ ያምራቸው አደል? ስልካቸው ቦታ እስኪያጥረዉ ድረስ መነሳት ጀመሩ። እኔም ጣል ጣል እየተነሳው ነበር ።በዚህ መሀል ነበር የታላቄን ታላቅ እህቴን አቅፌ ታላቄን አንሽን ብለናት ልታነሳን ስትል ለፎቶው ውበት ብዬ ፈገግ ስል ምን ብትለኝ ጥሩ ነው? እስቲ ገምቱ። ኮስተር በል አንተ ስትስቅ አያምርብህም!!!!! የፈጣሪ ያለህ እንዴት ሞራል ሚሰብር ንግግር ነው።ይኸው ከዛ ጊዜ ጀምሮ በገዛ ጥርሴ እንደ ኪራይ ቤት እየተጠነቀክኩ ነው ምጠቀመው።ወደ ጉዳዬ ስወስዳቹ:-- እስቲ ተከተሉኝ-------------------------------------------------------መስጊድ ደረስኩ። ሰገድኩ።ምሳ ሳልበላ የከሰአት ትምርት ለመማር ክላስ ገባሁ ።አሁን ውስጤ በጣም ረክቶዋል።ልክ በከፍተኛ ጥም ውስጥ ሆኜ ቀዝቃዛ ወሀ እንደጠጣሁ፣ ለቀናት ሳልበላ በድንገት ተመግቤ እንደረካሁ ያህል የመንፈስ እርካታ ይሰማኛል።በዛ መንግስት በሰራው ሰባራ ዴክስ ተቀምጬ በባለ ስልጣን ዙፋን ላይ የተቀመጥኩ ያህል እየተሰማኝ፣አእምሮዬ ቀጣይ በሚያሳልፋቸው ጣፋጭ ጊዜያቶች ምራቅ አያስዋጠኝ በሀሳብ ባህር እያስዋኘኝ ነው።አቤት የባህሩ ጥልቀት!! መጨረሻውን ሳላይ ከሰመጥኩበት ሀሳብ የቀሰቀሰኝ የትምርት ቤቱ ደወል ነው። ደብተሬን ይዤ ሳልማር እንደተማረ፣ሳይገባኝ እንደ ገባው ተማሪ ሆኜ ከተማሪ እኩል ወደ ቤት ለመሄድ ተነሳሁ። ከግቢ ወጥቼ ቀኝ ግራዬን ስመለከት በሁለተኛው በር መግቢያ ዳር ላይ አጅሪት ቆንጂት ጅልባብ ለብሳ ቆማለች። አሁን ነው በባለፈው ከኃላዬ ስትከተለኝ የነበረችውን መላእክት ያየኃት። ዋው በጅልባብ እንዴት እንደምታምር።ይህንን ደግሞ ደጋግሜ ነግሬያታለው።ምናልባት ጅልባብ ለመተው ሀሳብ ከሰነቀች ለሀይማኖቷ ባይሆንም ለውበቷ ስትል እንድትለብስ ብዬ ነበር አነጋገሬ። እሷን ብቻ እያየሁ ባልበላ ባልጠጣ ምመርጥበት ደረጃ ደርሼ ነበር በሰአቱ።ሚስኪን እኮ ነኝ። ውስታዟ መሆኔን ከነ አካቴው ጠፍቶኛል። ሁሉ ነገሬ እሷ ሆናለች። በእጇ የጠብቀኝ ምልክት አሳየችኝ ። አብረን ወደ ቤት እያወራን አመራን ። መንገዱ ለካ እንዲ አጭር ነው ሳላውቀው ሰፈር ደረስን ።መንገድ ላይ አብረን ሆነን ሚያየን ሁሉ አቤት ስታምሩሩሩሩ ሚሉን ወይም ከኃላ በቅናት መንፈስ ማጅራቴን ብለው ሚደፉኝ ነበር የሚመስለኝ። ብቻ ውስጤ ኩራትን ተላብሶ ፣ ቀናም ብዬ በሙሉ አይን ሳላያት መንገዳችን አልቆዋል። ሁለት መንታ መንገድ መገንጠያ ላይ ቆምን ።የሷ ሰፈር በቀኝ መገንጠያ ላይ ባለው መንገድ በኩል ሲሆን የኔ በግራ ባለው ነው። እሺ s ቻው ስላት ።ቻው እሺ ማሜ አለች ። ደስስስ አለኝ ።እንዴት ደስ አይለኝ ማሜ እኮ ነው ያለችኝ። የተወሰኑ እረምጃዎችን ወደኃላ እየተራመድኩ በሚያስጠላው ፈገግታዬና በአይኔ ሸኘኃትና ዞሬ ወደ ቤቴ አመራሁ። የዛን ቀን መኪና ራሱ እንዲ በፍጥነት ሚያደርሰኝ አይመስለኝም።መንገዱ እንዴት አባቱ ነው ያጠረው።ወይስ ፀሀይ ሲመታው እሳት እንደነካው ፌስታል ኩምሽሽ ማለት ጀምሮዋል? የወቀሳ ጥያቄ መንገዱን እየጠየኩት ቤቴ ገባሁ ።ጠግቤ ነበር ምግብም አላሰኘኝም ። ግን እኮ ከቁርስ ቡሀላ ምንም አልቀመስኩም። ካሁን ቡሀላ እኔ ሁለት ሰው ሆኚያለው። ስበላ ፣ሰተኛ፣ስቀራ ፣ስማር፣ስቀመጥ ፣ስቆም በሁሉም ቦታና ጊዜ sዬ አለች። ሲመስለኝ ግን ከጭንቅላቴ ባንዱ ጎን በመንፋስ ጠጋ በል ብላ ሳትቀመጥ አትቀርም። ዋናው ፍቅር ነው ይበቃናል ።ትቀመጥ ለዘላለም።መጃጃል ጀምሬያለው።ብቻዬን ሆኜ ፈጌ መጫር አብዝቻለው። በሀሳብ የህንድ ፊልም ከሷጋ እየሰራሁ ነው። እጆቼን ዘርግቼ እንደ ሻሩክ እያረገኝ ነው። ሰማይ ላይ እየተንሳፈፍኩም ይመስለኛል።ጋንጃ በኦክስጅን መልክ ወስጃለው እንዴ? ግራ ገብቶኛል። የሆነ የሆነ ሰአት ላይ እንደ መባነን ስል ራሴ በራሴ ላይ እስቃለው።አንዴ አንታርቲካ የበረዶ ተራራ ላይ ስንሯሯጥና ልብሷን ንፋስ ፊቴ ላይ ሲያለብሰኝ፣ አንዴ ደግሞ በጣም ንፁህና በጣም አረንጓዴ በሆነ ጀነት ውስጥ ተቀምጠን በፍቅር አለም ቅልጥ ስንል ይታየኛል ።ከዚ በላይ መጃጃል አለ እንዴ?በነጋታው በረፍትና በምሳ ሰአት እክፍሌ ድረስ መጥታ አብረን ከሰው ገለል ምንልበትን ቦታ መርጠን አወራን ፣ተጨዋወትን ።ለካ ከተቃራኒ ፆታ ሲኮን በማያስቅ ይሳቃል?ፍቅር ለካ መጃጃል ነው።የኔና የሷ ክፍል ከግቢው በዳርና በዳር በኩል ስለነበር ትንሽ ይራራቃል።ሁልጊዜም እሷ ነበረች ክፍሌ ድረስ ምትመጣው እኔ ደሞ ያቺ ኮሪደር ላይ ቆሜ እጠብቃታለው። አንድም ቀን ክፍሏ ሄጄ አላውቅም። እኔ እንደምፈራና እሷ ክፍል መምጣት እንደማልችል እነግራት ነበር። እሷም ችግር የለውም ብላኛለች። በቃ ከዚ ቀን አንስቶ ለትምርት ሳይሆን በምሳና በረፍት ሰአት ከሷ ለማውራት ብዬ ብቻ ነበር ምሄደው። ቅዳሜና እሁድን እየጠላሁዋቸው መጣሁ። የተዋወቅነበት ሳምንት አልቆ በቀጣይ ሰኞ ከረፍት ስንወጣ ትመጣለች ብዬ ነበር ።ግን ስለቀረች ከክፍል ወጥቼ ግቢ ውስጥ ወክ ሳረግ ከኃላዬ እየሮጠች መጣች። የመጣችበትን አቅጣጫ ዞሬ ሳይ ባለመነፅሯ ና አንዲት እንደ sዬ ቀጠን ያለች ልጅ ዶናት ቤቱ ፊት ለፊት ቆመዋል ።ከጓደኞቿጋ ዶናት እየበሉ እንደነበር ገመትኩ ።በእጇም ዶናት ይዛ ነበር። እንዴት ነሽ ሰላም ነው? ውይ እነዚ ቃላቶች ሚሸጡ ቢሆን ኖሮ አንደኛ እኔ ነበርኩ በነፃ ማከፋፍለው። ቅዳሜና እሁድ እንዴት እንደረዘመብኝ አልኳት።የውነቴን ነበር። "እኔም" አለች አይን አይኔን እያየች።አፍራታለው፣አከብራታለው በሙሉ አይን አላያትም።በጨረፍታ እያየሁ ጎንበስ ነው ስራዬ።ምክንያቱም ቁራን ቤት እያለሁ በአእምሮዬ የምስላት መላእክት ስለምትመስለኝ።እኔም ያለችው ቃል ግን በረፍት ሰአት ከመቅረቷ ጋር አልስማማ ብሎኛል። እንካ ዶናት ባላህ ስትለኝ እየተቅለሰለሰች። ዛሬ ሰኞ አደል ረሳሽው? ፆመኛ ነኝ አላኳት። ከዚም በፊት ምሳ እንደማልበላ ከነገርኳት ቡሃላ ምሳ ልተጋብዘኝ ስትጠይቀኝ እንደምፈራ ነግሬያት ስለነበር ነው ዛሬ በአላህ ያለችኝ። እሺ ብላኝ እሷም ወደ ጓደኞቿ ተመለሰች እኔም ወደ ፊት አመራሁ።እኔና እሷ በዚህ ሁኔታ ውስጥ ሁነን መስከረም አልቆ፣ጥቅምት ፣ጥቅምት አልቆ ህዳር፣ህዳር አልቆ ታህሳስ ገባ። ይህን ጊዜ ሁላ ስንገናኝ እሷ ነበረች ክፍሌ ድረስ እየመጣች ምትወስደኝ።ረፍት ላይ መምጣት ካቆመች ቆይታለች።የትምህርት ቤታችን ሜዳ ጋ አሪፍ መከለያ ዛፍ ስር ተቀምጠን እሷ በብዛት እያወራችልኝ እኔ በብዛት አንገቴን ደፍቼ ሳደምጣት 3 ወር ገደማ ሞላን።

ይህን ዝምታዬን ጠልታ እንዳትርቀኝ ብዬ እኔም ርእስ እየፈጠርኩ ለማውራት አስብ ነበር።ኧረ መቅሱድንም አማክሬዋለው። ኧረ መቅሱዴ ሚረባ ወሬ ማውራት አልቻልኩም ቅር ይላት ይሆን ብዬ ተጨንቄ ስጠይቀው እሱ ግን አዋራታ ይለኛል እየቀለደ። እዛች ዛፍ ስር ሆነን ስለብዙ የህይወቷ አጋጣሚዎች ተርካልኛለች። ስለ ቤተሰቦቿ ፣ ስለ ሴት ጓደኞቿ፣ከዚ በፊት ስለነበራት የተቃራኒ ፆታ ገጠመኞቿ ወዘተ። ሰሞኑን sዬ መቅረት አብዝታለች እንደ በፊቱ ክፍል አትመጣም ኮሪደሩም ጋ ቆሞ መጠበቅ ሰልችቶኛል። ምክንያቷ አልገባኝም።አስጠልቺያት ይሆን?ሌላ ጓደኛ ያዘች? ወይስ እኔም ክፍሏ ሄጄ እንዳመጣት ፈልጋ ነው? መቅሱዴን አማከርኩት sዬኮ መምጣት አቆመች አልኩት። መፍትሄ ነግሮኝ አያቅም። ከዛ እኔ አንድ አቋም ያዝኩኝ ።ምሳ ሰአት ሲደርስ እሷን ለመርሳት ስል ወደ ቤቴ እየሮጥኩ ልሄድ ከዛ አርፍጄ መጥቼ ክፍል ለመግባት። ምክንያቱም እኔ ኮንፊደንስ የለኝም እኔን ቆሻሻ እሷን ንፁህ መላእክት አርጌ ነበር ምቆጥረው ። ተፀይፋኝ ከሆነ የቀረችው በደንብ ካይኗ ለመራቅ ነበር እቤት እየሄድኩ ያለመደብኝን ምሳ በሰአቱ መብላት የጀመርኩት ።ካየኋት ሳምንት አልፎታል።አቤት የለመዱት ነገር ሲታጣ እንዴት እንደሚያም። እኔ አይናፋርነቴ ይዞኝ እሷ ምክንያቱ ባልታወቀ ነገር ተጠፋፍተን ሳለ ድንገት አንድ ቀን ከምሳ መልስ ክፍሌ አርፍጄ ስገባ አንድ ሁለት የሚሆኑ የክፍሌ ተማሪዎች ማሜ ሚስትህ እየፈለገችህ ነበር ብለው ጮሁ። ባልሰማ ሆኜ ነገሩን ቀለል አርጌና ችላ ብዬ ተውኩት ። ነገር ግን በማግስቱም መቅሱድ ብቻዬን ይዞኝ ነገ እረፍት ላይ በጣም ላገኝህ እፈልግሀለው ብላሀለች ብሎኝ ሄደ። ትንሽ ደነገጥኩ ፣ኩራትም ተሰማኝ። ነገንም ናፈኩኝ። የነገ ሰው ይበለን። #ክፍል_6 .........✍✍ ይቀጥላል