𝚂𝚎𝚢𝚏𝚎𝚕𝙸𝚜𝚕𝚊𝚖 ሰይፈል ኢስላም!

የዚህ ጭካኔ ይለያል።ባሳለፍነው ረቡዕ አዳማ የተፈፀመ የግድያ ወንጀል ነው።እናቱን በቢላዋ ገደላቸው።እጅግ በተፋጠነ ክስ ድርጊቱ በተፈፀመ በ3ኛ ቀኑ ዛሬ ግንቦት 23/2016 የሞት ፍርድ ተወስኖበታል።ከሞት በላይ ፍርድ የለም እንጅ ምነው በኖረ ያስባለ ነበር። የፋና ዘገባ ከታች ተቀምጧል👇 ተከሳሽ ቶሎሳ ወይም ፍቅሩ አሸናፊ ይባላል። በአዳማ ከተማ ቦሌ ክፍል ከተማ በተለምዶ ደካ አዲ ተብሎ በሚጠራው አካባቢ ሚያዝያ 21 ቀን 2016 ዓ.ም እናቱን በአሰቃቂ ሁኔታ ገድሏል። ተከሳሹ እናቱን በስለት (ቢላዋ) በአሰቃቂ ሁኔታ ወግቶ ነው ህይወታቸውን እንዲያጡ ያደረገው። ተከሳሹ ድርጊቱን የፈጸመው በቁማር የተበላዉን ገንዘብ እናቱ ያላቸውን ንብረት በመሸጥ እንዲተኩለት ለማድረግ ሲል እየደበደበ ያሰቃያቸው እንደነበር ዐቃቤ ሕግ በማስረጃ አረጋግጧል። በዚህ ብቻ ያላበቃው ተከሳሽ ሚያዚያ 21/ 2016 ዓ/ም ጠዋት በአሰቃቂ ሁኔታ የእናቱ ህይወት እንዲያልፍ በማድረጉ ከባድ የግድያ ወንጀል ክስ ቀርቦበታል። ጉዳዩን የተመለከተው የአዳማ ከፍተኛ ፍርድ ቤት ዛሬ በዋለው ችሎት በሞት እንዲቀጣ ወስኗል። በተከሳሹ ላይ የተጣለው የሞት ፍርድ በአገሪቱ ርዕሰ ብሔር ሲጸድቅ ነው ተፈጻሚ የሚሆነው። ቤተሰብ❤ በቅንነት ሰብስክራይብ በማድረግ ተባበሩ 👇  https://www.youtube.com/channel/UCrdWHrcXNEhMfbp1ucgxd1g አዳዲስ መረጃዎች እንዲደርስዎ Join አድርገው👇በዚህ ይከታተሉ https://t.me/+WNLm9dbzuIlp9DF4 የውስጥ መስመር👇 @wasumohammed

በኳታር የ ኢትዮጵያውያን ሙስሊሞች ማህበር በፍትህ ሚኒስትር የተዘጋጀውን የሀይማኖት ጉዳዮች ረቂቅ አዋጅ ማስተካከያ እንዲደረግበት ጠየቀ! ... (ሀሩን ሚዲያ፦ግንቦት 23/2016) ...  በኳታር የ ኢትዮጵያውያን ሙስሊሞች ማህበር በፍትህ ሚኒስትር የተዘጋጀውን የሀይማኖት ጉዳዮች ረቂቅ አዋጅ ኢትዮጵያውያን ሙስሊሞችን ህልውና አደጋ ላይ የሚጥል ዝርዝር ህግጋቶች ማስተካከያ እንዲደረግባተው ለሀሩን ሚዲያ በላከው ይፋዊ መግለጫ ጠይቋል። ... የመግለጫው ዝርዝር ሀሳብ እንደሚከተለው ቀርቧል .. የሀይማኖት ጉዳዮችን በማስመልከት የተዘጋጀው ረቂቅ አዋጅ ላይ የተሰጠ መግለጫ ሀገራችን ኢትዮጵያ የተለያዩ ሀይማኖቶች በጋራ መኖሪያ እንደመሆኗ ይህን የሀይማኖት ብዝሀነት የ እምነቱን መሰረታዊ መገለጫዎችን ባስጠበቀ መልኩ መንግስት በሀይማኖት ጣልቃ በማይገባበት እንዲሁም ሀይማኖት በመንግስት ጣልቃ በማይገባበት መንገድ የረቀቁ ህጎች ያስፈልጓታል። በኢፌዲሪ ህገ-መንግስት እንደተጠቀሰው የሀይማኖት እና መንግስት አንዱ በሌላው ላይ ጣልቃ ገብነትን የሚከለክለው ድንጋጌ ለተፈፃሚነቱ የሚውል ዝርዝር ህጎች ባለመቀመጣቸው ህጉ ከመርህ ባለፈ በአተገባበሩ ላይ ዘርፈ ብዙ ተግዳሮቶች ገጥመውታል። ይህ በህገ-መንግስቱ የተቀመጠውን የመንግስት እና ሀይማኖት መለያየት እንዲሁም የሀይማኖት እኩልነት እና ነፃነት በዝርዝር ለማስፈፀም የሀይማኖት ጉዳዮች ረቂቅ አዋጅ መውጣቱ ይታወቃል። ይህ ረቂቅ አዋጅ መዘጋጀቱ መልካም ቢሆንም በውስጡ የእስልምና እምነት መገለጫዎችን የማገድ ስጋት የሚንፀባረቅበት በመሆኑ ይህ ረቂቅ አዋጅ ከፀደቀ አሁን ላይ ያለውን የሙስሊሙ ማህበረሰብ ስቃይ እና እንግልት አስመልክቶ የሚነሱ የመብት ጥያቄዎችን አደጋ ላይ ከመጣል ባለፈ ለተጨማሪ ጭቆና በር ከፋች ስለሚሆን ለምክር ቤቱ ቀርቦ ከመፅድቁ በፊት በረቂቅ አዋጁ ላይ ጊዜ ተሰጥቶበት ከሙስሊሙ ማህበረሰብ በተውጣጡ ምሁራን በጥልቀት እንዲታይ ስንል በአፅኖት እንጠይቃለን። የ ህዝበ ሙስሊሙ ወኪል ተቋም መጅሊስ ረቂቅ አዋጁን በሚመለከት እያደረገ ያለው ክትትል ረቂቅ አዋጁ በውስጡ ያቀፋቸው የሆኑ የሙስሊሙን ማህበረሰብ ህልውና አደጋ ላይ የሚጥሉ ዝርዝር ህግጋቶችን በሙስሊም ምሁራን በጥልቀት ታይቶ ማስተካከያዎች እስኪደረጉበት ድረስ ተጠናክሮ መቀጠል አለበት እያልን ይህ ረቂቅ አዋጅ በሙስሊም ምሁራን ተሳታፊነት ተጠንቶ ማሻሻያዎች እንዲደረጉበት በአፅኖት እናስገነዝባለን። በተለያዩ የ አለማችን ክፍሎች እንዲሁም በሀገራችን የሚገኙ መላው የእስልምና እምነት ተከታዮች የሙስሊም አደረጃጀቶች ኮሚኒቲዎች ይህን ረቂቅ አዋጅ በጥልቀት በማጤን በምክር ቤቱ በኩል ፀድቆ ሙስሊሙ ማህበረሰብ ለተደራራቢ ችግሮች ከመጋለጡ በፊት አስፈላጊ የሚባሉ ማሻሻያዎች እንዲደረጉበት ከፍተኛ ክትትል እና እገዛ በማድረግ ለተፈፃሚነቱ ኢስላማዊ ዲንን የማገልገል ሀላፊነቶችን እንወጣ በማለት ጥሪ እናቀርባለን። አላህ ሱብሀነሁ ወተዓላ ሀገራችንን ሰላም ያርግልን በ ኳታር የኢትዮጵያውያን ሙስሊሞች ማህበር

"የሙስሊም ተሳታፊዎች ቁጥር አናሳ በመሆኑ የምናነሳው አጀንዳዎች ተቀባይነት እያጡ ነው"በአዲስአበባ የሀገራዊ ምክክር ሂደት ተሳታፊዎች ... (ሀሩን ሚዲያ፦ግንቦት 22/2016) ... የሀገራዊ ምክክር ኮሚሽኑ ትናንት ግንቦት 21/2016 ዓ.ል በአዲስ አበባ የምክክር መርሀግብር በአድዋ "ሙዚየም"  አዳራሽ የጀመረ ሲሆን በዛሬው ዕለት በግዮን ሆቴል እየተካሄደ በነበረው አጀንዳ የመለየት መርሀግብር የሙስሊሙ ቁጥር አነስተኛ በመሆኑ አጀንዳዎችን ለማስያዝ እና በቀጣይ በሚኖሩ ውይይቶች ለማለፍ በድምፅ ብልጫ በመሆኑ ሙስሊሙ ማህበረሰብ በዚህ ረገድ የተሳታፊዎቹ ቁጥር አነስተኛ በመሆኑ በድምሩ ብልጫ አጀንዳዎች ውድቅ እየሆኑ መሆኑን "ሀሩን ሚድያ "ያነጋገራቸው ተሳታፊዎች ገልፀዋል። … ውይይቱ በቡድን በቡድን ስምንት ስምንት ተሳታፊዎችን ያካተተ መሆኑን በማንሳት የሙስሊሙ ቁጥር ግን በየቡድኑ ከአንድ ወይም ከሁለት እንደማይበልጥ በዚህም ምክንያት ቀጣይ ለሚደረገው ውይይት ሙስሊሙ ተሳታፊ እንደማይሆን ጨምረው ተናግረዋል። ተወካዮች በአጀንዳ ሃሳቦቻቸው ላይ ከተወያዩ በኋላ በቀጣይ የምክክር መድረኮች ሀሳቦቻቸውን በውክልና የሚያቀርቡላቸውን 121 ተወካዮችን የሚመርጡ ሲሆን ከነዚህ ውስጥ የሙስሊሙ ተወካዮች እጅግ በጣም ጥቂት ሊሆኑ እንደሚችሉ ከታዘቡት በመነሳት አስተያየታቸውን የሰጡ ተሳታፊዎች ተናግረዋል። ለሀሩን ሚድያ አስተያየታቸውን የሰጡ ተሳታፊዎች በመጨረሻም ሀገራዊ ምክክሩ አሁንም ከስተቱ በመማር ሙስሊሙ በቁጥሩ ልክ ተሳትፎ እንዲያደርግ ማመቻቸት እንዳለበት ማሳሰቢያ ሰጥተዋል። … ©ሀሩን ሚድያ

ከመበላታችሁ በፊት ይህን ፅሑፍ አንብባችሁ የራሳችሁን ጥንቃቄ ዉሰዱ!                      * ዛሬ ገራሚ ወንጀል ከባለጉዳዬ ሰማሁ.... ደንበኛዬ:- "የራሴ ስልክ በእጄ እያለ ምሽት አራት ሰዓት ገደማ ላይ የማላውቃቸው ሰዎች ሞባይል ባንኪንግ በምጠቀምበት SIM ካርዴ ከባንክ አካውንቴ ብዙ ብር ወደ ራሳቸው አካውንት አስተላለፉ" አለኝ። እኔ:- 'OTP Text አልተላከልህም?' OTP means One Time Password፣ 'ገንዘብ በMobile ባንኪንግ ለማስተላለፍ ስትሞክር ማረጋገጫ የይለፍ ኮድ ይላክልሃል'; አልኩት፣ ደንበኛዬ:- "አጭር Text  ከባንኩ ሲላክልኝ ነበር፣ ምንነቱ ስላልገባኝ ዝም አልኩ" አለኝ። እኔ:- 'ከዛስ' አልኩት፣ ደንበኛዬ:- "አራት ጊዜ OTP TEXT ገባልኝ ቀጥሎ ተራ በተራ ገንዘብ ማስተላለፌን የሚገልጽ TEXT ከባንኩ ገባልኝ፣ ከዛ ደንግጬ ስልኬን Flight አረኩት ለ15 ደቂቃ ያክል፣ ከዛ መልሼ Flighቱን ሳነሳ ሌላ ተጨማሪ OTP Text ገባልኝና ቀጥሎ ስልኬን አጠፋሁ" አለኝ። እኔ:- 'ቀን ላይ በዛው ሞባይል ባንኪንግ የምትጠቀምበት ባንክና SIM ገንዘቡ ለተላለፈላቸው ሰዎች የሂሳብ ቁጥር ብር ለማስተላለፍ ሞክረሃል?' አልኩት፣ ደንበኛዬ:- "አረ በጭራሽ፣ ባንኩ ፎቶና መታወቅያቸውን ሰጥቶኛል ግን ፈጽሞ ሰዎቹን አላውቃቸውም" አለኝ።  📌📌ልብ በሉ ስልክህ SIM ካርድህ በእጅህ እያለ የተላከውን OTP Text ወዴትም ሳትልክ ብሩ ግን ወደ ሌላ ሰዎች ተላለፈ።📌📌 'ይህ የወንጀል ተግባር ስለሆነ ፖሊስ ምርመራውን እንድያካሂድ አሳውቅ" አልኩትና ሸኘሁት። ምን አለ መሰላችሁ፣ 1️⃣ ስለ SIM CLONING ሰምታችሁ ታውቃላችሁ? SIM Cloning is basically creating a duplicate SIM from the original number Or SIM cloning is the procedure through which a genuine SIM card is reproduced. ሞባይል ባንኪንግ Technology  ላይ Authorize ሚደረገው  SIMሙ (የSIM ቁጥሩ)  እንጂ SIMሙ የገባበት Device ( ስልክ) ስላልሆነ  SIMሙ Clone (Same Copy) ከተደረገ በቀላሉ የሰውን ሀብት ከማዛወር ባሻገር ከባድ ወንጀሎችም ሊፈጸሙበት ይችላሉ። የማህበራዊ ሚድያዎትም በዛው የSIM ቁጥር ከተከፈተ ሊጠለፍ ይችላል ማለት ነው። አንድ SIM ካርድ ወይም ያንተው የSIM ቁጥር በሌላ SIM ሲወጣ ማለት ነው። አንድ የስልክ ቁጥር 2 SIM ላይ ሲሰራ ማለት ቀለል ተደርጎ ሲተረጎም። ያንተን ቁጥር በሌላ SIM የተሰጠው ሰው ተመሳሳይ ወጪና ገቢ ጥሪና መልዕክት ይደርሰዋል ማለት ነው። OTPው በእጅህ ባለው ስልክ ሲገባ CLONE በተደረገውም SIM ይገባል ማለት ነው። ያንተን ኮፒ የSIM ቁጥር የያዘ ሰው አንተ በስልክህ የተመዘገብከውን የሞባይል ባንኪንግ መጠቀም ይችላል ማለት ነው። ማን በአንድ ቁጥር ሁለት SIM ይሰጣል የሚለውን EthioTele ቢጠየቅ ይበጃል እላለሁ። 2️⃣. ሌላው በሀገር ውጥ ህገወጥ Programmerች የተሰራ APK በስልካችሁ ላይ ስትጭኑ አፑ ከፊት ለፊት ከሚታየው አገልግሎቱ ውጪ ከጀርባ መረጃ የመበርበር (ስልክ Dial ማድረግ፣ Text ማንበብ፣ ሰነድ መውሰድ ወዘተ) ተግባር ሊፈጽም ይችላል። ያኔ በስልክ የባንኩ አጭር ቁጥር DIAL በማድረግ ገንዘብ ማስተላለፍ ተሞክሮ  OTP Text ሲገባም ከዛው ከርቀት ሆነው Textን አንብቦ ሞልቶ የወንጀል ተልዕኳቸውን ይፈጽማሉ። RAT ምናምን ይባላል ይሄኛው ዘዴ። 3️⃣4️⃣5️⃣ እያሌ ባለሙያዎች ከዚህን በላይ ማብራርያ ሊሰጡበት ይችላሉ። የቴክኖሎጂ እያደገ የሰው እውቀት እየጨመረ በሄዴ ቁጥር የሳይበር ወንጀል ከዚህ ይከፋል። መፍትሄ:- ለSIM Cloning, SIM Lock ON በማድረግ ስልኮት ሌላ SIM ቢወጣበት እንኳ SIM Lock ስለሚጠይቅ SIMን Access ላያደርጉ ይችላሉ። ለRAT ችግር እንዳይከሰት ደግሞ ፈጽሞ MODED Apk ወይም ሀገርውስጥ Build ሚደረጉ Apk በስልካችሁ አለመጫንን እመክራለሁ። ሌላውን የሚመለከተው አካል INSA aND ባንኮች መላ ብያበጁበት ያሻል እላለሁ። የማይነካ ነገር የነካሁባችሁ ቡድኖች ይቅርታ ብያለሁ💀 CC Ethio telecom Ethiopian Federal Police ©ጉማ

"የደቡብ ኢትዮጲያ ክልላዊ የ6ኛ ክፍል የሚኒስትሪ ፈተና ፕሮግራም በኢደል አደሃ ዋዜማና ማግስት መደረጉ አግባብነት የጎደለው ነው"የክልሉ መጅሊስ ... (ሀሩን ሚዲያ ደቡብ ስቱዲዮ፦ግንቦት 22/2016) ... የደቡብ ኢትዮጲያ ክልል እስልምና ጉዳዮች ከፍተኛ ምክር ቤት የዘንድሮው 2016 ዓል የደቡብ ኢትዮጲያ ክልላዊ የ6ኛ ክፍል የሚኒስትሪ ፈተና ፕሮግራም በኢደል አደሃ ዋዜማና ማግስት መደረጉ ተገቢነት የለውም ሲል ለደቡብ ኢትዮጲያ ክልል ትምህርት ቢሮ  በላከው በደብዳቤ ገልጿል። ... ሙሉ የደብደባው ሀሳብ እንደሚከተለው ቀርቧል ... ጉዳዩ፦ክልላዊ የ6ኛ ክፍል የሚኒስትሪ ፈተና ፕሮግራምን በተመለከተ ይሆናል፡፡ ከላይ በርእሱ ለመግለጽ እንደተሞከረዉ የ6ኛ ክፍል ሚኒስትሪ ፈተና የፈተና ፕሮግራም ቀንን በሚመለከት ከተለያዩ ዞኖች እስልምና ጉዳዮች ምክር ቤት የፈተናዉ ቀን ላይ ቅሬታ ቀርቦልናል፡፡ ስለሆነም ሀገራችን ብሎም ክልላችን የተለያየ ሐይማኖት ተከታዮች ያሉበት መሆኑ እየታወቀ የዘንድሮዉ 1445ኛዉ የኢድ አልአድሀ (አረፋ) በዓል ሰኔ 10/2016 የሚከበር ሲሆን ከበአሉ ጋር የሚጋጭ ፕሮግራም ስለወጣ ይሄ ደግሞ በህገ መንግስታችን የሀይማኖት እኩልነትን እንዲሁም የበአል ዋዜማ እና ማግስት ላይ የሚደረገዉ ፈተና በሙስሊም ተማሪዎች ዉጤት ላይ አሉታዊ ተጽእኖ ስለሚኖረዉ በክልላችን ላሉ ሁሉም ዞኖች ትምህርት መምሪያዎች ወረዳ እና ከተማ ትምህርት ጽ/ቤቶች የፕሮግራም ለዉጥ እንዲያደርጉ እንድታሳዉቁ እያልን ግልባጭ የተደረገላችሁ አካላትም ስለጉዳዩ ክትትል እንድታደርጉ እናሳስባለን፡፡ ግልባጭ ➢ ለኢትዮጲያ እስልምና ጉዳዮች ጠቅላይ ምክር ቤት አዲስ አበባ ➢ ለደቡብ ኢትዮጲያ ክልል ርዕሰ መስተዳደር ጽ/ቤት ➢ ለደቡብ ኢትዮጲያ ክልል ሰላምና ጸጥታ ቢሮ ➢ ለደቡብ ኢትዮጰያ ክልል ኃይማኖት ተቋማት ፎረም ➢ ለደቡብ ኢትዮጲያ ክልል እስልምና ጉ/ከ/ም/ቤት ሶዶ