Najmiddin Turon

Кузак боғларида дилгир дарахтлар Эроний қизлардай ечганда рўмол, Кафтим чизиғига монанд турналар Ортидан кетурман, боғларим, хуш қол. Ҳижроннинг сояси майсани қоплаб, Сарғарган хазондай ёйилган чоғда, Кўрар тушларини ҳушида оқлаб, Бир сулув келади ҳали бу боғга. Дарахтлар соясин тирқишларидан Кўзига ботганда идраган ёғду, Гўёки бегона — юз йил наридан Исмини пичирлаб сўрагайдир у. Хазонлар ёяди хотирдан раста, Ғоваклар бўғриқиб чалади бурғу: “Бу боғлар баҳорги боғлар эмасда, Исмини барибир эслолмайди у...” Эгик мажнунтолнинг баланд шохидан Энг сўнги япроқлар тупроққа энса— Йўлакка тўшалган хазон оҳидан Синиққан сас чиқар: “бу ахир сенсан”! Шамоллар хас ила сўз ёзар кўлга, Тошларга тўш уриб пичирлайди сув. Измини унутиб ботади ўйга, Исмини кўнглимга жойлаган сулув. Қисматдай орқага йўл бошлайди йўл, Эслатар фурсати етганлигини. Бир умр билмайди, яноқлари ҳўл — Исмининг мен билан кетганлигини. https://t.me/Najmiddin_Ermatov

Шимолдан ёғий келар Талаб қилиб Туронни, Минг аср эш бўлсак ҳам Бизга қўшилмас қони, Ўрнингдан қўзғал энди, Туркий элнинг ўғлони, Тулпорингга қамчи ур Селдай қалқи, бовурим, Бизлардан шон сўрмоққа Ватан ҳақли, бовурим. https://t.me/NajmiddinTURON/1196

Бизда тарихни халқ яратади, деб одамларнинг кўзига қум сочишади. Тарихни шахслар яратади, қўлидан иш келадиган одамлар яратади. Шахслар бўлиши учун уни бошига уриш керак эмас, қўллаб қувватлаш керак, унга муҳит яратиш керак. Муҳит бўлмаса бўлмайди. Салжуқийлар ҳукмдори АлпАрслондан сўрашибди: шундай қудратли империя нега парчаланди? “Бунга сабаб шуки, биз қўлидан иш келадиган одамларга майда-чуйда ишларни бердик. Қўлидан иш келмайдиган пандавақиларга катта-катта вазифаларни бердик. Катта вазифаларни улар эплолмади. Наригилар ишини писад қилмади”, деган эканлар. Ҳар бир раҳбарлик қиладиган одамни ўз жойини топиб қўйиш керак. Фалон жойни битирган, фалон медални олган деган гаплар керак эмас. Энг катта унвонларимизни олганлар ҳақиқий асар қандай бўлишини билмай ўтиб кетди. Эҳтимол билишни хоҳламагандир. Жилпиллаб ҳамманинг олдида ўзини кўрсатиб шеър ўқиб юрганларга қараб баҳо бермаслик керак. Улар адабиётнинг устидаги кўпиклар. Бировларга орқа қилиб ҳар хил ишлар қилиб юрибди. Мавқелари бор. Лекин булар сохта. Ҳақиқий ўрни йўқ ундайларни. Улар кун кўриш билан овора. ©Маҳмуд Саъдий Suhrob Ziyo саҳифасидан https://t.me/NajmiddinTURON

ТУРҒУНОВ ОРЗУБЕК ОДИЛ ўғли. Тўйтепадаги 57 мактабнинг 6 синф ўқувчиси. https://t.me/NajmiddinTURON

Республика болалар кутубхонасида яхши учрашув бўларкан. Имкон бўлса, қизиқувчилар бориб қўяверадиган жойи лекин! @NajmiddinTURON

Шеърни Шунқор Чориев ўқиган. https://t.me/NajmiddinTURON

—Аё, беклар, фақирларни Кўп ҳам туртманг ўз юртида. —Ким тегинди, юраверсин. —Сизни элга фидо ўйлаб Тинмай армон ўстирдида. —Манглайидан кўраверсин. —Ўз Ватани, ўз бойлиги, Ўз ризқидан бермайсизми. —Ваъда бердик, етмайдими. —Ер юзига тарқаб борар, Ҳолини бир сўрмайсизми. —Ундан нари кетмайдими... —Сизлар пешво, кўп айтарсиз Халқ деб тинчдан кечганингиз. —Мадҳ айласин, алқасин. —Лек айтмайсиз эл кўзи-чун Ёлғон қасам ичганингиз. —Билдирмасдан қарғасин. —Минглаб қонун жорий қилиб, Нечун амал қилмайсизлар. —Амал қилсак чиқармиди. —Сабр тўлган коса бир кун Ёмон синар, билмайсизлар. —Элнинг ҳадди сиғармиди. —Ўғри урган карвон мисол Бор бисоти тугаб борар... —Яшайверсин, ватан мана. —Бир кун одил судлов бўлса, Эл ҳаққини сўраб борар! —Худосига айтсин ана... https://t.me/Najmiddin_Ermatov

Bugun bayram! Iltimos, unga amal qiling(iz)lar!

Ярим тунда яримланяпман юлдуз санаётган кўлнинг ёнида. Кел, Нурим-ей, руҳима синггин. Кўлдан чиқиб бақалар аста кўзларима сакрай бошлайди. Кел, Нурим-ей, руҳима синггин. Муқовадек очиб сочимни пешонамни ўқийди шамол. Кел, Нурим-ей, руҳима синггин. Тошлар отиб бу кўлга кимдир чалғитмасдан юлдуз санашдан, қолмасимдан яримлаб буткул, кўзларима тўлмасдан бақа, тугатмасдан ўқишни шамол, кел, Нурим-ей, руҳима синггин. ©Н. Э. ноябрь, 2018 https://t.me/Najmiddin_Ermatov

Бугун даврадош жўрамиз, шоир, журналист Дилмурод Дўст тувилган кун! ОҚШОМ. СЕН ВА РАСМ Тошкент тунги чироқлар Нурлари оғушида. Чироқ нурларин рақси Ҳайрат навозишида. Эслатар бунда сени Ҳар қадам, гулу гиёҳ. Чироқ орзуларингдек Товланур пушти, сиёҳ... Тарих мулкига жойлаб Ўшал кун, ул насмни. Чироқлар ёғдусида Тушгандик бу расмни. Бугун сен йўқ, қолгани Расм, тунги чироқлар. Энди мен билан кезар Боғни соғинч, фироқлар... Ҳайронман бу ҳолга мен, Сенсиз ҳам осмон ойли. Васлинг билмадим, аммо Ҳижронинг ҳам чиройли. Тошкент тунги чироқлар Нурлари оғушида... © Дилмурод Дўст

Eski yangi!

Ҳижронга эврилган умр йўлимда— Менинг сен сиғмаган пешонам ҳам бор. Шеърни Шунқор Чориев ўқиган. https://t.me/NajmiddinTURON

Бугун ака-жўрам Дадахон Муҳаммадийнинг тувилди куни! КЕЧИККАН ЙЎЛОВЧИ Поезд кетиб бўлди. Энди қайтамиз. Кечиккан йўловчи, не кечар ҳолинг? Битта чиптачию бир қоровулдан Бошқа ҳеч кимсага келмас малолинг. Кечиккан йўловчи, кел, мен билан юр, Иккиланяпсанми қайтишга, ахир? Бир шунга қўл силтаб кетолмаяпсан, Поезд – тақдир эмас, пешонанг – тақдир. Йўловчи, кўнглингдан нималар кечди? Ҳар мусофир – меҳмон, бизнинг ақида. Қўшиқлар айтамиз, шеърлар айтамиз, Кечикиш ҳақида, кечиш ҳақида... Кўнглингдан ўтганин мен ҳам сезганман, Зулматдан гўёки қочиб панага. Мен ҳам кетмасликка баҳона излаб, Бир ўзим қолганман чиптахонада. Қаерга кетяпман – исмсиз манзил, Чиптага ёзиб ҳам бўлмайдиган жой. Кечикканинг, балки, фожеамасдир, Сен ҳам бебахтмассан қолиб, ҳойнаҳой... Поезд кетиб бўлди. Энди қайтамиз. Кел, энди, дўстимми, инимми, оғам... Ҳеч ким кузатгани келмади, тушун, Атай поездига кечиккан одам!.. ©Дадахон Муҳаммадиев @dadaxonmuhammadiy

Баҳром Ирзаевга Арғумоқ кетган сўқмоқ, Заминга чўкиб борар. Уюрдан айри қулун, Жавдираб ўтиб борар. Киприклари қилқалам, Сиёҳин тўкиб борар, Тушовин узган исён, Етовчи юрак бунда. Аср ошган арчанинг Шохларида кўк томчи, Сояси турғун эмас, Бу беш кунлик алдамчи— Тўнглаган ёши дарак, Эй, қулуним, чопсанг-чи, На қўноқ мадор бўлар, На замон тиргак бунда. Кўк бўрин ёлин ўпган Шамолларга қулоқ сол. Эртакка кўчган чиннинг Шу йўлларда изи бор. Мутега кўп суянма, Атагани ҳўл рўмол. Ҳақ на даркор бундайга, На жони ҳалак бунда. Байловга кўникканнинг, Жони-да ширин келар. Бир жойга тўплаётган, Моли-да ширин келар. Бошини қумга суққан, Ҳоли-да ширин келар. Эли ялқов келар ва На подшо сергак бунда. Ҳайқириб кет тоғларни, Зир титратсин кишновинг. Ҳайқиравер қашқирлар, Бузгунича қуршовин, Ҳайқиравер айғирлар, Узгунича тушовин— Ўзинг ҳақ деб кетмасанг, Келмагай дарак бунда. Итларга талаш тушган Карвонни топмагунча, Алпларинг ютиб ётган Зиндонни топмагунча, Эгасиз бадар кетган, Туронни топмагунча, Ўзингни йўлларга сол, Қолмоқ не керак бунда?... март, 2021 https://t.me/Najmiddin_Ermatov

Бугун ака-жўрам, ҳаётию шеърида ўта пухта одимлайдиган шоир Бобур Элмуроднинг тувилди куни. *** Битта чолни кўрдим саҳрода, Пешонаси ялтирар тердан. Қум титкилаб, иссиқ ҳавода Тангасини ахтарар ердан. Қуёш нури сўнгунича то, Кўринмади йилт этган нарса. Чол зорланди: “Топиб бер, Худо, Шу тангамни, иложи бўлса. Наҳот шундай чорасиз қолсам, Мўъжиза қил, тангамни топай. Шубҳа уйғотмагин ушбу дам, Борлигингга буткул ишонай”. Бир чеккада йиғлайман тинмай, Кўз олдимдан кетмайди бу ҳол. Наҳот ҳозир тангасин топмай Яратгандан юз ўгирса чол. Қўрқиб кетдим, ахир кекса жон, Юрагимдан ўтди бир туйғу. Битта танга отдим чол томон, Сени йўқ деб ўйламасин у. © Бобур Элмурод

Жим кетинг. Тегинманг. Қараманг, қўйинг, Кўзига мунг экиб қўйгандир уйқу. Қулочи кенг-ку деб беҳад севинманг, Йиғи довушига ўйнаяпти у. Йиғлаётган ўзи, Ўйнаган ўзи, Йиғлатган ҳам асли ўзининг насли. Ғамбода ҳолига таскин қидириб, Йиғи-ла куйлайди ҳурликнинг васфин. Ачинманг ҳам энди, Бори шу экан, Йиғи билан ювиб бўлди осмонни. Ўзи-ку кўникди мазлум ҳолига, Кўниктирмак истар энди жаҳонни. Ажаб, Ғамларига меҳр бойлаган, Ажиб ҳузурдайин туйилар қайғу. Ўзи-ку ишониб, ўзгани авраб, Йиғи довушига ўйнаяпти у. Лек умид боқийдир, Ёруғ кунлар бор! Аммо келганида кутилган фурсат, Ҳайронман, эркини қандай танийди, Йиғи довушига ўрганган миллат. https://t.me/Najmiddin_Ermatov

Шимолдан ховури яхлаб қайтди ел, Умидвор чечаклар топмоқда завол. Менинг дардим оғир, Оғринмасдан кел, Кузакдан кўнглини узмаган аёл. Кафтимдан дон еган қушларим учди, Илонлар шайланди этмоққа жоду. Лек кўнгил дардисар, Ҳамон саросар, Ҳамон кафтим очиқ, Қўлларинг қушку?.. Эртанга хотирдан тўн тўқиб сотган Умидни забтига олмоқда кузак. Қўлларим қировга ботмасдан аввал, Юрагим тинмасдан Қўлингни узат. Кузакдан кўнглини узмаган аёл. https://t.me/Najmiddin_Ermatov

“Mutolaa”da şeriyat” loyihasi doirasida ötgan “Sokin jang” şeriy konsertining töliq videolavhasi https://www.youtube.com/watch?v=JhiFPYRgjL0&pp=ygULU1VIUk9CIFpJWU8%3D @suhrob_ziyo1

“Soʻz” loyihasining sheʼriy-konsert dasturi boʻlib oʻtdi (Fotojamlanma) Loyiha yosh ijodkorlarni qoʻllab-quvvatlash, ularning jasoratli, shijoatkor soʻzlarini keng ommaga yetkazishga qaratilgan. Batafsil: https://oyina.uz/uz/posts/30663 Rasmiy sahifalarimiz👇 Telegram | Instagram | X | YouTube