EBC (Ethiopian Broadcasting Corporation)

የኢትዮጵያን የዲጂታል ሽግግር ለማሳካት የግሉ ዘርፍ የመሪነት ሚና መወጣት እንዳለበት ምክትል ጠቅላይ ሚኒስትር ተመስገን ጥሩነህ ተናገሩ ***************** ምክትል ጠቅላይ ሚኒስትሩ፣ ሚኒስትሮች እና የቴክኖሎጂ ዘርፍ ባለድርሻዎች በተገኙበት የኢትዮጵያ ዲጂታል ኢኮኖሚ ላይ ያተኮረ የፓናል ውይይት በሳይንስ ሙዚየም ተካሂዷል። ምክትል ጠቅላይ ሚኒስትር ተመስገን ጥሩነህ፤ ዲጂታላይዜሽን አይቀሬ በመሆኑ፣ ኢትዮጵያ ወሳኝ ኢኒሼቲቮችን ቀርፃ መተግበር ጀምራለች ብለዋል። ለኢትዮጵያ ዲጂታላይዜሽንን ማፋጠን የግድ የሆነባቸው ምክንያቶች አሉ ያሉት ምክትል ጠቅላይ ሚኒስትሩ፤ አንደኛው፥ ዲጂታላይዜሽን ዕድገትን የሚያፋጥን በመሆኑ ነው ብለዋል። ሁለተኛው፥ መንግሥታዊ አገልግሎት አሰጣጥን ለማሻሻልና መልካም አስተዳደርን ለማስፈን እንደሚያግዝ ታምኖ መሆኑን ገልፀዋል።https://www.facebook.com/EBCzena/posts/pfbid02BJCBnEqHA4JPZAvatSgtSuYM5Lpd1dSefoDZufYqZr2B2wP4MP5zr3EtQsaW6fYwl

በክልሎች እና በከተማ አስተዳደሮች በሚከናወን አጀንዳዎችን የማሰባሰብ ሂደት ተሳታፊ እንዲሆኑ የተለዩ ባለድርሻ አካላት *********** የኢትዮጵያ ሀገራዊ ምክክር ኮሚሽን በክልሎች እና በከተማ አስተዳደሮች ለሚያከናውነው አጀንዳዎችን የማሰባሰብ ስራ የተለያዩ ባለድርሻ አካላትን ለይቷል፡፡ በኮሚሽኑ የተዘረዘሩት ባለድርሻ አካላት በሚቀርብላቸው ይፋዊ ጥሪ መሰረት በክልሎች እና በከተማ አስተዳደሮች በሚከናወነው አጀንዳዎችን የማሰባሰብ ስራ ተሳታፊ በመሆን፤ በሀገራዊ ምክክር ጉባኤ ላይ እንዲንፀባረቅላቸው የሚፈልጓቸውን አጀንዳዎች እንደሚያቀርቡ ይጠበቃል ሲል ኮሚሽኑ በማሕበራዊ ትስስር ገፁ ባወጣው መረጃ ገልጿል፡፡

ከችግሮች ነፃ የሆነች ኢትዮጵያን እውን ሆና ለማየት ምክክሩ ሊያመልጠን አይገባም ፡-አቶ እውነቱ አለነ **************** ከችግሮች ነፃ የሆነች ኢትዮጵያን እውን ሆና ለማየት ምክክሩ ሊያመልጠን አይገባም ሲሉ በህዝብ ተወካዮች ምክር ቤት የሰላምና ዴሞክራሲ ጉዳዮች ቋሚ ኮሚቴ ሰብሳቢ አቶ እውነቱ አለነ ገለጹ። የኢትዮጵያ ሀገራዊ ምክክር ኮሚሽን "የኢትዮጵያ ሚዲያ ለኢትዮጵያውያን ውጤታማ ሀገራዊ ምክክር" በሚል መሪ ሃሳብ ከፌዴራል፣ ከክልል፣ ከግል የሚዲያ አመራሮችና ከፍተኛ ባለሙያዎች ጋር እየመከረ ነው። አቶ እውነቱ፤ የምክክር ኮሚሽኑን በተመለከተ ከገለልተኝነት ጋር ተያይዞ የሚቀርብበት ወቀሳ በሕግ የተፈታ ነው ሲሉም ተናግረዋል። ኮሚሽኑ ተጠሪነቱ ለምክር ቤቱ ቢሆንም፤ ምክር ቤቱ ስራውን ከማገዝ ያለፈ ጣልቃ አይገባበትም ነው ያሉት። መገናኛ ብዙኀንም የተሳካ ምክክር እንዲደረግና ልዩነቶች በሰለጠነ መንገድ እንዲፈቱ አቅም ሊሆኑ እንደሚገባም ገልጸዋል።https://www.facebook.com/EBCzena/posts/pfbid04hxbS8AFHy8nHr5gMtGK3NaiJXkXZP9yDSbacoPfHRbmRgWx22GSabBmg5kkJduRl

ፓስፖርት በሀገር ውስጥ እንዲታተም የሚያስችል ሥራ እየተከናወነ ነው - የኢሚግሬሽን እና ዜግነት አገልግሎት ********************** በተያዘው ዓመት ፓስፖርት ጠይቀው ይጠባበቁ ከነበሩ ዜጎች መካከል ከ600 ሺህ በላይ ለሚሆኑት መስጠት መቻሉን የኢሚግሬሽን እና ዜግነት አገልግሎት ገልጿል። የኢሚግሬሽን እና ዜግነት አገልግሎት ከሚሰጣቸው አገልግሎቶች መካከል የፓስፖርት አገልግሎት አንዱ እና ዋንኛው ነው። ይሁን እንጂ የፓስፖርት አሰጣጥን በተመለከተ የሚነሱ ቅሬታዎችን በተደጋጋሚ ይስተዋላል። ኢቢሲም ይህን ጉዳይ በተመለከተ ተደጋጋሚ ዜናዎች መስራቱ ይታወሳል። በኢሚግሬሽን እና ዜግነት አገልግሎት ከሚነሱ ቅሬታዎች አንዱ መጉላላት ነው የሚለው የአዲስ አበባ ነዋሪው አቶ ያሬድ መንግሥቱ፤ እርሱ ራሱም ላላገኘው አገልግሎት ሁለት ቀን በሰልፍ መጉላላቱን ለኢቢሲ ሳይበር ተናግሯል። https://www.ebc.et/newsdetails.aspx?newsid=6743

ምክትል ጠቅላይ ሚኒስትር ተመስገን ጥሩነህ ስትራይድ ኢትዮጵያ ኤክስፖን ጎበኙ ***************** ምክትል ጠቅላይ ሚኒስትር ተመስገን ጥሩነህ እና ሚኒስትሮች ስትራይድ ኢትዮጵያ ኤክስፖን መጎብኘታቸውን ኢዜአ ዘግቧል። ስትራይድ ኢትዮጵያ 2024 ኤክስፖ በጠቅላይ ሚኒስትር ዐቢይ አሕመድ (ዶ/ር) ግንቦት 10 ቀን 2016 ዓ.ም በይፋ መከፈቱ ይታወቃል። ዓመታዊው ኤክስፖ "ሳይንስ በር ይከፍታል፤ ቴክኖሎጂ ያስተሳስራል፤ ፈጠራ ወደ ፊት ያራምዳል" በሚል መሪ ሀሳብ በሳይንስ ሙዚየም እስከ ግንቦት 18 ቀን 2016 ዓ.ም ለሕዝብ ዕይታ ክፍት ሆኖ ይቆያል። ትኩረቱን ሳይንስ፣ ቴክኖሎጂ፣ ፈጠራና ዲጂታላይዜሽን ላይ ያደረገው ስትራይድ ኢትዮጵያ ኤክስፖ በርካታ የቴክኖሎጂና የፈጠራ ተቋማትን በማሳተፍ ላይ ይገኛል። በኤክስፖው ላይ የመንግሥትና የግል ተቋማት እንዲሁም ስታርት አፖች የቴክኖሎጂ ፈጠራ ሥራዎችን ለዕይታ አቅርበዋል።https://www.facebook.com/EBCzena/posts/pfbid024mftynvRRd4Mjn2SqrC9jEohuxaPFLoguaxAHxpnpatNtCkYpErJJyHkys23SwFjl

የአካባቢ ጥበቃ ስራዎች ቀጣይነት ባለው አግባብ በተደራጀ ህዝባዊ ንቅናቄ ሊተገበሩ ይገባል:- ርዕሰ መስተዳድር ጥላሁን ከበደ ************* የአካባቢ ጥበቃ እና የአረንጓዴ ልማት ስራዎች ቀጣይነት ባለው አግባብ በተደራጀ ህዝባዊ ንቅናቄ ሊተገበሩ ይገባል ሲሉ የደቡብ ኢትዮጵያ ክልል ርዕሰ መስተዳድር ጥላሁን ከበደ ገለጹ። ርዕሰ መስተዳድሩ፤ በክልሉ በልግ አብቃይ አካባቢዎች እየጣለ ካለው መደበኛና ከመደበኛ በላይ ከፍ ያለ ዝናብ ስርጭትና መጠን ጋር ተያይዞ የተወሰነ የጎርፍና መሰል የተፈጥሮ አደጋ በአንዳንድ አካባቢዎች መስተዋሉ የተፈጥሮ ሐብት ጥበቃ ስራዎችን ይበልጥ ማጠናከር እንደሚገባ ጠቋሚ መሆኑን ተናግረዋል። በክልሉ የሚሰሩ የቅድመ የመከላከልና ጥንቃቄ ስራዎች እንደተጠበቁ ሆነው፤ በየአካባቢው የተፈጥሮ አደጋ ተጋላጭነትን በዘላቂነት ለመከላከል የአካባቢ ጥበቃ ስራን ማጠናከር ይገባል ብለዋል። የክልሉ መንግስት ለአካባቢ ጥበቃና ለአረንጓዴ ልማት ስራዎች ከፍተኛ ትኩረት መስጠቱን ገልጸው፤ በተለይ ለተፈጥሮ ሐብት ልማት፣ ለአፈርና ውኃ ጥበቃ፣ ለተራራ ልማት እና ለአረንጓዴ አሻራ መርሐ-ግብር ልዩ ትኩረት መደረጉን ነው የጠቀሱት።https://www.facebook.com/EBCzena/posts/pfbid0UrUB5uExs9yVLFbdpriH9ubXeBoeXwJsKysgdmoY255Szoq1hexQbRxJzkDSEg39l

የሰላም ሚኒስቴር በሰሜን አሜሪካ ከሚገኘው የስተርሊንግ ፋውንዴሽን አመራሮች ጋር በሰላም ግንባታ ጉዳዮች ላይ ውይይት አካሄደ ************************ የሰላም ሚኒስቴር የስራ ኃላፊዎች ቡድን በሰሜን አሜሪካ ዩታሀ ግዛት ከሚገኘው የስተርሊንግ ፋውንዴሽን መሪዎች ጋር በሰላም ግንባታ ዙሪያ በትብብር መስራት በሚቻልባቸው ጉዳዮች ላይ ውይይት አድርገዋል። በኢትዮጵያ በተለያዩ የሰላም ግንባታ ተግባራት ድጋፍ እያደረገ ከሚገኘው ስተርሊንግ ፋውንዴሽን አመራሮች ጋር ድጋፉ ተጠናክሮ በሚቀጥልበት መንገዶች ዙሪያ ለመወያየት በሰላም ሚኒስትሩ አቶ ብናልፍ አንዷለም የሚመራው ቡድን በግዛቷ መዲና ሳልት ሌክ ከተማ ጉብኝት በማካሄድ ላይ ይገኛል። ቡድኑ በግዛቲቱ የሰብዓዊ አገልግሎት መስጫ ማዕከላት፣ የተለያዩ ሀይማኖቶች በመከባበርና በሰላም አብረው በአካባቢው ሰላም፣ አብሮነትና መከባበር ለማምጣት የሚያከናውኑት ተግባርና የተገኘውን ውጤት ተዟዙረው ጎብኝተዋል።https://www.facebook.com/EBCzena/posts/pfbid02jwneEJBYA5vqiu3qzjjvVNNNYjaZ37D7kPFsmyK1p3L5Eg6M81xNvY1NajVcbxbZl

የዕለቱ የውጭ ምንዛሬ ዋጋ

የኢቢሲን አዳዲስ እና ወቅታዊ መረጃዎችን በዋትስአፕ አማራጭ Follow EBC on our new WhatsApp channel https://whatsapp.com/channel/0029VaVefI79xVJoMGtunX2T

ባለፉት ጥቂት አመታት ዋናውን የዝናብ ወቅት ምርት ሳናስተጓጉል የበጋ ስንዴ ልማት ጥረታችንን ለማስፋፋት ችለናል። የዛሬው ምልከታ የስራዎችን ቀጣይነት የተመለከትንበት ነበር። ግብርና ጠንካራ ኢንቨስትመንት ይፈልጋል። በሰብል የምንሸፍነው የመሬታችን ይዞታም ቀስ በቀስ በመጨመር ላይ ይገኛል። ጠቅላይ ሚኒስትር ዐቢይ አህመድ (ዶ/ር) https://www.facebook.com/EBCzena/posts/pfbid02waGXZW9S5uzfBsB9bVnZ2jmf2YfHTCnKRLki48aCCzmxDiKuHP1rP4vJdcYW11isl