TIKVAH-MAGAZINE

ኢትዮጵያ ለሚቀጥሉት አስር አመታት የምታስመዘግባቸውን ቅርሶች የሚለይ ኮሚቴ መቋቋሙ ተጠቆመ ዛሬ ለህዝብ ተወካዮች ምክር ቤት በቀረበው የቱሪዝም ሚኒስቴር የ9 ወራት ዕቅድ አፈፃፀም ሪፖርት ቅርስ ማስመዝገብን አስመልክቶ ኢትዮጵያ ለሚቀጥሉት አስር አመታት የምታስመዘግባቸውን ቅርሶች የሚለይ በብሔራዊ ደረጃ የሚመራ ኮሚቴ መቋቋሙ ተጠቆመ። የቱሪዝም ሚኒስቴር ሚኒስትር ክብረት አምባሳደር ናሲሴ ጫሊ ከዚህ ቀደም የቅርስ ምዝገባ የሚደረገው አካባቢዎች በሚያቀርቡት ጥያቄ እና አጥኚዎች በሚያጠኑት ጥናት መሰረት እንደነበር ገልፀዋል። አሁን ግን አዲስ ባሉት አሰራር ከዱር እንስሳ ጥበቃ ባለስልጣን፣ ከቅርስ ጥበቃ ባለስልጣን እንዲሁም ከተለያዩ ከፍተኛ የትምህርት ተቋማት ባለሙያዎች የተካተቱበት በብሄራዊ ደረጃ የሚመራ ኮሚቴ የተቋቋመ መሆኑን ለምክር ቤቱ አስረድተዋል። የዚህ ኮሚቴ ስራ ኢትዮጵያ ለሚቀጥሉት አስርት አመታት የምታስመዘግባቸውን ቅርሶች መለየት ሲሆን የመጥፋት አደጋ የተጋረጠባቸው ቅርሶች በልዩ ሁኔታ የሚታዩ መሆናቸውን ገልፀዋል። በዚህም ማህበረሰቡንና የተለያዩ አካላትን የሚያሳትፍ በመሆኑ ለሚቀጥሉት አስርት አመታት የሚመዘገቡት የትኞቹ ናቸው የሚለውን ህዝቡም ያውቀዋል በማለት ጠቁመዋል። @TikvahethMagazine

በኢትዮጵያ የውጭ የምግብ አቀነባባሪ ሽሮ ወጥን አዘጋጅቶ ለማቅረብ ፍላጎት በማሳየቱ የሽሮ ወጥ ደረጃ መዘጋጀቱ ተገለጸ የውጭ አገር የምግብ አቀናባሪ ኩባንያ ሽሮ ወጥን በኢትዮጵያ ውስጥ በፋብሪካ ደረጃ አዘጋጅቶ ለማቅረብ ፍላጎት መኖሩን ተከትሎ የሽሮ ወጥ ደረጃ ማዘጋጀት ማስፈለጉን የኢትዮጵያ ደረጃዎች ኢንስቲትዩት ገለጸ። ኢንስቲትዩቱ ከሽሮ ወጥ በተጨማሪ ወደ ውጭ አገራት የሚላኩ የተለያዩ “አገር በቀል ምርቶችን” የምግብ ደኅንነት እና የምርትቱን ምንነት እና ይዘት ለማሳወቅ ደረጃዎች እያወጣ መሆኑንም ቢቢሲ አማርኛ በዘገባው አመልክቷል። ዓለም አቀፍ ደረጃዎችን መሠረት በማድረግ የምግብ ይዘታቸው ላይ ጥናት ተደርጎባቸው ደረጃቸው ወጥቷል የተባሉ ምርቶች ሽሮ፣ በርበሬ፣ በሶ እና ጠጅን ያካትታል ተብሏል። ባለፈው ዓመት ደረጃቸው የወጣላቸው የምግብ ምርቶቹ “ፈቃደኝነት ላይ የተመሠረተ” ቁጥጥር የሚደረግባቸው ሲሆን፣ ደረጃቸውም አስገዳጅ አለመሆኑን ኢንስቲትዩቱ ገልጿል። የሽሮ ዱቄት ደረጃ ሦስት ክፍሎችን የያዘ መሆኑ ሲገለፅ የምግብ ይዘቱን እና እርጥበቱን፣ ሲፈጭ እና ሲታሸግ ያለው ንክኪ እንዲሁም በእሽጉ ላይ ምንነቱን እና የመጠቀሚያ ጊዜውን የሚይዝን መግለጫ ያካተተ እንደሆነም ነው የተነገረው። @TikvahethMagazine

በምስራቅ ወለጋ ተፈናቅለው ለሚገኙ ሰዎች እርዳታ እንዲደረግ ተጠየቀ የኢትዮጵያ ሲቭል ማህብረሰብ ድርጅቶች ባለስልጣን በኦሮሚያ ክልል ምስራቅ ወለጋ ዞን ከተለያዩ አካባቢዎች ተፈናቅለው ለሚገኙ ሰዎች እርዳታ እንዲደረግ መጠየቁን ሸገር ኤፍኤም ዘግቧል። በኦሮሚያ ክልል ምስራቅ ወለጋ ዞን ከተለያዩ አካባቢዎች የተፈናቀሉ፤ 2,500 ሰዎች በዲጋ ወረዳ ተጠልለው ይገኛሉ ተብሏል፡፡ የኢትዮጵያ ሲቭል ማህብረሰብ ድርጅቶች ባለስልጣን፤ ጄፕሮ ከተሰኘ ድርጅት ጋር በመተባበር ለእነዚህ ተፈናቃዮች ድጋፍ ያደረገ ሲሆን በአካባቢው በነበረው የጸጥታ ስጋት ምክንያት ረጂ ድርጅቶች ወደ ቦታው ገብተው እርዳታ ለማድረስ ፈርተው መቆየታቸው ተገልጿል። በአሁን ሰዓት በአንፃራዊነትም ቢሆን በአካባቢው እርዳታ ለማድረስ አስቻይ ሁኔታ እንዳለ ሲነገር ስለዚህም በብዙ ችግር ውስጥ ለሚገኙ ተፈናቃዮች፤ ረጂ በምስራቅ ወለጋ ተፈናቅለው ለሚገኙ ሰዎች እርዳታ እንዲደረግ ጥሪ ቀርቧል። @TikvahethMagazine

#Tecno #Camon30Pro5G Tech – art leather ቴክኖሎጂ በመጠቀም እጅግ ዘመናዊ ዲዛይን የተላበሰው አዲሱ Tecno Camon 30 pro 5G ምርጫዎ ያድረጉ! #Camon30Et #Camon30pro5GEt #Camon30 #Camon30Pro5G #TecnoEt

አያት አክሲዮን ማህበር በሪል እስቴት ፣ በፋይናንስ ፣ በኮንስትራክሽን ግብዓት ፣ በማዕድን እንዲሁም በሆቴል እና ቱሪዝም ዘርፎች የተሰማራ ግዙፍ ትርፋማ ድርጅት ነው። እርስዎም የአያትን አክሲዮን ገዝተው ዘላቂ ስኬትን እውን ያድርጉ! ለበለጠ መረጃ: በ 0921138613 / 0915922176 ይደውሉ 👉telegram - @Netsanet_Realestate 👉Whatsapp - https://wa.me/251921138613

በካናዳ መንግስት ቀረበ የሚባለው የሥራ  እድል #ሐሰተኛ ነው። በማኅበራዊ ትስስር ገጾች ላይ የካናዳ መንግስት ለ40,000 ኢትዮጵያውያን እና ኤርትራውያን (ቁጥሩ ሊለያይ ይችላል) የስራ እድል እየሰጠ ነው የሚል መረጃ ተመልክተዋል? ይህ #ሐሰተኛ መረጃ አሁን ላይ በተለይ በፌስቡክ ላይ በተለያዩ ጉሩፖች አንዲሁም ገጾች ላይ ተለጥፎ በስፋት የሚገኝ ሲሆን ከዚህ ጋር ተያይዞም ሙሉ የሚሞሉ ፎርሞች፣ ሀሰተኛ ደብዳቤዎች አብረው ተያይዘው ተለቀዋል። በተጨማሪም ከታዋቂ ሰዎች ፎቶዎች ጋር ተደርጎ ሲለቀቅ ተመልክተናል። ይህ መረጃ ሀሰተኛ እንደሆነ በአቀራረቡ ቢያስታውቅም ቀላል የማይባል ሰው ግን እየተሸወደ ይገኛል። ለመሆኑ ማስታወቂዎቹ ምን ይላሉ? ለኢትዮጵያዊያን እና ለኤርትራዊያን የተባለው ይህ የሥራ ዕድል አመልካቾች ቢያንስ 20 ዓመት የሆናቸው፣ የመኖሪያ መታወቂያ ያላቸው እና ቢያንስ 10ኛ ክፍል ወይም ከዚያ በላይ ያሟሉ መሆን አለባቸው ይላል። በተጨማሪም አመልካቾች ፖስፖርት እንዲኖራቸው ይጠይቃል። ከዚህ ሐሰተኛ መረጃ ጀርባ ያለው ጥቅም ምንድን ነው? በእነዚህ ማስታወቂያዎች ከተጠቀሱት ስልክ ቁጥሮች መካከል ለአንደኛው እንደደወለ የነገረን የቤተሰባችን አባል ለአጠቃላይ ሂደቱ ከሚያስፈልገው 400 ሺ ብር ቅድሚያ 10 በመቶ የሚሆነውን እንዲከፍል መጠየቁን ገልጿል። እነዚህ ሰዎች በመጀመሪያ ደረጃ የቢሯቸውን አድራሻ ለመግለጽ እንዳልፈለጉ በደፈናው "ቢሯችን ቦሌ ነው" ብለው እንደገለጹለት ጠቅሶ በርካታ የሥራ እድል መኖሩን በቅድሚያ ግን የታደሰ ፖስፖርት ያስፈልጋል እንዳሉት ገልጾልናል። በእነዚህ ሀሰተኛ መረጃዎች የተመለከትናቸው የስልክ ቁጥሮች ብቻ ሲሆኑ ቋሚ አድራሻ አልተጠቀሰም። ስልክ ቁጥሮቹም የተለያዩ እንዲሁም በርከት ያሉ ናቸው። ይህም ይህንን ዘዴ ተጠቅሞ ለማጭበርበር የሚፈልጉ ሰዎች መበራከትን ያሳያል። የካናዳ በዚህ ጉዳይ ምን ምላሽ ሰጠ? የኮሙኒኬሽን የካናዳ ኢሚግሬሽን፣ ስደተኞች እና ዜግነት ጉዳዮች ቃላቀባይ ኤሪን ከርቤል " መረጃው ሐሰተኛ ነው፤ እንደዚህ አይት ፕሮግራም አልጀመርንም" ሲሉ ለፔሳ ቼክ ማረጋገጫ ሰጥተዋል። እንደዚህ አይነት የሥራ እድል በተቋሙ ትክክለኛ ዌብሳይት ላይም አለመለቀቁንም አንስተዋል። ህጋዊ የውጭ ሀገር የሥራ ስምሪት በምን በኩል? መንግስት የውጭ ሀገር የሥራ ስምሪትን በተመለከተ ህገ- ወጥ ደላላሎች እና ኤጀንሲዎችን ማጭበርበር ያስወግዳል ያለውን የዲጂታል ሲስተም በሥራና ክህሎት ሚኒስቴር በኩል በማበልጸልግ ወደ ትገበራ መግባቱ መገለጹ ይታወሳል። የኢትዮጵያ ሥራ ገበያ መረጃ ሥርዓት E-LMIS ድህረገጽ ላይ አንድ ሚሊየን ሥራ ፈላጊ ሰራተኛ  መመዝገባቸውን በቅርቡ አስታውቋል። በተጨማሪም በዚህ ሥርዓት አማካኝነትም በሙሉ የመንግስት ዋስትና በቀን 1800 የሚሆኑ ኢትዮጵያውያን #በነፃ ወደ ውጭ ሀገራት እየተላኩ ናቸው ሲል ጠቅሷል። #FakeNewsAlert #StaySafeOnSocialMedia

በካናዳ መንግስት ቀረበ የሚባለው የሥራ  እድል #ሐሰተኛ ነው። በማኅበራዊ ትስስር ገጾች ላይ የካናዳ መንግስት ለ40,000 ኢትዮጵያውያን እና ኤርትራውያን (ቁጥሩ ሊለያይ ይችላል) የስራ እድል እየሰጠ ነው የሚል መረጃ ተመልክተዋል? ይህ #ሐሰተኛ መረጃ አሁን ላይ በተለይ በፌስቡክ ላይ በተለያዩ ጉሩፖች አንዲሁም ገጾች ላይ ተለጥፎ በስፋት የሚገኝ ሲሆን ከዚህ ጋር ተያይዞም ሙሉ የሚሞሉ ፎርሞች፣ ሀሰተኛ ደብዳቤዎች አብረው ተያይዘው ተለቀዋል። በተጨማሪም ከታዋቂ ሰዎች ፎቶዎች ጋር ተደርጎ ሲለቀቅ ተመልክተናል። ይህ መረጃ ሀሰተኛ እንደሆነ በአቀራረቡ ቢያስታውቅም ቀላል የማይባል ሰው ግን እየተሸወደ ይገኛል። ለመሆኑ ማስታወቂዎቹ ምን ይላሉ? ለኢትዮጵያዊያን እና ለኤርትራዊያን የተባለው ይህ የሥራ ዕድል አመልካቾች ቢያንስ 20 ዓመት የሆናቸው፣ የመኖሪያ መታወቂያ ያላቸው እና ቢያንስ 10ኛ ክፍል ወይም ከዚያ በላይ ያሟሉ መሆን አለባቸው ይላል። በተጨማሪም አመልካቾች ፖስፖርት እንዲኖራቸው ይጠይቃል። ከዚህ ሐሰተኛ መረጃ ጀርባ ያለው ጥቅም ምንድን ነው? በእነዚህ ማስታወቂያዎች ከተጠቀሱት ስልክ ቁጥሮች መካከል ለአንደኛው እንደደወለ የነገረን የቤተሰባችን አባል ለአጠቃላይ ሂደቱ ከሚያስፈልገው 400 ሺ ብር ቅድሚያ 10 በመቶ የሚሆነውን እንዲከፍል መጠየቁን ገልጿል። እነዚህ ሰዎች በመጀመሪያ ደረጃ የቢሯቸውን አድራሻ ለመግለጽ እንዳልፈለጉ በደፈናው "ቢሯችን ቦሌ ነው" ብለው እንደገለጹለት ጠቅሶ በርካታ የሥራ እድል መኖሩን በቅድሚያ ግን የታደሰ ፖስፖርት ያስፈልጋል እንዳሉት ገልጾልናል። በእነዚህ ሀሰተኛ መረጃዎች የተመለከትናቸው የስልክ ቁጥሮች ብቻ ሲሆኑ ቋሚ አድራሻ አልተጠቀሰም። ስልክ ቁጥሮቹም የተለያዩ እንዲሁም በርከት ያሉ ናቸው። ይህም ይህንን ዘዴ ተጠቅሞ ለማጭበርበር የሚፈልጉ ሰዎች መበራከትን ያሳያል። የካናዳ በዚህ ጉዳይ ምን ምላሽ ሰጠ? የኮሙኒኬሽን የካናዳ ኢሚግሬሽን፣ ስደተኞች እና ዜግነት ጉዳዮች ቃላቀባይ ኤሪን ከርቤል " መረጃው ሐሰተኛ ነው፤ እንደዚህ አይት ፕሮግራም አልጀመርንም" ሲሉ ለፔሳ ቼክ ማረጋገጫ ሰጥተዋል። እንደዚህ አይነት የሥራ እድል በተቋሙ ትክክለኛ ዌብሳይት ላይም አለመለቀቁንም አንስተዋል። ህጋዊ የውጭ ሀገር የሥራ ስምሪት በምን በኩል? መንግስት የውጭ ሀገር የሥራ ስምሪትን በተመለከተ ህገ- ወጥ ደላላሎች እና ኤጀንሲዎችን ማጭበርበር ያስወግዳል ያለውን የዲጂታል ሲስተም በሥራና ክህሎት ሚኒስቴር በኩል በማበልጸልግ ወደ ትገበራ መግባቱ መገለጹ ይታወሳል። የኢትዮጵያ ሥራ ገበያ መረጃ ሥርዓት E-LMIS ድህረገጽ ላይ አንድ ሚሊየን ሥራ ፈላጊ ሰራተኛ  መመዝገባቸውን በቅርቡ አስታውቋል። በተጨማሪም በዚህ ሥርዓት አማካኝነትም በሙሉ የመንግስት ዋስትና በቀን 1800 የሚሆኑ ኢትዮጵያውያን #በነፃ ወደ ውጭ ሀገራት እየተላኩ ናቸው ሲል ጠቅሷል። #FakeNewsAlert #StaySafeOnSocialMedia

ለሥራ ወደ ውጭ አገሮች ለሚሄዱ ከ500 ሺሕ በላይ ለሚሆኑ ዜጎች የመድን ዋስትና መስጠት ተጀመረ ወደ ውጭ አገሮች በሥራ ስምሪት ለሚጓዙ ከ500 ሺሕ በላይ ለሚደርሱ ኢትዮጵያውያን የሕይወት የመድን ሽፋን አገልግሎት ለመስጠት፣ ከሥራና ክህሎት ሚኒስቴር ጋር ለሁለት ዓመታት ውል የተፈራረመው ኒያላ ኢንሹራንስ አገልግሎቱን በይፋ መጀመሩን ገለፀ። በዚህም ኒያላ ኢንሹራንስ ኩባንያ ወደ ተለያዩ አገሮች ተጉዘው የሥራ ቅጥር ውል ለሚፈጽሙ ኢትዮጵያውያን ዜጎች ለሚደርስባቸው የሞት፣ የአካል ጉዳት፣ የአዕምሮ መታወክና ሌሎች ተጓዳኝ ጉዳቶችን የሚሸፍን መሆኑን ሪፖርተር አስነብቧል። ለእነዚህ የመድን ሽፋኖችም ተጠቃሚዎች በዓመት እንዲከፍሉ የሚጠበቅባቸው 500 ብር ብቻ መሆኑ ሲጠቆም ይህ የመድን ሽፋን በአንድ ክፍያ ሰው እስከ 1.35 ሚሊዮን ብር ድረስ የሕይወት መድን ሽፋን አገልግሎት የሚሰጥ መሆኑንም ተነግሯል። @TikvahethMagazine

በወላይታ ዞን ፎርጅድ የትምህርት ማስረጃ የተገኙባቸው 75 አመራሮች ላይ እርምጃ መወሰዱ ተገለፀ በወላይታ ዞን ፎርጅድ የትምህርት ማስረጃ የተገኙባቸው 75 አመራሮች ላይ ፖለቲካዊ ህጋዊና አስተዳዳራዊ እርምጃ መወሰዱን የዞኑ ዋና አስተዳዳሪ አቶ ሳሙኤል ፎላ አስታወቁ። ዋና አስተዳዳሪው ይህንን ያሉት በወላይታ ዞን የአመራር የትምህርት ማስረጃ ፍተሻ ውጤት ማጠቃለያ ግምገማ መድረክ በተካሄደበት ወቅት እንደሆነ የክልሉ ቴሌቪዥን ዘግቧል። በዞኑ 1079 አመራሮች የትምህርት ማስረጃ መፈተሹ ሲገለፅ 75 አመራሮች የትምህርት ማሰራጃቸው ፎርጅድ መሆኑ ተረጋግጧል። ሌሎች 120 የሚሆኑ አመራሮች የትምህርት ማስረጃ ያገኙባቸው ተቋማት በአሁኑ ሰዓት ሥራ ያቆሙ በመሆናቸው ማስረጃቸውን ከከፍተኛ ትምህርት ተቋማት ጥራትና አግባብነት ኤጀንሲ እንዲጣራ እየተሰራ እንደሆነም ተገልጿል። @TikvahethMagazine

በቤንች ሸኮ ዞን የወባ ወረርሽኝ አሳሳቢ ደረጃ ላይ መድረሱ ተነገረ በቤንች ሸኮ ዞን የወባ ወረርሽኝ 74 በመቶ መድረሱን የቤንች ሸኮ ዞን ዋና አስተዳዳሪ አቶ ሀብታሙ ካፍትን ገለጹ፡፡ ችግሩ በጣም አሳሳቢ በመሆኑ አስቸኳይ መፍትሔ እንደሚያሻው ጠቁመዋል፡፡ አቶ ሀብታሙ ካፍትን የወባ የዞኑ ትልቅ ፈተና እንደሆነ የገለፁ ሲሆን አንድ ሰው እስከ 20 ዙር ድረስ በወባ በሽታ እየተያዘ ነው፡፡ በቅርቡ በተደረገው ግምገማም ወረርሽኙ እየጨመረ እንደሚገኝ ያሳያል ተብሏል። አካባቢው ሦስት ዓመት ሙሉ በወባ ወረርሽኝ ውስጥ ቆይቷል ያሉት ዋና አስተዳዳሪው፤ የወባ ወረርሽኝ ዝርያውን ቀይሯል የሚል መረጃ እየወጣ መሆኑን ተናግረዋል፡፡ ወረርሽኙን ለመቀነስ በማህበረሰብ ንቅናቄ ውሃ የተኛባቸውን አካባቢዎች ቦይ በማውጣት እንዲፋሰስ የማድረግ እና የኬሚካል ርጭት መከናወኑን እና አጎበር መሰራጨቱን ገልጸዋል፡፡ እንደ አቶ ሀብታሙ ገለጻ፤ ስርጭቱን በማህበረሰብ ንቅናቄ ለመቆጣጠር ሙከራ ተደርጓል፡፡ ነገር ግን ስርጭቱን መቀነስ አልተቻለም፡፡ የወባው ዝርያ ቀይሯል የሚል ሃሳብ በመነሳቱ ይህንን በጥናት ለማረጋገጥ ሥራዎች ተጀምረዋል፡፡ አሁን ላይ በሁሉም ቦታ ርጭት ለማድረግ ኬሚካል አቅርቦት ውስንነት እንዳለ የጠቆሙት አቶ ሀብታሙ፤ ዞኑ በወረርሽኝ ውስጥ እንደመሆኑ መጠን ችግሩን ታሳቢ ያደረገ ኬሚካል አቅርቦትና ስርጭት ሊኖር እንደሚገባ አመልክተዋል፡፡ መረጃው የኢፕድ ነው። @TikvahethMagazine