Mutolaa sehri

Kecha kerak bo‘lding, Bolalik chog‘im! Senga qo‘l uzatdim, Yo‘q, Yetolmadim. Oshkora g‘irromlik qildi O‘rtog‘im, Men: bor, o‘ynamayman, Deb ketolmadim… © Erkin Vohidov 💬📹📹@turtliklar

Dahshatey )) "O'tkan kunlar"dagi xavfli satrlar, Otabekning bir-biriga qarshi chiqqan ikki nabirasi, Qodiriy siymosi, Usmon Nosir haqida.... © Manba 💬📹📹@mutolaa_sehri

​#men_tugatgan_kitob Zulfu Livaneli: "So'nggi orol" ​​ "Hamma joyda yovuzlik g'olib, ezgulik esa yengiladi. Yaxshilik mudom zaifligicha qoladi". Hozirgi shovqinli, tezkor, jadallik bilan rivojlanayotgan bu dunyodagi barcha narsadan voz kechib, bir umrga insoniyat qadami yetmagan tabiati juda go'zal orolga chag'alaylar bilan birgalikda tinch-osoyishta, hech nimani o'ylamay odamlardan uzoqda yashash uchun ketgan bo'larmidingiz? Ushbu asar qahramonlari ham hammadan olisda, hech nimani o'ylamay go'zal tabiatli orol qo'ynida tinchgina chag'alaylar bilan birgalikda yashab kelayotgan edilar. Toki Buzruk bu orolga tashrif buyurmaguncha...* Bilamizki tabiat inson paydo bo'lguncha o'z-o'zini har tomonlama boshqara olgan. Inson paydo bo'lgandan keyin esa u bu jarayonga bevosita aralasha boshlagan. Oziq zanjiriga ham ta'sir o'tkaza boshlagan. Aslida tabiatda barcha narsa muvozanatda. Bir jonzotning o'limi boshqasining yashashiga sabab bo'lsa va aksincha bir jonzotning yashashi boshqasining o'limiga sabab bo'ladi. Axmoq odamzod esa bu jarayonni o'z foydasiga o'tkazish maqsadida nimalarni boshlamaydi? Asarda ham "asosiy dushman" chag'alaylar va ularning tuxumlari tulkilar tomonidan kamaytirildi. Chag'alaylarning kamayishi esa ular oziqlanadigan ilonlarni ko'payishiga va insoniyat uchun xavf-xatar paydo bo'lishiga sabab bo'ldi. Endi nima qilish kerak? Muvozanatni qanday tiklash mumkin? Orolni qanday eski holatiga qaytarish mumkin? Asarda bu dunyoda Insoniyatdan vahshiy, insoniyatdan toshbag'ir jonzot bo'lmasligi yana bir marta tilga olinadi. Xuddi shu insoniyatdir o'z manfaati, hokimyatga intilishi yo'lida tabiat jonzotlarini qirib yuborgan. Axir insoniyatdir o'z yaqinining kaltaklanishiga jim qarab turadigan. Asar voqealarini faqat chekka oroldagina emas, hozirgi yashayotgan olamimizda ham minglab topiladi. Tabiatdagi odamlar ta'sirida yo'q bo'lib ketgan, yoki endi soni kamayib borayotgan tabiat mo'jizalaridan juda ko'pchiligini sanab misol keltirish mumkin. Asar yakuni menga juda ham yoqdi. Adolat qaror topdi. Barcha insonlar bir xil tabiat kushandasi, hokimiyat qiziquvchisi emas. O'z dunyosini asrashni bilguvchi, o'zi kemtik bo'lsada jonzotlarga yordam berishni xohlovchi aqlli insonlar ham oramizda yashaydi. Asar boshida Lara tomonidan aytilgan fikrning teskarisi amalga oshdi) "Hayot hamisha insonni hayron qoldirishda davom etadi". Xullas, kitobdagi voqealar sizni ta'sirlantirmay qo'ymaydi. Barcha kitobxonlarga ikkilanmay tavsiya qila olaman. ✍ Dildora Karimova 📖 @mutolaa_sehri

🔔 ХАЙР МАКТАБИМ 🎀 Баҳорнинг сўнгги кунлари, Тугар болалик чоғларим, Жаранглайди сўнгги қўнғироқ, Хайр мактабим, хайр дўстларим, шўхлигим... Афсус, афсус, эндигина Қадрингга мен етганимда, Мен бағрингдан учиб кетарман, Янги ҳаётга оқ йўл тилайсан сен бизга. Хайр мактабим, хайр шўхлигим, Биринчи севгим хайр, хайр дўстларим. Хайр мактабим, хайр шўхлигим, Биринчи севгим хайр, хайр дўстларим. Ишонмасдим неча йиллар, Қалбимдаги туйғуларга, Фақат бугун мен шуни билдим, Қанчалик жоним сен кераклигинг менга. Ёдимда сен ёзган мактуб, Беғубор севги изҳори, Қайтгим келар ўша кунларга, Болалигимга, сен билан бирга мактабга. Хайр мактабим, хайр шўхлигим, Биринчи севгим хайр, хайр дўстларим. Хайр мактабим, хайр шўхлигим, Биринчи севгим хайр, хайр дўстларим. ___ Каналга уланиш: 👉 @mutolaa_sehri

​Anbiyo Yildirim: "Hazillashish odobi" Inson jismoniy charchagani kabi, ruhiy charchoqni ham boshidan o'tkazadi. Bunda ruh toliqadi, qalb xotirjamlikni istaydi. Anan shunday vaqtda kimdir, yolg'iz tinch joylarga (o'rmonga, suv bo'yiga, dengiz yoqasiga, tabiat qo'yniga va hokazo) ketgisi keladi. Yana kimdir tinch xonada yotib musqa eshitishni istaydi. Ruhiy tushkunlikda ba'zida inson o'zi sevgan inson bilan birga dardlashishi ham yechim bo'la oladi. Yaqin do'stlar bilan birga bo'lish, ozor yetkazmas hazillar qilish ham ba'zida ruhiy charchoqlarni unutishga yordam beradi. Anbiyo Yildirimning "Hazillashish odobi" kitobida payg'ambarimiz Muhammad sallollohu alayhi vassallamning ana shunday hazillari jamlangan. Ya'ni kitobda payg'ambarimizning ahli ayollariga, sayobalariga, bolalarga, shuningdek sahobalarning payg'ambarimizga, va o'zaro bir-birlariga qilgan hazil va yuzga tabassum paydo qiladigan voqealar jamlangan. Faqat ularning hazillari biznikidan farqli ravishda yolg'on aralashmagan hazillar bo'lgan. Shu bilan birga munosabatlarga sovuqlik tushirmaydigan beozor hazillar qilishgan. Yaxshisi kitobni o'zingiz o'qing va ularning xursandchiligiga g'oyibona sherik bo'ling. Yoqimli mutolaa tilayman. Kitobdan parcha Umar (r.a.) namozini tez tugatib, Alloh Taologa: «Yo Rabbim! Meni hurlarga uylantir!», deb duo qilgan bir badaviyga shunday dedilar: «Baraka topgur! To‘lovini kam qilding, lekin so‘ragan narsang juda katta-ku». 〰️〰️〰️🌸 〰️〰️〰️🌸 〰️〰️〰️ Makkadan Madinaga kelayotganida bir ko‘zi og‘rib turgan Suhayb ibn Sinan ar-Rumiy, shaharga yetmay turib avval Kuboda yashab turgan Rasululloh (s.a.v.)ning ziyoratlariga kiradi. Ayni o‘sha paytda Payg‘ambar (s.a.v.)ning dasturxonlarida non bilan xurmo bor edi. Kelgan odamga: «Yaqinroq kelib, shulardan yegin!» deydilar. U ham xurmodan yeyishni boshlaydi. Shunda Rasululloh (s.a.v.): «Ko‘zing og‘rib turgan bo‘lsa ham xurmo yeyaverasanmi?» deb so‘raydilar. Lekin Suhayb ham hozirjavob bir kishi edi. Darhol shunday javob beradi: «Boshqa tomonim bilan chaynayapman, yo Rasululloh!» Bunday javobni eshitgan Payg‘ambar (s.a.v.) shu qadar kuladilarki, voqeani aytib bergan Suhayb, Rasululloh (s.a.v.)ning jag‘ tishlarini ko‘rganini aytadi. © Komiljon Aslonov @mutolaa_sehri

​​​​🗓 #bugun #kuntarixi 17-may — shoira Halima Xudoyberdiyeva tavallud topgan kun Halima Xudoyberdiyeva 1947-yil 17-mayda Sirdaryo viloyatining Boyovut tumanida dunyoga kelgandi. Toshkent davlat universitetining jurnalistika fakultetini tugatgan (1972). “Saodat” jurnalida adabiy xodim, bo‘lim mudiri (1972—75), bosh muharrir o‘rinbosari va bosh muharrir (1982—94), Yoshlar nashriyotida bo‘lim mudiri (1978—82), O‘zbekiston Xotin-qizlar qo‘mitasi raisi (1990—94), “Yozuvchi” nashriyotida yetakchi muharrir (1996—98), “Sanam” jurnalida bosh muharrir o‘rinbosari (1998—2003), 2004-yildan “XXI asr” gazetasida bo‘lim muharriri bo‘lib ishlagan. Halima Xudoyberdiyevaning ilk she’rlari o‘quvchilik yillarida Yangiyer tumani gazetasida bosilgan (1964). She'riy kitoblari: ▪️ “Ilk muhabbat” (1968), ▪️“Oq olmalar” (1973), ▪️“Chaman” (1974), ▪️“Suyanch tog‘larim” (1976), ▪️“Bobo quyosh” (1977), ▪️“Issiq qor” (1979), ▪️ “Sadoqat” (1983), ▪️“Muqaddas ayol” (1987), ▪️“Bu kunlarga yetganlar bor”, ▪️ “Hurlik o‘ti” (1993), ▪️“To‘marisning aytgani” (1996) ▪️“Yo‘ldadirman” (2005) ▪️“Buyuk qushlar” va b. Halima Xudoyberdiyev birinchi chaqiriq Oliy Majlis deputati, Hamza nomidagi O‘zbekiston Davlat mukofoti laureati (1990) edi. O‘zbekiston xalq shoirasi Halima Xudoyberdiyeva 2018-yil, 17-avgust kuni 71 yoshida vafot etdi. _________________________ MUQADDAS AYOL Oshiqlaring poyingta gul otib ham bo‘ldi, Xilvatlarda labingdan bol totib ham bo‘ldi, Va bu haqda kimlargadir sotib ham bo‘ldi, Sen bari bir muqaddassan, Muqaddas Ayol! Avval: «Kel-ey, quchog‘imga to‘l, balq», dedilar, Unamading, ayol o‘zi ters «xalq», dedilar, Icholmagach yuz o‘girib, sho‘r, talx, dedilar, Sen bari bir muqaddassan, Muqaddas Ayol! Sen daryosan, o‘pganini qirg‘oq yashirar, Juftim bo‘l, - deb chopganini har toq yashirar, Jannatim, - deb quvonmasdan qumloq yashirar, Sen bari bir muqaddassan, Muqaddas Ayol! Asli bu bor ermaklarning borar yeri Sen, Rostu yolg‘on ertaklarning borar yeri Sen, Asov otday erkaklarning borar yeri Sen, Sen bari bir muqaddassan, Muqaddas Ayol! Chorlashganda sen kelsang, goh bekor kelsang-da, Mast davraga bir sarin yel, bir tor kelsang-da, Xor kelsang-da, nomardlarga goh xor kelsang-da, Sen bari bir muqaddassan, Muqaddas Ayol! Qimtinasan, astagina ko‘tarasan bosh, Ming yillikdir ko‘zingdagi javdiragan yosh, Gunohkorlar mingu bitta Senga tegar tosh, Sen bari bir muqaddassan, Muqaddas Ayol! Harir, xushbo‘y badaningda toshlar izi bor, Ko‘kragingda egilgan ne boshlar izi bor, Quyosh izi, kuydirgan quyoshlar izi bor, Sen bari bir muqaddassan, Muqaddas Ayol! _____ 📖 @mutolaa_sehri

📖 Shuhratning hibsdagi hayoti haqidagi asar 💬 ASAR HAQIDA Shukrulloning "Kafansiz ko'milganlar" asarini o'qib dahshatga tushgandirsiz. Unda yozuvchi qanday qamalishiyu, qamoqdagi va mahbuslar lageridagi voqealarni va ozodlikka chiqish jarayonlarini bayon etgan. "Qush qafasda qanot qoqmaydi" asari ham xuddi shunday asar. Bunda adib Shuhratning qaysi ayblov bilan hibsga olinishi, sudda qanday aybni bo'yniga "ilish" uchun solingan qiynoqqlar, qamoq va mahbuslar lageridagi ko'rgan qiyinchiliklari, ozodlikka chiqishi va ozodlikda o'zini qamalishiga sabab bo'lganlar bir qancha odamlar (yozuvchilar uyushmasidagi hamkasblari, sudya va yozuvchiga tuhmat ayblovlar qo'yib, guvohlik berganlar ) bilan yana uchrashib qolishlari bilan bog''liq voqealar bayon etilgan. Faqat bu asarning "Kafansiz ko'milganlar" asari bilan farqi, bu kitobni adib Shuhratniing o'zi yozmagan, ammo shaxsan Shuhratni aytib turgan gaplari asosida uning kotibi, yozuvchi Mirzo Kenjabek so'zga ko'chirgan. Shuningdek, kitobdagi voqealar Shuhratning og'li, yaqinlari bergan ma'lumotlar va arxiv hujjatlari asosida boyitilgan. Darvoqe Shuhrat Shukrullo bilan bir vaqtda qamoqqa olingan va har ikkisi ham Sibir o'lkalarida surgun qilingan. Kitobda Shukrullo bilan bog'liq voqealar ham kiritilgan. Bundan tashqari adib bilan birga tuhmat asosida qamoqqa olingan Said Ahmad, Maqsud Shayxzoda, Mirzakalon Ismoiliy kabi yetuk adabiyot vakillari bilan bog'liq voqealar ham Shuhrat tilidan bayon etiladi. 💬 VOQEALAR Yozuvchi o'zining ilk marta tergov xonasiga tushib qolishi haqida so'zlab, bir kichik voqeani aytib beradi. BIr kuni yozuvchi yomg'irli kunlarning birida ishdam chiqib, Xadradagi bir pivo xonaga kirib bir finjon pivo ichadi. So'ng, ko'chaga chiqib, uyiga ketish uchun mashina to'xtatadi. Shunda uning ortidan bir yigit yugurib kelib, mashinaga o'tirib oladi. Shu yerda janjal boshlanadi. Batafsil... _____ 💬📹📹 @komiljon_aslonov

📖 Shuhratning hibsdagi hayoti haqidagi asar 💬 ASAR HAQIDA Shukrulloning "Kafansiz ko'milganlar" asarini o'qib dahshatga tushgandirsiz. Unda yozuvchi qanday qamalishiyu, qamoqdagi va mahbuslar lageridagi voqealarni va ozodlikka chiqish jarayonlarini bayon etgan. "Qush qafasda qanot qoqmaydi" asari ham xuddi shunday asar. Bunda adib Shuhratning qaysi ayblov bilan hibsga olinishi, sudda qanday aybni bo'yniga "ilish" uchun solingan qiynoqqlar, qamoq va mahbuslar lageridagi ko'rgan qiyinchiliklari, ozodlikka chiqishi va ozodlikda o'zini qamalishiga sabab bo'lganlar bir qancha odamlar (yozuvchilar uyushmasidagi hamkasblari, sudya va yozuvchiga tuhmat ayblovlar qo'yib, guvohlik berganlar ) bilan yana uchrashib qolishlari bilan bog''liq voqealar bayon etilgan. Faqat bu asarning "Kafansiz ko'milganlar" asari bilan farqi, bu kitobni adib Shuhratniing o'zi yozmagan, ammo shaxsan Shuhratni aytib turgan gaplari asosida uning kotibi, yozuvchi Mirzo Kenjabek so'zga ko'chirgan. Shuningdek, kitobdagi voqealar Shuhratning og'li, yaqinlari bergan ma'lumotlar va arxiv hujjatlari asosida boyitilgan. Darvoqe Shuhrat Shukrullo bilan bir vaqtda qamoqqa olingan va har ikkisi ham Sibir o'lkalarida surgun qilingan. Kitobda Shukrullo bilan bog'liq voqealar ham kiritilgan. Bundan tashqari adib bilan birga tuhmat asosida qamoqqa olingan Said Ahmad, Maqsud Shayxzoda, Mirzakalon Ismoiliy kabi yetuk adabiyot vakillari bilan bog'liq voqealar ham Shuhrat tilidan bayon etiladi. 💬 VOQEALAR Yozuvchi o'zining ilk marta tergov xonasiga tushib qolishi haqida so'zlab, bir kichik voqeani aytib beradi. BIr kuni yozuvchi yomg'irli kunlarning birida ishdam chiqib, Xadradagi bir pivo xonaga kirib bir finjon pivo ichadi. So'ng, ko'chaga chiqib, uyiga ketish uchun mashina to'xtatadi. Shunda uning ortidan bir yigit yugurib kelib, mashina o'tirib oladi. Shu yerda janjal boshlanadi. Batafsil... _____ 💬📹📹 @komiljon_aslonov

10-may adib G'afur G'ulom(1903–1966) tavallud topgan kun. (#kuntarixi ) @mutolaa_sehri