မောင်ဆူးလှည်း

ပြီးခဲ့တဲ့ရက်ပိုင်းမှာ ဇော်ဝေစိုးက သုံးနှစ်အတွင်း နိုင်ပွဲယူမယ်ပြောသွားတယ်။ ကိုယ်သိရသလောက်ကလည်း အဲဒီအတိုင်း PDF တွေထဲ ဝါဒဖြန့်ထားတာ။ ၂၀၂၉ ဆိုနိုင်ပြီ။ အဲဒီအထိ တိုက်ပေး။ အဲဒီကာလကျော်ရင် ငါတို့ရှုံးပြီ။ မင်းတို့ သဘောဆန္ဒအတိုင်း လုပ်လို့ရပြီဆိုတာမျိုးအထိ ကြားရတယ်။ မြေပြင်စစ်ရေးမှာ တပ်က ထိုးစစ်ဆင်ဆဲ ရခိုင်ကလွဲလို့ ချင်း၊ ကယား၊ ကရင်၊ မန္တလေး၊ စစ်ကိုင်းမှာ အောင်ပွဲယူထားသလို ရှမ်းမြောက်မှာလည်း ပုံစံမျိုးစုံနဲ့ အသာစီးယူထားပြီး Soft Power Game ဖြစ်နေတယ်။ ကချင်မှာလည်း ဗန်းမော်ကတင် နှစ်နစ်ကြာတဲ့အထိ တိုက်နေတာ မရဘဲ KIA တိုင်ပတ်နေတယ်။ ဒီအခြေအနေမှာ ကရင် ရှုံးသွားပြီး ကျားဖြန့်စခန်းတွေ အဖြိုခံနေရကတည်းက PDF မွေးထုတ်ရာ ကရင်ခွင်က မြောင်းထဲရောက်သွားပြီး PDF အများစုက ထိုင်းပြေး ကျွန်ခံကုန်ကြလို့ ပေါ်တာဆွဲ လူစုရတဲ့အထိ တိုင်ပတ်နေတယ်။ မကွေးတို့၊ တနင်္သာရီတို့၊ မွန်တို့မှာလည်း စစ်တပ်က အသာစီးယူထားတယ်။ ဒီတော့ ဇော်ဝေစိုးတို့ PDF တွေဆီ နောက်ဆုံးချွေးသိပ်မှုက ဒီသုံးနှစ် အနိုင်။ မနိုင်ရင် သူတို့ပြီးပြီလို့ လက်ခံထားတယ်။ ပြောရမယ်ဆို လာမယ့်သုံးနှစ်က PDF အပြီးသတ်ပွဲပဲ။ ဘာလို့ အပြီးသတ်ပွဲလဲဆို နေရာအနှံ့စစ်ရှုံးနေလို့ PDF အချင်းချင်း စားခွက်လုနေလို့ လူထုက လက်မခံတော့လို့ ဒီသုံးနှစ်ထပ်မွှေပြီးရင် ပြီးပြီ။ တော်ပြီဆိုတဲ့ PDF တွေလည်း အများကြီး ရှိနေတယ်။ ငြိမ်းခါနီးမီးက နောက်ဆုံးထပ်တောက်မှာမို့ လူထုကတော့ ကျပ်တည်း ဂယက်ရိုက်မှု ပြင်းလာဦးမယ် ယူဆတယ်။ ဒါပေမဲ့ ၂၀၂၂၊ ၂၀၂၃၊ ၂၀၂၄ ကာလတွေလောက်တော့ လုပ်နိုင်မှာမဟုတ်တော့ဘူးဆိုတာလည်း အသေအချာပဲ။ အခုဆို NUG နဲ့ ထောက်ပို့တွေ ခိုးလွန်းလို့ PDF ကို လှူသူ ထောက်ပို့သူက ၈၀ ရာခိုင်နှုန်းလောက်ကျသွားပြီး အမာခံတချို့နဲ့ ရုန်းနေရ၊ အမေရိကန်အပါအဝင် ပြည်ပနိုင်ငံတွေဆီက ထောက်ခံမှု၊ ထောက်ပံ့မှုမရဘဲ အစိုးရဘက်ကို ချိန်ခွင်လျာ သာလာတဲ့အခြေအနေ၊ ဒရုန်းစစ်ပွဲမှာ ရှုံးသွားတာနဲ့ ပေါင်းရင် ဒီတစ်နှစ်လောက်မှာ ရခိုင်နဲ့ နောက်ထပ် ၁၀ မြို့လောက် ထပ်သိမ်းနိုင်ရင်ကို PDF တွေ ရှုံးပြီဆိုတာ ပိုသဘောပေါက်သွားကြမယ် ယူဆတယ်။ ဘာတွေဖြစ်လာမလဲဆိုတာကတော့ ဘုရားပဲသိမှာဖြစ်ပေမဲ့ လာမယ့် ၂၀၂၉ အထိ NUG နဲ့ PDF တွေရဲ့ သုံးနှစ်စစ်ပွဲ Target ကို တစ်နှစ်လောက်နဲ့ ဖြတ်နိုင်ရင် နိုင်ငံနဲ့ ပြည်သူအတွက် ပိုသက်သာမယ် ထင်....