Shkolla e gjuhës arabe FENER

Ky mesazh është i një motre e cila është në nivelin e gjashtë, pranë përfundimit të programit dyvjeçar të Fenerit. Flet për përvojën dhe arritshmërinë e saj në kuptimin e tekstit të Kur'anit. Kuptimi i tekstit dhe mesazhit kur'anor në arabisht ishte dhe vazhdon të jetë tash e pesë vjet synimi kryesor i Fenerit, me moton: "Nga leximi - te kuptimi!"

BUMERANG! Allahu i Lartësuar thotë: "وَقَدِمْنَآ إِلَىٰ مَا عَمِلُواْ مِنْ عَمَلٍۢ فَجَعَلْنَٰهُ هَبَآءً مَّنثُورًا" (الفرقان: ٢٣) "Ne do t’i dalim përpara çdo vepre që kanë bërë e më pas, atë do ta bëjmë pluhur të shpërndarë". (El-Furkan: 23) Mesazhi i ajetit: ~Një punë e cila nuk bëhet për hir të Allahut është dështim i sigurt, ndonëse në fillim duket se është dobiprurëse.

Allahu i Lartësuar thotë: "مَثَلُهُمْ كَمَثَلِ الَّذِي اسْتَوْقَدَ نَارًا فَلَمَّا أَضَاءَتْ مَا حَوْلَهُ ذَهَبَ اللَّهُ بِنُورِهِمْ وَتَرَكَهُمْ فِي ظُلُمَاتٍ لَا يُبْصِرُونَ" (البقرة: ١٧) "Rasti i tyre shëmbëllen me rastin e atyre që ndezin një zjarr dhe, kur ai ua ndriçon ç’kanë rreth vetes, Allahu ua merr dritën, i lë në errësirë dhe ata nuk shohin asgjë!" (El-Bekare: 17) Dijetarët kanë thënë: "E njohën të vërtetën, pastaj e mohuan atë; e panë të vërtetën, pastaj u verbuan".

"Akuza ndaj poezisë së xhahilijetit është akuza ndaj i'xhazit/mrekullisë kur'anore. Po të thuash se magjistarët e faraonit ishin të dobët në magji, kjo do të ishte një akuzë ndaj i'xhazit/mrekullisë së Musait alejhisselam". ~Muhamed Muhamed Ebu Musa https://t.me/Gjuha_e_Kuranit

EL-FETTAH! Allahu i Lartësuar thotë: "وَهُوَ ٱلْفَتَّاحُ ٱلْعَلِيمُ" (سبأ: ٢٦) "Dhe Ai është Çelësi, i Gjithëdijshmi". (Sebe': 26) Emri i Allahut "el-Fettah" përçon një mesazh se çdo gjë është e mbyllur derisa يفتحه الله - e çel Allahu. Përfytyroje këtë gjithmonë gjatë lutjes tënde!

ÇKA DOMETHËNË HIXHRET🤔 Allahu i Lartësuar në Kur'an thotë: "وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا" (المزمل: ١٠) "Dhe bëj durim ndaj asaj që thonë dhe largohu prej tyre me dinjitet!" (El-Muzzemmil: 10) Rrënja tribashkëtingëllorëshe َهَجَر, prej nga rrjedh edhe fjala هِجْرَة (hixhret) në gjuhën arabe përdoret për të shprehur "largim, braktisje, ndërprerje dhe shkëputje". Sot bëhen pikërisht 1446 vjet nga koha kur pejgamberi ynë i dashur, Muhamedi sal-lallahu alejhi ve sel-lem bëri "shkëputje" të së keqes edhe fizikisht, pasi që më parë e kishte "shkëputur" atë shpirtërisht. Er-Rafi'i në librin e tij Vahjul-kalem (2/106) thotë: "Hapat e tij gjatë hixhretit lënë gjurmë në tokë, kurse mesazhet e tyre lënë gjurmë në histori". ✍ Ustadh Jahja