ادبیات سئونلر

سن ، آیی هر نه دن چوخ سئوردین ایندی ، آی هر گئجه سنی منی خاطیرلادیر سنی اونوتماق ایسته ییرم آنجاق بو آی هئچ سیلگی ایله پنجره لردن سیلینمیر... https://t.me/Adabiyyatsevanlar

✅به مناسبت هفته اردبیل، انتشارات یایلیق برگزار می‌کند: از عموم محققان، هنرمندان، نویسندگا و شعرای استان اردبیل، خواهشمندیم آثار خود را اعم از شعر، داستان و مقاله با موضوعات: ۱- معرفی آثار تاریخی، طبیعی و گردشگری این استان. ۲- معرفی صنایع دستی استان مذکور. ۳- معرفی آیین‌ها، آداب و رسوم محلی و مذهبی، بازیهای محلی و… ۴- داستانهای تاریخی، اسطوره‌ای، باورها، فولکلور و خاطرات شفاهی درمورد اشخاص، مکانها و. ۵- ایل و تبارشناسی محل سکونت خود در استان اردبیل. ۶- ریشه‌شناسی اسامی جغرافیایی(در قالبهای علمی، نقلی و شفاهی) اعم از شهرها، روستاها، محلات، چشمه‌ها، دریاچه‌ها و… ۷- معرفی مشاغل بومی و ابزارآلات آنها چه به صورت علمی و چه به صورت نقل‌های تاریخی، شفاهی، اسطوره‌ای و… ۸- داستانهای شفاهی درمورد حیوانات، پرندگان، درختان و.. ۹- معرفی چهره‌های مشهور و گمنام هنری، علمی، تاریخی، مذهبی، پهلوانی و آثار و زندگی و سرگذشت آنها. شرکت‌کنندگان می‌توانند آثار خود را به ایمیل ss.donyavi@gmail.com و یا در واتساپ و تلگرام به شماره ۰۹۳۵۸۰۱۷۹۶۷ تا ۳۱ مرداد ۱۴۰۳ ارسال فرمایند. https://t.me/Adabiyyatsevanlar

ان گوزل کلیپ کی آمریکانین انتخاباتینا گوره گورموشم هوش مصنوعی نه ایشلر گورمور .... https://t.me/Adabiyyatsevanlar

داودپیرعلیلو یورقون یکانی یار ازلدن عشقی سالمیش کونلومه وار اولموشام گوز آچیلمیش وارلیق ایچره عاشق یار اولموشام اممیشم بولبول کیمی شهد گولو  گولزاریدن پر چالارکن  ناله ائتمیش زار و بیمار اولموشام جلوه_ ِلنمیش  گول جمالی گولده گوسترمیش اوزون قیلمیش افسون  لاپ  اسیری  گوللو  گولزار اولموشام عاغلیمی باشدان  چیخارتمیش ایلییب مجنون کیمی لیک من عشق عالمینده مست و هوشیار اولموشام یورقونام بیر یول دولانمیش شاه شاهان باشینا دوشموشم یانغینلار ایچره عشقده  نار اولموشام حلاجام یوخ ، من  فقیری ناتوان! بیلمم    ندن بو مرند شهرینده گل باخ گور کی بردار اولموشام داودپیرعلیلو یورقون یکانی یار ازلدن عشقی سالمیش کونلومه وار اولموشام گوز آچیلمیش وارلیق ایچره عاشق یار اولموشام اممیشم بولبول کیمی شهد گولو  گولزاریدن پر چالارکن  ناله ائتمیش زار و بیمار اولموشام جلوه_ ِلنمیش  گول جمالی گولده گوسترمیش اوزون قیلمیش افسون  لاپ  اسیری  گوللو  گولزار اولموشام عاغلیمی باشدان  چیخارتمیش ایلییب مجنون کیمی لیک من عشق عالمینده مست و هوشیار اولموشام یورقونام بیر یول دولانمیش شاه شاهان باشینا دوشموشم یانغینلار ایچره عشقده  نار اولموشام حلاجام یوخ ، من  فقیری ناتوان! بیلمم    ندن بو مرند شهرینده گل باخ گور کی بردار اولموشام https://t.me/Adabiyyatsevanlar

✍:خورشیدبانو_ناتوان مجنون_تک_آواره یئنه یارب نه غمگین‌دیر منیم بو شاد اولان کؤنلوم رموز عشقدن آگاه اولوب اوستاد اولان کؤنلوم گؤروبدور یاری اغیاره، اولوبدور محو نظّاره ائدیبدیر سینه‌سین پاره، منیم آباد اولان کؤنلوم نییه پیمانه‌دن کئچدین، نییه زنجیردن قاچدین نه‌دندیر چؤل‌لره دوشدون، منیم برباد اولان کؤنلوم فراغین روز محشردیر، سراسر محنت و غمدیر او زولفون کیمی درهم‌دیر، منیم آزاد اولان کؤنلوم باخین بو ناتوان زاره، گونو بختی کیمی قاره گزر مجنون تک آواره، منیم ناشاد اولان کؤنلوم https://t.me/Adabiyyatsevanlar

آردی⬇️ نیمتاج خالا دیزینه وورور. « آبیریم محله‌ده گئتدی» دئییر.« الله نه غلط ائله‌دیم خینا قویدوم.» دیزینه بیر داها وورور. بوتون قادینلار گولورلر. آیناز گلین قاشینی یوخاری وئره-وئره دئییر:« آی بی‌بی، حبیب دایینین خانیمی دا خینا قویور. ندن آبیرین گئتسین؟» بیردن آتام گیریر حیطه. «سورمه قیزیم هاردادی؟ » دئییر. قاچیرام قاباغینا. « آتا من بوردایام. سو کسیلمیشدی. قونشولار بیزه توپلانیب.» دئییرم. آتام حووضون قیراغینا تؤکولن خینالارا باخیب « بو ندی؟» دئییر. « آتا سونرا آنلادارام .» قیرمیزی ساچلی قادین بونو ائشیدیر منه قاش گؤز ائدیر کی «دئمه.» گوله-گوله دئییرم «دئمرم.» گوللو گلین هامییا چای گتیریر. سونرا گلینلر باشلاییرلار حیطی تمیزله‌مه‌یه. « الله آنانا رحمت اِله‌سین. یئدی ایل بوندان اؤنجه بیزی تک قویوب گئتدی.» نیمتاج خالا منه دئییر. سونرا سو باجیدان و بوتون قادینلاردان تشکر ائدیر. سو باجینین بوتون محله‌‌‌‌‌‌‌‌‌‌‌‌نی بیر یئره توپلاماقدا نفسی‌نین نه‌قدر گوجلو اولدوغونو هامی بیلیر. *** لاپ ایره‌لی گئدیرم.  سو باجی هارداسان؟ بو گؤلون گؤده‌سی قورویوب. هارداسان؟ سنه بو گون احتیاجیم وار. باشماقلاریمین ایچینه دوز گیریب. کئشگه یاغیش یاغا. گؤلون رنگیندن قورخورام. بو رنگی گؤرنده آنام یادیما دوشور، سو باجینی خاطیرلاییرام. هله قیرمیزی ساچلی قادینین هؤروکلری یادیما دوشور کی آغ پارچانین آلتیندا همیشه لیک گئتدی. تلفونوم چالیر. - سلام سورمه باجی نئجه‌سن؟ - سلام جانیم جانسو. ساغ اول. سن نئجه سن؟ - یاخشییام سورمه باجی. بیر هفته‌یه اوردایام. - همیشه یاخشی اولاسان عزیزیم. خوش گلیرسن جانیم. - باشیوا دولانیم. بیرده آنام دونن یوخوما گیرمیشدی. سنی تاپشیریردی. یوخودا بیر شال وئردی سنه وئره‌م. منی آغلاماق توتور. « شال نه رنگ ایدی؟» سورورام. - ماوی، سورمه باجی ماوی ایدی. بیراز دانیشیریق. «الله‌-ین آمانیندا » دئییب تلفونو باغلیرام. بلکه بو بیر نیشانه‌دیر. سو باجی هر یاندان سو کیمی آخیر. ائوه قاییدیرام. بوغازیم یانیر، ایشکابدان ماوی شالی گؤتورورم. بونو سو باجی اون‌ ایل اؤنجه منه پای وئرمیشدی. سئودیییمدن قیمامیشدیم ایشله‌دم. همشه پالتار ایشکابیمین باش بوجاغیندا ایدی. شالی باشیما اؤرتورم. یورغونام. یاتیرام. یوخودا قاچیرام، قاچیرام... «سو باجی، سو باجی؟» چاغیریرام. « نه اولوب اوره‌ییم؟» دئییر. « سو باجی اورمو گؤلو قورویوب.» دئییب آغلاییرام. « قیز قاچ بوتون قونشولارا خبر وئر.» قاچیرام، قاچیرام ...اویانیرام. گلیب یئنه بورادا اوتورموشام. « بس سن نییه بو گونه قالدین؟» دئییرم.« کیم ایسته‌ییر سنه زورلا آغ گئییندیره؟» گؤزوم دولور. گؤل سوسوب. من بو آغ دوزلاردان قورخورام.  گؤلون اؤلمه‌سیندن قورخورام. سو باجی یوخودا منه دئییب قونشولاری چاغیر. ایندی قاباقکی زامانلار دئییل پلاستیک آیاق‌قابی‌لاریملا ساچلاریم هاوادا اوچارکن قونشولارا خبر وئرم. الیمی جئب تلفونوما آپاریرام. دونن یازدیغیم یازینی بیتیریرم. نئچه بارماق حرکتی‌ایله بوتون قونشولارا، دوستلاریما، ائل- طایفایا یازیمی گؤنده‌ریرم. اوتورموشام. گؤزومو یولا تیکمیشم. بیلیرم سو باجی باشقا شکیلده ده اولسا بوتون قونشولارلا، دوستلارلا سونوندا بورا گله‌جک. 🔷 قایناق: دورنالارین قاییدیشی کیتابی https://t.me/Adabiyyatsevanlar

🔶اؤیکو:" ثریا_خلیق_خیاوی " 🔷 سو باجی دیلیم آغزیمدا قورویوب. سو شوشه‌سینی آغزیما آپاریرام. حس ائدیرم گؤل منه باخیر. اوتانیرام ایچم. سویو بوشالدیرام دوزلاغا. سو دوزدا ایتیر. گؤزوم گوینه‌ییر. اوره‌‌ییم گؤینه‌ییر. الیمین دونن پیچاق کسن یاراسی گؤینه‌ییر. بیرآز ایره‌لی گئدیرم. همیشه ندنسه ایسته‌مه‌دن کدرین اورتاسیندا اولموشام. هر نه ال‌-اله وئریب منی آجی‌نین قوجاغینا آتیب. یئدی یاشیم وار. قبریستانداییق. آنامی آیاقدان- باشا آغ پارچایا بوکوبلر... سوباجی منی قوجاقلاییر. ایندی یاشیم قیرخی کئچیبدیر آمما یئنه ده هرکس باشدان-آیاغا آغ گئییننده قورخورام. دای اوشاق دئییلم. چوخداندیر باشا دوشموشم کی اؤلولره آغ گئییندیریرلر و بو گئییم اونلارین اؤز ایستکلری دئییل. گلین‌لر بونلارلا فرق ائدیرلر. اونلار ایسته‌یرک آغ گئیینیرلر. گلین‌لر ایکی آغین آراسیندا یاشاییرلار. سونرا بیر آغدان او بیری آغا بلکه ده او بیری آغی‌یا گئدیرلر و بیرداها قاییتمیرلار. گؤلون گؤوده‌سی آغ ایله بورونوب. دونن من بورا گلنده دئییردیلر «بئله گئتسه بو دوزلار توز اولوب بوتون حیاتی یاندیراجاق.» من بو آغدان قورخورام. سوباجی دا آغ گئییم‌له گئدیب گلمک بیلمه‌ییب. تکجه هردن قیزی منه زنگ ائدیر. سو باجی بیزیم قونشوموز ایدی. آتا - آنام اونا باجی دئدیکلری اوچون من ده اونا باجی دئییردیم. بوتون قاپی- قونشو اونو «آیسو باجی» سسله‌ییردیلر. اونون آدی « آیسو» اولسا دا، من اوشاقلیقدان بوتون آدینی دئیه بیلمه‌‌‌‌‌‌‌دیگیم اوچون آلیشمیشدیم اونا سو باجی دئییردیم. *** قاپی چالینیر. نیمتاج خالادیر. نیمتاج خالا کلایغی‌سینی باشیندان یئره آتیر. اوتورور قورو حووضون قیراغیندا. بیر باشینا باخیرام بیر اوزونه. -خالا! - مله‌ییم قورخما. دونن گئجه خینا قویموشدوم. سولار کسیلیب، خینا قورویوب. ناهاراجاق گؤزله‌دیم سو گلمه‌دی. آیسو باجی پالاز باشلادیغی اوچون دای اونلارا گئتمه‌دیم. سیزده سو وارمی بالا؟ منه یاردیم ائت باشیمی یویوم. دئییر. - یوخ نیمتاج خالا سماوارین دیبینده چتین بیر کاسا سو اولا. - مله‌ییم بیر کاسا سویلا بو خینا گئتمز. چاره یوخدو. آیسو باجییا خبر وئر. قاچیرام سوباجی گیله. سو باجی یئکه حیطلرینده آرمود آغاجینین آلتیندا پالاز توخویور. ایپلر چئشیدلی رنگلرله حیطین بو باشیندان- او باشینا چکیلیب. - سوباجی، سوباجی؟ - سو باجین باشینا دولانسین. دئ گولوم. دئییر. - نیمتاج خالانین باشی قورویوب. -جانیم باشی نئجه قورویوب؟ بوینو یاستیقدان دوشوب قورویوب؟ - یوخ یوخ. خینا باشیندا قورویوب. ایندی بیزده‌دی. سو کسیلیب باشی خینالی قالیب. نیمتاج خالا دئدی سو باجی‌یا خبر وئر. سو باجی ائوه گیریب بیرخیردا چایدان سو‌ ایله چیخیر. سونرا قیزین چاغیریر. « جانسو قاچین گؤرون کیمده سو وار. نیمتاج خالانین باشیندا خینا قالیب قورویوب.» بیرازدان قونشولار ال- آیاغا دوشورلر. حیطیمیزده قونشو قایناییر. بوتون محله‌نین قادینلاری بلکه کیشی‌لری ده بیلیر نیمتاج خالانین باشی خینالی قالیبدیر. قادینلارین هر بیریسی الینه گلن قابدا سو گتیریر. ایستی سو قویورلار. والله سو اوقدر چوخدور کی نیمتاج خالانی چیمیزدیرمک‌ ده اولار. سو باجی ایستی سو ایله سویوق سویو بیر‌- بیرینه قاتیر. سونرا نیمتاج خالانین باشی یانماسین دییه سویو الینده سیناییر. بیری سو تؤکور، بیری یویور، بیری ده ماراغا صابینی چکیر. بو نیمتاج خالانین ساچی - باشی دا نه خوشبخت‌دیر! واللهی آد دا اؤنملیدیر. آدی نیمتاج اولانین ساچی - باشی، کرالیچه ساچی - باشی‌ اولار. نیمتاج خالا ایگیرمی دقیقه‌دن سونرا اون- اون‌ایکی الین آلتیندان چیخیر. بو طرفدن فاطما آنا یئکه حامام قتفه‌سینی باشینا آتیر. بیراز سونرا نیمتاج خالا قتفه‌نی باشیندان آچیر. قادینلار نیمتاج خالانین ساچلارینی داراییرلار. خینا او قدر قالیب ساچلاری قیپ‌قیرمیزی اولوبدور. دئمک اورهان پاموک‌‌دان اؤنجه قیرمیزی ساچلی قادینی من گؤرمیشم. گوللو گلین، چای دمله‌ییر. نارین‌لا فاطما باشلاییرلار ساچی ایکی طرفدن هؤرمه‌یه. قاپی چالینیر. قاپی‌یا ساری گئدیرم. اینجی باجی ایله گلینی بیر دبه سو ایله ایچری گیریرلر. قاپیدان کئچن حبیب دایی منی چاغیریر: « بالا نه اولوبدو؟ آتانا دئنن منلیک ایش وارسا گلیم.» دئییر. « یوخ حبیب دایی، آتام ائوده دئییل. قادینلار توپلانیبلار. ساغلیقدیر.» دئییرم. « اولسون بالا، اولسون» دئییب گئدیر. منی گولمک توتور. گؤزومون اؤنونده جانلاندیریرام: حبیب دایی گله نیمتاج خالانین باشینا سو تؤکه. بیر آن سکینه خالا دئییر: « سورمه قیزیم حبیب دایی نه دئییردی؟» محله‌ده هئچ نه سکینه خالانین گؤزوندن قاچماز. « دئییردی منلیک ایش وارمی؟» دئییب پیققیلداییرام.

طنز بهشت و جهنم چگونه مکانی هایی هستند ؟ یک روزنامه نگار انگلیسی نوشته بود: بهشت جاییست که در آن پلیسهایش بریتانیایی باشند , آشپزهایش ایرانی , صنعتگرانش آلمانی , کارگرانش چینی , عاشقانش فرانسوی , حوریهایش مانکنهای ایتالیایی و همه اینها را سوییسیها اداره کنند . و جهنم جاییست که پلیسهایش آلمانی باشند , آشپزهایش تایلندی , صنعتگرانش چینی , کارگرانش عرب , عاشقانش سوییسی , حوریهایش آفریقایی و همه اینها را ایرانیها اداره کنند ... 🤣🤣 https://t.me/Adabiyyatsevanlar

سحر_خیاوی گَل سارالیب باغچامیزین گوللری ده سنسیز، گَل آغلاییر بوغدامیزین تئللری ده سنسیز، گَل اوخشایاردی ناز اَلین پنجره‌ده گوللرینی سوزالیر لاله، قرنفیل‌لری ده سنسیز، گَل نه چؤرکده تامیمیز وار، نه سودا، نه هاوادا هئچ یاپیشمیر بو سحر یئللری ده سنسیز، گَل نَفَسینچون داریخیر باخ بو ائوین داش-دوواری چیرپینیر پنجره‌نین، میل‌لری ده سنسیز، گَل موسیقی وورغونوسان سن، بو سینیق تار اوره‌ییم اؤزله‌ییر بَم‌لری، هم زیل‌لری ده سنسیز، گَل داریخیر گول اوزونو، گؤزلرینی اؤپمک اوچون آنانین، اللرینه، اللری ده سنسیز، گَل https://t.me/Adabiyyatsevanlar

١) علیشاه_مولوی ابرها را با نی اسب‌ها را با سرنا زن‌ها را با تازیانه می‌گریانند مردان مغروری که با نی‌لبک پری کوچک غمگینی عاشقانه می‌گریند ٢) سر بر سینه‌ام بگذار با تپشهای قلبم آرزوهایت را شماره کن رشته‌های سپید مویم ردِ رنج‌هایی‌ است که زندگی‌‌ام را سیاه کرد با این همه در سرزمینی که مرگ پایان رنج هاست هرگز هیچکس تابوت عشق را بر شانه‌‌های من نخواهد دید. https://t.me/Adabiyyatsevanlar

▫️باشقا فصیل ▫️دکتر حسن ریاضی ( ایلدیریم ) گونش بوزاریر تورپاق بوزاریر گؤز‌ ایشله‌دیکجه بوزلوق پوزغونلوق! جانیما ساریلان قیزیل گول‌لرین عطری هاردان،‌ هارا‌لاردان ساچیلمیش گؤره‌سن؟! بوز داغ‌‌لاردان قوپموش بوز کولک‌لر اولاشیر چیلپاق باغ‌لاردا اوره‌ییمدن کئچن ‌یاشیل‌ ایاقلی باهار هاردان، هارا‌لاردان جانیما‌ یول آچمیش گؤره‌سن؟! بیر- بیرینه قاریشیب کولک‌لر، للک‌لر، قاریلتی‌لار، باغلارین قولاغینا دولوب خزان سسی، قارغا سسی، کولک سسی، یاز نغمه‌لی بو سس‌لر، بو قاناد سس‌لری هاردان،‌ هارا‌لاردان گلیر گوره‌سن؟! سحردن بری باشقا فصیل‌ایچینده‌یم: کؤنلومده توراغای‌لار اوخوشور جانیمدا قوش‌لار اوچوشور اوره‌ییمده باهار دیرچه‌لیر خیالیمدا سن گولورسن؛ ایچیمده کی آخار باخاری بوروموش الوانلیق آیدین لیق.

آذربایجانین تانینمیش ادبی و اجتماعی شخصیتی «حسن ریاضی ایلدیریم»‌ین خاطیره‌سی، واختسیز ایتگیسی‌نین اوچونجو ایل دؤنومو مناسیبتیله، عاییله‌سی و یاخین دوستلاری طرفیندن عزیزلندی. «آذری» ژورنالی‌نین باش رئداکتورو اونودولماز شاعر، تنقیدچی و ژورنالیست حسن ایلدیریم‌ین شرفلی خاطیره‌سی تهرانین بهشت زهرا قبیرستانلیغی‌نین ۵۵-جی قطعه‌سینده یاد ائدیلدی. «ایشیق» درگیسی و وبسایتی‌نین باش رئداکتورو «ائلدار موغانلی»نین آپاردیغی بو مراسیمده، حسن ایلدیریمین بیر سیرا دوستلاری اونون یوکسک اخلاقی کئیفیتلری، اجتماعی شخصیتی و ادبی مؤوقعی حاقیندا دانیشدیلار و مزارینا گول دسته‌لری قویاراق اونو حؤرمتله یاد ائتدیلر. مراسیمین سونوندا «آذری» ژورنالی‌نین صاحیبی جناب «حسین ریاضی» عاییله طرفیندن تدبیر اشتراکچیلارینا، ائله‌جه ده آتاسی حاقیندا اوره‌ک سؤزلرینی سؤیله‌ینلره اؤز تشکرلرینی بیلدیردی. مراسیم ساعات ۱۱-ده باشا چاتدی. اونودولماز آذربایجان شاعری و اجتماعی شخصیتی «حسن ریاضی» (ایلدیریم)ین خاطیره‌سینه نشر اولان «قیزیلی شفق‌لر شاعری» آدلی خاطیره دفترینی آشاغیداکی آدرسدن ائندیره بیلرسینیز. ۳۳۵ صحیفه‌دن عبارت بو کیتاب «ائلدار موغانلی»، کریم قربانزاده، مرجان منافزاده و ویدا حشمتی‌نین امکداشلیغی ایله نشره حاضیرلانیبدیر. https://ishiq.net/x%C9%99b%C9%99r/30160 https://t.me/Adabiyyatsevanlar