ادبیات سئونلر

اورَیییمین دؤیونتوسو آشکار ائشیدیلیردی. داها نه ایسه بیر سَس وار ایدی چئوره‌ده! آمّا نه؟ بو، آنلاشیلماز، قاریْشیْق بیر سَس ییْغیْنیْ ایدی. بَلکه بو اوغُولتُو مَنیم هاوالانماْغا باشلایان بئْینیمده پیدا اولموشدو؟ یُوخسا بو سَس اَطرافا چؤکَن گؤزده‌شَن ظولمَتیْن قُویْنوْندان و یا اینسان جَسَدلَریْنی بیر بِئْشیک میْثالی بَطنیْنده اوْیُودان تُورپاْغیْن آلت قاْتلاریْندان یوکسَلیردی؟! اَطرافیْما آرامْسیْز گؤز گَزدیریردیم. گؤرَه‌سن، اُورادا نَه قَدَر اُوتۇرموشدوم؟ بُونوْ هارادان بیلَیدیم؟! قُورخوُ و دَهشَتْدَن آز قالاْ آغلیْمیْ ایْتیرَجَکدیم، اَجَلیمیْن لاپ یاْخیْنلاشدیْغیْنی حیس ائتدیییم اوچون ایسه، حَتّیْ باْغیْرماْغا دا حاضیرلاْشیْردیم. بیردَن مَنه اِئلَه گَلدی کی، آلتیْمداکیْ مَرمَر لُؤوحه خَفیفجه دَبَرمَیه باشلادیْ. حَقیقتَن ده، بو، بئْلَه‌یدی: سانکیْ اُونوْ آلتْدان کیم ایسه قالدیردیْردیْ. بیر سیْچراماْقلا مَن اؤزومو قُونشۇ سیْنه‌داشیْنیْن اوزَرینه آتدیْم و اُورادان باْخیْنجا گؤردوم کی، باْیْاْقدان اوزَرینده اوزاندیْغیْم سیْنه_داشیْ دیکَلدی و اُونون آلتیْندان چیْخان آغاپپاق اسْکِلِت اؤز اَییلمیش قَددیله بوْ داْشیْ بیر کَنارا آتدیْ. گئجه هَر نَه قَدَر ظولمَت اُولْساْ دا، مَن بو صحنه‌نی آشکار شَکیلده گؤردوم. اُوْ مَزاریْن خاْچیْنداْ بو سؤزلَر یاْزیْلمیْشدیْ: "بوْرادا اَللیْ بیر یاْشیْنداْ دونیادان کؤچَن ژان اُوْلیوان اوْیُویُور. یاْخیْنلاریْنی سِئوَن، دُوروست و خِئْیرخواْه بیریْ کیمیْ تاْنیْنان بوْ کیشیْ فاْنیْ دونیادان راْحاتجاْنا کؤچدو." اسْکِلِت اؤز باشداْشیْنداْ یاْزیْلان مَتنیْ اُوْخوُدو، سُونراْ جیْغیْر اوْسته تاْپدیْغیْ سیْوریْ بیر داْشلاْ اُوْ یاْزیْلاریْ قاْزیْماْغا باشلادیْ. بوْ ایشیْ بؤیوک صبریْله گؤردویو واْخت اُوْ، قاْرالان گؤز بُوْشلوْقلاْریْنی خاْچیْن اُورتا حیصه‌سیندَن اَصلاْ آیْیْرمیْردیْ. سُونراْ اسْکِلِت اؤزونون صیْرف سُوموک‌لَردَن عیْباْرَت باْرماْغیْیْلا اُورادا بیر ییْغیْن حَرف چیْزدیْ. یاْزیْلان بوْ حَرف‌لَر، عئینیْله شوشه سَطح اوْسته فُوسْفُورلۇ کیبریت‌لَه یاْزیْلان ایْشاْرَت‌لَر کیمیْ چِئوْره‌یه ایْشیْق ساْچیْردیْلاْر: "بوْرادا اُوْیُویُور ژان اُوْلیوان اَللیْ بیر یاْشیْنداْ دونیادان کؤچوب. میراثاْ دُویْدوْغوْ آْج‌گؤزلُوک اوْجباتیْندان اُوْ، آتاْسیْنیْن باْغریْنیْ چاْتلاْتدیْ، خاْنیْمیْنا گون وئرمَدیْ، باْلاْلاْریْنی دؤیوب-اینجیتدیْ، قُونشُولاْریْنا ایسه کَلَک گَلدیْ. گؤزونه دَیه‌ن هَر شِئییْ اُوْغوُرلاْدیْغیْ اوچون تاْ اؤلدویو گونه قَدَر هاْمیْ‌نیْن دَرین نیفرَتینیْ قاْزاندیْ." یاْزیْسیْنا آراْ وئره‌ن اسْکِلِت حَرکَتسیْز دُورُوب، مَتْنه گؤز گَزدیْردیْ. بوْ آراْ مَن بوتون قَبیرلَریْن آچیْلدیْغیْنیْ و اُوْرادان دیْشاْریْ چیْخان اسْکِلِت‌لَریْن اؤز قُوهُوملاْریْ طَرَفیندَن باْشداْشلاْریْنا یاْزیْلان ساْختاْ سؤزلَریْ سیْلدیْک‌لرینه و اَصل حَقیقَتیْ بَرپاْ ائتدیْکلَریْنه شاْهِد اُوْلدوم. بَللیْ اُوْلدوْ کیْ، اُوْنلاْریْن هاْمیْسیْ اؤز دُوغماْلاْریْناْ قاْرشیْ غددار، یاْراماْز، ایکیْ‌اوزلۇ، پاْخیْل، ساْختاْکاْر و فیْریْلداقچیْ کیمیْ داْوراْنیْبلاْر، هاْمیْیاْ بؤهتاْن آتْمیْشلاْر، باْشلاْریْنیْ آلداْتماْقلاْ اُوْنلاْریْ سُویُوب-تاْلاْیْیْبلاْر، هَر کَسه قاْرشیْ اَن لَیاقَتسیْز و باْغیْشلاْنماْز حَرکَت‌لَره یُول وئریْب‌لَر. حاْلبوکیْ بوتون بوْ سِئوَن آتالاْر، صاْدیْق اَر-آْرواْدلاْر، دَیْانَتلیْ اُوْغوُللاْر، بَکاْرَتلیْ قیْزلاْر، ایْنصاْفلیْ تاْجیرلَر، بوتون بوْ کیشیْ‌لَر و قاْدیْنلاْر ساْغلیْقلاْریْنداْ اؤزلَریْنیْ هاْمیْیاْ خِئْیرخواْه ایْنساْنلاْر کیمیْ تاْنیْتدیْریْرمیش‌لار. ایْلاْهیْ دَرگاْهیْن اِئشیْیْینده اُوْلاْن بوْ اؤلولَر حَیاْتداْکیْ ایْنساْنلاْریْن اؤزلَریْ حاْقداْ بیلمَدیْکلَریْ، یاْخوُد بیلیْب ده، بیلمَزلیْکدَن گَلدیْکلَریْ قُورخونج، آْماْنسیْز و مُوقَدَّس حَقیقَت‌لَریْ ایندیْ بیْربَه‌بیْر اؤز مَزاْر داْشلاْریْنا حَکّ ائتمَکدَه‌یدیْ‌لَر. اُوْناْ گؤره دوشوندوم کیْ، یَقیْن سِئوْگیلیم ده اؤزو باْره‌ده گیزلیْ گِرچَییْ ایندیْ باْشداْشیْناْ یاْزمیْش اُوْلاْر. اُوْدُور کیْ، هئچ بیر قُورخوُ-هُورکویَه قاْپیْلماْدان چۇخۇرتَک قاْرالان بُوْش مَزاْرلاریْن، اسْکِلِت‌لَریْن، جَسَدلَریْن آراْسیْیْلاْ قاْچماْغاْ باشلاْدیْم، هَم ده آْرتیْق ایْناْنیْردیم کیْ، سِئوْگیلیمیْن قَبریْنیْ چَتینلیْک چَکمَه‌دن تاْپاْجاْغاْم. اوزو کَفَن‌لَه اؤرتولۇ اُوْلساْ دا، مَن سِئوْگیلیمیْ خِئْیلیْ اۇزاْقدان تاْنیْدیْم.

بدنیمی اَسمَجه بوروسه ده، دایانیب گؤزلریمی گوزگویه، بو سَطحی هامار، آردی ایسه بوم‌بوش اولان شوشه‌یه زیللَه‌میشدیم ایندی. بو بَدَن‌نۆما گوزگو اونون عکسینی بیر واختلار اؤزونه تام سیْغدیْرار و عئینیله منیم سئون گؤزلریم قدر اونلارا حئیران کَسیلَردی. اودور کی، قریبه بیر نَوازیش دویْدوغوم اوچون بو شوشه‌یه توخوندوم - او، بوز قدر سویوق ایدی! آه، خاطیره‌لر، خاطیره‌لر! بو غملی گوزگو، بو جانلی، ایشیقلی و قورخونج گوزگو ایندی منه سونسوز ایضطیراب‌لار بَخش ائتمکده‌یْدی. اورَه‌یی گوزگو کیمی اولان، یعنی اوراداکی گؤرونتولری، یاشانتی‌لاری آسانلیْقلا سیلَه بیلن آدام‌لار نئجه ده بَخته‌وَر میش‌لر! آخی، گوزگو ده بیر آنلیْغا اؤز اؤنونده دایانانی، اؤنوندن کئچه‌نی، اونا باغلانانی، کؤنول وئره‌نی تئزلیْکله اونودور؟! اَصلینده ایسه بو - گوزگونون مَحض فاجیعه‌سی ساییْلمالیْ دیْر! هر هانسی ایسته‌ییم، هر هانسی پلانیم اولمادان من ائودن چیْخیب، مزارلیْغا یوللاندیم. اورادا تاپدیْغیْم ساده، اوستونده مَرمَر خاچ اوجالان باش‌داشیْندا بو سؤز لر یازیْلمیْشدیْ: "سئودی، سئویلدی و عؤمرونو سیزلره تاپشیْردیْ". سئوگیلیم بورادا، قارا تورپاغیْن آلتیندا اویْویوردو. یَقین آرتیْق چورومَیه ده باشلامیْشدیْ! دؤزولمز بیر دَهشت ایدی بو! اوزوقوْیلو یئره اوزانیْب، هؤنکوردوم. اوزون موددت اورادا قالدیْم. سونرا هاوانین قاراْلدیْغیْنی سَزدیم. همین آنلاردا چاره‌سیز بیر عاشیْقین ایچینی ساراْجاق غریبه حیس‌لرین اَسیری‌نه چئوریلدیم. بو سونونجو گئجه‌می اونون یانیْندا، اونون مزاریْنیْن باشیْندا آغلایاراق کئچیرمک قرارینا گلدیم. آمّا منی بورادا گؤرسئیدیلر، مزارلیْقدان باییْرا چیْخاراردیْلار. بَس اوندا نئْیْلَمه‌لی؟ بیر بیجلیک ایشلتدیم. آیْاغا قالخیب، بو اؤلولر شَهَرینده دُولاْشماْغا باشلادیْم. دورمادان ایره‌لیلَه‌ییردیم. دیری‌لر شَهَری‌له موقاییسه‌ده مزارلیْق عجَب کیچیک‌میش! آمّا بونونلا بئله، اؤلولر اُردوسونون ساییْ-حساباتی یوخ ایدی. بیز دیری‌لره ایسه، گؤر، نه قدر یوکسک بَنا، نه قدر کوچه، نه قدر اَراضی گَرک دیر! دؤرد نَسلین نۆمایَنده‌لری‌نین عئینی واختدا بو ایشیْقلی دونیادا یاشاماسیْ، بُولاق‌لاریْن سویْونو، اوزوملوک‌لرین شَراْبیْنیْ، زَمیلرین تاْخیْلینیْ نُوش ائتمَه‌لری اوچون بوتون او نِعمت‌لر واجب‌میش! آمّا انسان اوغلونون بو دونیادان گلیب-کئچمیش بوتون نۆمایَنده‌لری‌نین، یعنی ایندیه‌‌دک دونیاسیْنی دَییشن‌لرین ایسه وُور-توت، بئشجه قاریْش تورپاْغا ائحتیاجیْ وار و باشقا دا... هئچ نه‌یه! قارا تورپاق فاصیلَه‌سیز شَکیلده هامینی اؤز قوْیْنُونا آلیْر، اونوْتْقانلیْق حیسی ایسه اونلارلا باْغلیْ سون نیشانَه‌لری ده سیْلیب، یوخ ائدیر و مَسئله... بیتیر! یئنی مزارلیْغیْن مَحَجَّری‌نین او بیری اوزونده من داها بیر، هم کؤهنه، هم ده باخیْم‌سیْز مزارلیْق گؤردوم: اورادا اویْویانلاریْن نَه ایْنکی جَسدلَری، حتّی قَبیر اوستو خاچ‌لاری دا آرتیْق چوروموشدو و یَقین کی، بورادا صاباح-بیری_گون یئنی "ساکین‌لر" دفن اولۇناجاقدی. ایت‌بورنو کول‌لاری و توند گؤودَه‌لی، نَهَنگ سَرو آغاج‌لارییْلا دولویْدو اورا. انسان جَسدلَری‌نین گؤمولدویو بو سیْخ آغاجلیْق آداما حددسیز بَدبین حیس‌لر آشیْلاْییردیْ. یالقیْز ایدیْم، تامامیْلَه یالقیْز. اوجا بیر آغاجا دیرماْشیب، اونون قارانلیْق و سیْخ بوداق‌لاری آراسیندا گیزلَندیم. آغاجیْن گؤودَه‌سیندن یاْپیشیْب گؤزلَدیییم واخت باتان گَمی‌نین دُور آغاجیْندان یاْپیشان چاره‌سیز بیرینه بنزه‌ییردیم. گئجه‌نین ظولمَتی اَطرافی بورویونجه، اؤز سیْغیْناجاغیْمی تَرک ائلَدیم. اؤلولرین یُوخوسونا حرام قاْتْماماْق اوچون آغیْر و سَسسیز آددیْم‌لارلا یُولا دوزَلدیْم. اوزون-اوزادی دُولاْشساْم دا، سئوگیلیمین مزاریْنی تاْپا بیلمَدیم. گؤزلریمی گئنیش آچیْب، اَللریمی ایره‌لی اوزاتماْقلا مزارلارا هم اَلیم، هم آیْاغیْملا، هم دیزیم، هم سینه‌مْلَه، حتّی بَعضن باشیْملا توخونۇردوم . دورمادان ایره‌لیلَسم ده، مزاریْ هئچ جور تاْپا بیلمیردیم. کُورلارینکیْ کیمی هاوادا دُولاْشان اَللریم باشداش‌لاریْیْلا، خاچ‌لارلا،  مَحجَّر‌لرلَه، پلاستیک اَکلیل‌لَرلَه و تَبَعی اَکلیل‌لَرده‌کیْ سُولْقُون چیچک‌لَرلَه تَمَاس قُورُوردو. بارماْقلاریْمیْن اوجونو حرف‌لر اوستونده گَزدیرمَک‌له، سؤز‌لری هُوججَه‌لَییردیم. نئجه قاتی و نئجه کُور گئجه‌یدیسه، مزاریْ هئچ جور تاْپا بیلمیردیم! آیْ دا غیبه چَکیلمیشدی. هئچ نه گؤرونمه‌ییردی! مزارلار آراسینداکیْ دار جیْغیْرلا ایره‌لیلَیه‌رکَن ایچیمه اوزوجو، دؤزولمز تَلاش حیسی دولۇردو. مزارلار، مزارلار، مزارلار! هر یئر مزار ایدی بورادا! ساْغیْم، سُولوم، اؤنوم، آردیْم - هر طَرَف مزار ایدی! ایره‌لیلَمه‌یه طاقَتیم قالماْدیْغیْندان آیْاغلاریْم دیزدن بوْکولدو_یؤندن بیر سینه‌داشیْنیْن اوستونه چؤکمَیه مَجبُور اولدوم.

‌ اؤلولردن اعترافلار ✍یازان: گی.د.موپاسان تورکجه‌یه‌چئویرن: آزاد یاشار کؤچورن: سحرخیاوی حاضیرلایان:ادبیات سئونلر من اونو دَلی کیمی سئویردیم. گؤرن بیز نییه سئویریک؟ به‌یه‌م، بو بوی‌دا دونیادا بیر تک وارلیغا کؤکلنمک، بئینینده اونون فیکرینی، قَلبینده تکجه اونا قوووشما آرزوسونو یاشاتماق غریبه دئییلمی؟! دوداقلارینلا تکجه اونون آدینی پیچیلداماق و بو آدی قَلبینین درین قاتلاریندا دورمادان، عئینیله بیر بولاق کیمی چاغلایاراق دیلینه گتیرمک، اونو بیر دعا میثالی هر یئرده و هر زامان تکرارلاماق، پیچیلداماق، تصدیقله‌مک به‌یه‌م نرمال‌دیر کی؟! اونونلا آرامیزدا اولوب-کئچنلردن ایندی سیزه سؤز ائتمه‌یه‌جه‌یَم، چونکی اصلینده بوتون عشق حئکایه‌لری آز-چوخ بیر-بیرینه بنزه‌ییر. اونونلا راستلاشدیق و من اونو سئودیم. بونجا بسیط آلیندی هر شئِی. عؤمرومون تام بیر ایلینی اونون آغوشوندا، اونون نوازیشی، دانیشیغی و باخیشلاری آراسیندا کئچیردیم. اوندان آلدیغیم ذؤوقلر منی نه درجه‌ده چولغامیش، نه درجه‌ده اسیر ائلمیشدیسه، من دیری، یوخسا اؤلو اولدوغومو، یئر اوزونده، یوخسا او بیری دونیادا اولدوغومو هئچ جور آییْرد ائده بیلمیر، حتّی هردن‌بیر گئجه‌یله گوندوزو ده قاریشدیریردیم. و بیر گون او... وفات ائله‌دی. آمّا نئجه؟ هه، باخ، بونون تفر‌ّعاتینی من هئچ واخت اؤیره‌نه بیلمه‌یه‌جه‌یَم. یاغیشلی بیر گونده ائوه دؤندویو واخت او، جورومبول سویون ایچینده ایدی. صاباحی گون مؤحکم اؤسکورمه‌یه باشلادی. بیر هفته سراسر اؤسکوره‌ندن سونرا ایسه یاتاغا دوشدو. بس سونرا نه باش وئردی؟ بونو دا من هئچ واخت اؤیره‌نه بیلمه‌یه‌جه‌یَم. خسته‌مین اوستونه چاغیردیغیم حکیم‌لر جوربه‌جور داوا-درمان یازیب، گئدیردیلر. بَعضن ایسه اؤزلرییله درمان دا گتیردیلر و خسته‌یه باخان قادین، اونلاری ایچسین دئیه، سئوگیلیمی دیله توتوردو. خسته‌نین ال-آیاغی اود توتوب یانیردی، آلنی ایسه نملی و سیْجاق ایدی، غوصصه دولو گؤزلری ایشیلداییردی. اونو دیندیردیییمده سوواللاریمی جاوابلاییردی. نه باره‌ده دانیشیردیق؟ اوراسینی هئچ خاطیرلامیرام. ایندی هر شئیی، هر شئیی اونوتموشام! اونون کئچیندییی آنی ایسه تام دقیق‌لییی ایله خاطیرلاییرام: سئوگیلیمین سون نفسی‌ خفیف ایدی و گوجله سئزیلیردی. اونا باخان قادین: "آه!" - دئیه قیشقیرمیشدی دا اوندا. و من هر شئیی، یعنی هر شئیین بیتدییینی، آنلامیشدیم! بونون دیشیندا من هئچ نه یی درک ائله‌میردیم. هه، هئچ نه یی. ائوه چاغیریلان کئشیش مرحومه‌ باره‌سینده "آشنانیز" دئییمینی ایشلتمکله، منجه، سئوگیلیمی آشاغیلامیشدی. ایندی دونیانی دَییشدیییندن هئچ کیمسه سئودیییم قادین باره‌ده بو طرزده دانیشا بیلمزدی آخی... اودور کی، اونو قوودوم، گئتدی. سونرا باشقا، داها صمیمی و ایستی قانلی بیر کئشیش گلدی. مرحومه‌دن سؤز ائتدییی زامان من، حتّی کؤوره‌لیب، آغلادیم دا. تانیش-بیلیش منی ائله هئی دفنله باغلی سورغو-سووالا توتوردو. ایندی هئچ او سوواللاری دا خاطیرلامیرام. تکجه تابوتونون قاپاغی میسمارلاناندا چکیچین قوپاردیغی سسدیر خاطیریمده ایلیشیب-قالان... ایلاهی پروردگارا! سونرا اونو تورپاغا گؤموب، اوستونو تورپاقلادیلار. اونو قارانلیق مزارا روا گؤردولر! تانیشلاریمیز و رفیقه‌لری گلدیلر. من ایسه هامیدان گیزلندیم. اورادان باش گؤتوروب، قاچدیم. اوزون-اوزادی کوچه‌لرده وئیللندیم. سونرا ائوه دؤندوم. صاباحی گون ایسه سیاحته چیخدیم. دونن پاریسه، گئری دؤندوم. اوندان، دونیادان کؤچن بیریسیندن گئری‌یه قالان اوتاغیمیزی، اؤز یاتاق اوتاغیمیزی، چارپاییمیزی، مؤبِلیمیزی تکرار گؤردوگوم زامان ایچیمی نئجه گوجلو بیر قَهَر حیسی بورودوسه، آز قالدیم پنجره‌نی آچیب، اؤزومو داشلا دؤشه‌نمیش قالدیریما آتیم. بیر واختلار اونو اَحاطه ائدن، اونا همدم اولان بو دیوارلار، بو اَشیالار آراسیندا قالماغا آرتیق نه گوجوم یئتیردی، نه ده تابیم-طاقَتیم. بو دیوارلارداکی گؤزه‌گؤرونمز چاتلاردا اونون وارلیغیندان، اونون وجودوندان، اونون ظریف نَفسیندن خیردا ذرره‌جیک‌لرین چؤکوب قالدیغینی دوشوندوکجه، شِنِلیمی گؤتوروب، بیرباشا کوچه‌یه قاچماق ایسته‌دیم. قاپی‌نین آغزیندا غفلتن بؤیوک بیر گوزگو ایله راستلاشدیق: اونو بورایا واختی ایله مرحومه‌ قویموشدو: آخی هر دفعه ائودن چیخمامیْش آینادا اؤزونو باشدان-آیاغا سوزَر، اَیین-باشیندا - ساچ دوزوموندن توتموش، تا چَکمَه‌لرینه قدر هر شئیین اؤز قایداسیندا، یعنی گؤز اوْخشایان اولوب-اولمادیغینی دؤنه‌-دؤنه یوْخلایاردی. واختی ایله اونو اؤزونده عکس ائتدیرن بو گوزگو قارشیسیندا ایندی اؤزوم قورویوب قالمیشدیم. او، بو گوزگویه نئجه واخت آشیری باخیْردیسا، اونون عکسی ده هر حالدا بورادا قورونوب، ساخلانمالییدی.

اؤلولردن اعترافلار ✍"یازان: گی.د.موپاسان تورکجه‌یه‌چئویرن: آزاد یاشار کؤچورن: سحرخیاوی حاضیرلایان:ادبیات سئونلر کانالی بو یازینی چرشنبه گونو ادبیات سئونلر کانالیندا اوخویون. https://t.me/Adabiyyatsevanlar

مسئولیت آرا و نظریات ارائه شده در کلیه نوشته ها همچنین صحت و سقم مطالب به عهده نویسندگان میباشد, نشر مقالات و ترجمه ها به معنی تائید ‌ان مطلب و هم سویی با نویسندگان نمی باشد. ادبیات سئونلر. https://t.me/Adabiyyatsevanlar

چوخدا گوزل او گونلردن بیزیمده آرزیمیزدیر....

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 8سون سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 7 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 6 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 5 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 4 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 3 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 3 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 2 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی، دوکتور "پرویز محمدی "  ادبیات سئونلر گوزگوسونده بیرینجی بولوم 1 سه شنبه1404,6,11 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی دوکتور "پرویز  محمدی"  آلپار" ادبیات سئونلر گوزگوسونده زمان:سه شنبه1404,6,11 ساعات:9 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

ترامپ تاپیلدی...😂😂

حسن  رحمانی میراث سانجی دانیش دانیش منه دئ هاردا نئیلسین دوداغیم یانیب یانیب کؤزریب یاردیم آختاریر یاناغیم قاچاندا تک قاچیرام پیتلاشیخدیر آرزولاریم گؤرونتو اودقونورام سانجی چکمسین آیاغیم بو یئردیم  او یئره بیزلری قویان یوخدور کوسوبدو منله هله اؤزگه داورانیر دوراغیم اهئی اهئی اهه  هئی هئی  اهئی اهئی هئی هئی زمان قوجالدی منه په دئدیم اوجالدی داغیم دونن کی درد منی اسندیب سفهلتدی بوگون سویا گئدجک آخشام اوستونه ماراغیم چکنده یوخدو منیم کندیده چکن کئفیمی بیلوو دیل آچسا دئیر  درده دئیمه ییراوراغیم گؤزون یئیم  باشیوا خیردا پول تصدیق اولوم گل آرخایینلیغا چیخ داملا داملا دام بولاغیم بو کنده شهر دئدیک وئریانی سویا وئردیک داها بوغور اؤزنو دریانین دوزوایلا باغیم قاییتماییر بو گئدنلر قاییتسلار دؤنرم تزه سؤزه تاپیشیر قارقا گؤزله ییر قولاغیم کوراولموشام قاداسی گؤرمگین یئدیم کؤتگین بو تاپماجایلا تاپیلسام یاخینلاشار اوزاغیم ایشیق یامان گونه قالدی قارانلیق آلدی اؤدول گولور گؤزومده چپرلر دوداق بوزوز چیراغیم دموکراسی ایش آچیب قالدی قین دا اؤزگورلوک نه تورلو ناسیونالیستم سولا دونوبدو ساغیم سالینسا پئیسرینه زور دئمز زمانه بیزه نه واردی سنده جئیر نه منیم قالیب دالاغیم ساواشدا اولدو بابام بیر توفنگی قالدی میراث کیمه چکیم ماشاسین فیکیریدن اولور پاپاغیم گئدیر گئدیر ائله بیل سورغولار نینه گیرسین باشین کسین غزلین ال چکین  توکندی یاغیم آیاز یازان گئجه لر گونده لیکده دان دوغولور جیزیق جیزیق یاشئیر دویغو وارلیغین وراغیم شهریور 1404 https://t.me/Adabiyyatsevanlar

محرم پریزاد"سولدوز" شوخوم‏دا باليق بير گوپ‏جيل كيشي آروادي‏نين يانيندا، اؤزونه چوخ بوي وئريب، اؤلدوروم- اؤلدوروم دييه اونا گؤز داغي وئرَرميش! ائولييي آغزيني آچيب دانيشان كيمي دئيَرميش: آرواد نه‏ديركي كيشي‌نين قاباغيندا اوهو دئسین! داييما يئكه- يئكه دانيشيب‌‏ چوْماغيندان-‏ ‏خزه‏زَنين‏دن، ‏دَم وورارميش!  آروادي بير گون كيشي‌سينه دئيير: بيليرسن‌كي من سنين صلاحيندا اولموشام، اؤل دئييب‌سن اؤلموشم، قال دئييب‌سن قالميشام، ائوينده بير قاراواش كيمي ايشله ميشم، ايستي گونلرين اؤنونده كاباب اولاركن چؤلونده- كؤوشنينده سنله برابر چاليشميشام، اوشاق‏لاري‌نين تربيه‏سينه يئتيرميشم، آزينا- چوخونا دؤزموشم، مني بو قَدَر قيسخانجا قويماغين نه سببدن‌مي؟ مَنَم‏ليك ياخشي دئييل! سنده بير اؤزونه گل، مني‌ده بير حئسابا گتير آخی!  كيشي يوموشالمایير، يئنه‌ده اؤزونه بوي وئرير! آروادي بيرگون صوحبت آراسي اَرينه دئيير: بيليرسن‌مي آروادين پيسي‌له باجارماق اولماز؟ منده او اوزونه دورارسام ، ايشيميز چتينه دوشَر!  كيشي ديره‌ك‌ میخیندان آسیلی خره‏زَني گوستريب، او بيلر دييه، آرواديني هده‌له‌يير!  آروادي دينمه‌دن اوره‌يينده كيشييه زورونو گؤسترمگه فيكيرله‏شير! بيرگون كيشي چؤلده شوخوم ائله‌ييردي، آروادي اونا قليان آلتي آپاران زامان، بير نئچه تزه باليق اَلده ائديب بوخچادا چؤله آپارير، آللاه قووات وئرسين دييب، كيشي‌نين چاي- چوره‌ييني حاضيرلايير.  كيشي يئمك- ايشمه‌يه باشلايان كيمي، آروادي دولانماق بهانه‌سي‏له سورولمه‌ميش خوزان‌يئري‌ده، گيزليجه بالقلاري آرا بير توپراغا قويلاييب گیزله‏دیر! چای- چوره‏کدن سونرا، كيشي خَرَزه‏نی گؤتورَرکَن جوتون اَلجه‌ييندن ياپيشیب ایشی باشلایان كيمي، آرواد هله‌ليك دئييب كنده ساري يوللانير. كيشي جوتون آغزيندان چيخان خوزان‌يئري‌ده قويلانميش باليقلاري سئوينجك بير يئره ييغيب، ايشدن قاييداندا، اؤزو‌ايله ائوه گتيرير! اوجادان سَسله‌نیر: آرواد! آللاه بويون بيزه نظرين سالميش، شوخومدان بير نئچه تزه باليق چيخيب‌دير! آل بونلاري شاما پيشير! دييه، موشتولوق وئرير.  آروادي اؤزونو تعجوب‌لو گوسترركن، دئيير: باش اوسته ! گئجه شام گلير، سوفره‌ده باليق اَتيندن خبر يوخ!  كيشي باليق قیزارتماسی ايسته‏يير!  آروادي دئيير: باليق‌اَتي نه‏دير، باليق پيش‌ميشي نه؟ كيشي دئيیر: جوتون آغزيندان چيخان شوخومداكي باليق‏لاري اونوتدون‌مو؟ آروادي دئيير: باليق سودا اوْلمالي‌دير شوخومدا نه گزير؟ كيشي دئيير: اؤزوم سنه وئرمه‌ديم‌مي؟  آروادي: كيشي گئت آغلينا دوعا يازدير! دييه حاشا ائدير. سَس اوجالير، كيشي اَل‌ خَرَ‏زه‏نه، آروادين قوپاراغینی گؤتوروب، قووالايا – قووالايا، قونشونون ائوينه سالير! هاي- كوي دوشور، قونشولار ييغيشير، كيشي اؤلدوررم- بولدوررمدن يئنمير. آروادي داهادا سيته‌شير: جماعت منيم اَريم دَلي اولوب‏دور! سيز بوندان خبر آلين باليق سودا اولمالي‏دير یوخسا شوخوم‏دا؟ كيشي دئيير آي جماعت بو آرواد مني يالانچي ائله‌يير، اؤزوم اؤز اَليم‏له شوخومدان چيخان باليق‏لاري بونا تاپشيرميشام، ايندي‌ايسه، باليق‏لارين يوخا چكيلمه‌سي بير يانا، منه دَ‌لي آدي‌دا، قويور!  قوْنشولار كيشي‌نين دَ‌لي اولماغينا آرتيق اينانيرلار، اونو توتوب اَل- قولونو باغلاييب، صاباح تئزدن حكيمه چاتديرماق قراري‏له، اؤز ائوينده، ايوانين ديره‌يينه آرابا سيجيمي‌له مؤحكم ‌ساريتلاييرلار. كيشي نه قدر آند ايچيركي، من دَلي دئييلم، اينانميرلار!  گئجه‌نین بیر واختی، اَل- آياق چكيلندن سونرا، آروادي سو ايچيرتمه بهانه‌سي ايله ديره‌يه باغلانميش اَرينه ياناشير و اونا قولاق هاياني قالان قونشولار ائشيتمه‌سين دييه، ياواشجادان قولاغينا پيچيلدايير: سنه دئمه‌ديم‌مي آروادين پيسي‌له باجارماق اولماز؟ ايندي سؤزومه گلدين‌مي، ياداكي حكيمه گئتمك ايسته‏ييرسن؟  كيشي اؤزونه گلير! بو وضعيتدن قورتارماغي اوندان ايسته‌يير، و آروادينا بيرحيات يولداشي كيمي قيمت وئرمه‌يه اوره‌كدن اينانيب سؤز وئرير.  آروادي ايشين نه تهر اولدوغونو ، ايوانداكي كشئيك چكن قونشولارا سؤيله‌يير، كيشي‌نين شوخومدان باليق توتماسي‌نين دوغرو اولماسي، و آروادي ايسه اَرينه زورونو گؤسترمه ماجراسي آيدين آشكار اوْلور. كيشي‌ني ديره‌كدن آچيرلار، آروادي گئجه ياريدان كئچميش يئني‌دن سوفره سالير، اَري‏نين تاپشيرديغي، قیزارتما باليق اَتي‏له، اَري‏نين كؤنلونو آلير! صاباح تئردن حكيمه يوخ، بلكه يئني ياشاييشه قانشار، گئتمه‌لي اولورلار! https://t.me/Adabiyyatsevanlar