ar
Feedback

لا تقع ضحية للمخادعين! تيليمتريو يكتشف ويُميّز هذه القنوات 👉 إذا كنت تريد رؤية العلامة، اشترك

ادبیات سئونلر

ادبیات سئونلر

الذهاب إلى القناة على Telegram

بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.

إظهار المزيد
3 136
المشتركون
-224 ساعات
-57 أيام
+1630 أيام
أرشيف المشاركات
بو ادبیات سئونلر کانالینین لینکی دی
23 مايو 2025, 11:43
23 مايو 2025, ~11:43

امیر اسلامی آنادان دوغولان زامان باشدان آیاغا دیل ایدین سونرا چیخارتدین ال آیاق بونلاری شوخلوقجا دئدین! دئدیم منی تانیمیرسان شاعیرلیگیمه باخما سن اؤزوم سس سیز بیر اوغلانام شعیر ده یازیرام هردن هئچ کیمسه زورلا بیر کلمه دانیشدیرا بیلمز منی کلمه لرله، جومله لرله باریشدیرا بیلمز منی دانیشماغیما باخما سن منی دانیشدیران سنسن منی سؤز دلیسی ائدن طبعیمی جوشدوران سنسن آمما اینانمیشام بیر گون کلمه لر یوراجاق منی دیلیمی آچان او دوستوم بیر گون سوسدوراجاق منی دیلیمین توتولماغی دا حکمتی واریمیش ایل لر سوسماق صلاحدیر، بورداکی کسیلیر آچیلان دیل‌لر بیر گون یولومو گئتمگه بیر جوت آیاق تاپمایاجام دانیشماغا دیل، دیله سؤز سؤزه ماراق، تاپمایاجام اینانمیشام بو یوللاردا بیر گون سن ده ایته جکسن بیر گون اؤزوم ده سوساجام بیر گون سن ده بیته جکسن https://t.me/Adabiyyatsevanlar
22 مايو 2025, 21:58

سیرلی-سوراقلی یول‌لاردا حسن ریاضی گونلریمین بویو- گوندوغاندان آیدوغانا، کؤنلومده بولاق ایچیملی ایستک‌لر گؤز‌لریمده سئرچه اوچوملو دیلک‌لر. آی سوراقلی گونش‌له قارا گونئی‌دن، آغ‌گونئی‌یه باخا – باخا گون‌‌لری گوندوزلردیم. گئجه‌لریمین بویو- آی‌دوغاندان گون‌دوغانا، آی شافاغیندا گوموشلنیب گونش شافاغیندا قیزیل‌لانان گونش سوراقلی آی‌لا گئجه‌لری گئجه‌لردیم. اویاناردیم سحر سو‌لاریندا اولدوزلار آخارکن آلما دادلی، ناغیل بیچیملی گئجه‌لریمدن، هئیوا قوخولو، قوش اوچوملو گوندوز‌لریمدن یول‌لار کئچردی، سیرلی-سوراقلی یول‌لار؛ گؤز‌لریمدن باشلانیب اوزاقلاردا هاچالانان بوداقلی یول‌لار؛ هاراسا سسله‌یردی منی اووسونلو سئودالار، سیرلی صدالار! سیرلی- سوراقلی یوللارا چیخدیم، قانلی – قادالی گون‌‌لری سیزیلتیلی گئجه‌لری- گئییندیم سویوندوم یاندیم سویودوم؛ گولوشو، دوداقلاریمدان سویدولار سؤیدولر… آرزولاریم، ایستک‌‌لریم، سؤز قینیندا اوره‌ییم‌کؤز قونداغیندا ییخیلمیشام دورموشام دورموشام ییخیلمیشام یورغونام، یورغون. سحر‌لرین شفقلی سو‌لاریندا یویونوب، سحر یئل‌لرینده قورونوب شفق واختی دان یئرینه سریلمک ایسته‌ییرم، شفقه بورونوب اؤلمک ایسته https://t.me/Adabiyyatsevanlar
22 مايو 2025, 21:58

این کمک رسانی چین به مردم غزه خیلی مورد توجه قرار گرفته هواپیمای باری Chinese ، با اسکورت محافظت کامل ، کمک های غذایی را به 60،000 خانواده از آسمان مصر به غزه رساند
22 مايو 2025, 11:58

اوشاق ادبیاتی بئله بیرزادلاری بالالاریمیزا اویرتمک مدنیت دیر.... https://t.me/Adabiyyatsevanlar
22 مايو 2025, 00:23

21 مايو 2025, 22:36

اوشاق ادبیاتی اورخانین ساعاتی  یازار : علی صمد  ( ژنرالین اوشاقلیغی کیتابیندان   کؤچورن :  علی ابرازی  « آغ گونئیلی  »  کامران اورتا مکتبی یئنی جه قورتارمیشدی.آتاسی استراحت گونی اونا  گؤزه ل بیر قول ساعاتی هدیه آلیب گتیردی.  ساعات هامی نین خوشونا گلدی . ائوده ال - اله گزدی.کامران اونو قولونا باغلامیش اورخان آیاقلارینی یئره دؤیه رک آغلاماغا باشلادی.  ــ  منه ده ساعات ! منه ده ساعات !  نقدر چالیشدیلار! باشا سالدیلار، اورخانی ساکیت لشدیره بیلمدیلر. آخیردا علاجسیز قالان کامران تزه ساعاتینی اورخانین قولونا باغلادی.اورخان لووغا – لووغا گزمه یه باشلادی . بیرینجی ننه سینین یانینا قاچدی :‌ ــ  ننه ، ساعاتیما باخ ! ننه :  چوخ مبارک دیر، ـ دئدی.  اورخان ننه سینین یانیندان حیطه قاچدی. اوشاقلارین یانینا چاتان کیمی  ، قولونو یوخاری قالدیراراق : ــ ساعاتیما باخین ، ــ  دئدی. آتام آلیب.  حیطین اوشاقلاری تعجب له اورخانین ساعاتینا باخدیلار .  اورخان اؤز ساعاتینی هامی یا ، هامی یا گؤسترمک ایستییردی. اورخان گیلین باغچاسی لاپ یاخیندا ایدی. او، باغچایا قاچیب اورداکی دوستلارینا دا ساعاتینی گؤسترمک ایسته دی. بیردن یادینا دوشدوکی  ، بو گون استراحت گونودور. اورخان کوچه یه چیخدیدی.  ـــ  قوی گلیب – گئدنلرده ساعاتیمی گؤرسونلر، ــ دئدی.  یاشلی بیر عمی کوچه دن ایری آددیملارلا ، کئچیردی.  گؤرونور هاراسا تله سیردی. اونون گؤزلری اورخانا ساتاشدی. گؤردوکی ، اونون قولوندا ساعات وار . یئریشینی یاواشتدی :  ـــ  ساعاتین نئچه دیربالاسی ؟ ــ  دئدی.  اوخان بیر ساعاتینا باخدی بیر عمی یه باخدی .  جاواب وئره بیلمه دی.  عمی بیرده سوروشدو:  ــ  سنین له یم ، ساعاتین نئچه دیر؟  اورخان اوتاندیغیندان باشینی آشاغی دیکدی.  همین عمی یاخینا گلیب   اورخانین قولونداکی ساعاتا باخدی.  ــ  دوز اوچون یاریسی دیر، - دئدی .سونرادا باشینی یئلله یرک :  ــ  آی ، آي ، آی، ـــ  دئدی. ساعاتی بیلمیر، قولونا ساعات باغلاییر.  اورخان کیریمیشجه ائولرینه گلدی. ساعاتی اؤز قولوندان آچیب قارداشی کامرانین قولونا باغلادی.  ۱۹۸۴  https://t.me/Adabiyyatsevanlar
21 مايو 2025, 22:32

ایتن رنگلرین سیرری ایکینجی بؤلوم ویدا حشمتی هانا هر گون مدرسه‌دن قاییتدیقدان سونرا، «قارتوپو» ایله سئحیرلی‌باغا گئدیردی. اوردا نقاشی چکیب، خیالی حیوانلارلا اویناییردی. او، «گئجه‌یاریسی» آدینداکی بایقوش‌لا دانیشیردی. اما بیر گون هانا باغا گئدنده، عادی اولمایان بیر وضعیتی آنلادی: چیچک‌لر  سولوقموش، رنگلر گؤرونموردو. قوشلارین نغمه‌لری سسلنمیر، نقاشی‌بومو(بوم نقاشی) آرتیق سئحیرلی دییلدی. هانا ناراحات اولدو. «گئجه‌یاریسی‌»ندان سوروشدو: - نه اولوب باغا؟ نییه گوللرین رنگی سولوب؟ بایقوش گؤزلرینی یوخاری قالدیراراق دئدی: -بیری رنگلری اوغورلاییر. باغین سئحرینی قایتارماق ایسته‌ییرسن‌سه، اوغرونو تاپمالیسان. بلکه «کؤلگه‌لر‌دره‌سی»نده گیزلنیب. اورا آنجاق اورگی‌ قورخوسوز اوشاقلار گئده بیلر. هانانین اورگی سئحیرلی باغا یاندی. او باغی قورتارماغا قطعی قرار وئردی. هانا، قارتوپو ایلـه بیریلیکده «ایتن‌سسلر» کؤرپوسونه چاتدی. اورا چوخ قاریشیق ایدی. سسلر بیر-بیری‌نه قاریشمیشدی؛ چیغیرتی سسی، قارغالارین قاریلتیسی، بیرده قارالتی‌دان گلن باشقا-باشقا سس‌لر. هانا اللری ایله قولاقلارینی قاپادی، اما بیردن، «قارتوپونون» یومشاق‌سسی گلدی: -بو سسلرین قارشیسیندا، بیر تک جسارت دایانار. هانا نفس آلدی، گؤزلرینی یوموب او سس‌لرین آراسیندا آنا‌سی‌نین نغمه‌سینی آختاردی. «لای‌لای دئییم یاتاسان، قیزیل گوله باتاسان لای‌لای گؤزلیم لای‌لای ائوین بزه‌گی لای‌لای... هانا آناسی‌نین سسینی، سسلرین ایچیندن تاپان کیمی، کؤرپو ایشیقلاندی، سسلر سوسدو، یول آچیلدی. گئدیب-گئدیب، «سوسقون‌گؤل»ه چاتدیلار. گؤل آینا کیمی ساکیت و دورو ایدی. اوردان کئچمه‌گه هئچ یول یوخ ایدی. فقط بیر داشین اوستونده بیلنیب-گؤرونن یازی واریدی: «خیال، سوسقون‌لوقدا گؤرونور». هانا، دانیشمادی. گؤزلرینی یوموب، یالنیز خیال ائله‌دی: قوش کیمی اوچان پنبه رنگینده تک‌شاخ‌آت و گونشی قوجاقلایان گوللر. بیردن گؤلون اوستونده، شوشه‌دن بیر یول آچیلدی. هانایلا قارتوپو، شوشه‌یولدان آستاجا کئچدیلر. یولون سونوندا، بیر دانیشان توسباغا هانا‌نین قارشیسیندا دایاندی. توسباغا دئدی: سنه اوچ تاپماجا وئره‌جم. اونلاری جوابلامالیسان. بیرینجی: گوندوز گؤرونمز، گئجه پاریلدار. هانا بیراز دوشونوب دئدی: -آی توسباغا باشینی ترپدیب دئدی: -آفرین سنه!... سونرا بوینونو بیراز اوزادیب دئدی: -ایکینجی: شوشه‌دن کئچر، اما شوشه‌نی سیندیرماز. هانا قارتوپونا باخدی. قارتوپو اوزونو هانانین آیاقلارینا سورتدو. هانا بیردن هیجانلانیب دئدی: -تاپدیم..‌ ایشیق‌دی. هر دوغرو جاواب‌لا، یئرده بیر موزاییک سینیردی و آلتیندان ایشیق اوزه چیخیردی. بئله‌لیک‌له یول آیدینلانیردی. عاغیللی‌توسباغا گولومسه‌ییب دئدی: -دوغرودو. ایندی اوچونجوسونو جوابلا: نه گؤزو وار نه قولاغی نه آیاغی وار نه قانادی، گزر کلّ‌ی جهانی. هانا او آن جواب وئردی: -خیال... آخیرینجی تاپماجانی دا دوغرو جوابلایاندا، توسباغا گولوب دئدی: -«سنین اورگین، باغین سئحرینی خاطیرلاتدی». سونوندا «کؤلگه‌لر‌دره‌سی»نه چاتدی. اوردا، دومانلارین ایچینده بیر یارادیق گؤروندو. سسی یئلین سسینه بنزه‌ییردی. او دئدی: -من رنگلرین اوغروسو دییلم. من قورخولارام. سن خیاللاریوا گوونمه‌دیکجه، من رنگلری سئحیرلی باغدان آلارام. هانا دوشوندو. او، آنلادی کی، سون گونلرده خیال ائتمه‌یی اونودوب، باشقالارا بنزه‌مه‌یه چالیشمیش. او، باغی قورتارماق اوچون گؤزلرینی یومدو و سئودیگی رنگلری خیال ائله‌دی- گؤی اوزونون ماوی رنگینی، تک‌شاخ آتین پنبه قولاقلارینی، گونشین ساری ساچلارینی...- او آن کیچیک ایشیق، اورگیندن یاناراق یارادیغا ساری گئتدی. دومان گئری چکیلدی و باغا رنگ و حیات  قاییتدی.  «گئجه‌یاریسی» اوجا سسله دئدی: -سن باغی محو اولماقدان قورتاردین، چونکی خیاللاریوا ایناندین. https://t.me/Adabiyyatsevanlar
21 مايو 2025, 22:26

photo content
21 مايو 2025, 22:25

21 مايو 2025, 22:23

اوشاق ادبیاتی تنبیه والدین در طول زمان
21 مايو 2025, 22:20

اوشاق ادبیاتی دونیا اوشاق کلاسیک‌لری، روس خالق حِئکایه‌لری    اؤزگور اؤزیورَک، دورلیون یایینلاری، تورکیه، مارت، 2022    چئویرن: مجید تیموری‌فر (م. صفا)    بالاجا خوروز    مئشه‌ده یاشیل داملی کیچیک بیر ائو وار ایدی. بو ائوده بیر پیشیک و بیر خوروز یاشاییردی. اونلار بیر-بیرلری ایله چوخ مئهریبان ایدیلر و چوخ یاخشی آنلاشیردیلار. پیشیک همیشه آنا کیمی خوروزا قوللوق ائدیردی:    «آی خوروزوم، من ائوده اولمایان‌دا کیم گلیرسه گل‌سین، قاپینی آچما، تولکو ائوی بورا چوخ یاخین‌دیر» دئیه مصلحت وئرردی.    پیشیک حاقلی ایدی. تولکونون ائوی ده، مئشه‌ده ایدی. اوسته‌لیک، او، آرتیق خوروزو گؤرموشدو و اونو نئجه توتاجاغینی پلانلاشدیرماغا باشلامیشدی.    بیر گون پیشیک اووا گئتدی. ائوده تک قالان خوروز، قاپینی باغلاییب، یاخشیجا کیلیدله‌میشدیر.    تولکو ائوین یاخینلیغیندا گیزله نیب. پیشیک دؤنگه‌نی دؤنن کیمی، تولکو یاواشجا ائوه یاخینلاشدی. پنجره‌نین آلتیندا دایاندی و شیرین بیر شکیلده زومزومه ائتمه‌یه باشلادی:    «بالاجا خوروز، بالاجا خوروز... پارلاق توکلو، قیزیل یاللی، ایپک ساققاللی بالاجا خوروز...       ساده‌جه پنجره‌دن باخ، بوتون تویوقلار داری یئییر، سنی چاغیریرلار... بویور، منیم بالاجا خوروزوم...»    خوروز درحال پنجره‌یه طرف قاچیب پنجره‌نی آچدی. تولکو بئله ایسته ییردی، درحال خوروزو توتوب اؤز ائوینه دوغرو قاچماغا باشلادی. خوروز قیشقیردی:    "کؤمک ائت! تولکو منی توتدو! پیشیکیم، گؤزل پیشیکیم، منی خیلاص ائت!"    خوشبخت‌لیک‌دن پیشیک داها ایر‌ه لی گئتمه‌دی. او، خوروزون سسینی ائشیدیب تولکونو قووالاماغا باشلادی. اونو توتدو و خوروزو خیلاص ائتدی و اونا دئدی:    "عزیز خوروزوم، گؤر سؤزومه قولاق آسمادیغین اوچون سنه نه اولوب. بیر ده پنجره‌نی آچما، تولکونون دئدیگینه اینانما."    ائرته‌سی گون پیشیک یئنی‌دن اووا گئتدی. تولکو یئنه گیزلَندی، اما بو دفعه خوروز سسینی چیخارمادی. تولکو داوام ائتدی.    «قورخما، گؤزل خوروزوم، آچ پنجره‌نی، گؤر سنه نه وئره‌جم...»    خوروز پنجره‌نی یئنی‌دن آچدی، اما بو دفعه حاضر ایدی. تولکو بیر حرکت ائد‌ن کیمی، بورنونو دیم‌دیکله دی. تولکو آغریدان قیشقیراراق قاچدی. پیشیک اوودان قاییدان‌دا خوروز باشینا گلن هر شئیی اونا دانیشدی. پیشیک خوروزلا فخر ائدیردی. موکافات اولاراق، اونا چوخ گؤزل بیر بوشقاب قارغی‌دالی (نوخودا اوخشار یئمه لی دانالاری اولان بیتگی)، داری و بوغدا حاضیرلادی. اونلار یئمکلرینی سئوینجله یئدیلر.    تولکو ده، بورنونون آغری‌سینی هئچ واخت اونوتمادی و بیر داها خوروزو ناراحات ائتمه‌دی. https://t.me/Adabiyyatsevanlar
21 مايو 2025, 22:18

اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . h
اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar
21 مايو 2025, 22:15

4_5859470263837531062.mp319.82 MB
21 مايو 2025, 09:52

4_5864132699945442730.mp31.81 MB
21 مايو 2025, 09:49

4_5843858160795785409.mp36.98 MB
21 مايو 2025, 03:41

سولئیمان هئچ نه دئمه‌دی. کوره‌یی آغاجین دیبینه آتیب ائوه قالخدی. *** تابوتدان قاباق خرامان کنده گلدی. قارا نفس ایدی. ائله بیل بوتون یولو قاچمیشدی‌. اَرینه هئچ باخمادی. یول بویو ساچینی آلاق اوتو کیمی یولموشدو. سولئیمان اونو گؤروب آیاغا قالخدی. دوداقلاری اَسدی. آمما هئچ نه دییه بیلمه‌دی. نار آغاجی کیمی قورویوب یئرینده‌جه قالدی. خرامان گلدییی کیمی ده ائودن چیخیب آتاسی ائوینه گئتدی. سولئیمانین آناسی دا باشینا یایلیق باغلایا- باغلایا اونون آرخاسینجا چیخدی. سولئیمان، اوغلو حکمت‌له ائوده قالدی. حکمت ده آغلامیشدی. گؤزلری شیشمیشدی. آمما سولئیمان بیلیردی کی حکمت آناسی‌نین حالینا آغلاییب، دایی‌سینی هئچ تانیمیر‌. شهید نه‌دیر بیلمیر. " قاراباغ! قاراباغ! قاراباغ" " شهیدلر اؤلمز، وطن بؤلونمز!" " قاراباغ بیزیم دیر، بیزیم اولاجاق!" "آللاهو اکبر! آللاهو اکبر!" کند جاماعاتی‌نین سسی سولئیمان گیلین ائوینه چاتاندا، بیلدی کی قاینی مورادین تابوتو آرتیق کندده دیر. آغلاشما سسی شعارلارا قاریشیب کندی باشینا گؤتورموشدو. گئدیب تابوتو، بَی‌لر کیشی‌نین ال- آیاغینی اؤپمک ایسته‌دی... آمما یئرینده قورویوب قالمیشدی. سان کی کیمسه آستاجا توخونسا، قوروموش بوداق کیمی، ال- آیاغی بدنیندن سینیب قوپاجاقدی. گئتمه‌دی. او گئجه‌نی یاتا دا بیلمه‌دی. گئجه بویو فیکیرلشدی. گئجه بویو کند جاماعاتی‌نین سسی کسیلمه‌دی. شعارلار دایانمیشدی آمما آغلاشما سسی کسیلمیردی. سحره یاخین یوخویا گئتدی. گون اورتا اویانان کیمی عاغلینا نه گلدی‌سه، تئز اَینینی گئیینیب، ال- اوزونو یویوب ائودن چیخدی. هاوا گونشلی ایدی، ایستی ایدی. ائله بیل نوامبر یوخ، یایین اورتاسی ایدی. ائودن چیخیب ائنیش آشاغی ساللاندی. بیر- ایکی اوشاقدان باشقا کوچه‌ده هئچ کیم یوخ ایدی. بوتون کند جاماعاتی بَی‌لر کیشی‌نین قاپیسیندا ایدی. سولئیمانی گؤره‌ن اوشاقلار اوّلجه قورخدولار. سونرا " پاشینیان! پاشینیان!" دییه- دییه آرخاسینجا دوشدولر. سولئیمان تئز- تئز یئریمه‌یه باشلادی. اوشاقلار دا بیربیرینی هایلایا- هایلایا چوخالدیلار. گوله- گوله سولئیمانین دالینجا قاچیردیلار، سؤیوردولر. گوله- گوله " نه اولدو پاشینیان؟" - دئییب اونو داشلاییردیلار. ال چکه‌نه اوخشامیردیلار. سولئیمان کؤرپویه چاتاندا، آرتیق قاچماغا باشلامیشدی‌. تنگ‌نفس اولموشدو، آمما دایانا بیلمزدی. جنازه گؤتورولمه‌میش بَی‌لر کیشی‌نین ائوینه چاتمالی ایدی. ائو گؤرونوردو. آز قالمیشدی. بیرآز دا قاچسا اوشاقلاردان جانینی قورتاراجاقدی. بَی‌لر کیشی‌نین ائوینین قاباغینا ییغیشمیش بؤیوک‌لر، اوزاقدان قاچا- قاچا گلن آداما، اونون آرخاسینجا دوشَن اوشاقلارا باخیردیلار. هئچ کیم نه باش وئردییینی باشا دوشموردو. اوشاقلارین سس- کویونه حیه‌طده کی، ائوده کی آداملار دا چوله چیخمیشدیلار. " توتون پاشینیانی"، " پاشینیان"، " پاشینیان!".‌... کندین جاوانلاری سولئیمانی بَی‌لر کیشی‌نین ائوی‌نین دروازاسینا چاتمامیش حالقالادیلار. یومروقلاییب یئره ییخدیلار. دلی قانلی گنج‌لر، بؤیوکلر  قاریشقا کیمی اوستونه داراشدیلار. ووردوقجا ووردولار، سؤیدوکجه سؤیدولر، توپوردوکجه توپوردولر..‌. اوره‌کلری سویومادی. بَی‌لر کیشی‌نین هئچ توکو ده قیمیلدامادی. نه خرامان آرایا گیره بیلدی نه ده سولئیمانین آناسی... تا کی قوجالاردان بیری " اؤلدو دا ایت اوغلو ایت! بسدیرین!"- دئدی. سولئیمانین جانسیز بدنی‌نین باشیندا بیر ساچ- باشینی یولان خرامان قالدی بیر ده آناسی... اونلارین سسی کنده ائله یاییلیردی کی هئچ دونَن مورادین تابوتو گلنده بوتون کند جاماعاتیندان بئله سس چیخمامیشدی... سونرا کیمسه خبر گتیردی: - آی جاماعات! شوشانی آزاد ائله‌دیک! پرزدنت اوزو تئلویزیوندا دئدی! محاریبه قورتاردی! 2023- cü il, september سون. https://t.me/Adabiyyatsevanlar
20 مايو 2025, 23:08

بو سولئیمانین صبیر کاساسینی داشیران سونونجو دامجی اولدو. ائله همین گئجه خرامان سولئیمانا تکلیف ائله‌دی کی رایونا گئتسین، هم باشی دینجه‌لر، هم ده بو صؤحبت یاددان چیخار، سونرا قاییدار. *** - بیلیرم، کندده‌کی‌لر ده بو دانیشیر...- سولئیمان اللرینی، آغزینی سیلیب دئدی. - جهنمه کی دانیشسینلار...- آناسی دوداغینین آلتیندا میزیلداندی. - هه، جهنمه کی دانیشسینلار. سن گلدیییمی هئچ کیمه دئمه. او سببه تئزدن گلمیشم. هئچ کیم منی گؤرمه‌دی. بیر- ایکی آی بوردا قالاجام. محاریبه قورتارسین، پاشینیان زاد یاددان چیخسین، باکی‌یا قاییدارام. او زامانا کیمی بوردا قالاجام. *** او جور ده ائله‌دی. ایلک گونلر ائودن چؤله چیخمادی. حیه‌ط‌ده باغ- باغچا ایله باشینی قاتدی. هئچ داریخمادی دا. ائولری کندین ان هوندور یئرینده ایدی. تپه‌نین باشیندا. بوتون کندی گؤرمک اولوردو. کؤرپونو، سؤیودلوکده کی " کیسلووُدسک" کافه‌سینی، کندین مکتبینی، قایناتاسی بَی‌لر کیشی‌نین مالکانه‌سینی... کندین چیخشینداکی قبریستانلیق دا گؤرونوردو. نه ایسه ان چوخ دا اورا باخماغی سئویردی. هر دفعه قبریستانلیغا باخاندا، اونا ائله گلیردی کی باش‌داشلاری، ساحه‌ده ایشله‌ین آداملاردی. گونون ایستی‌سینده، یاغیشین آلتیندا، سحر تئزدن، آخشام چاغی دایانمادان ساحه‌ده ایشله‌ین بالاجا آداملار... سولئیمان گیلین حیه‌طلری ده بویوک ایدی. نار، قاوالی، آلما، آرمود، زغال ، اریک، قوز..‌. هر آغاجدان وار ایدی. اوجسوز- بوجاقسیز باغلاری مئشه‌یه اوخشاییردی. بو باغا گیرن قوناقلار چوخ واخت آزیردیلار. گوج- بلا ایله باغین چیخیشینی تاپیردیلار. اوشاق واختی سولئیمان اؤزو ده بو باغدا چوخ آزمیشدی. سونرا یاواش- یاواش آغاجلارین یئرینی ازبرله‌دی. چتینی نار آغاجلارینی تاپانا کیمی ایدی. نار آغاجلاری‌نین یانیندان دوز کئچندن سونرا حیه‌‌طده کی بالاجا توآلت گؤرونوردو. نار آغاجلارینین آلتیندا کوهنه " مُسکوویچ" ماشینی دا وار ایدی. قیرمیزی، تکرلری، اوتوراجاقلاری سؤکولموش، پنجره‌سیز ماشین. باباسی‌نین ایدی. آمما بیلمیردی کی نییه او ماشین بوردا دیر. نئجه بو حالا دوشوب؟ هئچ ماراقلانمامیشدی دا. هردن اوینایاندا ماشینین اوستونه چیخیب، هوپپانیب- دوشوردو. ماشین هله ده یئرینده ایدی. لاپ پیس حالا دوشموشدو. آمما هئچ یئریندن ترپنمه‌میشدی‌. سولئیمان ماشینین چوخدان پارتلامیش تکرینه تپیک ووروب باغا گیردی. نار آغاجلاری‌نین چوخو قوروموشدو. او بیری آغاجلارین دا وضعیتی یاخشی دئییلدی. *** سولئیمان بوتون گونو باغلا اللشیردی.ان بیرینجی اوت- آلاقلاری تمیزله‌دی. باغین اوز- گؤزو آچیلدی. اوندا فیکیر وئردی کی، اصلینده باغلاری او قدر ده بؤیوک دئییلمیش. بوتون باغی باشدان- آیاغا بئلله‌دی. قاپیدان کئچن آرخدان باغا سو قوشدو. بودادیغی آغاجلارین هامیسینا سو ایچیرتدی. گؤوده‌لرینی، یارپاقلارینی سیغاللادی. اوز- گؤزونو ساققال باسمیشدی. نئچه گون ایدی گوزگویه باخمیردی. گلدییی گون حیه‌طده کی ال- اوز یویانین گوزگوسونو سیندیرمیشدی. آناسینا دا دئمیشدی کی ایش گؤرنده بیلمه‌دن گوزگونو قیریب دیر. محاریبه ایسه داوام ائله‌ییردی. هر گون آزاد اولونموش تورپاقلارین خبری گلیردی. هر شاد خبردن سونرا سولئیمان حیه‌طه چیخیب فرحله کنده تاماشا ائله‌ییردی. اوزاقدا قارالان داغلارین یاواش- یاواش گؤیردییینی ، یاشیللاندیغینی گؤروردو. کنده آلتی شهید گلمیشدی. هر دفعه کند جاماعاتی قارا خبر گلن قاپی‌یا قاریشقا کیمی آخیشیردی. سولئیمان دا کیمین شهید اولدوغونو آناسیندان اؤیره‌نیردی. باش ساغلیغی وئرمک ایسته‌ییردی، آمما ائودن چیخماغا اوره‌ک ائله‌میردی. هم بَی‌لر کیشی ایله راستلاشار دییه، هم ده باکی دا اونو گؤزوم چیخدی‌یا سالان بلایه گؤره. *** ایکی هفته‌دن چوخ واخت کئچمیشدی‌. سولئیمان آیین، هفته‌نین هانسی گونو اولدوغونو دا بیلمیردی. تکجه تئلویزیوندان محاریبه‌نین نئچه‌نجی گونو اولدوغونو اؤیره‌نیردی. قیرخ گونو کئچمیشدی. سولئیمان بو گونلر عرضینده آیاغینی دا دروازادان چؤله آتمامیشدی. هئچ کیم اونون کندده اولماغیندان دویوق دوشمه‌میشدی. حیه‌طده باشینی قاتیردی. گاه باغدا ایشله‌ییردی، گاه دا حیه‌طده آیاقلاری لاخلایان ایستولو دوزلدیردی. بیر گون آناسی اضطرابلا چؤلدن گلدی. سولئیمان یئنه باغدا ایش گؤروردو. چیگنینه آتدیغی دستمالنان بوینونون، اوز- گؤزونون، باشی‌نین تَرینی سیلدی، کوره‌یه دیرسکله‌نیب آناسی‌نین وئره‌جه‌یی خبری گؤزله‌دی: - بَی‌لرین بالاجا اوغلو موراد شهید اولوب! تابوتو یولدا دیر..‌.- آناسی سولئیمانین نه ائده‌جه‌یینی گؤزله‌دی.
20 مايو 2025, 23:08

سولئیمان بؤرکونو بیرآز دا اوزونه ائندیرمیشدی. - دوز او گؤی دروازانین آغزیندا ساخلا. هه، هه، بوردا ساخلا.- یول بویو ساکیت دانیشان سولئیمان هیجانلا دئدی. سوروجونون پولون آرتیقلاماسی ایله وئردی، چمدانینی گؤتوروب ماشیندان دوشدو. هئچ یول یولداشی ایله ساغوللاشماق عاغلینا دا گلمه‌دی. دروازانی چیینی ایله ایته‌له‌ییب تئز ایچری گیردی. دروازالاری همیشه آچیق اولوردو. *** حیه‌طه گیرن کیمی آناسینی گؤردو. آناسی اته‌یینه دَن دولدوروب تویوق- جوجه‌نی یئمله‌ییردی. اوّل تانیمادی، قورخدو، سونرا بؤرکلو، عینک‌لی آدامین اوغلو اولدوغونو بیلیب اته‌یینده کی دَنین هامیسینی یئره تؤکدو. اوغلونون اوستونه یویوردو، قوجاقلاییب باغرینا باسدی، اؤپدو، قوخلادی. سولئیمان دا بوینونو بوکوب ائله‌جه دایاندی. ایچری کئچدیلر. اوردان- بوردان حال- احوال توتدولار‌. آناسی صؤحبت ائده- ائده سوفره آچدی. چایی دمله‌میشدی آرتیق. پئندیری، چؤره‌یی، بالی، قایماغی ماسایا دوزدو. چایی گتیرندن سونرا اوتوردو. گؤزله‌دی کی اوغلو دانیشسین. سولئیمان دا بونون فرقینده ایدی. آمما هئچ نه دئمک ایسته‌میردی. آجمیشدی، هله چای گلمه‌میش یئمه‌یه باشلامیشدی. بیر تندیر چوره‌یینی یئییب قورتارماغینا آز قالمیشدی. آناسی ایکینجی استکان چایی دا قاباغینا قویاندا سوروشدو: - نه عجب ایلین بو واختی کنده گلمیسن؟ اؤزو ده بو ساعاتدا‌. نه ایسه اولماییب کی؟ سولئیمان آغزینا قویماغا حاضیرلادیغی تیکه‌نی الینده ساخلادی. - آی آنا، گویا بیلمیرسن نه اولوب؟! جانیمی بوغازیما ییغیبلار دای! شهرده هامی باشیما اویون آچیر! ائودن چؤله چیخماغیما پشیمان اولورام! دلی ائله‌ییب‌لر منی! - دئییب چاییندان قورتوملادی. آناسی مسئله‌نین نه اولدوغونو بیلیرمیش کیمی دینمه‌دی. گؤزله‌دی کی سولئیمان اؤزو دانیشسین. - من بدبخت نئیله‌ییم کی، او ایت اوغلو ایت پاشینیانا اوخشاییرام؟! آللاه بئله یارادیب دا! منیم گوناهیم نه دیر؟!- الینده ساخلادیغی تیکه‌نی آغزینا آتیب دیری- دیری اوددو، اوستوندن ده چای ایچدی.- هر شئیی بورنومدان گتیریرلر! نه ایشده اوتورا بیلیرم، نه اوتوبوسا مینه بیلیرم، نه ماغازایا گئده بیلیرم! او گون بیزیم ائلنورون اوغلونون سنت تویوندایدیم. تویدا هامی منه باخیب گولوردو. اوشاقلار گلیب گؤتومه تپیک ووردولار! کوچه‌ده ده راحات یئرییه بیلمیرم! - غلط ائله‌ییرلر! ارمنی اؤزلری دیر! هاران اوخشاییر؟! هئچ نه‌یین پاشینیانا اوخشامیر! - آناسی داتیشدیقجا عصبله‌شن، پؤرتن اوغلونا تسللی وئرمه‌یه چالیشدی. - اوخشاییرام دا! اؤزوم گؤرمورم؟! ائله بیل او ایت اوغلو ایتین ائکیز قارداشییام! منی گؤستریب گولورلر. دوغرودان دا سولئیمان پاشینیانا اوخشاییردی. محاریبه‌یه قدر بو بنزرلیک باشینا بلا اولمامیشدی، آمما محاریبه‌دن سونرا اونون کابوسونا چئوریلدی. محاریبه‌نین ان قیزغین واختلاری ایدی. اؤلکه‌ده پاشینیانی تانیمایان، " نه اولدو پاشینیان؟" سوزونو بیلمه‌ین آدام قالمامیشدی. ایشده ایش یولداشلاری، محله‌ده قونشولاری، اوتوبوسدا، مترودا تانیمادیغی آداملار،- هامی اونو اله سالیردی. نه رستوراندا بیر تیکه چؤره‌ک یئیه بیلیردی‌، نه ده مارکت‌دن چؤره‌ک آلا بیلیردی. سولئیمان بیر موددت بونا دؤزمه‌یه چالیشدی، فیکیرلشیردی کی بیر- ایکی گونه یاددان چیخاجاق، راحات حیاتینا قاییداجاق، آمما ائله اولمادی. اوسته‌لیک، دوستو ائلنورون اوغلونون سنت تویوندا رقص ائله‌ین‌ده، اوشاقلار سولئیمانی محاصره‌یه آلیب باشینا اویون آچمیشدیلار. بیری اوستونه زیتون آتمیشدی، بیری گؤتونه تپیک ووروب قاچمیسدی. هامی گولموشدو. او دا پئنجه‌یینی گؤتوروب هئچ پول دا یازدیرمادان آرادان چیخمیشدی. همین گونون سحری مرخصی آلماغی قرار وئرمیشدی. او گونلردن بیرینده اوغلو مکتبدن آغلایا- آغلایا گلدی. اوشاغی گوج- بلا ایله ساکیتلشدیردیلر. سو وئردیلر، نفسینی دَردی‌. بیرآز اؤزونه گلدی. سونرا " مکتبده هامی منه پاشینیانین اوغلو دئییر" - دئییب، یئنه هیچقیرا- هیچقیرا آغلادی. - گئدیب او مکتبی باشلارینا اوچورارام. ارمنی کؤپک اوشاقلاری!- سولئیمان یئریندن دیک آتیلدی. آسیلقاندان پئنجه‌یینی گؤتوروب گئیه‌نه کیمی عصبی سویودو یا نه‌دن، قاپی‌نین آغزیندا دایانیب هئچ نه دئمه‌دن ائله‌جه آروادینا باخدی. خرامان:" سن اوتور آی سولئیمان. من اؤزوم صاباح او مکتبه گئده‌رم! غلط ائله‌ییرلر! اوزوم گئدیب آغیزلارینی جیراجام!"- دئییب ارینی ساکیتلشدیردی. سولئیمانین ائشیتمک ایسته‌دییی سؤزلری مونجوق کیمی آرد- آردا دوزدو. سولئیمان راحاتلاشیب پئنجه‌یینی اَینیندن چیخاریب، یئرینه آسدی. - سن ده زاریما یالاندان! نه اولوب پاشینیانا؟! ردّ اول گئت ال- اوزونو یو، گَل چؤره‌یینی یئه!- خرامان هله ده هیککه‌سیندن هیچقیران اوغلونون اوستونه قیشقیردی.
20 مايو 2025, 23:08

حکمت کیشی ده سولئیمانا دئمیشدی کی، بی‌لرین قیزینی آلسا، اونا حاققینی حالال ائتمیه‌جک، اوغوللوقدان چیخاراجاق. آنجاق سولئیمان آتاسینا قولاق آسمادی. خرامانی چوخ سئویردی. خرامان دا اونو چوخ سئویردی. قوشولوب باکی‌یا قاچدیلار. بیر ساعاتین ایچینده خبر بوتون کنده یاییلدی. بی‌لر کیشی حکمتین قاپیسینا گلدی. کند جاماعاتی دا تاماشایا ییغیشمیشدی. سؤیوشدولر، ال به یاخا اولدولار. آخیر طاقتدن دوشوب آرالاندیلار. هئچ اون گون اولمامیش حکمت کیشی بئیین سکته‌سی کئچیردی. یاتاغا دوشدو. آناسی گونلرله سولئیمانا زنگ ووروب، نه قدر آند- آمان ائله‌دی کی آتاسی اؤلوم آیاغیندا دیر، بوگون- صاباح اؤله‌جک، گلسین حالاللیق ایسته‌سین، سولئیمان اینانمادی. ائله بیلدی اونو آلدادیرلار، خراماندان آییرماق اوچون بئله دئییرلر. کنده گئتمه‌دی. آتاسی‌نین اؤلوم خبری گلندن سونرا بیلدی کی یالان دئییلمیش. بیلمه‌دی نئیله‌سین. گئجه بیر باشا آتاسی‌نین قبرینه گئتدی. هؤنکور- هؤنکور آغلادی. ساکیتلشدی. سونرا یئنه آغلادی. تا کی گؤزونده یاش قالمادی. گیزلینجه اوردان ائوه گئتدی. آناسی باشینا قارا یایلیق آتیب حیه‌طده تسبئح چئویریردی. اوغلونو گؤروب او دا هؤنکوردو. سولئیمانین اوره‌یی بیرجه اونا راحاتلادی کی آناسی اونو هئچ نه‌ده گوناهکارلاندیرمیردی. دئدی: آللاهین قیسمتی بئله‌یمیش: " سیز باکی‌دا خرامانلا بیربیرینیزدن موغایات اولون، هئچ بورا گلمه‌یین، من هردن سیزین یانینیزا گله‌جم." سولئیمان او جور ده ائله‌دی. بیر ده کنده قاییتمادی. دوز اوتوز ایل. باکی‌دا اییرمی یاشلی سولئیمانلا اون سکگیز یاشلی خرامان، دوز اوتوز ایل بیربیریندن موغایات اولدولار. ایش تاپیب ایشله‌دیلر. کرایه ائوده قالدیلار. اوشاقلاری اولمادی. بوتون پوللاری حکیم‌لره، درمانلارا گئتدی. تورکیه‌یه، ایرانا گئتدیلر، اسرائیل‌دن باکی‌یا گلن یهودی حکیم سون اومیدلری ایدی.‌او دا کؤمک اولمادی. سولئیمانین آناسی ایشین ایچینه گیردی. گلینی فالچیلارا، باخیجیلارا، پیرلره، زیارتگاهلارا آپاردی. هر دفعه بیر موللا یانینا گئتدی. دوعا یازدیردی. گلینه عمل ائله‌ییب‌لر،- دئدیلر. عمل ائلیه‌نین الی قوروسون. اییرمی ایل سونرا اوشاقلاری اولدو‌. آدینی حکمت قویدولار. *** تاکسی کندین گیریشینه تزه چاتمیشدی، سولئیمان سوروجویه دئدی کی قبریستانلیقدا ساخلاسین. سوروجو " باش اوسته"،- دئییب ماشینی ساخلادی. سحر آچیلمیشدی. سولئیمان ماشیندان دوشوب قبریستانلیغا باخدی. قبریستانلیق خیلی بؤیوموشدو. آرتیق قونشو کنده چاتیردی. آتاسی‌نین مزارینی آختارا- آختارا قبریستانلیقدا گزمه‌یه باشلادی. هله اوستو گؤتورولمه‌میش قبیرلر وار ایدی، اوستونده حربی فورمادا جاوان اوغلان شکیل‌لری، بایراقلار، کندین شهیدلری. هامیسی‌نین قارشیسیندا دایانیب شکیل‌لرینه؛ معصوم اوزلرینه باخدی. آدلارینی، دوغوم ایللرینی اوخودو. 19، 18, 20, 21 یاش... او دا عسگرلیکدن قاییدیب خرامانی قاچیرداندا بو یاشدا ایدی. ائله بو قبریستانلیغین یانیندا گؤروشوب قاچمیشدیلار. دوشونه- دوشونه آتاسی‌نین قبرینه چاتدی. اؤزونو ساخلایا بیلمه‌ییب یئنه هؤنکور- هؤنکور آغلادی. بیلیردی کی آتاسی اونا گؤره اؤلوب، آمما داها چوخ آتاسی ایله حالاللاشماغا گلمه‌دییی اوچون پشیمان ایدی، اؤزونو باغیشلایا بیلمیردی. سوروجونون ده سیگارت چکه- چکه اونا باخدیغینی گؤروب، اؤزونو اله آلدی. کاپشنینی چیخاریب آتاسی‌نین باش داشی‌نین توزونو سیلدی. شکلینی سیغاللاییب اؤپدو، سونرا قبرین اطرافیندا بیتمیش کول- کوسلاری دا یولوب ماشینا تلسدی. - بو یوللا سور ائله. هله بیرآز گئده‌جکسن. - آتان ایدی معللیم؟ - هه. آتام ایدی... سولئیمان چوخ یورولموشدو، هم ده کنده قاییتدیغی اوچون اؤزونو ناراحات حیس ائدیردی. باکی‌دان نییه قاچدیغینی اونوتموشدو. ایندی او مسئله عینی‌نه ده دئییلدی. ائله بیل بو کنددن قیراقدا هئچ حیاتی اولمامیشدی. باکی‌دا یاشادیغی اوتوز ایل، اونون اوچون، ائله بو کندین هنده‌ورینده فیرلانماق کیمی بیر شئی ایدی. کنده حاق- حساب چکمک اوچون قاییتمیشدی. - آللاه رحمت ائله‌سین. منیم ده آتام من اوشاق اولاندا اولوب..‌ - آللاه رحمت ائله‌سین. قاباقدان ساغا دؤنه‌جکسن،- سولئیمان سوروجونون تزه‌دن صؤحبته باشلاماق ایسته‌دیینی حیس ائدیب، تئز قارشیسینی الدی،- ساغا دؤنوب آخیرا کیمی دوز گئت. او چایی گؤرورسن؟ کؤرپونو کئچیب یوخوشو قالخاجاقسان. اودور، تپه‌نین باشیندا کی ائو دیر. هاوا تامام ایشیقلانمیشدی. کوچه‌ده کی تک- توک آداملار تعجوبلو ماشینا باخیردیلار. ماشین گؤزدن ایته‌نه کیمی باخیشلارینی چکمیردیلر.
20 مايو 2025, 23:08