ادبیات سئونلر

1375نجی ایلین تیر آیی‌نیی 23ده خالق شاعری بالاش آذراوغلونون 75 ایل‌لیک یوبلئی تدبیری ایرانین کرج شهرینده ساهر ادبی مدنی درنه‌یی‌نین تشبثی ایله کئچیریلدی. خالق شاعری‌نین اؤز حضورو ایله کئچیریلن بو تدبیرده آذربایجان شاعرلری و صنعتکارلاریندان: یحیی شیدا – هاشم ترلان – احمد آلاو – قافلانتی – علیایی - عاشیق حسن اسکندری – مجید یالقیز – فرهاد ابراهیمی - حبیب فرشباف – حسن ایلدیریم - ناصر داوران – محمد قاضی – چاپار -  علی آغ گونئیلی - حاجی هریزلی و ائلدار موغانلی، ساهر درنه‌یی‌نین عضولری و خالق شاعریمیزی سئوه‌ن دیگر آذربایجان اجتماعی مدنی شخصیتلری اشتراک ائتمیش و خالق شاعری حاقیندا اؤز اوره‌ک سؤزلرینی سؤیله‌میشدیلر. همن تدبیرین گؤرونتولرینی ایلک دفعه اولاراق آراسیرا حؤرمتلی اوخوجولاریمیزا تقدیم ائده‌جه‌ییک. قایناق:«ایشیق سایتی

تیراختور 1 نساجی 0

میر حسین دلدار بناب یارالی دورنا بیر یارالی دورنا دومان ایچینده داغلاردان کئچیردی، گئجه گؤزونده قاتاردان قالمیشدی، قاتی دوماندا ایتیردی گئتدیکجه، اؤزو اؤزونده سرحدلردن کئچدی، چؤللردن کئچدی گؤیلرین بزه‌یی، یارالی دورنا بیتمه‌دی اوزاق یول، بیتمه‌دی سفر دوشدو قاتاریندان آرالی دورنا ایتیردی یولونو، گؤزو قارالدی گؤیدن یئره دوشدو، اوچا بیلمه‌دی گؤلمج قیراغیندا، دایانیب قالدی قوزئیدن گونئیه، کؤچه بیلمه‌دی! یاراسیز یولداشی قاطار ایچینده قوزئیدن گونئیه دوغرو اوچوردو بیلمیردی یولداشی، یولدا قالیبدی داغلاردان، چؤللردن، سرخوش کئچیردی قاطارین سفری سونا چاتیردی دورنالار دنیزه قوناق اولوردو یارالی دورنانین گؤلمج ایچینده گؤزلری دولوردو، رنگی سولوردو دورنالار دنیزده دویون قورارکن یارالی دورنانین قانی سوزوردو یولداشلار یولداشی اونوتموشدولار بیر دورنا دونیادان الین اوزوردو ایچینده یالقیزلیق هارای چکیردی قارانلیق چؤکوردو، قاش قارالیردی دنیزلر بزه‌یی گؤزل دورنانین جانینی آیریلیق دردی آلیردی یادینا دوشوردو بیر آجی آغی ایستیردی اوخشاسین، سون نفسینده گؤیلره باخیردی، گؤلمج ايچینده دونیانین سسلری، باتدی سسینده «یارالی دورنایدیم، دومان ایچینده قاتاردان آیریلدیم، قاتی دوماندا یولداشلار گئتدیلر، یولدا قویدولار دوغولموشدوم سانکی، یانلیش زاماندا»... https://t.me/Adabiyyatsevanlar

اوشاق ادبیاتی «محمدعابدین پور» ادبیات سئونلرگوزگوسوندده (بیرینجی بولوم) 1402/2/21 موضوع: اوشاق ادبیاتی آپاریجی:«کریم قربانزاده» https://t.me/Adabiyyatsevanlar

اوشاق ادبیاتی «محمدعابدین پور» ادبیات سئونلرگوزگوسوندده (بیرینجی بولوم) 1402/2/21 موضوع: اوشاق ادبیاتی آپاریجی:«کریم قربانزاده» https://t.me/Adabiyyatsevanlar

اوشاق ادبیاتی «محمدعابدین پور» ادبیات سئونلرگوزگوسوندده (بیرینجی بولوم) 1402/2/21 موضوع: اوشاق ادبیاتی آپاریجی:«کریم قربانزاده» https://t.me/Adabiyyatsevanlar

اوشاق ادبیاتی «محمدعابدین پور» ادبیات سئونلرگوزگوسوندده (بیرینجی بولوم) 1402/2/21 موضوع: اوشاق ادبیاتی3 آپاریجی:«کریم قربانزاده» https://t.me/Adabiyyatsevanlar

اوشاق ادبیاتی «محمدعابدین پور» ادبیات سئونلرگوزگوسوندده (بیرینجی بولوم) 1402/2/21 موضوع: اوشاق ادبیاتی2 آپاریجی:«کریم قربانزاده» https://t.me/Adabiyyatsevanlar

«محمدعابدین پور» ادبیات سئونلرگوزگوسوندده زمان: پنجشنبه 1402/2/21 موضوع: اوشاق ادبیاتی آپاریجی:«کریم قربانزاده» https://t.me/Adabiyyatsevanlar

اوشاق ادبیاتی آذربایجان افسانه لری سؤیله ین:«صمد بهرنگی - بهروز دهقانی» چئویرن:« منیژه جم‌نژاد» تولکو یله کو٘پ قاریسی۲ 🧙‍♀🦊 آغا قیزی گؤروب دئدی: قیز، سن هارا بورا هارا؟ قیز دئدی: منی بولار گتیریبلر. ائشیدین پادشاهدان. خانیمی له اوتورموش دانیشیردی، خبرگلدی: پادشاه نه اوتورموسان، قیزیوی قارتال گؤتوروب آپاردی. پادشاه کوپ قاریسین چاغیریب پول وئردی گئدیب قیزینی تاپسین دئیه. قاری کو٘پونه مینیب گلدی کوهولون یاخینینا یئتیشدی. کو٘پو بیر یئرده تورپاقدا باسدیریب، اوغلانین یولوندا اوتوردو. آخشام اوغلان اوردان کئچرکن گؤردو بیر قوجا آرواد یولدا اوتوروب. دئدی: ننه نیه تک تنها چولون آراسیندا اوتورموسان؟ دئدی: اوغول، کروان لا گئدیردیم، منی قویوب گئتدیلر. اوغلانین او٘ره‌یی یانیب دئدی: دور گئدک منیم ائویمه، خانیمیما دا یولداش اولارسان. تو٘لکو گوردو آغا بیر قاری گتیریر، اَیری - اَیری اونا باخدی. سحر اوغلان آوا گئتدی. قاری قیزا دئدی: قیزیم، سن هئچ بو هنده وری دولانمیسان؟ قیز دئدی: یوخ، من بیر یئره گئتمرم. قاری دئدی: اوندا دور بیرلیکده دولاناق. بیر بئله بو کوهولده اوتورسان دیغلارسان. دوروب دولانماغا گئتدیلر. گزه - گزه گلیب قارینین کو٘پونه چاتدیلار. قیز دئدی: ننه بو نه دیر؟ قاری دئدی: من نه بیلیم قیز! اؤزون باخ گؤر. قیز اَییلدی کو٘پون ایچینه باخسین، قاری اونو ایتله دی، قیز کو٘پون ایچینه دو٘شدو. قاری تئز کو٘پون باشینی باغلییب، اؤزو ده او٘ستونده اوتوروب کؤکلییب، هاوایا قالخدی. آخشام اوغلان گلیب گؤردو تو٘لکو بیر یاندا حال سیز، حوصله سیز سیخیلیب یاتیب، خانیمیندان، قاری دان دا خبر یوخدو. اؤز یانیندا دئدی: یازیق تو٘لکو دونن منه اَیری - اَیری  باخدیغیندا حاقلییمیش. قاری ایشین گؤروب، قیزی آپاریب...گئنه بیر ایکی گون کئچدی، تو٘لکو گئتدی داشی دیغیرلادیب گتیردی  بیر گوشه یه قویدو، اؤزو ده او٘ستونه چیخیب دئدی: آی قورت یولداش، ایت یولداش، قارتال یولداش، آغانین بئله جه کدرلی دردلی اولدغوندا،  بیزیم الیمیزی ال اوسته قویوب اوتورماغیمیز یاخجی دئییل. دئدیلر: نه ائتمه‌میزی ایستیرسن؟ تو٘لکو دئدی: گئدیب گئنه قیزی گتیرک. گئنه تولکونون قویروغونا مینجیق، زینقیروو باغلییب، یولا دو٘شدولر. تو٘لکو سو یولوندان حیطه گیردی، ایت ایله قورت دا قاپی آغزیندا دوردولار، قارتال دا حیطین باشیندا دولانیردی. دئمکدن قیزین قوللوقچوسو دَییشیلمیشدی. بیردن گؤزو تو٘لکویه دو٘شدو. سسله دی خانیم گل باخ! بیر زاد گلیب حیطه، ائله گؤزل اویناییر کی دئمه!... قیز پنجره دن باخیب تو٘لکونو گؤردو. یو٘نگول، باهالی اولان، الینه گلنی گؤتوروب چیخدی. قارتال ائنیب اونو گؤتوروب آپاردی. تو٘لکو سو یولوندان چیخدی، ایت له قورت دا اونون دالینجا قویوب قاچدیلار. قیزی گئنه گتیریب کوهوله قویدولار. آخشام اولدو. آغانین گلمک واقتی یئتیشدی. تولکو دئدی: قورت یولداش، ایت یولداش، قارتال یولداش، دورون گئدک آغانین پئشوازینا. اوغلان گلیردی، گؤردو تو٘لکو اوبیری لری ده سالیب دالیسیجا، شنگول منگول آتیلا - آتیلا گلیر. گلیب گؤردو قیز کوهولده دی. سوروشدو: قیز سن هاردایدین؟ قیز دئدی: قاری منی توولاییب آپاردی. اون اون بئش گو٘ن کئچدی. پادشاه قوشون یوللادی اوغلانی توتوب گتیرسینلر. قوشون گلیب اوغلانین یولونو کسدی. قیز کوهولون او٘ستونه چیخیب گوردو هه، قوشون یولو کسیب. پوزغون نایمید آشاغی ائندی. تو٘لکو قیزی بئله گؤرونجه، کوهولون او٘ستونه چیخدی گورسون نه خبر وار. قوشونو گؤروب آشاغی ائندی. آردی وار... https://t.me/Adabiyyatsevanlar

آیدین ساونشر بو ایل تهرانین کتاب سرگیسنده، اوشاق ویئنی یئتمه بوءلومونده اشتراک ائده جک.

«اوشاق ادبیاتی» «گیلاس آغاجی» «حاضیرلایان ویدا حشمتی» گونلردن بیر گون، یازین ایلک گونلرینده ایکی قاری-قوجا حیه‌طده اوتورموشدولار. بیردن باغچاداکی گیلاس آغاجینی سولغون گؤردولور. بونو گؤرن قاری-قوجا چوخ اوزولدولر. آغاجا یاخین گئدیب، دقت‌له اونا باخدیلار. آغاج چورومک حالیندایدی. هر یئرینه بؤجکلر داراشمیشدیلار. قاری-قوجا کندین باغبان باشی‌سیندان کؤمک ایسته‌دیلر. باغبان باشی آغاجین کؤکونون خسته‌لندییینی دئدی. یا آغاج کسیلمه‌لی‌ایمیش یا دا اوزون زامان داوا-درمان اولمالی‌ایمیش. قاری-قوجا نئچه گون دوشونوب، بیر چارا آختاردیلار. اونلار اوچون آغاجدان موغایات اولماق چوخ چتین ایش ایدی. آخی اونلار چوخ یاشلی ایدیلر. قاری-قوجا آغاجی کسمه‌یه قرار وئردیلر. قوجا کیشی بالتانی الینه آلیب، آغاجین کؤتویونه ووراجاق ایمیش کی، همیشه باغچایا گلیب، مئیوه ییغان اوشاقلار گلدیلر. قوجا کیشینی بو حالدا گؤرن اوشاقلار: -دور عمی جان!... نه ایش گؤروسن؟.. دئدیلر. قوجا کیشی دئدی: -اوشاقلار بو آغاج خسته‌له‌نیب، اؤلمک حالیندادی. قاری دا دئدی: -هه اوشاقلار!.. بو آغاج داها گئتمه‌لی‌دی. سیز باشقا آغاجلارین مئیوه‌سینی درین!. اوشاقلار بونا چوخ اوزولدولر. اؤز آرالاریندا دانیشماغا باشلادیلار. اونلارین اوره‌ییندن گلمه‌دی آغاج کسیلسین. دئدیلر: -عمی جان!.. سن آغاجی کسمه!.. بیز گلیب اوندان موغایات اولاریق. هر گون گلیب اونا داوا وئره‌ریک. او بیر جانلی‌دی. لطفا اونون جانینا قییما عمی جان!.. قاری-قوجا اوشاقلارین بو سؤزوندن چوخ سئویندیلر. اونلارین گؤزلری سئوینجدن یاشالدی. قوجا کیشی آغاج اوچون داوا ایله ویتامین آلدی. اوشاقلار هر گون گلیب، آغاجین داواسینی، ویتامینی‌نی وئردیلر. بیر آی سونرا آغاج او‌ّلکی کیمی ساغ-ساغلام اولوب، لذّتلی مئیوه‌لر وئردی. اوشاقلارین امه‌یی ایله او گؤزل گیلاس آغاجی یاشامینا دوام ائتدی. https://t.me/Adabiyyatsevanlar