ادبیات سئونلر

ميرحسين دلدار بناب «کؤچ» دور آیاغا گئدک، بیز گئتمه‌لی‌ییک قورخا- قورخا یاشام، اؤلومدن پیس‌دیر! چکینه-چکینه نفس چکمه‌دن ایچیمین هاواسی، دوماندیر سیس‌دیر سیزلری بیلمیرم! منه ال وئرمز بئله بیر حیاتی، قوسماغیم گلیر قیسیلا-قیسیلا یاشاماق ندیر؟! اؤلومو باغریما باسماغیم گلیر! ایچیمده بیر قوش وار، آدی «جان قوشو» گؤیلرین هاواسین، ایچمک ایسته‌ییر کؤچری بیر قوشدور، قفسه سیغمیر! اوره‌یی سیخیلیب، کؤچمک ایسته‌ییر گئجه‌دن یورولوب، مین‌بیر گئجه‌دیر داریخیر، هارایلیر، گونش چاغیریر سانکی بیر آنادیر، اوغول‌سوز قالیب یارالی- یارالی نیسگیل باغیریر! دور آیاغا گئدک بیز گئتمه‌لی‌ییک قاتار- قاتار دورنا بیزی گؤزله‌ییر بیر یارالی گؤل وار، یانیر اوره‌یی آرازا بند اولان، کورو اؤزله‌ییر بیلیرم بوگونلر من اؤله‌جه‌یم کابوسلار یوخودا بوغاجاق منی مین گئجه مین گوندوز، کئچندن سونرا دنیزلر یئنی‌دن دوغاجاق منی... ۱۴۰۲/۰۷/۰۹ https://t.me/Adabiyyatsevanlar

«توفیق نورعلی» کؤچورن:« ویدا حشمتی» اؤلن اومیدلرین، سؤنن شاملارین، ایتن سئودالارین خاطیره‌سینه... آغاران ساچلارین، سؤنن گؤزلرین، گئدن عزیزلرین خاطره‌سینه... غملی نغمه‌لره دؤنن ایللرین، قیریلان سؤزلرین، سوسان دیللرین تیتره‌ین اللرین خاطره‌سینه... سئویب تنهالاشانلارین، روحو قوشالاشانلارین، عادیل‌لرین، ساده‌لرین، روحو آزاده‌لرین، بیرده کی، ایچیلمه‌میش هئچ واخت ایچیلمه‌یه‌جک باده‌لرین خاطره‌سینه باغیشلا، منی باغیشلا... https://t.me/Adabiyyatsevanlar

«مهدی سربازی علمداری» نه سسله‌ییم سنی ای هر گئجه‌م‌ده سؤز دوستوم گلیب بیرآن بئله تئز قاچما-گئتمه، دؤز! دوستوم سنه کؤنول دیله‌یین یوزده بیر قات آچمامیشام واراغ-واراغ آلووام،آرزو-آرزو کؤز، دوستوم اوتور یانیم‌دا قولاق وئر گؤیول تمنناسینا بو اؤزله‌مین آجیسین گؤزلریم‌ده پوز دوستوم اوره‌ک تاب ائیله‌مه‌ییر هیجرانین اوزانماسینا دئ! وصلینه چاتاجاق چاغ‌دا هانی گؤز؟ دوستوم یانیلدیم آخ یئنه من، گؤز گرک دییل گؤروشه باغیشلا گؤز به‌به‌ییم، جان-جییاریم،اؤز دوستوم! تیریم-تیریم ائله تیتریر الیم‌ده اینجه قَلَم ایچیم‌دن اود-آلووام، اوزده شاختا-بوز،دوستوم نولار کی آرزو‌مو آرتیق گؤزوم‌ده قویمایاسان؟ پاییز پیاله‌مه یازلیق سئوینجی‌ سوز، دوستوم منه یوخوم‌دا اومود باغچاسین‌دان آلما گتیر! اَتک-اَتک گولو بیر-بیر اؤنوم‌ده دوز، دوستوم سوروشما آرزولاریم وصلینه چاتار، بیته‌جک؟ اؤزوم اؤلوم بیته‌جک‌!سؤزدو! یوز-ده-یوز دوستوم!... https://t.me/Adabiyyatsevanlar

«مهری_ذبیحی_اترگله» "چکیده ام از چشم روزگار" از حواس ابری که کوتاه نیامد از آستین باد از خش خشِ موهایی که شالم را به بازی گرفت و رنگهایی که ریخت روی دست فصل چکیده ام بر شانه‌های خیابان از دهان کلمات و دفتری که چند برگ اضافه آورده‌ام برای نوشتن که هنوز هم حرفهایی در سپیدیِ سکوتِ خروس‌خوان مجال شعر شدن می‌خواهند چکیده ام از حیای آینه در حجاب صبحی بارانی خیز بردار سمت پنجره شاید فاصله‌ها کوتاه بیایند/آمدند! کمی بیشتر تاب بیاور بلورهای رمیده از رهایی‌ام را در سکون ثانیه‌های بی ساعت که ماسیده بر چشم روزگاراند https://t.me/Adabiyyatsevanlar

عدالت امی«دومان» نه بیللم گلیشیمدن سئویندیلر بیلمه دیم گئدیشیمدن آغلاسالار نه بیللم؟ گؤبه ییمی دوغرادیلار بیلمه دیمٍ گؤزلریمی باغلاسا لار نه بیللم؟ ده لی گلدی ده لی گئتدی دئین ده سایمازلیقلا اؤزون منه اؤین ده مندن سونرا دیزلرینه دؤین ده سیزلاسالار،سیتقاسالار نه بیللم؟ دومان  یوخسا ساخلایارمی چؤل یاسی؟ اوغول دئیه توتاجاقمی ائل یاسی؟ اوزاق باشی  قیرخدان سونرا ایل یاسی میننت ایله ساخلاسالار نه بیللم؟

✍️:«توفان-قارا داغلی» قورخورام قورخورام منی ساتالار      بئش اوچ قیران پولا بوردا قورخورام دردیمین قانین             آخیدالار  یارا  یوردا قورخورام کی میکروفونلار             اوغورلویا کال سسیمی قورخورام کی دوست آدی‌ایله            زیندان کَسه نفسیمی قورخورام کی حاماملاردا        جاسوس اولا سولار منه یاتاغیمدا  اؤز  اوتاغیم         پای وئره اینتیحار  منه من اؤزوم  قورخاق دئییله‌م        بو شعیریم  قورخودور  منی قارقیش اولموش سطیرلرده       کاغاذلاردی جیریر منی دای اؤزومه اعتبار یوخ          حتی بو آن، بو  مکانا قورخوم بودور بیر گون " توفان"          اعدام چیخا  میکروفونا 1402/3/19 https://t.me/Adabiyyatsevanlar

✍:« مهدی سربازی علمداری» پارام-پارچا کؤنلومون یاراسی سن بویدادیر یاس‌لی گئجه‌لریمین قاراسی سن بویدادیر گزدیم بوتون دونیانی آیدین-گیزی-رؤیانی هانی! بونلارین هانی؟ هاراسی سن بویدادیر؟ شاختا-سازاق کوله‌یین دوندوردو یاز دیله‌یین بو باغری قان اوریین چاراسی سن بویدادیر منه! قوجا دونیانین ایکی هیجا دونیانین آلچاق-اوجا دونیانین آراسی سن بویدادیر https://t.me/Adabiyyatsevanlar

احمد شاملو ‍ فصلِ دیگر بی‌آن‌که دیده بیند، در باغ احساس می‌توان کرد در طرحِ پیچ‌پیچِ مخالف‌سرای باد یأسِ موقرانه‌ی برگی که بی‌شتاب بر خاک می‌نشیند. ـ□  بر شیشه‌های پنجره آشوبِ شبنم است. ره بر نگاه نیست تا با درون درآیی و در خویش بنگری. با آفتاب و آتش دیگر گرمی و نور نیست، تا هیمه‌خاکِ سرد بکاوی در رؤیای اخگری. ـ□ این فصلِ دیگری‌ست که سرمایش از درون درکِ صریحِ زیبایی را پیچیده می‌کند.  یادش به خیر پاییز با آن توفانِ رنگ و رنگ که برپا در دیده می‌کند!  ـ□ هم برقرارِ منقلِ اَرزیزِ آفتاب، خاموش نیست کوره چو دی‌سال:  خاموش خود منم! مطلب از این قرار است: چیزی فسرده است و نمی‌سوزد امسال در سینه در تنم! https://t.me/Adabiyyatsevanlar

«جابر نوروز» سن گیزلی گلمیش‌سن عمرومه اینان بو گیزلی عشق‌ایله یاشایاجاغام دنیانین اَن آغیر یۆکو ساییلان گئجیک‌میش محبت داشییاجاغام سن منیم عمرمده آچان چیچکسن اونو اۆره‌ییم‌ده بسله‌یه‌جه‌یم سن منی هئچ زمان گؤرمه‌یه‌جک‌سن من سنی هر زامان گؤزله‌یه‌جه‌یم اوزاق‌دان گؤز قویوب گؤزونه سنین سانکی گؤره‌جه‌یم آللاهیمی من دۆشوب قاریش-قاریش ایزینه سنین ازبر‌له‌یه‌جه‌یم یوللارینی من سنی ذرّه-ذرّه کشف ائده‌جه‌یم سنی میلیون کره‌ کشف ائده‌جه‌یم هر گۆن آدین‌لا باشلایاجاغام هر گۆن آدین‌لا بیتیره‌جه‌یم سنی رؤیالاریم‌دا اوخشایاجاغام سنی خیاللاریم دا ایتیره‌جه‌یم سن منی هئچ زمان دوُیمایاجاقسان من بۆتون عمرونو ایزله‌یه‌جه‌یم سن منه محل ده قویمایاجاق‌سان من سنی هر زمان سس‌له‌یه‌جه‌یم هر گۆن منیم اۆچون دوغولاجاق‌سان هر گۆن منیم اۆچون یوخ اولاجاق‌سان منیم سئوینجیم ده سن اولاجاق‌سان منیم کد‌ریم ده سن اولاجاق‌سان من سنین آدینا هر ساعت هر آن قلبیم‌‌ده مکتوب لار یوللایاجاغام سن هئچ وقت فکریمدن چیخمایاجاقسان من هئچ وقت یادیندا قالمایاجاغام سن منه حیاتدا ان دوغما آدام من سنه یاددان دا یاد اولاجاغام سن عمر ائده‌جک‌سن آیری آدام‌لا من کیم‌ام نئچه‌یم بیلمه‌یه‌جک‌سن بیر گۆن بو دنیادان سنین آدین‌لا کؤچوب گئده‌جه‌یم بیلمه‌یه‌جک‌سن https://t.me/Adabiyyatsevanlar

دوکتور « محمد حسین مبین» شیمشک من کیمه م؟ قایالار دوشونده بوزلایان قارام بولاغام، داغ لاردان جوشوب آشارام قوشولوب چای لارا دنیز اولارام دالغالار یارادیب داغدان آشارام داشلارین بزه یی اینجه بیر گوله م یارپاغیم قایادیر، چیچه ییم بولود حسرتده قوورولان خسته بولبوله م اوره ییم یارادیر درمانیم اومود “شیمشک” ایم شاخارام قارا گئجه ده ده له رم باغرینی قارا گئجه نین یولچویام گه زه ره م ایتگین یوللاری توتارام الینی یولدان کئچه نین

اوشاق ادبیاتی کپه‌نک‌لر چالیشیندن شکیل‌لر