ادبیات سئونلر
الذهاب إلى القناة على Telegram
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.
إظهار المزيد3 136
المشتركون
-224 ساعات
-57 أيام
+1630 أيام
أرشيف المشاركات
3 137
نادیر پاشا
یییه سیز دونیا
سانکی یئر پلانئتی کؤره گیمه یوکله نیر
و دونیانین بوتون آجی لاری
اوستومه آغناییر
سس سیز ، سمیرسیز
گئجه لر اوزانیر
بوباشیندان او باشینا دونیانین
یوواسینا قاچمادا؛اورگی آغزیندا
قیرقی لار قووالایان بیلدیرچینلر
دونیانین هریئرینده تاپدالانان بیر سوچسوزام
هر اؤزگوره تاخیلان شوک تئللری
ایچیمی یاخیر
هر آپتال، الینده کی خنجری کؤکسومه تاخیر
هر بتون آلتیندان چیخان اوشاق جنازه سی یم.
...
اوی ی ی...زیرپی اژده هالار
قانچیل زلی لر!
اوْی آزادلیغی قانینا بله ین، اؤزگۆرلوک جارچیلاری!
اوی ی ی بو دۆنیانی جهنمه دؤنده رن جنت ائلچیلری!
سیزین جیبلرینیز منیم قانیمین فییه تینه دولور
بو یییه سیز دونیادا
هرکیم اؤز قایدینا قالمیشدیر.
باخ طنطنه لی شعارلارا
الوان قووخلاردیلار ساغا سولا اوجالان
.....
بیری اؤزگورلوک حسرتینده
بیریسی ائل قایغیسیندا
بیری دیلیندن داغلانیر
منده سه ،هر بیر حسرت پؤهره له نیب؛مین مین اولور
و سازیمدان دیلغیمی دن باشقا بیر هاوا چیخمیر.
.....
یالنیز آغزیمی ایله سیدیلر
نیچون سئویرسن دئیه
بیر شئی دئیلدیر
سینیرلریمی یوخلاییب
روحومو قامچی لاییرلار
سانکی یئر پلانئتی کؤرگیمه یوکله نیر
و دونیانین بوتون آجی لاری
اوستومه آغناییر!
سس سیز ، سمیرسیز
2016/10/24 تبریز.
https://t.me/Adabiyyatsevanlar
15 يونيو 2025, 23:16
3 137
وطنم را صدا نزن با گلوله
نه با آتش، نه با فریاد،
نه با آهن پارهای در دل شب...
وطنم،
گهوارهایست از مهربانی
که زیر خاکستر هم،
باز بوی نان میدهد
و آواز مادران.
ای آنکه از دور مینگری با نفرت،
و از پشت مرزها تیر میافکنی...
بدان
که ما خاک را چون جان میپروریم،
و هیچ آتشی
ریشهی عشق را نمیسوزاند.
https://t.me/Adabiyyatsevanlar
15 يونيو 2025, 23:11
3 137
Repost from ادبیات سئونلر
حمله به کشورمان و کشتن مردم بی دفاع توسط هرکس ،هر کشوری را محکوم می کنیم،
1404,3,23
https://t.me/Adabiyyatsevanlar
15 يونيو 2025, 22:56
3 137
رحیم گوزل
آغلادیقجا
آیاقلاری یئر آلیر،
سیتقادیقجا
آرتیق سیتم ائدیر دونیا...
قاپیسیندا
دیلنچیلیک دلیلیکدیر؛
-بو اَهنزین-
گوزیاشییلا یوموشانان اورهیی یوخ!
نه، آه اودو یاخار جانین،
نه، توپ-توفنگ...
نه کام وئرر، نه باج وئرر بو نهنگ؛
حیات وارکن
گوله-گوله یاشاییب
اولنده سه
گوله-گوله اولنلردن باشقاسینا!..
15 يونيو 2025, 01:36
3 137
نادر_الهی
سنسیز سینیخیبدیر، قوجالیبدیر کوچهلر
گَل گؤر نه گونه اؤزون سالیبدیر، کوچهلر
گئتدینسه دہ، گئتمهییب دادین، آغزیندان
گَل... تامسینا- تامسینا قالیبدیر، کوچهلر.
اؤز دردیمه بیر قاشیق داوام، یوخدو منیم
اؤز خیریمه بیر اوووج دووام یوخدو منیم
یئللر یووالاندی... من دیدرگین قالدیم،
آه... من نه قوشام کی بیر یووام یوخدو منیم؟!
سر یئللری بیر اوووج خزل بوک، گؤندر
بوک آرزومو، عشقیمی، گؤزل بوک گؤندر
آجدی اورهییم... باخیشلاریندان دا باری
دَر... دسمالا بیر تیکه غزل بوک گؤندر
بـو کـؤهنه دَییرماندا کی دَنلر دارتیر
مرد اَسگیلن اندازهده، نامرد آرتیر.
آرتیق سینادیقجا دونیانی گؤردوم من-
آرتد یقجا دوشونجه... انسانا درد آرتیر!
سندن هله دوزلو دانیشیر هر یارام ...آه
باخماکی الیمدہ قالماییب بیر چارام ... آه
هر یاز یاغیشیندان اَسیرم تـر نانا تک
آہ سئللرہ پای اولان سئویملی سارام ... آه
https://t.me/Adabiyyatsevanlar
15 يونيو 2025, 00:21
3 137
یعقوب_نیکزاد
یویوندوروب گؤزومو، آغریسین قاتیر یوخویا
اوزولموش اللریمی باغلاییب، ساتیر یوخویا
چالیب قابار کوچهده گؤزلریم، دوشوب دیلدن
دنیز خییاللی داغی آلدادیب، توتور یوخویا
آدین اوجالتماق اوچون یئر، گؤیه نفس سالیرام
اوچوردور اوستونه منسیزلییی، یاتیر یوخویا
اؤلوب، ایتیبدی اؤتن چاغلاریمدا کؤلگهلریم
هئچ اولماسا بیر ایتن آرزومو گتیر یوخویا!
بو نه حسابدی بو گون کؤهنه بورج آداقلیسییام؟
بو نه کیتابدی توتولموش سطیر-سطیر یوخویا؟
آزادلیغیمدا اکیر گولله نین گیزیلتیسینی
یاساق سئوینجیمی تاپشیردی دیکتاتور یوخویا
نه، سؤز وئریب یئنیدن بیر گیله سئویلمهییمه،
نه ده گلیب گئجه گیزلین اؤزون چاتیر یوخویا
غزل باخیشلیما آند اولسون! او گوناه سیزدی
یوخومدا گؤرموشم آیدین، بو سؤز آتیر یوخویا
https://t.me/Adabiyyatsevanlar
14 يونيو 2025, 23:54
3 137
طالِعیمدن و اورهییمدن کِئچنلر
پروفسور محرّم قاسیملی (اورخان پاشا)
کؤچوروب، ترتیب ائدن: مجید تیموریفر (م.صفا)
"ایکینجی حیصصه"
_ بیر گؤی آتیمیز واریدی. منی هامیدان چوخ ایستهییردی، یانینا گَلَنده ده، آیریلیب گئدندهده، اوشاق کیمی آتیلیب- دوشور، ارکؤیونلوک ائلهییردی. بیر گون آتام اونو کندیمیزین او بیری باشینداکی قوروقچویا ساتماق قرارینا گَلدی. دایچالیقدان اَلیمده بؤیوتدویوم گؤی آتیمدان آیریلماق منیم اوچون دؤزولمز درجهده چتین ایدی. گؤی آت چوخ حسّاس ایدی، نه باش وئردیگیندن سانکی دویوق دوشموش کیمی اعتیراض علامتی اولاراق قاباق آیاقلارینی دورمادان یئره دؤیوردو.
...آیلار سونرا ایش ائله گتیردی کی، کَندین اوباشینداکی یونجالیقدا هؤروکلنمیش گؤی آتی گؤردوم. یاخینلاشدیم، اوستومه آتیلیب اوز- گؤزومو قوخولادی،ائله بیلدی اونو آپارماغا گلمیشم. قاشقا[1]سیندان اؤپوب اوزومو آلنینا قویاندا هر شئیی آنلادی. بو دؤنه یاشارمیش گؤزلرینی آشاغی دیکیب کوسکون بیر سوسقونلوق ایچریسینه گیردی. بیرده او طرفه گئتمهدیم...
1915- جی ایل چاناققالا ساواشیندان اونودولماز و عیبرتآمیز بیر منظره؛ اون اوچ- اون دؤرد یاشلی، اوچ یئنی یئتمه آنادولونون ایچلریندن بیری- بیرینه قوشولوب، چاناققالایا- قانلی ساواش مئیدانینا گَلیرلر. گئچیب گئتدیکلری یوللاری، جیغیرلاری قان ایچینده گؤرَن یئنی یِئتمهلر، بیلسهنیز نه ائدیرلر؟ چاریقلارینی چیخارداراق، چیینلریندن آسیر و یولون قالانینی تیکانلی کول- کوسا، داش- کَسهیه محل قویمادان آیاق یالین گئدیرلر. تورک عسگرینین یئرده آخان قانینی اؤز چاریقلاری ایله تاپدایاراق یئریمهیی قبول ائتمهین یئنی یئتمهلرین بو داورانیشی ساواش مئیدانینا قدر چاریقلاری چیگینلرینده آیاق یالین یورومهسی ایرهلیده دؤیوشن عسگرلرین آراسینا ایلدیریم سورعتی ایله یاییلیر و هر کسی ریقّتَه گتیریر. بو مؤحتشم اخلاق قارشیسیندا، گونو بو گون ده آدامین توکو بیز- بیز اولور. آز قالیرسان کی، او اوچ یئنی یئتمهنی تاپیب، اونلارین چیگینلریندن آسلانمیش چاریقلاریندان اؤپهسن!
اصیل ضیالیلیق اودور کی، سن دربندلی اولمادان توتدوغون عمللری، حرکت و داورانیشلاری گؤرَن دربند جاماعاتی ائله بیلسین سن ده دربنددَنسن. لنکرانلی سنی لنکراندان، گنجهلی- گنجهدن، ناخجیوانلی- ناخجیواندان، قاراباغلی- قارباغدان، تبریزلی- تبریزدن، اورمیهلی- اورمیهدن، زنجانلی- زنجاندان، گؤیچهلی- گؤیچهدن، شیروانلی- شیرواندان، تهرانلی- تهراندان بیلسین. سئوگینله، عملینله وطن بویدا گؤرونهسن، وطنین هر یئریندن گؤرونهسن. نه یازیق کی، بیزیم ضیالیلیغیمیزدا بو کئیفیّت او قدَر ده چاتیشمیر...
ساواد تکجه یازیب- اوخوماق دئییلدیر. یازی- اوخو وردیشی ساواد اَلده ائتمک واسیطهلریندن بیریدیر. ساواد ایسه درین و هرطرفلی بیلیکلر توپلوسودور. اونون منیمسهنیلمهسی ودرک اولونماسیدیر. ساوادا یازی- اوخو یولو ایله اولدوغو کیمی، شیفاهی- سؤزلو یوللا دا، یییَهلَنمک مومکوندور. عاشیق علعسگر کیمی. او، صاحیب اولدوغو دَرین فلسفی- عرفانی بیلیکلری محض شیفاهی- سؤزلو یوللا الده ائدهرَک، اؤزونو حئیرتآمیز ساوادی ایله اعتیبارلی یازی- پوزو بیلیجیلرینی بئله مات قویماغی باجارمیشدیر. من اوشاقلیق چاغلاریمدا چوخلو سایدا او جور کؤهنه کیشیلر گؤرموشم. اونلارین دونیا گؤروشو و حیات تجروبهسی ایندیکی چوخ اوخوموشلاردان ایرهلیده ایدی...
دمیر قاپی دربند...بایات قاپیسیندان گلَن قوپوز صدالارینی، اوغوز نیدالارینی هئچکس ائشیتمک ایستهمیر. قیرخلار قبریستانلیغیندان بیر آز او یاندا ددهم قورقودون اویودوغو مزار اوچموش قایا سوتونلارینین آلتیندا اینیم- اینیم اینیلدهییر. نه بیزدن هارای گَلیر، نه ده باشقالاریندان سَس چیخیر. باشقالارینی، بیزی یاخشی تانییان اؤزگهلری باشا دوشورم. اونلار دربندین آناسیندان آیری سالینمیش اورهیی یارالی، باغری پارالی بیر بالا اولدوغونو چوخ گؤزل بیلیرلر. هَله اوراسینی دا، یاخشی بیلیرلر کی آناسیندان آیری سالینمیش بالانین یانیندا آنانین آدینی چکمک اولماز...
منیم اوتوز یاشیما یاخین حسن بابامین یوز یاشی اولموشدور. اوندان بو یوز ایلین نئجه گؤروندویونو، چوخ اوزون اولدوغونو سوروشدوم. فیکره گئدیب دئدی: «ائله بیل کی، یاتیب بیر یوخو گؤروب دورموشام».
بابام یاشاماقدان سؤز دوشنده دئیردی: «آتمیش ایل یاشاماق جانین بورجودور، آتمیشدان سونرا هر اون ایل قنیمتدیر، یئتمیشدن سونرا هر بئش ایل قنیمتدیر، سَکسَندن سونرا هر آی قنیمتدیر، یوزدن سونرا هر گون قنیمتدیر... »
ظارافاتا سالیب دئیردی: «کیشییه آرواد قوجالیقدا لازیمدی، جاوانلیقدا هر یان آرواددی...
1- قاشقا: عومومیّتله مال- قارانین، اؤزللیکله آت، اؤکوز و اینک کیمی حئیوانلارین آلنینداکی آغ لکه.
https://t.me/Adabiyyatsevanlar
14 يونيو 2025, 06:33
3 137
ابراهیمصدری
- اوغلوم، ۱۳-۱۴ آچاری وئر!
+ آل اوستا!
- اوغلوم، یات موتورون آلتینا، نهیی وار، بیر باخ!
+ یاخشی، اوستا!
- اوغلوم، یاخشی برکیت پیچی، سونرا یییهسی نه دئیَر؟
+ برکیدیرم اوستا!
گوجوم چاتدیغی قدر،
اورهییم چاتدیغی قدر، برکیدیرم ایشده.
- اوغلوم، ترلهمیشسن،
آخماسین ترین موتورا
موتور پاسلار سونرا.
+ اولورمو به اوستا؟
تر پاسلادار می؟
گؤز یاشی پاسلادار می؟
- اوغلوم، نه دئییرسن؟ باخ ایشینه!
+ باخیرام، اوستا!
یالنیز، اللریم...
اللریم چاتلامیش به اوستا!
اللریم آجی ایچینده،
اورهییم وار اللریمده،
اورهییم یانیر، اوستا!
قان تر ایچینده...
هم، اوستا!
سن هئچ شار اوینادین می کوچهده؟
قیرمیزی جیلیدلی دفترلرین وارمییدی؟
هئچ گئتدین می اوخولا؟
اوخول نئجه بیر شئیدیر، اوستا؟!
اؤیرتمن نئجه بیریدیر؟
اوردا دا موتور باخدیریرلار می کی؟
اوردا دا سؤیوش وئرلر می اوشاقلارا؟
اوردا دا دؤیَرلر می به اوستا؟!
- اوغلوم، باخ ایشینه! حیرصلندیرمه منی!
+ یاخشی، اوستا!
ها، اوستا!
سنین آنان دا ساچلارینی اوخشارمییدی؟
سنه آغلارمییدی گئجهنین قیرمیزی آلوووندا؟
دوغرودان اوستا! سن هئچ آغلادین می،
بیر صاباح جانسیز دوشنده آنان-
یاواشجا گؤزلرینین اؤنونده؟
- اوغلوم، باخ ایشینه!
حؤوصلهدن چیخارما منی!
گیر موتورون آلتینا!
+ اوستا، دور، حیرصلَنمه!
باخ، گیریرم موتورون آلتینا!
دونیانین آلتینا گیریرم اوستا!
دونیانین آلتینا گیریرم.
یاردیما گرک یوخ، اوستا!
یاردیما گرک یوخ!
من اورا اورهییمی قویورام،
اینان، داشیییر، اوستا!...
https://t.me/Adabiyyatsevanlar
13 يونيو 2025, 23:01
3 137
حیدر بیات
یوخ
آی ایشیغییلا کوسوشمهمیشیک
بیربیریمیزی دوشونه بیلمیریک
اونو دوشونمهیه باغا گئتدیم
یارپاقلار آراسیندان باخیشدیق
بیر بیریمیزین آدینی حتی بیوگرافیسینی بیلسک ده
من ایشیق دیلینی او اینسان دیلینی بیلسه ده
یئنه
چوخ غریبه گلدیک بیر بیریمیزه
یارپاقلارین یاری سایار یاری سایماز
اومورسار اومورساماز
حئیرتلهنر حئیرتلنمز باخیشی ایچینده
آیریلدیق
فقط اونوتدوم یارپاقلارا دئیهم
بیر گون سیز ده آی ایشیغینی دوشونمهیهجکسیز
و او زامان چوخ چوخ گئج اولاجاق بو گئجهنی خاطیرلاماغا
https://t.me/Adabiyyatsevanlar
13 يونيو 2025, 22:23
3 137
محمد_شهریاری_مقدم
ترجومه
اورتادوغودا دونیایا گلمک:
عاجیل خبرلرین ایچینده یاشاماق،
ساواش گؤزلهمک،
باریشدان بیر داها اومیدینی کسمک،
آتشکس اوچون آنبهآن و سورکلی اومیدینین آزالماسی دئمکدیر.
بو جوغرافیادا یاشاماق،
«راکئتیاغدیران گؤیون آلتیندا اؤپهجهیم سنی» دئمکدیر.
قایناق : شعر اوجاقی
https://t.me/Adabiyyatsevanlar
13 يونيو 2025, 22:23
3 137
• آغریسیوار
• بهزادبیاتفرد
بورا یارغاندی قاییت، گئت سرهنین آغریسیوار
بورا کول_کوس لا تیکان ،داغ درهنین آغریسیوار
نه تیفان دیر یاپیشیب,خیرخالاییر پرده لری
نه دی یئل چیرپیشاغی!پنجرهنین آغریسیوار
چوخآغیر درد دیچئکن, ایستهیهنی یوخدور عجب؟
هامی نین دردی آزیب،باخ هرهنین آغریسیوار
بونه اوتلاق دیر اوراق, باش قولاغین پرپی له ییر؟
بونه یئردیر زمی نین, بت_برهنین آغریسیوار
دوشوبآرغین قانادی,سینمیشآهئی اوندا نه سوچ
اینانیلمیر نهچارا..! قوش فرهنین آغریسیوار
زیروه گؤیلوم گئری دؤن,گلمه قاییت گلمه قاییت
بورا یارغاندی اوچور, گئت سرهنین آغریسیوار...
https://t.me/Adabiyyatsevanlar
13 يونيو 2025, 06:41
3 137
محرم پریزاد "سورگون"
آنامين ياخدانی
ياديمدايركي:
كيچيك چاغلاريمدا، 29- 1328شمسي ايللرينده، مكتبه آياق قوْيمادان اؤنجه بيرگون آتام پاشا اوْغلو علیمدد جلالی، آليش- وئريش سفرينين سوْنوندا ائوه قاييدان باش، سوْيوقبولاقدا، دللالابازارین، حراج بوساطيندان آنام فرنگيز اوچون اوزو الوان تَنيكه واراقدان ايشلنميش، نيمداشت بير تاختا ياخدان آليب، اوزون قولاغين بئلينه ساريتلاييب سولدوز بؤلگهسینده یئرلَشَن كنديميز فرقوزادا، گتيرميشدير.
آنام سئوينجك آزدان- چوْخدان بوخچا پالتارلاريني و باشقا قيوير- زيويرلاريني كؤهنَلمیش تاختا صاندیقدان تازا گلميش ياخدانا بوْشالديب، كؤهنهني گؤزدن سالدي! داهي اوّللرتك موغايات اوْلمادي، بلكه تؤر- تؤكونَك حاجاتلاري دوْلدورماق اوچون، اَلدامينين بير بوجاغيندا اوْنو يئرلشديردي. جاغ- جاغدان آرالانميش بو صاندیق، سوْنرالاردا تنديره اوْدونلوق اوْلدو!
تازا گلدی بازاردان، کؤهنه دوشدو نظردن. دئمیشلر.
تازا آلينميش ياخدان، آنامين عؤمرونون سوْن چاغلارينادَك ( 1374شمسي ايلي ) قاليردي، اوْنون قاپاغينين حالغا- رزهسيندن ساري توژدان دوزهلميش بير آلمان قيفيلي كئچيريب قيفيللایاردي، آچارينيدا بير قيطان بوْیونباغيلا بوْينوندا گئجه- گوندوز آسيلي ساخلاردي، آرخایین اوْلمادان اونو،گؤزونون ايشيغينادا تاپشيرمازايدي!
آنامين بو ياخدانينا هر واخت گؤزوم ساتاشاندا، ذئهنيمده سيلينمز بير سوْرغو تيكرارلانیردی: گؤره سن بونون آجارليغي بير جاهاز كيمي هانكي گلينله برابر، بخت ائوينه كؤچموشدور؟ و یا، سوْنرالاردا قوْجاليقلا يوْخسوللوقلاري بير يئره دوشوموش دوننكي خوشبخت و، قوْشا قاريميش اَر- آرواد، بوگون اوْنو سيمسارا، دَيَر- دَيمزينه وئريب، باهاسي قَدَري، طبقلرينين بوْشلوغونو بير نئچه چورهكله دوْلدورموشلار؟ ندنسه كؤهنهلميش و اينديكي كيمي گؤزدن دوشموش بو ياخدان، دللابازاردان باش چيخارتميشدير؟
بو آچيلماز سيرر، آنام ياشاديغي قَدَري منله ياشادي! آنام بيزدن ابدي آيريلاندان سوْنرا، ياخدان ائودهكيلرين گؤزوندن دوشدو! هارايا قوْيدوم يئري دئييشيلدي! ياواش- ياواش ائودن اوزولوب آنامين گؤزوندن ايراق، حيهطين بير بوجاغيندا يئرلشدي! اوستونه كؤهنه و اَمدن دوشموش حاجاتلار تللهندي، توز- توْپراق بورودو، تَنیکه واراقلاری پاسلاندی. دئمك ياخدان ائودهكيلرين يئرسيز ميرتا- ميرتينا و تيكرارلي دونقولتولارينا سبب اوْلموشدور.و...
تاكي بيرگون ياخداني بؤيرو اوستونده قاپاغي آچيق كوچه قاپيسينين آرخاسيندا گؤرركن سوْروشدوم: ياخدان بورادا نه گزير؟
دئديلر: كوچهيه قوْياق زيبيلچي آپارسين دا !
بو دا، منه آغير گلدي! چكيلمز و اوْنودولماز نيسكيل اوْلدو! بير هانداكي دوزونه باخسايدين ياخدان دا، بو گونكو مودلارا گؤره وئجه گلمز و موددان دوشموش بير حاجات ساييلا بيلردي. امّا منيمچین آنا ياديگارينا گؤز يوْمماق چتينايدي! چوْخ فيكيردن سوْنرا، ياخداني سؤكدوم، بوْياسي گئتميش تَنيكه واراقلاري آتديم، قالان ايچري تاختالاريندان، چيخار- بيچر ائديب، كيچيك، ايكي طبقهلي، ييرمي جيليد يئرلهشن بير كيتاب قفسهسي قوْشدوم، بئلهليكله هم ياخدان ائشييه آتيلمادي، هم ده، ائودهكيلر دينجلديلر، همده كي آنام عزيز توتدوغو و اوْنون سيسررلارينين صانديقچاسي اوْلان نيمداشت ياخداندان دوزه لميش كيتاب قفسهسي، عزيز و اوْنودولماز بير نيشانه كيمي آنامدان منه ياديگار قالدی!
یاخدان: یخدان. صندوق.
https://t.me/Adabiyyatsevanlar
12 يونيو 2025, 23:26
3 137
حمله به کشورمان و کشتن مردم بی دفا توسط هرکس ،هر کشوری را محکوم می کنیم،
12 يونيو 2025, 22:11
3 137
اوشاق ادبیاتی
ویدا حشمتی
«هانانین ماجرالاری»
بئشینجی بؤلوم
اونودولموش خیاللارین قورتولوشو
https://t.me/Adabiyyatsevanlar
12 يونيو 2025, 05:01
3 137
اوشاق ادبیاتی
ادبیات سئونلر
ویدا حشمتی
«هانانین ماجرالاری»
بئشینجی بؤلوم
اونودولموش خیاللارین قورتولوشو
قارانلیقلار آیناسینین سینماغیندان نئچه گون سونرا، باغ ایشیم-ایشیم ایشلداییر، هر طرف الوان-الوان اولموشدو. اما «گئجهیاریسی» یئنی بیر خبرله گلدی. او دئدی:
-اوزاقداکی دونیالاردا اولان بعضی اوشاقلارین خیاللاری اسیر اولوبدور. اونلار آرتیق خیال قورا بیلمیرلر چونکی هئچ کس اونلارا اینانمیر... یا بئله بیلیرلر، خیالقورماغین فایداسی یوخدور. بیز او دنیالارا گئدیب، یاردیم ائتملیییک.
سئحیرلی آغاج باشقا دونیالارا بیر قاپی آچدی. هر قاپی، بیر اوشاغین سیمگهسی ایدی.
هانا، اوستونده پارچالانمیشاوچورتما شکلی اولان قاپینی آچدی. قاپینین بویالاری سولوق ایدی و آرخادان سیزیلتی سسی گلیردی.
قاپیدان کئچدیلر، کول رنگینده بیر دونیایا کئچدیلر. اورا رنگسیز ایدی. هئچ حیوان یوخویدو و سسسیزلیکدهیدی. سکگیز یاشیندا اولان بیر اوغلاناوشاغی یئرده اوتورموش، توپراقدا جیزیق چکیردی.
هانا یانینا گئدیب، دئدی:
-سنین آدین نهدیر؟ نییه بوردا اوتوروبسان؟
اوشاق باشینی قالخیزمازدان دئدی:
-منیم آدیم آتابایدیر. مدرسهده خیالی نقاشی چکردیم، اما اوشاقلار لاغا قویوب، نقاشیلاریما گولوردولر. من ده، آرتیق خیال قورماماغا قرار وئرمیشم.
هانا دئدی:
-من ده اوّل بئله بیلیردیم خیال قورماق یاخشی دییل، آما سونرا بیلدیم کی، خیال قورماق منیم دونیامین لاپ گوجلو بؤلومودور.
باریش نقاشی دفترینی آتابایا گؤستریب، دئدی:
-بیر شئی چک. هرنه اولورسا اولسون، بیر نقطه ده چکهبیلرسن.
آتابای بیر جیزیق چکدی، سونرا بیر نقطه قویدو. اوندان سونرا اوچورتما شکلی چکیب، الوان بویادی. ائله او آن، اونون دونیاسینا رنگ گلدی و گؤی اوزو ماویلشدی.
هر نقاشی چکدیکده، اطرافی ایشیقلانیردی. اونوتدوغو حیوانلار، بیر-بیر گلدیلر. کاغاذ قوشلار، بؤیوک قولاقلاری اولان بالاجا سیچان، شکیلدن شکیله گیرن بولودلار.
آتابای گولومسهدیکده، باغدا یئنی بیر قاپی آچیلدی.
«گئجهیاریسی» اونلاری گؤزلهییردی. او دئدی:
-سیز بو گون بیر خیالین جانینی قورتاردیز و اومودو پای گتیردیز.
https://t.me/Adabiyyatsevanlar
12 يونيو 2025, 02:00
