ادبیات سئونلر

حسن‌بابایی‌( عجب‌شئرلی )    دئینمه... یئنه‌تبریزین‌کوچه‌لرینده‌وورنوخورام‌."" امیره‌قیز"" دان‌ویریب‌"" مینجیم""‌ دن‌چیخیرام."" قرخ‌مئتیر""‌ ی‌قیرخ‌دوءنه‌آددیملایب‌"" میصیر‌قفه‌"" سی‌نین‌باشینا‌دولانیب‌"" ارم"" ین‌گیره‌جگیندن‌دونوب‌"" حیدر‌تکیه""‌ سی نین‌بوءیرونده‌دینجیمی‌آلیب‌"" ششگیلان"" دا‌اقبال‌آذر‌ین‌اذان‌سسینه‌قولاق‌یاتیریب‌""‌ صابیله‌میره‌"طرف‌یولومو‌اییرم. تبریزین‌دولان‌بادولان‌کوچه‌لرینی‌ایاق‌یالین‌باش‌ آچیق‌گزیب‌فیکره‌دالیرام‌." ساهات‌قاباغی" داریخما‌توتوب‌" تربیت" ین‌کوکسونه‌داش‌دویندن‌بری‌هارایی‌ائشیتمز‌اولوب‌." ارک" اوءزونو‌اوجا‌توتسادا‌باعرینا‌توخونان‌توپلارتوختامایب" پاساژ‌قاباغی" وارلیغینی‌ایتیریب‌" حاجی‌زاده" سیز‌ایچین‌چکیر‌." گولوستان‌باغی" فریدونو‌یادینا‌سالیب‌گوزلریندن‌قان‌یاشی‌اله‌دیر." قونقانین‌باشینا‌اویون‌آچیبلار‌مسا فیری‌یوخدو" واغزال" اآپارسین.ایندی‌لیکده‌نه‌" سردار" دان‌خبر‌توتان‌وار‌نسه" سالار" دان‌.زهتابی‌نین‌کیتابی‌نین‌قاتین‌آچان‌یوخدو‌، یازدیغی‌تاریخ‌یاریمچیق‌قالیب‌، بوندان‌اول‌" ائینالی" یا‌گئدن‌یول‌" سیرخاب " دان‌‌کئچردی‌ایندیسه‌یول‌چوخالیب‌یولچودان‌خبر‌توتماق‌مومکون‌دئیل.۷قاپیلی‌تبریزین‌قاپی‌لاریندان‌تکجه‌‌آدلاری‌یادداشلارداجانلانیر‌اودا‌هامی‌دا‌یوخ . قاپیلار" یوخ" کیمی" وار" دیلارسیرخاب‌قاپیسی‌، گجیل‌قاپیسی،‌ ایستانبول‌قاپیسی‌، نوبار، باغمئشه‌......‌‌..دئیه‌سن‌عمومیتله‌قاپی‌سوزو‌دب‌دن‌ دوشور‌.آپارتومان‌لار‌، اونلارین‌جمعیسی‌بوءلوک( بلوک) لرهر‌نه‌یه‌جاواب‌ده‌‌اولور . " قوشخانا‌سئلاب" یندا‌گئجه‌له‌ین‌" ولیعصر" ده‌فیرلانیر‌، " توانیر‌" ده‌برق‌توتور" منبع " ده‌سویو‌کسیلیر‌الی‌ایاغیندان‌اوزون‌دوءنور‌" عباسی" یه‌. ایندی" شاه‌گولو" نون‌گوءلونده‌ایسلانانلاربوغولور‌، حورمت‌لر‌آیاق‌آلتدا‌اوغولور‌نه‌قویوب‌نه‌آختاریرسان‌. تبریزی‌دوغرام- دوغرام‌دوغرایبلارقانی‌ایچریسینه‌جالانیر." گوگ" مچید‌یانین‌داخاقانی‌نین‌هئیکلی‌اوءزونده‌اوخویور: گئتدیکجه‌بوعشقین‌مرصی‌پر‌خطر‌اولدو درمان‌ائله‌دکجه اونا‌دوندو بتر‌اولدو. گوگ‌مچید‌دن‌اوزو‌بری‌" بالا‌حامام" دان‌سس‌-‌ سوراغ‌توتا‌بیلمزسن‌. " حلمه‌سازاندا" دربندی‌ تکجه‌استاد‌شهریارین‌شعرینده‌اوءزونه‌اییه‌دورا‌بیلیر.تبریزین‌" کلانتر‌کوچه‌" سینده‌اوزگه‌لرآت‌اوینادیب‌" آبرسان" داسویون‌یولونو‌باغلاییرلار‌، دانیشگاه‌دان‌" شاطیر‌علی‌دوزونه" دک‌قوروقلانیب ، بیر‌زامان‌سئیدآوانین‌باداملیق‌لارینی‌دئیردیلر. ایندیسه‌دئیرلر: تبریز‌بویویوب‌، دئیه‌سن‌تبریز‌اوشاق‌ایدی... یاخشی‌گونون‌حسرتینده‌‌یک‌، گوندوزلری‌ایستی‌گئحه‌لری‌توستو‌ان‌آزی‌ملایم‌ آب‌وهاوانین‌دیبینه‌داش‌آتیبلار. " خطیب"‌ ین‌خالی‌یاخشی‌دئیل‌،. خیط‌لرینده‌گول‌بیتمه‌ییر، " شام‌قازان"‌" ارک" ه‌یاس‌ ساخلایب‌، " قره‌ملیک"" اصلی" یندن‌اوزاق‌دوشدویوندن‌" کرم" کیمی‌آچیلمایان‌دویمه‌لر‌ساریندان‌اود‌توتوب‌یانیر‌. تبریزین‌قیشی‌سویوق‌کئچیر‌یایی‌ایستی‌، هر‌ایکیسینده‌تبریز‌یانیر‌، ایچ‌اوزوده‌یانیر‌ائشیک‌اوزوده‌.... نئجه‌دئیرلر: شاپالاقلا‌اوز‌قیزاردیر‌تبریز‌.هوندور‌بینالارین‌آیاغی‌ آلتدا‌ازیلیر‌تبریز‌، دورد‌تکرلی‌سوروجولرین‌سیگنال‌لاری‌یوخوسونا‌‌ حارام‌قاتیر‌تبریزین‌.... تبریز‌بئله‌اولمامالیدی.... "" هئچ‌کیمسه‌‌اوزون‌خواروذلیل‌ایسته‌مز‌اما‌ من‌اوز_ اوزومو‌دهریده‌خوار‌ائیله‌دیم‌اولدو‌"" دئیرلر٪ " قارا‌گونون‌عومرو‌آز‌اولار"" نه‌بیلیم... منیم‌آغلیم‌کسمه‌ییر‌ دوءنوب: سنین‌آغلین‌وار‌هله‌کسه‌ده‌دئدی‌ https://t.me/Adabiyyatsevanlar ۱۴۰۴_۶-۱۶‌

نسرین قلی پریخانی گلر بیر گون من‌سیزلییین دوعاسینی ایسلادیب سه‌پرسن اوبامیزین یولونا چئویررسن تانیدیغیم ائلیمی... یادا کی بیر اوووج قوم سه‌پرسن باخیش‌لارینی آزدیرارسان منیمله... آغیر دوعا چوخ خورافات اولسادا... من امینم سنین دیلی‌نین زهر قوتوسونو منه یایماقلا توختاماغینا... ایندیسه سئوک منیم سؤموک‌لریمدن اؤرکن اؤزون هر نقدر یئنه دوغاناقدان کئچه‌جک اؤرکنینی ائله سالیم چانتاوا یؤک آلتیندا قالان‌لارین دردین بیلرسن....

رحیم گوزل بو توپراق یاغیش ایسته ییر قوجا کیشی نئی چالیر، سوروجولر ایسه سیقنال. بئله‌لیک‌له بیر کدرلی سیمفونیا یارانیر ترافیک چیراغی‌نین یاشیل گوزو قاباغیندا!.. 2 حیاتیما باخدیغیمدا سالیب - ایتیردیکلریمدن چوخ آز اولوب تاپدیقلاریم؛ آز اولوب آمّا ناز اولوب! اوره‌ییمده بیر اسکیمیش یارا وار؛ ساغالسایدی پاپاغیمی یانقیلیجی قویاردیم!.. 3 ایجاره اوتوران قوهوملاریمیزین بوینوموزدا بیر علاوه حقّی وار؛ اونلار اولماسایدیلار، گوزو باغلی قوش اولاردیق بو شَهَرده!.. https://t.me/Adabiyyatsevanlar

ادبی خبر سئویملی شاعیر"رحیم گوزل "جنابلاریندان یئنی شعیر توپلو سو( بو توپراق یاغیش ایسته ییر)عنوانیندا تبریزده  آیدین ساو نشریاتی وریندن ایشیق اوزو گوردو، بوکیتابا: 122قیسا سربست  و ایکی هیجالی شعیر داخیل دیر، بو کیتابی الده ائتمک اوچون آیدین ساو نشریاتینا مراجعت ائتمک اولار. آدرس: تبریز-خیابان شهید جدیری-پ 373 تلفن:09143059715 ادبیات سئونلر بو اوغورو سئویملی کانالداشیمیز "رحیم گوزل "جنابلارینا صمیم قلب دن تبریک دئییر،اوخوجوسو بول اولسون. ادبیات سئونلر1404,6,19

اوشاق ادبیاتی عزیز بالالار استثنا اولاراق اوشاق ادبیاتینی بوگون پایلاشدیق.

اوشاق ادبیاتی کارتون

لنگ – لنگ اوتاندیغیندان هئچ باشینی یوخاری قالدیریب آناسینین اوزونه ده باخمادی . بیر کونجه چکیلیب قالدی . بال آری لاری یایدا داشیییب گتیردیکلری شیره لردن دادلی بال چکیب شانلاری دولدورموشدولار. ایندی همین بالدان بول – بول یئییردیلر . لنگی – لنگین  ایسه اوزو قارا ایدی . جسارت ائدیب شانلی بالایاخین گئده بیلمیردی . ایندی او ، آنجاق یازین گلمَه سینی آرزولاییردی . اوز – اوزونه سؤز وئریردی کی ، یاز گلنده لنگلییین ، تنبللییین داشینی آتاجاق  ، بال آری لارینا قوشولوب گوللردن ، چیچکلردن شیره چکیب گتیره جک  ۱۹۸۶ https://t.me/Adabiyyatsevanlar

لنگ – لنگ اوتاندیغیندان هئچ باشینی یوخاری قالدیریب آناسینین اوزونه ده باخمادی . بیر کونجه چکیلیب قالدی . بال آری لاری یایدا داشیییب گتیردیکلری شیره لردن دادلی بال چکیب شانلاری دولدورموشدولار. ایندی همین بالدان بول – بول یئییردیلر . لنگی – لنگین  ایسه اوزو قارا ایدی . جسارت ائدیب شانلی بالایاخین گئده بیلمیردی . ایندی او ، آنجاق یازین گلمَه سینی آرزولاییردی . اوز – اوزونه سؤز وئریردی کی ، یاز گلنده لنگلییین ، تنبللییین داشینی آتاجاق  ، بال آری لارینا قوشولوب گوللردن ، چیچکلردن شیره چکیب گتیره جک  ۱۹۸۶ https://t.me/Adabiyyatsevanlar

اوشاق ادبیاتی « لنگی ـ لنگ » یازان : علی صمدلی  کؤچورن : علی آغ گونئيلی  -  ابرازی  کتاب :‌ « ژنرالین اوشاقلیغی  - ناغیللاربؤلومو » بال آریلارینین بوتون بالالاری بیر – بیرلرینه اوخشاییر . قانادلاریدا ، خورتوملاریدا ،گؤزلریده ، آیاقلاریدا . بوتون آری بالالاری دونیایا گؤز آچدیقلاری گوندن ،چئویک و چوخ زیرک اولور . آتا و آنالارینین تاپشیرقلارینی عؤمور بویو بیرجه دفعه ده اولسون یادلاریندان چیخارمیرلار . پتکلریندن پروازلانیب  قالخدیلارمی ، دوز گول – چیچه یین اوستونه اوچورلار .  ائله او ، ساعات دا خورتوملارینی ایشه سالیب شیره توپلاماغا باشلاییرلار. ائله کی یوکلرینی توتدولار،یئل کیمی یووالارینا قاییدیرلار . آتا ـ آنالاریدا اونلارین بئله زرک و جلدلییینه باخیب سئوینیرلر .  آخیر کی  ، بیرگون میلیون – میلیون آری بالالارینین ایچینده بیر فرسیز تاپیلدی . بو آری بالاسی  اؤزلنگلی ایله هامینی زارا گتیردی . . او لنگ اوچوردو، لنگ یئریییردی ، لنگ ائشیدیردی . گؤرون بو لنگلیک آخیردا اونون  باشینا  نه اویونلار آچدی . اونون لنگلیییندن زارا ، را گلن بال آریلاری  ، اونون آدینی «‌ لنگی – لنگ » قویدولار .  آنا آریلار قانادلاری برکیمه میش بالالارینا شیریندن شیرینه بال سودو یئدیردیردیلر. لنگی ـ لنگ آغزینی لنگ آچاراق آناسینین وئردیی بال - سودونو چوخ لنگ یئییردی . بو هر گون بئله ایدی . باشقا آنالار اؤز بالالارینی  تزه یئدیریب قورتاردیغی حالدا ، اونون آناسی یورولوب الدن دوشوردو . ائله اونا گؤره ده لنگی- لنگ ، لنگ – لنگ ده بوی آتیردی . اونون یاشیدی اولان باشقا آ ری بالالاری پروازلانیب پتکلریندن اوچاندا وگول – چیچکدن شیره توپلاییب گتیرنده  بیزیم لنگی – لنگ اوچا بیلمیر ، آغزینی لنگ – لنگ آچاراق آناسیندان یئمک گؤزله ییردی . او ، لنگ ائشیتدیگیندن  آتا – آناسینین اؤیود – نصیحتیندن ده خبرسیز ایدی . لنگی – لنگ بیر گون یوخودان لنگ – لنگ اویانیب ، گؤزلرینی لنگ – لنگ اووخالاییب اطرا فا باخدی . گؤردو کی ، اونون یاشیدلاری بیر دقیقه دایانمیر ، پته یه شیره داشیییرلار و او ، لنگ – لنگ یئریندن ترپنیب گؤردو کی ،گون چیخیب ، هر طرفی نورا قرق ائدیب .  چؤل – باییر پته یین ایچیندن داها ایستی و خوشدو . اطرافا بویلانیب دویونجا باخدی و جسارتینی توپلاییب  لنگ – لنگ اوچماغا باشلادی . اوچدو ، اوچدو آخیردا هرلنیب – فیرلا نیب بیر چیچکلییه یئتیشدی . گؤردو کی ، بوردا چوخلو – چوخلو آری بالالاری وار . بیرجه جییی ده بيکار دئییل . چیچکدن – چیچه یه قوناراق  شیره چکیر ، یوکلرینی توتان کیمی اوچوب گئدیرلر . لنگ – لنگ آغزینی آییریب ساعاتلارلا اونلارین  ایشلمه سینه تاماشا ائتدی .آخیردا بوتون جسارتینی توپلاییب اوچوب بیر چیچه یین لچه یینه قوندو.خورتومونو لنگ – لنگ اوزاداراق گولون شیره سیندن سورماغا باشلادی .آغزی یامانجا دادا گلدی . بو شیرینلیک ، آناسینین بول سودونه بنزه ییردی . ائله بیل دو نیادا هر شئیی اونوتموشدو . شیره نی سوروب دویاندان سونرا ، ائله گول لچه یینده جه ، مورگوله ییب یوخویا گئتدی . بیرده گؤزونو آچیب گؤردوکی ، گونش چوخدان باتیب ، داها قارالماقدادیر. اطرافا بویلانیب گؤردوکی ، بوتون آری بالالاری هامیسی اوچوب گئدیبلر . لنگ – لنگ گول لچه ییندن قالخماغا تنبللیک ائتدی . یئرینده جه یاتیب قالدی .  سحر گؤزونو آچیب لنگ – لنگ اطرافا بویلاندی . گؤردوکی ، آری بالالاری اؤزسئویملی ایشلرینه چوخدان باشلاییبلار .او ، خورتومونو لنگ – لنگ اوتوردوغو گولون لچه یینه اوزاتدی . آنجاق آغزینا بیر شئی گئتمدی دونن بوتونشیره نی سوروب قورتارمیشدی . او ، یيریندن ترپنیب لنگ - لنگ اوچدو وباشقا بیر گولون لچه یینه قوندو . بو حرکتینی بؤیوک بیر قوچاقلیق ساندی . خورتومونو لنگ – لنگ اوزادیب چیچه یین شیره سیندن سوردو . آغزی دادا گلدی . یئنه گونون ایستی شعالاری آلتیندا مورگوله ییب شیرین یوخویا گئتدی . بیرده سحر اویاندی . لنگی – لنگ بئلجه بوتون آیی باشا ووردو . بیر گون باخدی گؤردو کی ، گوللر ، چیچکلر هامیسی سولوب . پاییز قاپینی کسدیریب . برک تشویشه دوشدو . اؤزونو اورا ووردو ، بورا ووردو . آنجاق تلسه رک یوخ ، لنگ – لنگ . آخیرکی ، پته یین یولونو تاپدی ولنگ – لنگ یووالارینا طرف اوچدو .  پته یین باشینا بیر نئچه دفعه لنگ – لنگ فیرلاندی .، فیرلاندی آنجاق قاپینی تاپا بیلمدی کی ، ایچری گیرسین . سن دئمه سویوقلار دوشن کیمی بوتون آریلار اؤز پتکلرینین قاپیلارینی موملا هؤروب قاپاییبلار. لنگ – لنگ آختاریب – آختاریب پته یین کیچیک نفسلییینی زورلا تاپا بیلدی . نقدر چالیشدی ، ووروشدو اؤزونوبوردان ایچری سالا بیلمدی .علاج سیز قالیب یازیق – یازیق زاریماغا باشلادی .آریلارین اونا یازیغی گلدی ، پته یین قاپیسینی سؤکوب آچدیلار . اونو ایچری سالیب قاپینی یئنیدن باغلادیلار .

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

تانینمیش سولدوزلو شاعیر، "صالح رحیمی " ادبیات سئونلر گوزگوسونده زمان:سه شنبه1404,6,25 ساعات:9 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده بیرینجی بولوم 4 سه شنبه1404,6,18 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده بیرینجی بولوم 3 سه شنبه1404,6,18 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده بیرینجی بولوم 2 سه شنبه1404,6,18 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

سولدوزلو شاعیر،یازیچی،  "اسماعیل بهرامی "  یانان ادبیات سئونلر گوزگوسونده بیرینجی بولوم 1 سه شنبه1404,6,18 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

تانینمیش سولدوزلو شاعیر، "اسماعیل  بهرامی"یانان" ادبیات سئونلر گوزگوسونده زمان:سه شنبه1404,6,18 ساعات:9 چکیلش: ادبیات سئونلر آپاریجی :کریم قربان زاده https://t.me/Adabiyyatsevanlar

زرین رزندی(طناز) بحمداللاه تورم دن،یئتیشدیک جانه،ایران دا کوُنول اوُزگورلویه حسرت،باتیب آل قانه ایران دا یانیر مللت گران لیقدان،دیلی توتمور فغان ائتسین اوره ک لنمیر،قیام ائتمیر،یاتیبدیر یانه،ایران دا سالیبدیر فتنه نی چنگیز کیمی ایرانه تحریم لر داوا-درمان چوُنوبدور،خنجر بررانه،ایران دا آدی باتمیش(کووید)هرگون،قیریر یوزلر بشر اوغلون تاپیلمیر واکسن فایزر،اّشی بیردانه،ایران دا یومورتا دّر اولوب،اَتله-تویوق،لعل بدخشان دیر دویو اغوا ائدیر مئیلی،اولوب فتانه،ایران دا بو باش سیز مملکت،باش دان باشا-غارت دی-فحشادیر باخ انصافه!دئییر:کافر یئتیب ایمانه،ایران دا دئییرلر:سوس دانیشما،هر ایشه دورتوکجه باش سوخما بلاشک مللت ایران،اولوب بیگانه ایران دا اَده خلقین ائوین ییخدیز،داغیتدیز،تارومار ائتدیز (سکندر)دن میراث قالمیر،بو قدر ویرانه،ایران دا قودوز حئیوان روا بیلمیر،جفا وجوری حئیوانه بو استبداد ندن اعمال اولور؟انسانه،ایران دا دَوه تک خیخلانیب مللت،اویان لار دینمه قوی اویسون عاغیللی ایش بیلن یوخدور،دورا عصیانه،ایران دا اَیر اللر دویونننسه،بو سس سیزلیک هاوار اولسا آتام ارواحی لوت رعیت،گلر زور-خانه،ایران دا آییلسا خواب غفلت دن،ایگید سلطانا رحم ائتمز ایچرلر زهری سلطانلیق،چاتار پایانه،ایران دا دیلین لال اولسون آی(طناز)،شعرینله اغتشاش سالما سنه دخلی نه دیر قالخا؟دلار میلیانه،ایران دا. https://t.me/Adabiyyatsevanlar

رقیه عبدالعلی"سازاق" وطن آدلی قوزو بوردا نئجه باشسیز مله‌ییر دوغرانیر قویروغو، آج قارنی لاواشسیز مله‌ییر یوخو چؤکموش گؤزونه مورگو‌له‌مکده چوبانی یالین اللرله هورور ایت‌لری، داشسیز مله‌ییر زر جواهیردن اولان توپراغی بوش- بوش ساتیلیر اوزوگو پای وئریلیر، بارماغی قاشسیز مله‌ییر جانا-جان دوستلاری بیر-بیر نئجه آزقینلاندی گوزه‌می کورکولو قورد گؤردو، قاقاشسیز مله‌ییر گؤزون اوستونده قاشین وار! دئیه‌نی کیم گؤردو گؤز اویولموش یئرینه قان دولو قاشسیز مله‌ییر گؤیو توسدو بورویوب داغلاری قارتالسیزدی «سازاغ»ین زیروه‌سی گؤی قورشاغی قوشسوز مله‌ییر. https://t.me/Adabiyyatsevanlar