ادبیات سئونلر

«کریم_احمدیان_شاهید» آرخایین اوْلگونان قارا تپه‌لر گۆنش بولودلارلا البیر اوْلوبدور دالداجا دینجه‌لیر اوْرتاقلیغیلا آستاجا چارشابین یئره سالیبدیر سرحدسیز پوْزغونلوق شهر بزه‌یی یوْرغونلوق آسیلیب بیزیم تمیچه‌ده ایتیبدیر بیر آنا بۇ قاراشمیشدا بیر اۇشاق مله‌ییر بیزیم کۆچه‌ده کئفسیزلیک کئفلی‌لر فلسفه قوْشور سیمگه‌سیز باخیشین قالاییر گؤیه دییرمن داشی‌ ایلا ازیر منطقی سؤزون یئریدیر هئی سؤیه-سؤیه آرخایین اوْلگونان سوْیوق گئجه‌لر گۆنش چیْخماغینا رۇشوه ایسته‌ییر گۆندوز یانسیدیرسا اؤز ایْشیقلیغین هر کس اؤزلویونو بیر گۆن گؤسته‌ریر بۇ نیسگیل هر گئجه یۆکون چوْخالدیر قارانلیق سئوینیر بیزیم شهرده بالتاسین یوْنورو بوْغونتولارلا دیشلرین آغاردیر سوْلموش سحرده https://t.me/Adabiyyatsevanlar

اوشاق ادبیاتی عاغیللی دووشان ناغیلی حاضیرلایان:«ویدا حشمتی» گونلردن بیر گون مئشه‌نین سولطانی دهشتله کوکرویوب، قارنینی دویورماق اوچون اؤزوندن گوجسوز حئیوانلاری اوولاماغا گئدیردی. اونون الیندن قاچیب، قورتولماق چوخ چتین ایش ایدی. بیر گون جئیرانلار، قوشلار، توسباغالار، دووشانلار، داغ کئچی‌لری، زرافه‌لر و باشقا حئیوانلار ییغیشیب، بو ظولمه قارشی چیخماق ایسته‌دیلر. بیرلیکده آسلانین حضورونا چیخیب: -سولطانیمیز!...بیز آرامیزدا آنلاشدیق. هر گون سنه اوو اولماق قورخوسو چکمک یئرینه، ایچیمیزدن بیرینی سیزه یئم اولسون دئیه یوللایاجاغیق. بؤیله‌جه سیز هئچ یورولمایاجاقسیز. اوو اؤزو آیاغینیزا گله‌جک‌. بیز ده نؤوبتیمیز چاتینجا، قورخوسوز یاشایاجاغیق. آسلان سولطان بو قرارا راضی اولدو. آرادان گونلر گلیب، کئچدی. نؤوبت دووشانا چاتدی. یازیق اوزون قولاق اؤلمکدن چوخ قورخوردو. اؤز آیاغی ایله گئدیب آسلانین پنجه‌لری آراسیندا اولماغا راضی اولموردو. بیردن عاغلینا بیر فیکیر گلدی. مئشه‌ده اویناقلاییب، گئجیکدیکدن سونرا آسلانین حضورونا چاتدی. آسلانین قارنی آجالمیش، یامان غضبله‌نمیشدی. باغیردی: -نه اوچون بو قدر گئج قالدین؟ کیچیک دووشان بوینونو بوکوب: -هئچ سوروشمایین سولطانیم!.. یولدا گلرکن باشقا بیر آسلان گؤردوم. اؤزونو سولطان سانیب، سیزه سؤیوشلر دئییب، حقارت ائتدی. الیندن گوج‌له قورتولدوم. سولطان آسلان داها چوخ غضبله‌ندی: -کیم‌دیر بو آخماق؟!.. دئیه کورکره‌دی. ائله بیل جانیندان دویوبدو بو آخماق آسلان. گئدیب اونون درسینی وئرمه‌لی اولدوم... دووشان اؤنده، آسلان ایسه آرخادا یولا دوشدولر. بیر آز گئتدیکدن سونرا درین بیر قویونون باشینا یئتیشدیلر. دووشان: -بودور بااااخ!.. سیزه حقارت ائدن یالانچی سولطان بو قویونون ایچینده‌دیر سولطانیم!... دئدی. آسلان قویویا اگیلیب باخاندا، سویون اوزه‌رینده اؤز شکلینی گؤردو. باغیریب، چاغیرماغا باشلادی. سوداکی عکس ده باغیریب، چاغیرماغا باشلادی. آسلان حیرص‌له قویونون ایچینه آتیلدی. بیر اوندا اؤزونو بوز کیمی سویوق سویون ایچینده گؤردو. بیر بالاجا دووشانین طرفیندن آلداندیغینی بیله‌نده، ایش-ایشدن کئچمیشدی. https://t.me/Adabiyyatsevanlar

اوشاق ادبیاتی

اوشاق ادبیاتی آذربایجان افسانه لری سؤیله‌ین:«صمد بهرنگی - بهروز دهقانی» چئویرن:«منیژه جم‌نژاد» خزینه ⚱بیر گون بیر پادشاه خزینه سینده گزیر جواهرلرینی یوخلاییردی. بیردن گؤزو بیر گوشه ده فیندیغا بنزر عجیب بیر شئی لره دو٘شدو. خزانه دار دان سوروشدو: بولار نمنه دی؟ خزانه دار دئدی: قبله عالم ساغ اولسون، من خزانه دار اولاندان بونلاری بوردا گؤرموشم. کیمسه دن سوروشموشام دوغرو بیر جاواب آلا بیلممیشم. پادشاه وزیری چاغیریب سوروشدو: وزیر بونلار نمنه دی؟ وزیر خزینه نین گوشه سینه باخیب باشینی قاشییب دئدی: والله من وزیر اولمادان بونلار بوردایمیش، دو٘زون ایسترسن، بونلارین نه اولدوغونو بیلمیرم. پادشاه سینیرلنیب دئدی: قیرخ گون سو٘ره وئریرم، هارداندی بولارین نه اولدوغونو تاپ! وزیر چیخدی، اویان بویانا گئتدی؛ دونیا گؤرموش قوجالاردان سورغو سوال ائلدی، آما کیمسه دوغرو دو٘زگون بیر جواب وئره بیلمدی. سونوندا دئدیلر: فلان یئرده یاشلی بیر کیشی وار، بئلی بو٘کوک او٘ز گؤزونون توکو آغاریب؛ گئت تاپ، اولار کی سنین کور دو٘یونوو آچا. وزیر قوجانی تاپماغا گئتدی. گؤردو ساقالی دیزینه جان اوزانیب، آغ آپباغ اولوب. قاباغا گئتدی. سلام! علیک السلام! وزیر عجیب شئیلرین اولایین اوندان سوروشدو. قوجا دئدی: من بیلمیرم. آما مندن بویوک بیر قارداشیم وار، فلان یئرده، گئت اونون یانینا، بلکه ده او سنین سورغووا یانیت وئردی. وزیر دئدی: آللاه اؤزومو سنه تاپشیرمیشام، بو کیچیک قارداش دی بیردانا قارا ساچی یوخدو. وای بویوک قارداشین احوالینا. بؤیوک قارداشین یانینا گلدی، گؤردو بیر دیری باش قوجا دی، قارداشیندان دا چوخ جوان گؤرسنیر. سوروشدو: سن بیلیرسن او خزانه ده کی عجیب شئیلر نمنه دی؟ قوجا کیشی دئدی: یوخ من بیلمیرم، آما مندن بؤیوک قارداشیم یقین بیلیر، گئت اونون یانینا. وزیر بویوک قارداشین یانینا گلدی؛ گؤردو بیر اورتایاش کیشی دی، او بیری قارداشیندان داها گنج. کیشی وزیری بویوک بیر اوتاغا آپاریب، یوخاری باشدا اوتورتدو. شربت، میوه گتیردیلر. صحبته قیزیشمیش کن، بیر دسته جوان کیشی اوتاغا گیردی. سلام وئریب، قولوباغی دوردولار. کیشی سلاملارین آلدی، اولاری سایمادان صحبتینه داوام ائتدی. سونوندا وزیر دئدی: اجازه وئرین اوتورسونلار. کیشی باشی‌له اشاره ائله دی،   کیشی‌لر اوتاغین دؤوره سینده دیزه چوکدو. بیر آز سونرا بیر دسته جوان گلدی. بونلار دا سلام وئریب، قولو باغلی دوردو، کیشی باشینی قووزاییب اوتورماق اذنی وئرینجه جوانلار اوتاغین آشاغی سیندا دیزه چؤکدو. وزیرین حیرتی گئت به گئت چوخالیردی؛ خزینه ده کی عجیب شئیلرین اولایینی سؤیله ییب دئدی: پادشاه قیرخ گو٘ن سو٘ره وئریب، هارداندی اولارین سیررینی تاپسین دئیه؛ آما هر کیمدن سوروشوب، دوغرو دو٘زگون جواب آلا بیلمه‌ییب. قوجا گو٘لومسه ییب دئدی: حضرت سلیمان زامانیندا بیر کیشی باشقاسینا بیر یئر ساتدی. آلان گلدی یئرینی شوخوملاسین، اینه‌یینین آیاغی بیر چوخورا کئچدی، قازدیلار بیر خزینه چیخدی. ساتانین یانینا گلدی گل خزینه وی گؤتور دئدی. ساتان دئدی: خزینه اؤزوونکودو. آلان دئدی: آخی کیشی، من سندن یئر آلمیشام، خزینه یوخ. ساتان دئدی: من ده سنه یئر ساتمیشام، ایچینده خزینه ده تاپیلسا سنینکی دی، مستراح قویوسو دا. آلان گلدی خزینه نی توربایا دولدوروب، گتیریب قویدو ساتانین قاپیسینا. ساتان سینیرلندی توربا لاری آپاریب قویدو آلانین قاپیسینا. بو آپار، او گتیر، ایش چکدی پیس یئرلره. سلیمان حضرت لرینین یانینا گئتدیلر، حضرت سوروشدو: ائولادینیز زادینیز واردیر؟ آلان دئدی: بیر اوغلوم وار. ساتان دئدی: بیر قیزیم وار. حضرت سلیمان دئدی: سن قیزیوی اونون اوغلونا وئر، خزینه ده اولارین اولسون. آلان گئتدی هامان یئرده بوغدا اکدی. فیندیق جان بوغدالار بیچدی. سلیمان حضرتلری بویوردو او بوغدالاردان نئچه سینی خزانه ده ساخلاسینلار... وزیر دئدی: نیه سنین قارداشلارین سندن یاشلی گؤرونور؟ دئدی: منه یاخجی آرواد اوشاق نصیب اولوب. اونا گؤره دونیادا منیم قم قوصم یوخدو، بونلار منیم اوغلانلاریم، نوه لریمدیلر، مندن اذن سیز سو دا ایچمزلر. آما اوبیری قارداشلاریمین آرواد اوشاقلاری ائله یاخجی دئییلل، تئز سینیخیبلار. وزیر قاییتدی، حال قضیه نی پادشاها سؤیله دی. سون❄️🌟 https://t.me/Adabiyyatsevanlar

اوشاق ادبیاتی

اوشاق ادبیاتی اومای خانیم بو گون ۱ جوون (ژوئن)، دونیانین بیر چوخ اولکه‌سینده اوشاق گونودور. بیزیم اوشاقلارین اوشاق باغچاسیندا (مهد کودک) بوجور بیر جشن حاضیرلیقلاری واریدی: بیر مناسبته جشن اولاندا، حَیَطی بزه ییرلر، موزیک اوشاقلارین گونلوک برنامه سیدیر، مربی لر گیتار چالیب ثـ اوخوماق ایله گونو باشلاییرلار، جشن گونونده آما مربی اوشاقلارلا بیرلیکده کنسرت وئریرلر، مربی چالیر و اوشاقلارلا بیرلیکده دیگر اوشاقلارا و مربی لره و آتا آنالارا کنسرت وئریرلر. حَیطین بیر یانیندا داها اؤنجه‌دن تورپاقلارین آلتیندا بالاجا بیرشئیلر (مثلا میرواری، اینجی و ایشیلدایاق بیرشئیلر، یا رنگلنمیش داشلار) گیزلدیرلر و جشن زامانی اوشاقلار، نایلون بالاجا بئل کورکلرله اونلاری آختاریب تاپیرلار. بیردیگر طرفده مربی اود یاندیریر و اوشاقلار و یا آتاآنالار آغاج کونده لرین اوستونده اودو دؤره‌له‌ییب، اود اوستونده، داها اؤنجه‌دن حاضیرلانمیش خمیری اینجه چوبوقلارین باشینا ووروب کاباب کیمی پیشیریب چؤرک کیمی یئیرلر. بیر طرفده ایسه یئرده گج نن بیرشئیلر چکیرلر، دیگر طرفده بیر میز باشیندا، اوشاقلارا اؤزل گریم رنگلری وار، بیری اوتوروب اوشاقلارین اوزونو قافلان، دووشان و ... کیمی گریم ائله ییر. باشقا طرفده صاف بالاجا داشلاری بیر میز اوستونده بویالارین یانیندا ییغیبلار، و اوشاقلار داشلاری ایسته‌دیکلری بویا ایله بویاییرلار. دیگر یاندا بالاجا فوتبال میدانیندا دؤره سی ایپلی‌تورلا هؤرولن بیر آلاندا فوتبال اویناییرلار. دیگر طرفده بوش کنسرو قوطولارینی اوست اوسته ییغیبلار و اوشاقلار سیرایا دوزولوب توپ لا اونلاری ووروب آشاغیا فیرلادیرلار. بعضاً جشن لرین بیرینده پلیس ماشینی دعوت ائدیرلر حیطه و اوشاقلار پلیس پالتاری گئییب، دوستجاسینا پلیس ماشینین ایچینه مینیب پلیس مامورو ایله اورانی کشف ائدیرلر. (هم ائرکک هم قادین پلیس مامورو اولور) ها بئله باشقا بیر جشن ده آمبولانس یا اودسؤندورمه ماشینی. حیطین بیر طرفینده دوندورما اولور، و اوزوووون بیر میز دوزولور، اوستونده هرجوره ماکارونی سالادی و آتیشدیرمالی و میوه لر و بیسکوییت و ...، میوه سولاری و ... بو یئمه‌لی‌لری هم اوشاق‌باقچاسی مدیریتی و هم آتاآنالار گتیریبلر. بعضاً جشن لرده تئاترچی گلیر و نئچه قولچاق ایله اؤزل تئاتر باجاسیندان اوشاقلارا تئاتر ایفا ائلییر. https://t.me/Adabiyyatsevanlar

جوک جوک کوجه لریم

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

«کریم_احمدیان_شاهید» آرخایین اوْلگونان قارا تپه‌لر گۆنش بولودلارلا البیر اوْلوبدور دالداجا دینجه‌لیر اوْرتاقلیغیلا آستاجا چارشابین یئره سالیبدیر سرحدسیز پوْزغونلوق شهر بزه‌یی یوْرغونلوق آسیلیب بیزیم تمیچه‌ده ایتیبدیر بیر آنا بۇ قاراشمیشدا بیر اۇشاق مله‌ییر بیزیم کۆچه‌ده کئفسیزلیک کئفلی‌لر فلسفه قوْشور سیمگه‌سیز باخیشین قالاییر گؤیه دییرمن داشی‌ ایلا ازیر منطقی سؤزون یئریدیر هئی سؤیه-سؤیه آرخایین اوْلگونان سوْیوق گئجه‌لر گۆنش چیْخماغینا رۇشوه ایسته‌ییر گۆندوز یانسیدیرسا اؤز ایْشیقلیغین هر کس اؤزلویونو بیر گۆن گؤسته‌ریر بۇ نیسگیل هر گئجه یۆکون چوْخالدیر قارانلیق سئوینیر بیزیم شهرده بالتاسین یوْنورو بوْغونتولارلا دیشلرین آغاردیر سوْلموش سحرده

✅✅✅سایین کانالداشلار اوستاد شاهرخ نخعی نین مصاحبه سینه هندزفری ایله قولاق آسین.

7 و دانیشیق‌لارین سونو

6

5 بیر مای اوستاد نخعی ایله دانیشیق

4

3

2

1