ادبیات سئونلر

کوپک اوغلو قافیه... هله ده وار هرزمان تویا گئدرم اوشاقلیق ایامی عاشیقلاردان ائشیتدیم بیر بی تعریفی یادیما دوشنده  اوز اوزونه دوداغیم قاچار، دریا قیراغیندا سالدیرام حامام اوخورام قورانی ائیلرم تامام گوروم ای بی سنین تویون مبارک اولسون... دریا ،حامام ،قوران، بی ...کوپک اوغلو قافیه منیم کیمی بئفر شاعیری گور هارا چکیب آپارییب... https://t.me/Adabiyyatsevanlar

منی اؤزومه قایتار! ائلدار موغانلی آیریلدین، اریدی باخیشلاریم آیاق ایزلرین‌له؛ منی مندن آلیب آپاردین اؤزون‌له. آیریلدین، تنهالیقدا کئچدی گون‌لر، آی‌لار، ایل‌لر؛ او گئدن آیاق ایزلرینه- حسرت گولو اکدی باخیشلاریم هر سحر. آیریلدین، گؤزلریم یول چکدی سن گئدن منزیل‌لره، اومید باغلادیم ووصال دونلو قیزیل بیر سحره. آیریلدین، یاشیل دیله‌یین‌له قیزیل اوره‌یین‌له آپاردین آرزولاریمی، کؤچورتدون سؤز باهاریمی؛ سارالدی زامان کئچیدینده یاشیل خاطیره‌لر، آلدی کؤنلومو کدر. گل سئوگیلیم! قوی آلماسین کؤنلومو غوبار! منی اؤزومه قایتار- یاشیل دیله‌یین‌له قیزیل اوره‌یین‌له! تیر ۱۳۷۰- تهران قایناق:ایشیق سایتی https://t.me/Adabiyyatsevanlar

(گیزلی گیزلی) احمد درگاهی سئومه لی یم ، سنی جاندان سئوه جه یم ،گیزلی گیزلی خیالیمدا هئی قاپینی دؤیه جه یم گیزلی گیزلی قالسا کؤنول قوشوداردا گونلر گئچسه آه و زاردا ساچلارینی رویالاردا هؤره جه یم گیزلی گیزلی سایاقلاییب اویانسامدا سرسم دوروب دایانسامدا ایشه گوجه یوبانسامدا گوله جه یم گیزلی گیزلی (درگاهی) سئومک دیر سوچون سون کاروانیم چَکسه کؤچون اؤلنده ده سنین اوچون اؤلـه جه یم گیزلی گیزلی https://t.me/Adabiyyatsevanlar

توتقون گئجه چکیلیب ماوی سماده یئنه آی داره گئجه پارلاق اولدوزلاری باسقین ائله¬ییر قاره گئجه ظولمتین هاردادی دان اولدوزو یارسین سینه¬سین قاپ¬قارانلیق ائله¬دی باغریمیزی یاره گئجه ساری کؤینک قوشو، هم بولبولو قاچقین سالیبان تاپشیریر گولشنیمی گؤر نئجه بیر ساره گئجه یئر اوزون چولغالاییب، قورخولو بیر قاره سکوت وار نه بیر سس، نه اینیلتی، نه ائدیم چاره گئجه چابالیر دار قفسینده، جانا دویموش اوره¬ییم سیزلاییر کؤکسوم آرا گؤرنه گلیب زاره گئجه خیالیندا یورولوبدور داها ان یوگره¬ک آتی آخساییر، سانکی نالین سالمیش او بیچاره گئجه باغیریرسامدا یئنه اؤز سسیمی دینله¬ییره¬م سؤیله¬سین حالیمی یوخ کیمسه او دیلداره گئجه دونوخور دویغولاریم، هارداسان آی نور مله¬ییم اؤرپه¬یین قالدیر اوسانسین بو اوزو قاره گئجه سر ساری ساچلاری یالچین قایادان آی گؤزه¬لیم توتقونو چؤکدوره دیز قویما فسونکاره گئجه https://t.me/Adabiyyatsevanlar

قاغایی‌لاردان بوشالمیش دنیز! عبدالله یالچین سن، قاغایی‌لاردان بوشالدین من، تورشا شیرین آرزولاردان. سن، گمی‌لرین تنهاسیزلیغینی گومولتدون دوز دنیزینده، سن، غربت اوچورتدون قاغایی‌لارین ایزینده. من، کولگم اولموش شبهه‌لر قورخولوسو رؤیا، خیال یوخولوسو؛ سن، قیسیر بولودلارین اودوزموشو، من، کیفسه‌میش دوشونجه‌لرین اود اودموشو. سن، تنها یالقیز؛ سنی فرتینا، قاسیرغا دؤیه‌جک من، تنها، یالقیز؛ منی قورخو خورا کیمی یئییم – یئییم یئیه‌جک؛ داها بس‌دیر! داها بس‌دیر میشیل – میشیل اویوماق؛ بوگون اگر اویانماساق گله‌جک اوزوموزه توپوره‌جک ۱۴۰۱/۰۵/۰۳ https://t.me/Adabiyyatsevanlar

صمد وورغون باشینا دؤندويوم عزيز شكسته دينله مني حالي يامان اولموشام قلبدن يارالي كؤنولدن خسته ناني زه هه ر ، روزی فغان اولموشام چاتاندان بري دير اون بئش یاشیما چوخ بلالر گلیب قانلی باشیما بالتالار وورولوب عؤمور داشيما بو عشقين يولوندا يامان اولموشام كسيليب قاناديم اوچا بيلميرم عشق محبوسويام قاچا بيلميرم هچ كسه درديمي آچا بيلميرم بؤيله حالي چوخ پريشان اولموشام گر چي ايستر چكيم جؤور و جفا يار من ديله رم سورسون چوخلو صفا يار قصد إئیله ییر منه او بی وفا یار قصدینین آلتيندا تالان اولموشام. او ملك سيماليم، شاهباز باخيشليم او دوداغي بالليم جئیران یئریشلیم هم او سیاه تئللیم توراج گولوشلوم یاندیریب دیر منی یانان اولموشام. https://t.me/Adabiyyatsevanlar

بیز بئله‌ییک ناصر داوران بیز کیتابی گؤیرچینی سئویریک. آلما بوداغیندا قوشلاری دینله‌ین سئوگی بیزیم عائله‌دن‌دیر. گون چیخاندا بئینیمیز ال‌لریمیز حیات ذؤوقونه بویانیر امک لیاقتینه. دیلیمیزدن دوشن دئییل ائولره گره‌کن ماوی پنجره اولدوزو یاخینلاشدیران مکتب آدرسی. بونونلا بئله آژیر قورخوسو زیندان اؤفکه‌سی بیزدن اؤترو یارانیب، تورپاغین یاغیشدان آلدیغی گوجون تئرور اولماسین عکس ائتدیریر یول‌لار اوزونو شعیرله‌شن قیزیل داملالار. بیز بیر قورتوم هده‌سیزلیک اوچون عؤمور بویو انتظار یئکه‌لیکده چتینین عهده‌سینده‌ییک. بیز گئجه‌نی صوبحه‌دک مفتیل‌لر آرخاسیندان اولدوزلاری ساییریق. ۱۴۰۳/۰۴/۲۳

میرزا رضا صراف تبریزی اولدو من ترک شراب لب یار ائیلدیم اولدی زهر غم هجریله مدار ائیلدیم اولدی ای شیخ بهشتی دئمه ترک ائیلییه ن اولماز من ترک سر کوی نگار ائیله دیم اولدی اؤز جانینی ترک ائیلییه ن اولماز من اؤزومدن روحوم کیمی جانانی کنار ائیلدیم اولدی ممکن دگی بیر محنته مین جان دؤزه اما من جانیمی مین درده دچار ائیلدیم اولدی دانسته و فهمیده خط و خاله وورولدوم اؤز اؤز گونومو تیره و تار ائیلدیم اولدی هئچ کیمسه اؤزون خار و ذلیل ایسته مز اما من اؤز اؤزومو دهرده خار ائیلدیم اولدی عرفان نظربازی و رندی و ظریفی عالمده خلاصه نکی وار ائیلدیم اولدی صرافه دئدیم حکمتیلن یوخ وار اولانماز گولدی دئدی باخ گؤر یوخی وار ائیلدیم اولدی https://t.me/Adabiyyatsevanlar

نیگار_رفیع‌بیلی آیریلیق مَن کی، دویمامیشدیم هئچ ووصالیندان مَنه ظولم ائله‌دی یامان آیریلیق نه اولاردی بیر گون دوروب یوخودان گؤره‌یدیم کی، اولوب یالان آیریلیق بیز کی، بیر روح ایدیک ایکی بَدَنده او گولوب-سئوینسه گولردیم مَن ده ووصالین بولبولو اوچوب گئدنده داش کیمی قَلبیمده قالان آیریلیق کیم قییدی دوستلارین باهار ائلینه؟! مئهریبان سؤزونه، شیرین دیلینه جانانین سازینی آلیب اَلینه اَغیار میضرابییلا چالان آیریلیق مَن گؤرنده اوردا یاز سَحَرییدی خوش نَفَس باهارین کولکلرییدی آچیلان آغ بادام چیچکلرییدی ایندی اونلاردی‌می سولان، آیریلیق! گون چیخار ،داغلارین اَرییر قاری پوزولماز دوستلارین عَهدی، ایلقاری کئچر اورک دَردی ، کؤنول غوباری گَل ائتمه مئیداندا جؤولان ،آیریلیق! https://t.me/Adabiyyatsevanlar

ایروان چوخوری اوخویور : خالق عاشیغی"  عاشیق حسین جوان" https://t.me/Adabiyyatsevanlar

عاشیق حسین جوان حسین میکائیل اوغلو علیف. در سال 1916 در روستای اوت از محال گرمدوز آذربایجان ایران چشم به جهان گشود. پدرش را در کودکی از دست داد و مادرش زهره او را به قفقاز برد. آنان مدتی در روستای شرفخانلی منطقه آغدام در قره باغ ساکن شده و سپس به روستای دلی ممدلی رفتند. حسین در 7 سالگی به چوپانی  پرداخته و احشام دیگران را می چراند. در 1927 شاگرد عاشیق موسی (برادرزاده عاشیق علعسگر) شد. عاشیق موسی رموز عاشیقی و ادبیات شفاهی مردمی آذربایجان را به حسین آموخت. حسین به اجرای برنامه در عروسی ها و مجالس پرداخت. او سرودن شعر را از 1934 آغاز کرد. نخستین شعرهای او با نامهای «گول آذربایجان»،«اویان وطنداشیم»،«آنا وطن»،« اکتیابر» در روزنامه وطن یولوندا در تبریز چاپ شد. عاشیق حسین در 1938 به تبریز آمد. در زمان بوجود آمدن حرکات انقلابی از سنگری به سنگر دیگر رفته و با ترنم ساز به مبارزان روحیه می‌داد. حکومت ملی آذربایجان مدال «21 آذر» را به او تقدیم کرد. چون در سال 1946 تئاتر ملی در تبریز تشکیل شد، او معاون مدیر این تئاتر بوده و نغمه های انقلابی را نیز اجرا می کرد. او انجمن عاشیقها را ایجاد کرد. حکومت ملی آذربایجان و فرقه دموکرات به او عنوان هنرمند ملی را اعطاء کردند. در سال 1946 در ارکستر مسلم ماغامایف به عنوان سولیست مشغول بکار شد. او سپس به سال 1948در روستای عزیزبیگوف شهرستان قاسم اسماعیلوف زندگی کرد. از آن پس نیز در تئاتر و موسیقی آذربایجان شرکت فعال داشته و در سال 1953 دیپلم درجه یک فستیوال هنر را دریافت کرد. او در دهه هنر و ادبیات آذربایجان در مسکو، رهبر دسته عاشیقها بود. او نشان شرف و برخی عنوانهای افتخاری را نیز دریافت کرده است. او در 1958 درگذشت. آثار او عبارتند از: 1- آزادلیق ماهنی لاری. باکو. آذرنشر. 1950. 2- عاشیغین آرزولاری. باکو. اوشاق گنج نشر. 1950. 2- شعرلر. باکو. اوشاق گنج نشر. 1953. 3- قوشملار. باکو. آذرنشر. 1956. 4- صدفلی ساز. باکو. آذرنشر. 1956. 5- شعرلر. باکو. آذرنشر. 1962. 6- دانیش، تئللی سازیم. باکو. آذرنشر. 1966. 7- ائل عاشیغی. باکو. آذر نشر. 1975. 8- باهار کیمی. باکو. یازیچی.1979 https://t.me/Adabiyyatsevanlar

مدینه گولگون سن گلمز اولدون. دئییردین، باهاردا گؤروشریک بیز. باهار گلدی، گئتدی، سن گلمز اولدون. داشلارامی دَیدی، سؽندؽ عهدیمیز؟ آیلار گلدی، گئتدی، سن گلمز اولدون. دئدین، دورنالارلا گله‌رم من ده. دورنالار قاییتدی، سن گلمز اولدون. سارالدی یارپاقلار چؤلده، چمنده، پاییز فصلی چاتدی، سن گلمز اولدون. دئییردین، قاپینا قونارام قوش تک. قوشلار جَه-جَه ووردو، سن گلمز اولدون. یاشاماق عشقی‌یله وجده گله‌رک، قوشلار یووا قوردو، سن گلمز اولدون. دئدین، نغمه‌لرله دؤنه‌رم گئری، مین نغمه اوجالدی، سن گلمز اولدون. توکَندی عؤمرومون باهار گونلری، کؤنلوم سنسیز قالدی، سن گلمز اولدون. سنسیز دؤنه-دؤنه یوللارا باخدیم، گؤزلریم قارالدی، سن گلمز اولدون. آی منیم طالعیم، آی منیم باختیم! سؤیله، بو نه حالدی، سن گلمز اولدون؟! دردیمی آهسته چالدیم، سئوگیلیم! سوسدولار چایلار دا، سن گلمز اولدون. آخی نئجه دئییم، هئچ گلمیر دیلیم، دئ بس قالدین هاردا، سن گلمز اولدون؟! سن دؤنوک دئییلدین، دؤنوک دئییلسن، یقین... ائه، نه دئییم؟! سن گلمز اولدون. دؤزوملو اولسام دا، داریخیر هردن- اووونمور اوره‌ییم- سن گلمز اولدون. فقط اینانیرام، بیر گون اولاجاق، من دئمه‌یه‌جه‌یم «سن گلمز اولدون»، غمیم او حسرتلی گونده قالاجاق. کیم دئییر سن خیال، یا بیر سس اولدون؟ گون گلر دئمه‌رم «سن گلمز اولدون». https://t.me/Adabiyyatsevanlar

سمیه_رمضانی_گیگاسری من سالهاست مرده ام و عطر بهار نارنجی که از سینه ام بیرون می پیچد بوی خون دل من است. https://t.me/Adabiyyatsevanlar