SN.KZ - Күннің басты жаңалығы

Бүгінгі күннің басты жаңалықтары: 1. «Үш айлық егіз де бар»: Қатыгез емші асырап алған балалар туралы тағы тың дерек шықты 2. Ақтөбеден Ресейге шыққан көлік аударылып, 4 жолаушы оқиға орнында мерт болды 3. Сенат «Масс-медиа туралы» заңды мақұлдады 4. Енді қажылық тәртібін бұзғандарға айыппұл салынып, бас бостандығынан айырылады 5. «9-10 жасар қыз төсекте неке түнін күтіп жатыр»: Журналист отандық телеарнада «педофилияның» ашық көрсетілгенін айтты 6. Емтихан тапсырмаларын әзірлеген Назарбаев мектебінің оқушылары ҰБТ сертификатынан айырылады 7. Әншілер балағат сөздері бар әнді концертте орындай алмайды – вице-министр

«Быт-шытын шығарды»: Хит әнге кавер жазған Бүркіт пен Аиша қызу талқыға түсті (ВИДЕО) Эстрададағы жұлдызды жұп Бүркіт пен Аиша Қазыбек Құрайыштың "Таптым-ау сені" әніне кавер түсірді. Бүркіт әннің кавер нұсқасын Instagram желісіндегі парақшасында жариялады, деп хабарлайды Skifnews.kz ақпарат порталы. "Таптым-ау сені" туындысының жаңа нұсқасы көпшіліктің көңілінен шықты. Дегенмен оқырман арасында жұлдызды дуэтті сынағандар да табылды.

Спорт басқармасының қызметкерлері 56 млн теңгені жымқырғаны анықталды Алматы қаласы Спорт басқармасының және оның ведомстволық бағынысты ұйымының қызметкерлері бюджет қаражатын жымқырды деп күдіктелуде, деп хабарлайды Skifnews.kz ақпарат порталы. Алматы қаласы бойынша Сыбайлас жемқорлыққа қарсы қызмет бюджет қаражатын аса ірі мөлшерде иемдену және ысырап ету фактісі бойынша Спорт басқармасы мен Олимпиадалық резервті даярлау орталығының бұрынғы қызметкерлеріне қатысты сотқа дейінгі тергеу жүргізуде

«9-10 жасар қыз төсекте неке түнін күтіп жатыр»: Журналист отандық телеарнада «педофилияның» ашық көрсетілгенін айтты Белгілі журналист Кәмшат Тасболат отандық телеарналардың бірінде педофилия көріністері бар сериал көрсетіліп жатқанын айтып, дабыл қақты. Оның пайымдауынша, әлгі үнді сериалындағы көріністер адамның жүйкесіне кері әсер етеді, деп хабарлайды Skifnews.kz ақпарат порталы. «Масқара! Astana арнасында бала құқын бұзатын, педофилияны ашық көрсететін «Қорғаушы ханым» атты үнді сериалы боп жатыр?! Ақпарат министрлігі, Бала құқын қорғайтын ұйымдар, омбудсмен, Президент жанындағы әйелдер мәселесімен айналысатын комиссия, депутаттар назар аударатын дүние. Сериалға келсек, шамамен 9-10 жасар қыз (бойы ересектердің беліне келеді) төсекте неке түнін күтіп жатыр. Күйеуі 18-20 жастан асқан еркек. Одан сорақысы, бөлмеге 50-60-тағы шал кіріп кетіп, кішкентай баланы аяғынан сипалап, аймалай бастайды», - деп жазды Кәмшат Тасболат.

Президент Ұлттық музейдегі өнер туындылары көрмесін тамашалады ✅Мемлекет басшысы Қасым-Жомарт Тоқаев елордадағы Ұлттық музейге арнайы барып, отандық және әлемдік бейнелеу өнері туындыларының көрмесімен танысты. ✅Президентке өнертанушы Ольга Батурина қазақстандық талантты қылқалам шеберлерінің туындылары жинақталған «Дала кескіндемесі: рәміздер, бояулар, бейнелер» атты көрмені таныстырды. ✅Қасым-Жомарт Тоқаевқа әйгілі италиялық суретші Леонардо да Винчидің «Әдемі ханшайым» (La bella principessa) картинасының түпнұсқасы көрсетілді. ✅Танымал туындының көрмесі Ұлттық музейдің 10 жылдығына орай Италияның «Scripta Maneant» баспасымен бірлесе ұйымдастырылған. Жоғары Ренессанс дәуіріне жататын бұл құнды жәдігер Еуропадан тысқары жерге алғаш рет шығарылып отыр. ✅Көрме еліміздің Мәдениет және ақпарат министрлігінің, Италияның Қазақстандағы елшілігінің және Италия мәдениет институтының қолдауымен өтіп жатыр.

«Бөлмесінде ойнап жүрген»: Ақтөбеде 5 жасар бала қайғылы жағдайда қаза тапты Ақтөбе қаласындағы тұрғын үйлердің бірінде қайғылы жағдай болды. Бөлмеде ойнап жүрген 5 жасар бала терезеден құлап кетті, деп хабарлайды Skifnews.kz ақпарат порталы. Ақтөбе облыстық полиция департаменті жаз мезгілінде терезе жиі ашық тұратынын айтып, тұрғындарға жиі ескерту жасап келеді. Дегенмен балалардың терезеден құлап кету дерегі жиілеп кетті.

Бүгін қазақтан шыққан тұңғыш олимпиада чемпионы Жақсылық Үшкемпіровтың туған күні Бүгін қазақтан шыққан тұңғыш Олимпиада чемпионы, ҚР Еңбек сіңірген жаттықтырушысы Жақсылық Үшкемпіровтің туған күні, деп хабарлайды Skifnews.kz ақпарат порталы. Қазақтаннан шыққан тұңғыш олимпиада чемпионы, ҚР Еңбек сіңірген жаттықтырушысы, спорт саңлағы – Жақсылық Әмірәліұлы Үшкемпіров 1951 жылы 6 мамырда Жамбыл облысының Свердловск ауданы Дихан ауылында дүниеге келген. Бала кезінен спортқа жақын болған ол кейін грек-рим күресіне бет бұрып, аталған спорт түрінен КСРО-ға еңбек сіңірген спорт шебері атанды.

«Бақытты болсын!»: Желіде Димаштың бейтаныс аруға сөз салған суреті тарады Биыл 30 жасын тойлаған Димаш Құдайбергеннің әлдебір аруға сақина ұсынып, қолынан ұстаған суреттері тарады, деп хабарлайды Skifnews.kz ақпарат порталы. TikTok әлеуметтік желісіне шыққан суреттерге көз жүгіртсек қазақтың Дарынды баласы Димаштың классикалық үлгіде шыттай болып киініп алып, белгісіз аруға қолы мен жүзігін ұсынып тұрғанын байқауға болады. Әзірше бұл суреттердің клип, жарнама немесе шынымен сөз салу екені белгісіз. Алайда желі оқырмандары сүйікті әншісіне бақыт тілеп, кейбірі Димашты ешкімге қимайтынын жарыса жазған.

✉️ Мемлекет басшысы Швеция Короліне құттықтау жеделхатын жолдады 🇰🇿🇸🇪 Президент Қасым-Жомарт Тоқаев XVI Карл Густавты Швеция Корольдігінің Ұлттық күнімен құттықтады. – Біз Швециямен арадағы қалыптасқан серіктестік қатынастарды жоғары бағалаймыз әрі достас екі елдің игілігі жолындағы байланыстарды тереңдетуге ниеттіміз. Осынау айтулы мереке күні Сізге бақ-береке тілеймін және Швеция халқының өсіп-өркендей беруіне тілектестік білдіремін, – деп жазылған жеделхатта.

«Қазақстан – орыстілді мемлекет»: Станислав Черчесов неліктен Қазақстанға келді? Ресейлік бапкер Станислав Черчесов футболдан Қазақстан ұлттық құрамасын жаттықтыруға неге келіскенін айтты. Бұл туралы Skifnews.kz ақпарат порталы Сhampionat.com сайтына сілтеме жасап хабарлайды. «Сізге Қазақстанның ұсынысы неліктен қызық болды?» деген басылым тілшісінің сұрағына жауап берді. «Ұсыныстардың қайдан келгенін айтпай-ақ қояйын. Бірақ қайтадан шетелдік ортада жұмыс істегім келмеді. Оған қарсы ештеңем жоқ. Бірақ мен Венгрияда екі жыл жұмыс істедім, онда ағылшын және неміс тілдерінде сөйлесуге тура келді. Ал мен орыстілді ортада жұмыс істегім келді. Сосын Ресейге жұмыс істеуге келдім. Дегенмен, Қазақстан – орыстілді ел, біз КСРО-да өстік. Сондықтан бұл жерде мен үшін ешбір айырмашылық жоқ», - деді Бас бапкер.