Gerîla

🔹 هاوسەرۆکی #KCK جەمیل بایک: گەلی کورد متمانەی بە ڕێبەر ئاپۆ هەیە، کە دانوستانکاری سەرەکییە و ڕێبەر ئاپۆش بە باشترین شێوە نوێنەرایەتیی ئەم متمانەیە دەکات، وتیشی: پڕۆسەکە لە بەردەم بنبەسدایە، بۆیە بەرەوپێشچوونی پڕۆسەکە پێویستی بە هەنگاوی یاسایی و سیاسییە. جەمیل بایک، هاوسەرۆکی کۆنسەی بەڕێوەبەریی کەجەکە سەبارەت بە دوایین پێشهاتەکانی پڕۆسەکە و کێشەی ئەو یاسایانەی لە پەرلەمانەوە تێپەڕێندراون، پەیوەندیی نێوان چەکدانان و هەنگاوی سیاسی و یاسایی، ڕۆڵی هێزە دیموکراسییەکان لە پڕۆسەکەدا، بۆ ئاژانسی هەواڵی فورات (ANF) دووا. جەمیل بایک ڕایگەیاند، یاسایەک دەرچووە، بەڵام دیار نییە کە پڕۆسەکە چۆن بەڕێوە دەچێت، لەوانەیە ئەو دەستەیەی کە ڕێبەر ئاپۆ لە ناویدایە و ئەو دەستەیەی کە جێگری سەرۆککۆمار سەرۆکایەتیی دەکات، وتوێژ بکەن و هەندێک بابەت ڕوون بکەنەوە، چونکە یاساکە بە جۆرێکە کە هەنگاونان زەحمەت دەکات؛ لە هەندێک لایەنەوە دەتوانێت مەبەستی یاساکە پووچەڵ بکرێتەوە. ئاماژەی بەوەشکرد، پێویستە نەخشەڕێگەکە بە شێوەیەک بێت، کە بە هیچ شێوەیەک بێمتمانەیی دروست نەکات. بۆ ئەوەی پرۆسەکە بە ئەرێنی بەڕێوە بچێت، هەروەها، ڕێبەر ئاپۆ بە تایبەتی زۆر هەوڵ دەدات بۆ ئەوەی پڕۆسەکە بە خێرایی بەڕێوە بچێت، بەڵام ئەو ڕێگا و ڕێبازانەی کە ئێستا دەخرێنەڕوو، لەگەڵ سرووشت و خەسڵەتی پڕۆسەکەدا یەکناگرنەوە، لەلایەکەوە باسی چەکدانانی تەواوەتی دەکرێت؛ لەلایەکی ترەوە ژمارەیەکی بەرچاو لە دەرەوە دەهێڵرێتەوە، ئاشکرایە کە هەم هەڵوێستی پەراوێزخستن و هەم دۆخێک کە بە هیچ شێوەیەک ڕێگا و ڕێبازێکی قبووڵکراو پێشکەش ناکات، ناتوانێت پێشکەوتن لەگەڵ خۆیدا بهێنێت، هەم بەڕێوەبەریی و هەم ژمارەیەکی بەرچاو لە دەرەوە دەهێڵرێتەوە، هەمیش دەوترێت با فڵان و فڵان شت بکرێن، بە سادەیی، ئەمە بە مانای نەناسینی ئەو تەڤگەرە دێت کە زیاتر لە پەنجا ساڵە بەرانبەری تێدەکۆشێت، بە کورتی، هەڵسەنگاندنی یاساکە بە ڕوانگەیەکی پیلانسازانە و دۆگماتیک، کارەکە قورس دەکات. هەروەها، لەم پڕۆسەیەدا دامەزراوەیەک وەک چاودێر یان چاوی سێیەم بوونی نییە، بەرپرسانی حکومەت شانازیی بەمەوە دەکەن، بە ڕاستیش دۆخێکی گرنگە کە ئەمەمان پێویست نەبێت و پرسەکە چارەسەر بکرێت، بەڵام دەبێت پڕۆسەکە بەو ڕێگا و ڕێبازانە بەڕێوە بچێت کە لە پراکتیکەکانی جەنگ و چارەسەریدا پێویستییان بە چاوی سێیەم نابێت. هاوکات، کاتێک مرۆڤ سیاسەتی سەد ساڵەی ڕاستیی دەوڵەتی تورک لەسەر کورد هەڵسەنگێنێت، ئەوکات دەبینرێت کە دیموکراتیکبوون لە تورکیا و چارەسەریی پرسی کورد ئاوێتەی یەکترن. سەبارەت بەو هەوڵانەی بۆ تێکدانی پڕۆسەکە دەدرێن جەمیل بایک وتی: قسەوقسەڵۆک و ئاژاوەگێڕی بۆ تێکدانی پڕۆسەکەیە، بۆ ئەوەی ڕێگری لەمە بکرێت، پێویستە ڕێبەر ئاپۆ بتوانێت دیدار لەگەڵ ڕۆژنامەوانان، ڕۆشنبیران، سیاسەتمەداران و بەشێک لە ڕێکخراوە دیموکراتیکەکاندا بکات، ئەگەر سەرنجەکان ڕاستەوخۆ لە ڕێبەر ئاپۆوە وەربگیرێن، ڕێگری لە قسەوقسەڵۆکی لەم شێوەیە دەکرێت. باسی لەوەشکرد، ڕێبەر ئاپۆ لە گفتوگۆکانی ئیمراڵیدا ڕێ و ڕێبازەکانی دیموکراتیکبوون و چارەسەریی پرسی کورد دەخاتە ڕوو، بنەما مێژووییەکانی ئەم چارەسەرییە و پێویستییەکانی ڕۆژانە دەخاتە ڕوو و پێشنیارەکانی چارەسەری پێشکەش دەکات، هەروەها گەلی کورد متمانەی بە ڕێبەر ئاپۆ هەیە، کە دانوستانکاری سەرەکییە و ڕێبەر ئاپۆش بە باشترین شێوە نوێنەرایەتیی ئەم متمانەیە دەکات، بەڵام گەلی کورد لەم مژارەدا کە ڕاستەوخۆ پەیوەندیدارە بە خۆیەوە، ناتوانێت تەماشاکەر و پاسیڤ بێت، ئەمە لەگەڵ ڕاستیی گەلێکی لەم شێوەیەدا نایەتەوە کە درێژە بە تێکۆشانی دیموکراسی و ئازادی دەدات. لە کۆتاییشدا جەختی لەوەکردەوە، گەل لە پەیوەندی لەگەڵ دەوڵەتدا پێویستە چاوەڕوانی دەوڵەت نەبێت، هیوای لەسەر هەڵنەچنێت، پێویستە خۆی ڕێکخراو بکات و خۆی هەموو کێشەکانی خۆی چارەسەر بکات، هەر بۆیە ڕێبەر ئاپۆ گرنگی دەدات بە ڕێکخراوبوونی کۆمۆن، ڕێکخراوبوونی کۆمۆن، ڕێکخراوبوونی یەکێتیی کۆمۆنەکان بە مانای ڕێکخراوبوونی خۆبەخۆی کۆمەڵگە و چارەسەرکردنی کێشە ئابووری، کۆمەڵایەتی، کەلتووری و سیاسییەکانی دێت و ئەگەر پرسێکی قورسی ١٠٠ ساڵەی وەکو پرسی کورد چارەسەر بکرێت، ئەوا پێویستە کۆمەڵگە چاوەڕوانی دەوڵەت نەکات، خۆی ڕێکخراو بکات، درێژە بە تێکۆشانی دیموکراتیک بدات و خۆی بکاتە هێزێکی چارەسەریی ڕاستەقینە. ➖➖➖➖ @gerilame