👩🏻‍🦰✍🏻သက်ထား

📌 တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ၏ သဘောထားထုတ်ပြန်ချက် (၂/၂၀၂၆) သတင်း 💚 တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီက ၂၀၂၆ ခုနှစ်၊ ဩဂုတ်လ (၁၀) ရက်စွဲဖြင့် သဘောထားထုတ်ပြန်ချက် တစ်စောင် ထုတ်ပြန်ခဲ့သည်။ 💚 ထုတ်ပြန်ချက်တွင် မိုးမောက်၊ မံစီနှင့် ဗန်းမော်မြို့နယ်များ၌ ဖြစ်ပွားနေသော စစ်ရေးပဋိပက္ခများကြောင့် ပြည်သူများ စစ်ဘေးရှောင်နေရခြင်း၊ KIO/KIA မှ မန္တလေးနှင့် စစ်ကိုင်းတိုင်းအတွင်းရှိ PDF များနှင့် ဒေသခံလူငယ်များကို အင်အားစုဆောင်း၍ ဗန်းမော်စစ်မြေပြင်သို့ စေလွှတ်နေခြင်းနှင့် စစ်ဘေးရှောင်များ၏ အိမ်ထောင်ပစ္စည်းများကို သယ်ဆောင်ရောင်းချနေခြင်းများအား ပြစ်တင်ရှုတ်ချထားသည်။ 💚 သို့ဖြစ်ပါ၍ စစ်ဘေးရှောင်များ စားနပ်ရိက္ခာ ရရှိရေးအတွက် ရွှေကူမြို့အား ပိတ်ပင်ထားခြင်းကို ရုပ်သိမ်းပေးရန်၊ KIO/KIA အနေဖြင့် ဗန်းမော်၊ မိုးမောက်၊ မံစီတို့မှ ခြွင်းချက်မရှိ ဆုတ်ခွာပေးရန်၊ တိုင်းရင်းသားအချင်းချင်း ချစ်ကြည်ရေးကို ရှေးရှု၍ နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းရန်နှင့် ပြည်သူ့လုံခြုံရေးကို စနစ်တကျ ဖော်ဆောင်ပေးရန် တိုက်တွန်းတောင်းဆိုထားသည်။ သက်ထား

📌 ဖလမ်းမြို့တွင် ဘက်စုံပြန်လည်ထူထောင်ရေးနှင့် လျှပ်စစ်မီးကြိုး သွယ်တန်းခြင်း လုပ်ငန်းများ ဆောင်ရွက်လျက်ရှိ 💚 ချင်းပြည်နယ်၊ ဖလမ်းမြို့တွင် ဘက်စုံပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းများကို အရှိန်အဟုန်မြှင့်တင် ဆောင်ရွက်လျက်ရှိရာ ဩဂုတ်လ (၁၁) ရက်၌ လျှပ်စစ်မီးကြိုး သွယ်တန်းခြင်း လုပ်ငန်းများကို စတင်ဆောင်ရွက်နေပြီဖြစ်ကြောင်း သိရသည်။ 💚 ဒေသတွင်း နယ်မြေအေးချမ်း တည်ငြိမ်ရေးနှင့်အတူ လျှပ်စစ်မီး ရရှိရေးအပါအဝင် အခြေခံအဆောက်အအုံ ပြန်လည်ထူထောင်ရေး လုပ်ငန်းများကို ဆောင်ရွက်ပေးလျက်ရှိသော်လည်း ဒေသအချို့တွင် လုံခြုံရေးနှင့် တည်ငြိမ်ရေးဆိုင်ရာ စိန်ခေါ်မှုများ ရှိနေဆဲဖြစ်ကြောင်း လေ့လာသုံးသပ်မှုများလည်း ရှိနေသည်။ သက်ထား

📌 လေးမျက်နှာမြို့နယ်ရှိ ရေဘေးသင့်ပြည်သူများထံ အနုပညာရှင်များ သွားရောက်ကူညီလှူဒါန်း 💚 ဧရာဝတီတိုင်းဒေသကြီး၊ လေးမျက်နှာမြို့နယ်ရှိ ရေဘေးသင့် ပြည်သူများထံသို့ ရုပ်ရှင်အနုပညာရှင်များ၊ ဟာသပညာရှင်များ၊ အဆိုတော်များနှင့် အနုပညာအသိုင်းအဝိုင်းမှ ပညာရှင်များ သွားရောက်ခဲ့ကြသည်။ 💚 အဆိုပါ ခရီးစဉ်အတွင်း ရေဘေးသင့် ပြည်သူများအတွက် အဝတ်အစား၊ ဆေးဝါးနှင့် စားသောက်ဖွယ်ရာများ လှူဒါန်းပေးခဲ့သည့်အပြင် လိုအပ်သည့် အားပေးနှစ်သိမ့်မှုများလည်း ဆောင်ရွက်ပေးခဲ့ကြသည်။ 💚 အထက်ပါ သတင်းနှင့်အတူ ဒေသအသီးသီးမှ ပဋိပက္ခများနှင့် လုံခြုံရေး အခြေအနေများကြောင့် ကူညီကယ်ဆယ်ရေးနှင့် ထောက်ပံ့ရေး လုပ်ငန်းများ ဆောင်ရွက်ရာတွင် စိန်ခေါ်မှုများ ရှိနေကြောင်း လူမှုကွန်ရက်တွင် ဝေဖန်သုံးသပ်မှုများလည်း ရှိနေသည်။ သက်ထား

📌 အင်ဒိုနီးရှားတွင် တောမီးကြောင့် ကျောင်းများ ဒါဇင်နှင့်ချီ၍ ပိတ်ထားရ 💚 အယ်လ်နီညို ရာသီဥတုကြောင့် ပြင်းထန်သည့် ခြောက်သွေ့ရာသီအစ၌ တောမီးလောင်ကျွမ်းမှုများ ပိုမိုဆိုးရွားလာသဖြင့် အင်ဒိုနီးရှားနိုင်ငံတွင် ကျောင်းများကို ဒါဇင်နှင့်ချီ၍ ပိတ်ထားရသည်။ 💚 ဘော်နီယိုကျွန်းပေါ်ရှိ အနောက်ကာလီမန်တန်၊ ပွန်တီယာနက်မြို့သို့ တောမီးခိုးများ ပျံ့နှံ့လာသောကြောင့် လေထုအရည်အသွေး မကောင်းမွန်မီအထိ ကလေးများကို အိမ်မှသာ သင်ယူကြရန် မြို့တော်ဝန် အီဒီရပ်ဒီ ကမ်တိုနိုက ညွှန်ကြားထားသည်။ သက်ထား

📌 ယူကရိန်း၏ လေကြောင်းကာကွယ်ရေးစနစ် တောင်းဆိုမှုနှင့်ပတ်သက်၍ တောင်ကိုရီးယား အကျပ်ရိုက်လျက်ရှိ 💚 တောင်ကိုရီးယားနိုင်ငံသည် ရုရှားနှင့် မြောက်ကိုရီးယားတပ်များကို ရင်ဆိုင်နေရသော ယူကရိန်းဘက်မှ ရပ်တည်ပေးခဲ့သော်လည်း လေကြောင်းကာကွယ်ရေးစနစ်များ ထောက်ပံ့ပေးရန် တောင်းဆိုမှုကို လက်ခံရန် အလွန်ခက်ခဲသည့် စိန်ခေါ်မှုဖြစ်နေကြောင်း ဩဂုတ် (၁၁) ရက်တွင် သတင်းရရှိသည်။ 💚 စစ်ဖြစ်ပွားနေသည့် နိုင်ငံများထံ လက်နက်လွှဲပြောင်းရောင်းချမှုဆိုင်ရာ မူဝါဒကန့်သတ်ချက်များ၊ မိမိနိုင်ငံ၏ စစ်ရေးလိုအပ်ချက်များနှင့် ရုရှားနှင့် ဆက်ဆံရေး ပိုမိုတင်းမာသွားနိုင်သည့် အခြေအနေများကြောင့် တောင်ကိုရီးယားအစိုးရက စိစစ်သုံးသပ်မှုများ ဆောင်ရွက်လျက်ရှိသည်။ သက်ထား

📌 ထိုင်းဝန်ကြီးချုပ်က သေနတ်ဝယ်ယူခွင့် လိုင်စင်ထုတ်ပေးခြင်းကို ရပ်ဆိုင်း 💚 ၁၄ နှစ်အရွယ် သေနတ်သမား၏ ပစ်ခတ်မှုကြောင့် လူ (၉) ဦး သေဆုံးခဲ့ရပြီးနောက် ထိုင်းဝန်ကြီးချုပ် အနုတင် ချာဝီရကွန် (Anutin Charnvirakul) က သေနတ်ဝယ်ယူခွင့် လိုင်စင်ထုတ်ပေးခြင်းကို ရပ်ဆိုင်းလိုက်ပြီး ရှိပြီးသား လိုင်စင်များကိုလည်း ပြန်လည်သုံးသပ်မည်ဟု အင်္ဂါနေ့တွင် ပြောကြားခဲ့သည်။ 💚 ပြစ်ဒဏ်ပိုမိုကြီးလေးသည့် သေနတ်ထိန်းချုပ်ရေး ဥပဒေသစ်ကို အမြန်ဆုံး ပြဋ္ဌာန်းရန် ဒုတိယဝန်ကြီးချုပ်အား ညွှန်ကြားခဲ့ပြီး၊ သေနတ်ဝယ်ယူနိုင်မည့် ပါမစ်သက်တမ်းတိုးပေးခြင်းများကို ရပ်တန့်ရန်လည်း ရဲတပ်ဖွဲ့သို့ အမိန့်ပေးခဲ့သည်။ 💚 ထို့ပြင် မှတ်ပုံတင်ထားသည့် သေနတ်များကို အိမ်၌သာ ထားရှိရမည်ဖြစ်ပြီး အများပြည်သူဆိုင်ရာ နေရာများသို့ ကိုင်ဆောင်သွားလာခွင့်ကိုလည်း ထိန်းချုပ်ဆောင်ရွက်သွားမည် ဖြစ်သည်။ သက်ထား

📌 (၃၉) ကြိမ်မြောက် ထိုင်းဘုရင့်ဖလား ပိုက်ကျော်ခြင်းပြိုင်ပွဲတွင် မြန်မာအသင်း ရွှေ (၁) ခု၊ ငွေ (၃) ခု ဆွတ်ခူးရရှိ 💚 (၃၉) ကြိမ်မြောက် ထိုင်းဘုရင့်ဖလား ပိုက်ကျော်ခြင်းပြိုင်ပွဲ ၂၀၂၆ ၏ ဆုတံဆိပ်များ ပေးအပ်ပွဲ အခမ်းအနားကို ဩဂုတ် (၁၁) ရက်က ကျင်းပပြုလုပ်ခဲ့ကြောင်း မြန်မာနိုင်ငံ ပိုက်ကျော်ခြင်းအဖွဲ့ချုပ်ထံမှ သိရသည်။ 💚 မြန်မာ့လက်ရွေးစင် ပိုက်ကျော်ခြင်းအသင်းသည် ပြိုင်ပွဲအမျိုးအစား (၆) မျိုး ဝင်ရောက်ယှဉ်ပြိုင်ခဲ့ရာ အမျိုးသား လေးယောက်တွဲပြိုင်ပွဲတွင် ရွှေတံဆိပ် (၁) ခု ဆွတ်ခူးနိုင်ခဲ့သည်။ 💚 ထို့ပြင် အမျိုးသား ကွင်းသွင်းခြင်းခတ်ပြိုင်ပွဲ၊ အမျိုးသမီး နှစ်ယောက်တွဲပြိုင်ပွဲနှင့် အမျိုးသမီး ကွင်းသွင်းခြင်းခတ်ပြိုင်ပွဲတို့တွင် ငွေတံဆိပ် (၁) ခုစီဖြင့် စုစုပေါင်း ရွှေတံဆိပ် (၁) ခုနှင့် ငွေတံဆိပ် (၃) ခု ဆွတ်ခူးရရှိခဲ့သည်။ သက်ထား

📌 အီရန်၏ ခြိမ်းခြောက်မှုကြောင့် တူရကီမှ အမေရိကန်သမ္မတ ထရမ့် လျှို့ဝှက်စစ်လေယာဉ်ဖြင့် ထွက်ခွာခဲ့ရ 💚 ပြီးခဲ့သည့် ဇူလိုင်လအတွင်း တူရကီနိုင်ငံ၊ အန်ကာရာမြို့၌ ကျင်းပခဲ့သည့် နေတိုး (NATO) ထိပ်သီးအစည်းအဝေးအပြီး ဗြိတိန်သို့ ထွက်ခွာရာတွင် အီရန်၏ လုပ်ကြံသတ်ဖြတ်မည့် ခြိမ်းခြောက်မှုကြောင့် အမေရိကန်သမ္မတ ဒေါ်နယ်ထရမ့်သည် အစားအသောက်တင်သည့် ကွန်တိန်နာယာဉ် (Catering Truck) ကို အသုံးပြု၍ လေယာဉ်ပြောင်းစီးကာ လျှို့ဝှက်ထွက်ခွာခဲ့ရကြောင်း Washington Post နှင့် New York Times သတင်းများတွင် ဖော်ပြထားသည်။ 💚 သတင်းမီဒီယာ ကင်မရာများရှေ့တွင် Air Force One လေယာဉ်ပေါ်သို့ သမားရိုးကျ တက်ရောက်ခဲ့သော်လည်း လေယာဉ်၏ အခြားတစ်ဖက်မှ အစားအသောက်တင်ယာဉ်ဖြင့် သမဂ္ဂအရာရှိများနှင့်အတူ လျှို့ဝှက်ဆင်းသက်ကာ အနီးရှိ စစ်ဘက်သုံး C-32A လေယာဉ်ပေါ်သို့ ပြောင်းရွှေ့လိုက်ခြင်း ဖြစ်သည်။ 💚 အဆိုပါ လှည့်စားမှုစစ်ဆင်ရေး (Deception Operation) ကြောင့် လေယာဉ်ပေါ်ပါလာသည့် သတင်းထောက်များနှင့် အိမ်ဖြူတော်ဝန်ထမ်းအချို့ပင် သမ္မတ ပါမလာသည်ကို မသိရှိခဲ့ဘဲ၊ လေယာဉ်ပြတင်းပေါက်လိုက်ကာများကိုလည်း ပိတ်ထားခိုင်းခဲ့ကြောင်း သိရသည်။ သက်ထား

ဗီယက်နမ်ရဲ့ အကြီးဆုံး ပြည်တွင်းဖြစ် ရေငုပ်သင်္ဘောတိုက်ဖျက်ရေးစစ်သင်္ဘော စတင်တည်ဆောက် ဗီယက်နမ်က သူတို့ရဲ့ အကြီးဆုံးနဲ့ အဆင့်မြင့်ဆုံး ပြည်တွင်းဖြစ် ရေငုပ်သင်္ဘောတိုက်ဖျက်ရေး စစ်သင်္ဘော ကို စတင်တည်ဆောက်နေပြီဖြစ်ပါတယ်။ ဒါဟာ နိုင်ငံရဲ့ ကာကွယ်ရေးစက်မှုလုပ်ငန်းကို ပိုမိုအင်အားကောင်းလာစေမယ့် အရေးကြီးတဲ့ ခြေလှမ်းတစ်ရပ်ဖြစ်ပါတယ်။ - အထူးသဖြင့် သင်္ဘောမှာ အသုံးပြုမယ့် လက်နက်နဲ့ စစ်ဘက်ဆိုင်ရာပစ္စည်း အများစုကို ဗီယက်နမ်နိုင်ငံအတွင်း ထုတ်လုပ်၊ တပ်ဆင်သွားမယ် လို့ သိရပါတယ်။ တောင်တရုတ်ပင်လယ်အတွင်း ပိုင်နက်အငြင်းပွားမှုတွေရှိနေချိန်မှာ ဒီစီမံကိန်းက နိုင်ငံခြားလက်နက်ပစ္စည်းအပေါ် မှီခိုမှုလျှော့ချပြီး ကိုယ်ပိုင်ရေတပ်စွမ်းရည် မြှင့်တင်ဖို့ ဗီယက်နမ်ရဲ့ ကြိုးပမ်းမှုတစ်ခုလည်း ဖြစ်ပါတယ်။ KT August 11

ကာကွယ်ရေးပူး‌ပေါင်း‌ဆောင်ရွက်မှုနက်ရှိုင်းစေရန် ဗီယက်နမ်နှင့် သြစတြေးလျ သဘောတူ အင်္ဂါနေ့က ကင်ဘာရာတွင် နှစ်နိုင်ငံခေါင်းဆောင်နှစ်ဦး တွေ့ဆုံ စဉ်စစ်ရေးပူးပေါင်းဆောင်ရွက်မှုကို နက်ရှိုင်းစေရန် နှင့် မရှိမဖြစ်သော ကုန်သွယ်မှုကို လွတ်လပ်စွာစီးဆင်းစေရေးကို ထောက်ခံပံ့ပိုးရန် သြစတြေးလျနှင့် ဗီယက်နမ်တို့ သဘောတူညီခဲ့ကြပြီး ကမ္ဘာတစ်ဝန်းထောက်ပံ့ ဖြည့်တင်းရေးကွင်းဆက်များကို အနှောင့်အယှက်ဖြစ်စေသည့် မူဝါဒများနှင့်ပတ်သက်၍ စိုးရိမ်ပူပန်မှုများကို နှစ်ဖက်စလုံးက ဖော်ပြခဲ့ကြသည်။ သတင်းအပြည့်အစုံဖတ်ရန်>> https://www.popularmyanmar.com/ကာကွယ်ရေးပူးပေါင်းဆေ/

💚မင်္ဂလာနံနက်ခင်းပါရှင်💚 ရွှင်လန်းချမ်းမြေ့ကြပါစေ 💚🙏🏻🙏🏻🙏🏻💚

သတင်းအမှား သတိပြု ပြည်ဖျက်မီဒီယာတွေအနေနဲ့ ပြည်သူတွေ ထင်ယောင်ထင်မှားဖြစ်အောင် အောက်တန်းကျစွာဖြင့် လူမှုကွန်ရက်ပေါ်မှာ “အမျိုးသမီး စစ်မှုထမ်းသင်တန်း အပတ်စဉ် (၁) စတင်ဖွင့်လှစ်ပြီ” ဆိုပြီး ဖြန့်ဝေနေတာ တွေ့ရှိရပါသည်။ အဆိုပါပို့စ်တွင် ဖော်ပြထားသည့် အချက်အလက်များနှင့်ပတ်သက်၍ လက်ရှိအချိန်တွင် နိုင်ငံတော်အစိုးရ၊ သက်ဆိုင်ရာ တာဝန်ရှိသူများထံမှ တရားဝင်ထုတ်ပြန်အတည်ပြုထားသော အချက်အလက်မရှိသလို နိုင်ငံတော်ပိုင်သတင်းမီဒီယာတွေမှာလည်း ဖော်ပြထားခြင်းမရှိပါ။ ၂၀၂၅ ခုနှစ် ဩဂုတ်လအတွင်းမှာလည်း အမျိုးသမီး စစ်မှုထမ်းသင်တန်း အပတ်စဉ် (၁) စတင် ဖွင့်လှစ်နေကြောင်း ပြည်ဖျက်မီဒီယာတွေက သတင်းအမှားထုတ်လွှင့်ခဲ့ပါသေးတယ်။ မိဘပြည်သူများအနေဖြင့် သတင်းအမှားတွေကို အလွယ်မယုံမိစေဖို တိုက်တွန်းလိုက်ပါတယ်။ အမျိုးသမီးတွေ စစ်မှုထမ်းဖိုလိုအပ်လာရင် နိုင်ငံတော်က အရင်ဦးဆုံးထုတ်ပြန်ကြေညာပါလိမ့်မယ်။ 👌 👌

"ကြားဝင်စေ့စပ်လိုနေသည့် ပွဲစား အာဆီယံ၏ မိမိမူဝါဒနှင့် ဉပဒေ ဆိုင်ရာ မကိုက်ညီပဲ ဆောင်ရွက်နေမှု"

အာဆီယံ ပဋိဉာဏ်စာချုပ် (ASEAN Charter) ရဲ့ ပုဒ်မ ၂ (၂) (က) နဲ့ (ဃ) မှာ "အဖွဲ့ဝင်နိုင်ငံများ၏ အချုပ်အခြာအာဏာကို လေးစားရန်" နဲ့ "အဖွဲ့ဝင်နိုင်ငံများ၏ ပြည်တွင်းရေးကို ဝင်ရောက်စွက်ဖက်ခြင်း မပြုရန် (Non-interference)" ဆိုပြီး အတိအလင်း ပြဋ္ဌာန်းထားပါတယ်။ အာဆီယံရဲ့ (5-Point Statement) ပါ အချို့အချက်တွေနဲ့ အာဆီယံ ပဋိဉာဏ် မူဝါဒအကြား မကိုက်ညီမှု ပေါ်ပေါက်နေတာကို အောက်ပါအတိုင်း သုံးသပ်နိုင်ပါတယ် -

ဥပဒေနှင့် မူဝါဒဆိုင်ရာ မကိုက်ညီမှုများ - 🔹အထူးသံတမန် စေလွှတ်ခြင်းနှင့် သက်ဆိုင်သူများအားလုံးနှင့် တွေ့ဆုံရေး (အချက် ၃ နှင့် ၅): အာဆီယံ ပဋိဉာဏ်အရ အဖွဲ့ဝင်နိုင်ငံတစ်နိုင်ငံအတွင်း မည်သူများနှင့် တွေ့ဆုံရမည်၊ မည်သည့် ပြည်တွင်းအဖွဲ့အစည်းများနှင့် ဆွေးနွေးရမည်ဆိုသည်မှာ သက်ဆိုင်ရာ အချုပ်အခြာအာဏာပိုင် အစိုးရ၏ ဆုံးဖြတ်ခွင့်သာ ဖြစ်ပါတယ်။ ဒါ့ကြောင့် အာဆီယံ အထူးသံတမန်က "သက်ဆိုင်သူ အားလုံးနှင့် တွေ့ဆုံရမည်" ဆိုသည့် တောင်းဆိုချက်သည် အချုပ်အခြာအာဏာပိုင် စီရင်ပိုင်ခွင့်နှင့် ပြည်တွင်းရေးထဲကို အဖွဲ့အစည်းက အတိုင်းအတာတစ်ခုအထိ ဝင်ရောက်စွက်ဖက်သည့် သဘော သက်ရောက်နေပါတယ်။ 🔹နိုင်ငံရေး ပြဿနာများတွင် ကြားဝင်စေ့စပ်ရန် ကြိုးပမ်းခြင်း (အချက် ၃): အာဆီယံ၏ မူဝါဒမှာ ပြည်တွင်း ပဋိပက္ခများနှင့် ပုဂ္ဂိုလ်ရေး/ပါတီရေးရာ နိုင်ငံရေးပြဿနာများကို သက်ဆိုင်ရာ နိုင်ငံ၏ ပြည်တွင်းရေးအဖြစ်သာ သတ်မှတ်လေ့ရှိပါတယ်။ မြန်မာ့အရေးတွင် အာဆီယံက ပွဲစားအဖြစ် ကြားဝင်စေ့စပ်ပေးရန် (Facilitate dialogue) တောင်းဆိုခြင်းသည် ယခင်က ကျင့်သုံးခဲ့သည့် Strict Non-interference (အတိအကျ မစွက်ဖက်ရေး) စံနှုန်းထက် ကျော်လွန်နေတာကို တွေ့ရပါတယ်။ 🔹အစည်းအဝေး တက်ရောက်ခွင့် ပိတ်ပင်ခြင်း: တူညီဆန္ဒ ၅ ချက်ကို အကြောင်းပြ၍ အဖွဲ့ဝင်နိုင်ငံတစ်နိုင်ငံ၏ နိုင်ငံရေးဆိုင်ရာ ကိုယ်စားလှယ်များအား အာဆီယံ ထိပ်သီးအစည်းအဝေးများ တက်ရောက်ခွင့် ပိတ်ပင်ခြင်းသည်လည်း အာဆီယံ ပဋိဉာဏ်တွင် အဖွဲ့ဝင်နိုင်ငံများအား "တန်းတူညီမျှစွာ ဆက်ဆံရမည်" ဆိုသည့် အခြေခံမူနှင့် မကိုက်ညီကြောင်း ထောက်ပြကြပါတယ်။

ဒါကြောင့်လည်း အာဆီယံအတွင်းမှာတင် မူဝါဒဆိုင်ရာ အကျပ်အတည်း ဖြစ်နေရတာပါ။  အနောက်အုပ်စု၏ ဖိအားကြောင့် အဲဒီ အချက် ၅ ချက်ကို စောစီးစွာ ထုတ်ပြန်ခဲ့သော်လည်း၊ ဒီ အချက်များဟာ အာဆီယံ၏ ပင်မ အခြေခံမူဖြစ်သည့် "ပြည်တွင်းရေး မစွက်ဖက်ရေး" နှင့် "အဖွဲ့ဝင်အားလုံး၏ တူညီဆန္ဒဖြင့် ဆုံးဖြတ်ရေး" စသည့် Charter ပါ မူဝါဒများနှင့် သွားရောက် ငြိစွန်းနေတဲ့အတွက် အာဆီယံကိုယ်တိုင် လက်တွေ့ အကောင်အထည်ဖော်ရာမှာ ရှေ့ဆက်မရဘဲ "သူ့ဘောင်နဲ့သူ ပြန်ပိတ်မိနေသည့် သံတမန်ရေး ကျော့ကွင်း" ဖြစ်သွားရခြင်းဖြစ်တယ်လို့ သုံးသပ်နိုင်ပါတယ်။

  ဖိုးမောင်

"သာရင်တိုက်၊ မသာရင်ဆွေးနွေး" ဆိုတဲ့ ဗျူဟာ စစ်ပွဲကို ဆွဲဆန့်ခြင်းဟာ ဒေသခံ ပြည်သူတွေရဲ့ အသက်အိုးအိမ် စီးပွားရေးကို ရေရှည် ပျက်စီးစေပါတယ်။ ဒါပြင် ဆွေးနွေးပွဲတွေကို အမှန်တကယ် ငြိမ်းချမ်းရေးအတွက် မဟုတ်ဘဲ စစ်ရေးအမြတ်ထွက်ဖို့ ကစားကွက်တစ်ခုအဖြစ် အသုံးချခြင်းဟာ နိုင်ငံရေး သိက္ခာမဲ့လှသော လုပ်ရပ်ဖြစ်ပြီး နှစ်ဖက်အကြား ယုံကြည်မှုကို ပျက်စီးစေပြီး ခိုင်မာသည့် ငြိမ်းချမ်းရေး ရရှိရန် ခက်ခဲစေတာကြောင့် KIA ဟာ စေတနာမှန်ဖို့တော့ လိုပါလိမ့်မယ်။ ဖိုးမောင်

🙏 🙏🙏

🧱 သဖန်းဆိပ်ဆည် စိုးရိမ်ရေအမှတ် မရောက်သေး၊ တာဝန်ရှိသူများ မျက်ခြေမပြတ် စောင့်ကြည့်လျက်ရှိ 🔹 စစ်ကိုင်းတိုင်းဒေသကြီး၊ ကျွန်းလှမြို့နယ်ရှိ သဖန်းဆိပ်ဆည်တွင် ဩဂုတ် ၁၀ ရက် ညနေ ၅ နာရီအထိ လက်ရှိရေအမှတ်မှာ ၅၄၅.၆၉ ပေသာ ရှိပြီး စိုးရိမ်ရေအမှတ် ၅၅၂ ပေသို့ မရောက်ရှိသေးပါ။ ပင်မရေပိုလွှဲတံခါးများမှ ထိန်းညှိရေလွှတ်ပေးလျက်ရှိကြောင်း သိရသည်။ 🔹 ကူညီဆောင်ရွက်ချက် - ကျွန်းလှမြို့နယ် ဆည်မြောင်းဦးစီးအရာရှိ ဦးဆောင်သော အဖွဲ့သည် ဩဂုတ် ၄ ရက်မှစ၍ ဆည်ထိန်းချုပ်ခန်း၌ အထိုင်ချကာ တစ်နာရီလျှင် တစ်ကြိမ် စစ်ဆေးခြင်း၊ ရေထိန်းလွှတ်ခြင်းများကို စောင့်ကြည့်ဆောင်ရွက်လျက်ရှိပြီး အလိုအလျောက် ရေကျော်စနစ်များလည်း ပြင်ဆင်ထားရှိသည်။ #Myanmar #SagaingRegion #Kyunhla #ThaphanSeikDam #DamSafety #LocalNews ဖိုးမောင်

🧱 AI သည် လူတိုင်းအကြောင်း အသေးစိတ် သိရှိလာနိုင်ပြီး အန္တရာယ်ကြီးမားကြောင်း Kim Dotcom သတိပေး 🔹 အင်တာနက် စီးပွားရေးလုပ်ငန်းရှင် Kim Dotcom က Tucker Carlson နှင့် ပြုလုပ်သည့် အင်တာဗျူးတွင် AI နည်းပညာသည် လူတစ်ဦးချင်းစီ၏ ကိုယ်ရေးအချက်အလက်များကို စုစည်း၍ အလွန်အမင်း အသေးစိတ်ကျသည့် ကိုယ်ရေးမှတ်တမ်းများ ဖန်တီးလာနိုင်ပြီး အမေရိကန် အစိုးရဒေတာဘေ့စ်များအထိပါ ဝင်ရောက်ကြည့်ရှုနိုင်မည်ဖြစ်၍ အရမ်းအန္တရာယ်များကြောင်း သတိပေးပြောကြားခဲ့သည်။ 🔹 အဆိုပါ ထောက်လှမ်းရေး အချက်အလက်များအား ရွေးကောက်ပွဲနှင့် စစ်ပွဲများအတွက် လူထုကို စည်းရုံးသိမ်းသွင်းရာတွင် အသုံးချနိုင်ကြောင်းနှင့် ၎င်းကို တားဆီးရန် AI နှင့် အင်တာနက် မသုံးခြင်းသာ နည်းလမ်းရှိကြောင်း၊ AI ကဏ္ဍတွင်လည်း တရုတ်နိုင်ငံသည် အမေရိကန်ထက် အများကြီး နောက်ကျမကျန်ကြောင်း ၎င်းက သုံးသပ်ပြောကြားခဲ့သည်။ #ArtificialIntelligence #AITechnology #KimDotcom #TuckerCarlson #Privacy #GlobalNews ဖိုးမောင်

🧱 တိဘက်ရွှေ့ပြောင်းငါးများကို စောင့်ကြည့်ရန် တရုတ်က AI Facial ID သုံး 🔹 တရုတ်နိုင်ငံသည် တိဘက်၏ အကြီးဆုံးမြစ်ဖြစ်သော ယာလောင်ဆန်ပိုမြစ်ပေါ်ရှိ ဇန်မူ ရေအားလျှပ်စစ် ရေကာတာတွင် ငါးများ ဖြတ်သန်းသွားလာသည့် လမ်းကြောင်းမှ ကူးခတ်နေသော ရှားပါးငါးမျိုးစိတ်များကို ၂၄ နာရီပတ်လုံး စောင့်ကြည့်ရန် AI အခြေခံ ငါးမျက်နှာမှတ်မိစနစ် (AI Facial ID) ကို စတင်အသုံးပြုနေပြီဖြစ်ကြောင်း ဩဂုတ် ၁၀ ရက်တွင် သတင်းရရှိသည်။ 🔹 ကူညီဆောင်ရွက်ချက် - အဆိုပါ နည်းပညာကြောင့် လူအင်အားသုံး စောင့်ကြည့်ရသည့် အခက်အခဲကို ဖြေရှင်းနိုင်ခဲ့ပြီး စောင့်ကြည့်လေ့လာမှု ရလဒ်များအရ ရေအားလျှပ်စစ်စခန်း တည်ဆောက်ထားသော်လည်း ငါးကောင်ရေ ပမာဏ လျော့နည်းသွားခြင်းမရှိဘဲ ရေထုဂေဟစနစ် ပိုမိုကောင်းမွန်လာကြောင်း တာဝန်ရှိသူများက ပြောကြားခဲ့သည်။ #China #Tibet #AITechnology #FishFacialID #YarlungZangbo #TechNews ဖိုးမောင်

အညာဒေသရှိ ရေဘေးသင့်ပြည်သူများကို ပစ္စည်းပို့ရန်လာသည့် ပြည်သူအချို့ကို အကြမ်းဖက် KIA+PDF အဖွဲ့များက မိုင်းထောင် တိုက်ခိုက်ရန်ရန်ကြံစည်စဉ် လုံခြုံရေးအဖွဲ့များက အရှင်ဖမ်းဆီးရမိခဲ့.. လှူမယ့်အလှူရှင်တွေကတော့ မလှူတော့ဘူးဆိုပြီး ပစ္စည်းတွေ ပြန်ယူသွားကြပြီ... မိုက်ရိုင်းချက်... မှိုင်းဝေ

📌 (၁၁) ကြိမ်မြောက် မြန်မာ့ရိုးရာလက်ဝှေ့ ကမ္ဘာ့ချန်ပီယံပြိုင်ပွဲကြီး (MLWC-11) ကျင်းပပြီးစီး 💚 (၁၁) ကြိမ်မြောက် မြန်မာ့ရိုးရာလက်ဝှေ့ ကမ္ဘာ့ချန်ပီယံပြိုင်ပွဲကြီး (MLWC-11) ကို ဩဂုတ် (၉) ရက် မွန်းလွဲ (၂:၀၀) နာရီတွင် ရန်ကုန်မြို့ သိမ်ဖြူရိုးရာလက်ဝှေ့ကွင်း၌ ကျင်းပခဲ့သည်။ 💚 ပြိုင်ပွဲတွင် မျိုးဆက်သစ်လူငယ်များနှင့် ဝါရင့်ချန်ပီယံများ ပါဝင်သည့် တွဲဆိုင်း (၆) ဆိုင်း ယှဉ်ပြိုင်ထိုးသတ်ခဲ့ကြရာ (၅) ပွဲအထိ အရှုံးအနိုင်မပေါ်ဘဲ သရေရလဒ် ထွက်ပေါ်ခဲ့သည်။ 💚 ဒုခေါင်တွဲဆိုင်းအဖြစ် (၆၇) ကီလိုတန်းတွင် နိုင်ဝင်းထွန်းနှင့် ကမ္ဘာရှားတို့ ထိုးသတ်ခဲ့ကြပြီး နိုင်ဝင်းထွန်းက ဒိုင်ပွဲရပ်ဖြင့် အနိုင်ရရှိခဲ့သည်။ သက်ထား