Hissiyotxonam

"Andisha va g'urur" romani bo'yicha shaxsiy xulosalarim Andisha va g'urur romani XIX asr boshlaridagi Angliya aristokratik jamiyati, undagi soxta urf-odatlar hamda oilaviy tarbiya inson taqdiriga qanchalik chuqur ta'sir qilishini yaqqol ochib beradi. Asarda Bennetlar oilasi misolida ota-onaning mas'uliyatsizligi va noto'g'ri tarbiyasining salbiy oqibatlari aniq ko'rinadi. Onaning faqat qizlarini boy kishilarga uzatish xohishi, ularni yengil-yelpi hayotga o'rgatishi va bu yengiltaklikni rag'batlantirishi natijasida uchtasi ayniqsa Lidiya kabi qizlar shaddod va aqlsiz bo'lib voyaga yetadi. Otaning loqaydligi esa Lidiyaning Uikxem bilan qochib ketishiga sharoit yaratadi. Eng achinarlisi, qizlarini shunday erkin hayotga o'zlari yetaklab, natijada or-nomus toptalganida butun aybni qizning bo'yniga ag'darishadi. Shu bilan birga, o'g'il farzand bo'lmagani uchun mulkning uzoq qarindosh Kollinzga o'tib ketish qonuni ayollarni moddiy jihatdan chorasiz va himoyasiz qoldirganini ham ko'ramiz. Biroq, asardagi eng ta'sirli va to'lqinlantiruvchi taraf shundaki bir xil nosog'lom muhit va tarbiyasiz oilada ulg'aygan bo'lishiga qaramay, Elizabet va Jeyn bu yengiltaklikka berilmay, mutlaqo boshqacha, aql va farosatli bo'lib ajralib turishadi. Ular o'z hayotiga, tuyg'ulariga va kelajagiga juda katta mas'uliyat bilan qarashadi. Janob Darsi yuksak tabaqadan bo'lgani sababli, dastlab bu oilaning harakatlarini ko'rib noto'g'ri xulosa chiqargan va kibirli tuyulgan bo'lsa-da, Elizabetning tengsiz aql-zakovati, fikrlashi va ichki go'zalligi oldida taslim bo'ladi. Darsi o'z tuyg'ulari va sevgisi uchun kurashadi, hatto Ledi Ketrin kabi qudratli aristokrat qarindoshlarining qarshiligiga qaramay, Elizabetni tanlaydi. Janob Bingli ham xuddi shunday jamiyat qarashlaridan ustun turib, Jeynning samimiyligi va pokiza qalbi uchun uni sevib qoladi. Bu holat sevgida va nikohda tabaqalanish, boylik yoki kelib chiqish emas, balki insonning shaxsiy qadri va ichki dunyosi birinchi o'rinda turishi kerakligini isbotlaydi. Har ikkala yigit qizlarni moddiy manfaati yoki oilaviy mavqeyi uchun emas, aynan barcha salbiy muhitdan ajralib turuvchi noyob fe'l-atvori va yetukligi uchun tanlaydilar. Yakunlab aytganda, "Andisha va g'urur" inson qanday nosog'lom muhitda yashamasin, o'zligini yo'qotmasligi kerakligini, haqiqiy sevgi esa kibr, tabaqalanish va atrofdagilarning noto'g'ri fikrlarini yengib o'tishga qodir eng buyuk kuch ekanligini o'rgatuvchi asardir.

Finish 🏁 Keyin Ostin qalamiga "Andisha va gʻurur" gʻurur asari tugatdim bundan keyingi post shu haqida boʻladi

Menimcha, seni deb men hamma narsaga tayyor bo‘lsam kerak. Lekin bundan hech kimga oson bo‘lmaydi-da. "Andisha va g'urur" Jeyn Ostin

Notanish kimnidur orzularingning bir boʻlagi qilishingga sabab nedir?

Sen yo’qotgan narsalarning hammasi ham yo’qotish bo’lmagan.

Barchasini sezasan, qalbing bilan his qilasan, aqling bilan bilasan. Lekin baribir yanglishishga umid qilasan.

Yillar o’tib qayta ko’rilgan kino yoki qayta o’qilgan kitob butunlay boshqa hikoya…

dunyo faqat yomonlikdan iborat emas!

Qalbdan oʻtganini xudo biladi, sen xudo emassan!

Sen yoʻqotgan narsalarning hammasi ham yoʻqotish boʻlmagan!

Masofalar munosabatlarni barbod qilmaydi lekin kam gaplashish va kech javob berish...

Boshiga tushmaguncha hamma aqlli

«Mehribon bo‘l. Mehr ulash. Har doim sevgini tanla.»

Manimcha hammani hayotida rahmsiz bo‘lishni o‘rgangan payti bor. Ya’ni nimadirlar bo‘ladi va... sen endi eski «sen» bo‘la olmaysan. Hamma senga xudbin deydi, ammo... hech kim senga... «seni bu ahvolga kim tushirdi?» deb so‘ramaydi.

Ichimdagi kichkina qiz faqat baxtli boʻlishni hoxlardi, kuchli boʻlishni emas..