🕊️🤍 ژیـانـی ڕونـاک 🌿✨

پروردگار ناممکن ها🥹❤️

@ZhianiRoonakk

«ڕۆژین، ئەگەر ئەم نامەیە دەخوێنیتەوە، واتە ئەو کاتە هاتووە کە پێویستە بزانیت بۆچی تۆم لە باوکت شاردەوە... چونکە باوکت ئەو کەسە نییە کە تۆ پێت وایە.» ڕۆژین سەری بەرز کردەوە و بە ترسەوە پرسی: ـ «مەبەستی چییە؟ باوکم کێیە ئەگەر ئەوە نەبێت کە من دەیناسم؟» فەرید هەناسەیەکی قووڵی هەڵکێشا. ـ «بۆ وەڵامی ئەو پرسیارە، پێویستە بچیتەوە ماڵەوە و ڕاستەوخۆ لە دایکت بپرسی. بەڵام پێش ئەوە... پێویستە شتێکی دیکە بزانیت.» ـ «چی؟» فەرید بە چاوی پڕ لە نیگەرانییەوە گوتی: ـ «سەردار تەنها بۆ دۆزینەوەی نازەنین نەهاتووەتە ژیانت. ئەو هۆکارێکی دیکەشی هەیە بۆ ئەوەی هاوسەرگیری لەگەڵت بکات... هۆکارێک کە ئەگەر بیزانیت، لەوانەیە هەرگیز نەتوانیت چاوی لێ بکەیتەوە.» ڕۆژین بە هێواشی ڕووی کردە سەردار. سەردار هیچ قسەیەکی نەکرد. بەڵام چاوی... وەڵامی پرسیارەکەی ڕۆژینی دەدایەوە. کۆتایی بەشی هەشتەم 🖤🥀 📖 لە بەشی نۆیەم: ڕۆژین لە دایکی چی دەپرسێ؟ و نەهێنیی سەردار چییە کە دەتوانێت هەموو شتێک بگۆڕێت؟

🖤📖 ڕۆمان: بە زۆر بوومە هی تۆ بەشی هەشتەم: مامێک کە لە مردووان زیندوو بووەوە 🥀 ـ «من مامتـم، ڕۆژین...» ڕۆژین بە سەرسوڕمانەوە سەیری پیاوەکەی کرد. وشەکانی لە مێشکیدا دەگەڕانەوە، بەڵام مێشکی نەیدەتوانی باوەڕ بەوە بکات کە دەیبیستێت. ـ «مامم؟! بەڵام باوکم هەمیشە پێی گوتم هیچ برا و خوشکێکی نییە!» پیاوەکە پێکەنینێکی تاڵی کرد. ـ «ئەوە یەکێکە لە گەورەترین درۆکانی باوکت.» سەردار بە توندی هاتە پێشەوە. ـ «بەسە، فەرید! تۆ مافت نییە بەو شێوەیە لەگەڵی قسە بکەیت.» ڕۆژین خێرا ڕووی کردە سەردار. ـ «تۆ ناوی دەزانی؟ واتە تۆ پێشتر ئەم پیاوەت بینیوە؟» سەردار بێدەنگ بوو. ڕۆژین بە تووڕەییەوە گوتی: ـ «بۆچی هەمووتان بەردەوام درۆم لەگەڵ دەکەن؟! من چیتر ناتوانم متمانە بە هیچ کەس بکەم!» فەرید هەنگاوێکی بەرەو پێش هات، بەڵام ڕۆژین دواوە چوو. ـ «تکایە نزیک مەبە. ئەگەر بەڕاستی ماممیت، پێم بڵێ نازەنین کێیە؟ بۆچی هەموو کەسێک ناوی ئەو کچە دەهێنێت؟» فەرید بۆ ساتێک چاوی داخست. کاتێک کردەوە، فرمێسک لە چاوەکانیدا کۆببونەوە. ـ «نازەنین خوشکی بچووکەی تۆیە، ڕۆژین.» ڕۆژین هەستی کرد هەموو جەستەی سارد بووەتەوە. ـ «خوشکی من؟ بەڵام... من هەرگیز خوشکم نەبووە!» ـ «تۆ منداڵێکی بچووک بوویت کاتێک نازەنین ون بوو. ئەو ڕۆژەی ون بوو، تەمەنی تەنها چوار ساڵ بوو. من و باوکت هەموو شوێنێکمان گەڕا، بەڵام هیچ نیشانەیەکمان لێی نەدۆزییەوە.» ـ «کەواتە بۆچی باوکم دەڵێت تۆی نەناسیوە؟» فەرید بە نیگەرانییەوە سەیری سەرداری کرد، پاشان دووبارە ڕووی کردە ڕۆژین. ـ «چونکە دوای ونبوونی نازەنین، شتێک ڕوویدا کە خێزانەکەمانی دابەش کرد. باوکت پێی وابوو من هۆکاری ونبوونی نازەنینم.» ڕۆژین سەرسام بوو. ـ «تۆ؟! بۆچی؟» ـ «چونکە ئەو ڕۆژە من کۆتا کەس بووم کە لەگەڵ نازەنین بووم. بەڵام بە خودا سوێند دەخۆم، من هیچم نەکردووە! کاتێک بۆ چەند خولەکێک لێم دوور کەوتەوە، کە گەڕامەوە، ئیتر نەمدۆزییەوە.» سەردار بە دەنگێکی توندەوە گوتی: ـ «ئەگەر بێتاوان بوویت، بۆچی ساڵانێک خۆت لە خێزانەکەت شاردەوە؟» فەرید بە ئازارەوە وەڵامی دایەوە: ـ «چونکە باوکی ڕۆژین هەڕەشەی لێ کردم. پێی گوتم ئەگەر جارێکی دیکە بگەڕێمەوە، هەموو شتێک لەدەست دەدەم. منیش پێم وابوو بە دوورکەوتنەوە دەتوانم ڕۆژین لە مەترسی بپارێزم.» ڕۆژین بە فرمێسکەوە گوتی: ـ «بەڵام تۆ هەموو ئەم ساڵانە لە ژیانی من ون بوویت... من هەرگیز نەمدەزانی مامم هەیە.» فەرید سەری خوار کرد. ـ «دەزانم، کچەکەم. منیش هەرگیز ئەوەم نەمدەویست. بەڵام ئێستا هاتووم چونکە کەسێک دووبارە بەدوای نازەنین دەگەڕێت، و ئەو کەسە باوکی تۆ نییە.» سەردار خێرا پرسی: ـ «مەبەستت چییە؟ کێ بەدوای نازەنین دەگەڕێت؟» فەرید دەستی کردە گیرفانی و مۆبایلەکەی دەرهێنا. وێنەیەکی پیشانیان دان کە پیاوێک لە تەنیشت ژنێکی جوان و کچێکی گەنج وەستابوو. ـ «ئەم وێنەیە دوو ڕۆژ پێش ئێستا بۆم نێردراوە. پیاوەکە داوای لێم کردووە شوێنی ڕۆژین بدۆزمەوە. بەڵام من نازانم بۆچی.» ڕۆژین سەیری وێنەکەی کرد. ژنەکە ڕووخسارێکی زۆر ناسراوی هەبوو، بەڵام نەیدەتوانی بیری بێتەوە لە کوێوە دەیناسێت. ـ «ئەم ژنە کێیە؟» فەرید بە دەنگێکی نزم وەڵامی دایەوە: ـ «ئەو ژنە... دایکی نازەنینە.» ڕۆژین دەستی بە دەمی خۆیدا هێنا. ـ «دایکی نازەنین؟ بەڵام دایکی من لە ماڵەوەیە ئەی چۆن نازەنین خوشکی منە!» فەرید سەیری کرد و بە هێمنییەکی پڕ لە ئازار گوتی: ـ «دایکی ڕاستەقینەی تۆش هەر ئەو ژنەیە، ڕۆژین.» بێدەنگییەکە بەس بوو بۆ ئەوەی هەموو شتێک لەبەرچاوی ڕۆژین تاریک ببێتەوە. ـ «نەخێر... ئەمە درۆیە. دایکم منی گەورە کردووە. ئەو خۆشی دەوێم!» فەرید بە خێرایی گوتی: ـ «من نەمووتم دایکی ئێستات خۆشی ناوێیت. بەڵام ئەو ڕاستییەی لە ساڵانی منداڵییەوە لێت شاردراوەتەوە، پەیوەندی بەو ژنەوە هەیە.» سەردار بە تووڕەییەوە گوتی: ـ «فەرید، ئەگەر هەموو ڕاستییەکە نازانیت، نابێت ئەم شێوەیە لەگەڵی قسە بکەیت!» فەرید ڕووی کردە سەردار. ـ «تۆ خۆت چەندە ڕاستییەکە دەزانیت؟ هەموو ئەو شتانەی باوکت پێی گوتوویت، ڕاستن؟» سەردار بێدەنگ بوو. ڕۆژین بە نائومێدییەوە سەیری هەردووکیان کرد. ـ «من ئیتر ناتوانم. دەچمە ماڵەوە و لە دایکەم دەپرسم. ئەگەر ئەوەش درۆ بوو، ئیتر هیچ کەسێکم نامێنێت کە متمانەی پێ بکەم.» ڕۆیشت، بەڵام پێش ئەوەی بگاتە ئۆتۆمبێلەکەی سەردار، فەرید بانگی کرد: ـ «ڕۆژین! چاوەڕێ بکە! شتێکی دیکە هەیە کە پێویستە بیزانیت.» ڕۆژین وەستا. فەرید پاکەتێکی بچووکی لە گیرفانی دەرهێنا و پێی دا. ـ «ئەم نامەیە ساڵانێک لە لام پاراستووە. لە دایکە ڕاستەقینەکەتەوەیە، و لەسەرەوە ناوی تۆ نووسراوە.» ڕۆژین بە دەستێکی لەرزۆکەوە پاکەتەکەی وەرگرت. کاتێک کردەوە، تەنها یەک ڕستەی لە ناویدا نووسرابوو:

سووری ئاسمانی ئێوارەی پاییزانە، لە ڕەنگی چاوم دەچێ، دوای غوربەتی شەوانە.. .

چاو بیانوویە بۆ خواردنی ئەو چایە دێم♥️.

زۆر جار مرۆڤ سەیری کەسێک دەکات و ئەڵێت ؛ «خۆشبەختە ، گەیشتووە بەوەی ئەیویست» بەڵام ئەوەی نابینرێت ، ئەو ڕۆژانەیە کە ماندوو بوویت و بەردەوام بوویت ، ئەو جارەیە کە شکستت هێنا و دووبارە هەستایتەوە ، ئەو پارە و کاتەیە کە لە پێناوی خەونەکەت خەرجت کرد ، ئەو شەوانەیە کە تەنها خۆت دەزانی چەند قورس بووە ، من هێشتا نەگەیشتوومەتە کۆتایی ڕێگاکەم ، بە پێچەوانەوە هێشتا لە سەرەتادام بەڵام ئەمڕۆ کە دواوە سەیر دەکەم فێر بووم کە شوێنی دەستپێکردنت چارەنووست دیاری ناکات ، لە هەر شوێنێک بیت لە هەر تەمەنێک بیت ئەگەر خەونێکت هەیە مەهێڵە ترس و قسەی خەڵک بۆت بڕیار بدەن چونکە ڕەنگە ئەو شتەی ئەمڕۆ تەنها «خەونە» سبەی ببێتە ژیانی ڕاستەقینەت.

📖 لە بەشی هەشتەم: بۆچی باوکی ڕۆژین نەهێنییەکەی لە مامی دەشارێتەوە؟ و نازەنین لە کوێیە؟

### 🖤📖 ڕۆمان: بە زۆر بوومە هی تۆ ### بەشی حەوتەم: کچەکەی ناو وێنەکە 🥀 ـ «ئەو کچە هۆکاری سەرەکی ئەوەیە کە ئێستا تۆ و من لەم شوێنە وەستاوین.» قسەکانی سەردار لە مێشکی ڕۆژین دەنگیان دەدایەوە. وێنەکەی بە دەستێکی لەرزۆکەوە گرتبوو و چاوی لە ڕووخساری کچەکە نەدەبڕی. ـ «بۆچی؟ ئەو کچە کێیە؟ بۆچی لە باوکی منەوە دەچێت؟» سەردار چەند هەنگاوێکی بەرەو پێش هات، بەڵام ڕۆژین دواوە چوو. ـ «بڕۆ نزیکی من مەبە! تا وەڵامی پرسیارەکانم نەدەیتەوە، مافی ئەوەت نییە نزیکم بیت.» سەردار وەستا. بۆ یەکەم جار نەیدەتوانی بەو ئارامییەی هەمیشەیی قسە بکات. ـ «ناوی ئەو کچە نازەنینە. ساڵانێک پێش ئێستا، ڕووداوێک لە نێوان خێزانی من و خێزانی تۆدا ڕوویدا. دوای ئەو ڕووداوە، نازەنین ون بوو.» ـ «ون بوو؟! کەواتە بۆچی لە باوکی منەوە دەچێت؟» سەردار چاوی لە زەوی بڕی. ـ «چونکە ئەو کچە پەیوەندییەکی زۆر نزیکی بە تۆوە هەیە.» ڕۆژین بە تووڕەییەوە هاواری کرد: ـ «بەسە! من چیتر ناتوانم گوێ لە نیوەڕاستییەکانتان بگرم. پێم بڵێ، نازەنین کێیە؟ خوشکی منە؟» سەردار بێدەنگ بوو. هەمان بێدەنگییەکەی بەس بوو بۆ ئەوەی دڵی ڕۆژین بلەرزێت. ـ «خوشکمە؟! من خوشکێکم هەیە؟!» سەردار بە دەنگێکی نزم گوتی: ـ «من ناتوانم بە دڵنیاییەوە ئەوە پێت بڵێم. ئەوەی دەزانم، ئەوەیە کە باوکت هەموو ئەم ساڵانە هەوڵی داوە ئەو نەهێنییە بشارێتەوە.» ڕۆژین هەستی کرد هەناسەدانی قورس بووە. بیر لە دایکەی دەکردەوە، لە پاکەتەکە، لە کلیلەکە و لە هەموو بێدەنگییەکانی خێزانەکەی. ـ «تۆ چۆن ئەمانە هەمووی دەزانیت؟» سەردار دەستی کردە گیرفانی و مۆبایلەکەی دەرهێنا. ـ «چونکە ساڵانێکە بەدوای نازەنین دەگەڕێم.» ـ «بۆچی؟» سەردار بۆ ماوەیەک چاوی لە چاوی ڕۆژین بڕی. ـ «چونکە پێش مردنی باوکم، داوای لێ کردم نازەنین بدۆزمەوە. بەڵام شتێکی دیکەشی پێ گوتم؛ ئەگەر ڕۆژێک تۆم بینی، نابێت ڕێگا بدەم کەسێک زیانت پێ بگەیەنێت.» ڕۆژین بە سەرسوڕمانەوە پرسی: ـ «واتە تۆ بەهۆی ئەوەوە هاتوویتە ژیانی من؟» ـ «لە سەرەتاوە، بەڵێ.» ئەم وەڵامە وەک خەنجەرێک لە دڵی ڕۆژین دا. ـ «کەواتە هەموو ئەو شتانەی کردووتە، هەموو ئەو قسانەی پێت گوتم... تەنها بۆ ئەوە بوو کە نەهێنییەک بدۆزیتەوە؟» سەردار خێرا گوتی: ـ «لە سەرەتاوە وای بوو، بەڵام ئێستا...» ـ «ئێستا چی؟!» سەردار بێدەنگ بوو. ڕۆژین بە فرمێسکەوە پێی گوت: ـ «من ناتوانم ببمە بەشێک لە پلانەکانی کەسانی دیکە. ئەگەر تۆش هاتوویت بۆ ئەوەی من بەکاربهێنیت، باشترە لە ژیانم دوور بکەویتەوە.» وێنەکەی دانایە سەر سندووقەکە و بەرەو دەرگا ڕۆیشت. بەڵام پێش ئەوەی بگاتە دەرگا، سەردار قسەیەکی کرد کە وەستاندی. ـ «ڕۆژین، ئەگەر من دوور بکەویتەوە، ئەوان دەگەنە تۆ.» ڕۆژین بە هێواشی گەڕایەوە. ـ «ئەوان کێن؟» سەردار دەستی بەسەر ڕووخساریدا هێنا و گوتی: ـ «ئەو کەسانەی کە نایانەوێت نازەنین بدۆزرێتەوە. ئەوان پێیان وایە تۆ کلیلی دۆزینەوەی ئەو نەهێنییەیت.» ـ «من؟ من هیچم نازانم!» ـ «ئەوەیە کە مەترسیدارە، ڕۆژین. تۆ خۆت نازانیت چی لەبەر دەستتدایە.» لەو ساتەدا دەنگی تەلەفۆنی ڕۆژین هات. دایکی بوو. ڕۆژین پەیوەندییەکەی وەرگرت. ـ «دایکە؟» دەنگی دایکەی لە ترسدا دەلەرزی. ـ «ڕۆژین، گوێم لێ بگرە. هەر لەو شوێنەوە بڕۆ! باوکت زانیوە کە چوویتە کۆگاکە. پیاوێک هاتووەتە ماڵەوە و دەڵێت دەبێت تۆ بدۆزێتەوە...» ـ «کام پیاو؟» دایکەی بە گریانی گوتی: ـ «ئەو پیاوەی کە ساڵانێک پێش ئێستا هۆکاری ونبوونی نازەنین بوو...» پەیوەندییەکە لەناکاو پچڕا. ڕۆژین مۆبایلەکەی لە گوێی لادایەوە. سەردار بە خێرایی پرسی: ـ «چی بوو؟ چی گوتی؟» ڕۆژین بە دەنگێکی بێهێز وەڵامی دایەوە: ـ «گوتی پیاوێک هاتووەتە ماڵەوە... هەمان پیاو کە هۆکاری ونبوونی نازەنین بووە.» سەردار بە خێرایی بەرەو دەرگا ڕۆیشت. ـ «پێویستە ئێستا بگەڕێینەوە!» بەڵام کاتێک گەیشتنە دەرەوە، ئۆتۆمبێلێکی ڕەش لەبەردەم کۆگاکە وەستابوو. دەرگاکەی کرایەوە و پیاوێکی تەمەن‌مامناوەند دابەزی. ڕووخسارێکی ناسراوی هەبوو؛ هەمان پیاوەی ناو وێنەکە. پیاوەکە سەیری ڕۆژینی کرد و بە پێکەنینێکی ساردەوە گوتی: ـ «ئەوەندە گەورە بوویت، ڕۆژین... بەڵام هێشتا هیچت لە ڕابردووی خۆت نازانیت.» سەردار لەبەردەم ڕۆژین وەستا. ـ «تۆ بۆچی هاتوویتەوە؟» پیاوەکە چاوی لە ڕۆژین بڕی و گوتی: ـ «چونکە کاتی ئەوە هاتووە ئەو بزانێت کێ بووە هۆکاری ونبوونی خوشکەکەی... و کێ ساڵانێکە بە درۆ ژیانی خۆی بەڕێوە دەبات.» ڕۆژین بە سەرسوڕمانەوە سەیری سەرداری کرد. ـ «سەردار... ئەو پیاوە کێیە؟» سەردار وەڵامی نەدایەوە. چونکە پیاوەکە ڕووی کردە ڕۆژین و بە دەنگێکی ڕوون گوتی: ـ «من مامتـم، ڕۆژین... و باوکت ساڵانێکە هەوڵ دەدات تۆ هەرگیز ئەم ڕاستییە نەزانیت.» کۆتایی بەشی حەوتەم 🖤🥀

🤞🏼نه هێنده تاڵ به تفت بکەن، نه هێندە شیرن به قوتت بدەن…🤞🏽 ✍🏾مەبەست لەو پەندە ئەوەیه که ؛ نه هێندە چاک به ، که هەموو کارێک ببێتە ئەرکی سەر شانت که ئەگەر جارێک بۆت جێبەجێ نەبوو دڵیان بڕەنجێ؛ نه ئەوەندەش خراپ به، که کەس نەوێرێ بۆ بەردی سەرشکاندن داوات لێ بکات👍🏿

لە سەردەمێکدا دەژین...👌

@ZhianiRoonakk

ڕۆژێک دێت واز لەو شتانە ئەهێنیت کە هۆگری بویت ‏واز لەو کەسانە ئەهێنیت، ‏کە هەمو کەست بون ‏دەست بەرداری خەونێک ئەبیت، کە هەمیشە چاوەڕێی بەدی هاتنی ئەبویت ‏ڕۆژێک لە ڕۆژان ‏لەسەر شۆستەی یادگاریەکان دائەنیشیت، ‏ئەبینیت کە بێ ئەوانیش دەتوانی بژی…. 🥹🥹

‏عشق ناپرسێت خەڵڪۍ ڪوێیت تەنها ئەڵێت لە دڵۍ من ژیان بڪە عشق ناپرسێت بۆچۍ لێم دووریت تەنها ئەڵێت هەمیشه لە گەڵم بە عشق ناپرسێت خۆشت ئەوێم تەنها ئەڵێت خۆشم ئەوێۍ به یانی تان باش🌷🌹🌹 ‌┅✿❀♥❀✿┅ @ZhianiRoonakk

دەڵێن سێ کەس شەوان ناخەون دیندار ، ئەویندار ، بریندار...

@kuskeedel