🕊️🤍 ژیـانـی ڕونـاک 🌿✨

وەفاداری؛ شێوازی ژیانی کەسایەتییە مەزنەکانە…✌️🏽"

(ڪات) ڕۆشتنی خۆی ڕاناگەیەنێت، و “ماڵئاوا” ناڪات، بەڵڪو ڕۆژەڪانت بەبێدەنگی دەبات، وەڪ چۆن با گەڵاڪانی پاییز دەبات.

لە هەر لایەکەوە گرێی بدەم ئیتر سودی نییە پەتەکە ڕزیوە🖤

دوو شـت هەیـە هـەرگـیز چاک نـابـێتەوە. دڵـێـک بـەغـرور شـکابـێت، مـتمـانـەیـەک کـە بـە درۆ لـەناو چـوبـێت..! F...

توڕەبوونی باوکت لۆمەکردنی دایکت گلەیی هاوڕێکەت تێکدانی شتەکان لەلایەن خوشک و براکانت ... هەموو ئەمانە هەست بە جوانیان ناکەیتـ تاوەکو لەدەستیان نەدەیت .

@ZhianiRoonakk

📖 لە بەشی حەوتەم: کچەکەی ناو وێنەکە کێیە؟ و چ نەهێنییەک بە ساڵانێک لە ڕۆژین شاردراوەتەوە؟

@ZhianiRoonakk

### 🖤📖 ڕۆمان: بە زۆر بوومە هی تۆ ### بەشی شەشەم: پیاوە نەناسراوەکە ڕۆژین بە فرمێسکەوە گەڕایەوە ماڵەوە. هەموو شتێک لە چەند ڕۆژێکدا گۆڕابوو؛ باوکی شتێکی لێ دەشاردەوە، ئارام متمانەی پێ نەدەکرا، و سەردار... ئەو پیاوەی کە دەبوو ببێتە هاوسەری، وەک کتێبێکی داخراو بوو کە هیچ کەس نەیدەزانی لە ناویدا چی نووسراوە. کاتێک چووە ژوورەکەی، دەرگاکەی داخست و دانیشتە سەر زەوی. نامەکەی سەردار هێشتا لە دەستی بوو. «ڕۆژین تاوانبار نییە بەهۆی ئەو هەڵانەی گەورەکان کردوویانە...» ئەم ڕستەیە بەردەوام لە مێشکیدا دەگەڕایەوە. ـ «کام هەڵە؟ من چی کردووە؟ بۆچی هەمووتان سزای شتێکم پێ دەدەن کە هیچم لێی نازانم؟» لەناکاو دەنگی دەرگاکە هات. ـ «ڕۆژین، کچەکەم، دەتوانم بێمە ژوورەوە؟» دەنگی دایکی بوو. ڕۆژین بە دەنگێکی لاواز گوتی: ـ «وەرە ژوورەوە، دایکە.» دایکی هاتە ژوورەوە. کاتێک چاوی بە فرمێسکەکانی کچەکەی کەوت، لە تەنیشتی دانیشت و دەستی گرت. ـ «چی بووە، گیانەکەم؟» ڕۆژین بە تووڕەییەکی تێکەڵ بە ئازارەوە گوتی: ـ «تۆش دەزانیت، وایە؟ تۆش دەزانیت باوکم چی لە من دەشارێتەوە؟» دایکی سەری خوار کرد. بێدەنگییەکەی وەڵامێک بوو کە ڕۆژین نایویست بیبیستێت. ـ «دایکە، تکایە! من چی کردووە؟ بۆچی هەمووتان لە ڕاستییەکە دەترسن؟» دایکی بە دەنگێکی لەرزۆکەوە گوتی: ـ «تۆ هیچت نەکردووە، ڕۆڵەکەم. بەڵام هەندێک هەڵە هەن کە ساڵانێک لە ژیانی مرۆڤدا دەمێننەوە...» ـ «ئەو هەڵانە چین؟» دایکی هەوڵی دا وەڵام بدات، بەڵام لەو ساتەدا دەنگی باوکیان لە دەرەوە هات: ـ «ڕۆژین! دەرگاکە بکەرەوە. پێویستە قسە بکەین.» دایکی بە ترسەوە سەیری ڕۆژینی کرد. ڕۆژین هەستا و دەرگاکەی کردەوە. باوکی بە ڕووخسارێکی تووڕەوە هاتە ژوورەوە. کاتێک نامەکەی لە دەستی ڕۆژین بینی، ڕەنگی ڕووخساری گۆڕا. ـ «ئەمە لە کوێوە هێناوە؟!» ـ «لە سەردارەوە. ئێستا پێم بڵێ، ئەو پیاوە کێیە و بۆچی ژیانی من بە ژیانی ئەوەوە بەستراوەتەوە؟» باوکی بێدەنگ بوو، پاشان بە توندی گوتی: ـ «گوێ بگرە، ڕۆژین. هاوسەرگیرییەکە دەبێت ئەنجام بدرێت. ئەمە بڕیارێکی کۆتاییە.» ڕۆژین بە فرمێسکەوە پێکەنی. ـ «بڕیارێکی کۆتایی؟ بڕیاری ژیانی منە، بەڵام کەس پرسیاری لێ ناکات! منیش مرۆڤم، باوکە! منیش مافم هەیە خۆشم بوێت و بە دڵی خۆم بژیم!» باوکی بە توندی گوتی: ـ «ئەگەر بزانیت چی ڕوویداوە، ئەوا تۆش وەک من بڕیار دەدەیت.» ـ «کەواتە پێم بڵێ!» باوکی چەند چرکەیەک سەیری کرد، پاشان ڕووی لە دەرگا کرد. ـ «کاتی خۆی هەموو شتێک دەزانیت.» و دەرگاکەی بە توندی داخست. ڕۆژین بەرەو دایکەی گەڕایەوە، بەڵام دایکەی لە شوێنی خۆی نەبوو. تەنها شتێکی لەسەر مێزەکە مابوو: کلیلێکی بچووک و پاکەتێکی سپی. لەسەر پاکەتەکە بە دەستی دایکەی نووسرابوو: «بۆ ڕۆژین؛ ئەگەر من نەمتوانی ڕاستییەکە پێت بڵێم، ئەم کلیلە دەرگای ژوورێک دەکاتەوە کە باوکت ساڵانێکە داخستوویەتی.» ڕۆژین کلیلەکەی گرت. لە مێشکیدا تەنها یەک شوێن هاتەوە: کۆگای کۆنی پشت ماڵەکە، ئەو ژوورەی کە باوکی هەمیشە قەدەغەی کردبوو بچێتە ناوی. بەبێ ئەوەی کەس بزانێت، بەرەو کۆگاکە ڕۆیشت. لە کاتێکدا ڕۆژین کلیلەکەی لە قوفڵەکە دەسووڕاند، لە شوێنێکی دیکەدا پیاوە نەناسراوەکە تەلەفۆنی کرد. ـ «هەموو شتێک ئامادەیە. ڕۆژین نزیکە ڕاستییەکە بدۆزێتەوە.» دەنگێک لەوپەڕی هێڵەکەوە پرسی: ـ «سەردار دەزانێت؟» ـ «نەخێر. بەڵام ئەگەر ڕۆژین بچێتە ناو ئەو ژوورە، هەموو شتێک دەگۆڕێت.» ـ «ئەوا نابێت بگەینە ئەو ساتە.» پیاوەکە پەیوەندییەکەی پچڕاند و بە خێرایی بەرەو ئۆتۆمبێلەکەی چوو. قوفڵەکە کرایەوە. ڕۆژین دەرگاکەی بە هێواشی کردەوە. بۆنی خۆڵ و کاغەزی کۆن پڕی ژوورەکە کردبوو. چرای مۆبایلەکەی هەڵکرد و دەستی کرد بە گەڕان. لەناو سندووقێکی داریدا، وێنەیەکی گەورەی بینی. وێنەکەی باوکی بوو، لەگەڵ سەردار و هەمان پیاوە نەناسراوەکە. بەڵام ئەمجارە شتێکی دیکەش لە وێنەکەدا بوو... لە باوەشی باوکی، منداڵێکی کچ دانیشتبوو؛ کچێک کە لە ڕووخساردا زۆر لە ڕۆژین دەچوو. لە پشتەوەی وێنەکە نووسرابوو: «ساڵی ٢٠٠٥ ـ ڕۆژی ئەو ڕووداوەی کە هەموو ژیانمان گۆڕی.» ڕۆژین وێنەکەی نزیک کردەوە و بە دەنگێکی بێ هێز گوتی: ـ «ئەم کچە... کێیە؟» لەناکاو دەنگی هەنگاو لە پشت سەرییەوە هات. ـ «پێم وابوو پێت گوتم نابێت بێیتە ئەم ژوورە.» ڕۆژین بە خێرایی گەڕایەوە. سەردار لە دەرگاکە وەستابوو! چاوی لە وێنەکە بڕی و ڕووخساری گۆڕا. ـ «ئەو وێنەیە لە کوێت دۆزییەوە؟» ڕۆژین وێنەکەی بەرز کردەوە. ـ «پێم بڵێ، سەردار! ئەم کچە کێیە؟ بۆچی شێوەی لە باوکی منەوە دەچێت؟!» سەردار بێدەنگ مایەوە. پاشان بە دەنگێکی نزم گوتی: ـ «ڕۆژین... ئەو کچە هۆکاری سەرەکیی ئەوەیە کە ئێستا تۆ و من لەم شوێنە وەستاوین.» کۆتایی بەشی شەشەم 🖤🥀

ئەمڕۆ هەر سەیرم ئەکردیت بیرم لەوە ئەکردەوە گوڵ بوویتایە جگە لە خۆت بۆ هیچ کەسم نەئەبردیت♥️" -ڕەنج سەنگاوی

ئەخلاقی مرۆڤ تەنها لە نوێژ و ڕۆژوو و زیارەتی ماڵی خودا نیشان نادرێت .. بەڵکو لە بازاڕەکاندا لە کاتی مامەڵەکردن لەگەڵ درهەم و دینار و لە هاوسەرگیری بەرامبەر ژنەکەت و لە مافی دایک و باوک و خوشک و خزم و لە سەفەر و لە ڕەچاوکردنی سنووری خودا و لە ڕێزگرتن لە مافەکانی مرۆڤدا نیشان دەدرێت .. "ئەمە تەرازووی ئەخلاقییە"👌

@ZhianiRoonakk

بیرت بێت👌

@ZhianiRoonakk

دەمهەوێ بگەڕێمەوە بۆ زەمانی منداڵییم....🫠🍂

@kuskeedel

### 🖤📖 ڕۆمان: بە زۆر بوومە هی تۆ ### بەشی پێنجەم: ڕاستییەک کە هەموو شتێک دەگۆڕێت 🥀 ـ «تۆ هێشتا نازانیت بۆچی باوکت تۆی بە من داوە...» قسەکانی سەردار وەک چەقۆیەک لە دڵی ڕۆژین دا. ڕۆژین بە چاوی پڕ لە فرمێسکەوە سەیری کرد. ـ «من مرۆڤ نیم؟ من کچی باوکی خۆم نیم؟ چۆن دەتوانێت باوکم وەک شتێک من بە تۆ بدات؟!» سەردار بێدەنگ بوو. بۆ یەکەم جار ڕۆژین لە چاوی ئەو پیاوە ساردەدا شتێکی جیاوازی بینی؛ ئازارێک کە هەوڵی دەدا بیشارێتەوە. ـ «چونکە باوکت قەرزێکی گەورەی لە باوکی من هەبوو.» ڕۆژین سەرسام بوو. ـ «قەرز؟! ئەوە چی پەیوەندی بە منەوە هەیە؟» سەردار هەناسەیەکی قووڵی هەڵکێشا و گوتی: ـ «باوکت تەنها پارەی قەرز نەبوو. شتێکی لە باوکی من وەرگرتبوو کە نرخی بە پارە پێوانە ناکرێت. کاتێک باوکی من مرد، ئەو نەهێنییە لەگەڵ خۆیدا نەبرد. پێش مردنی، بە منی گوت ئەگەر ڕۆژێک ڕۆژین هاتە ژیانم، پێویستە ڕاستییەکە بزانم.» ڕۆژین سەری لە سووڕمان بوو. ـ «باوکی تۆ... منی دەناسی؟» سەردار وەڵامی نەدایەوە. دەستی کردە گیرفانی و پاکەتێکی کۆنی دەرهێنا. ـ «ئەمە نامەی باوکی منە. پێش ئەوەی بڕیار لەسەر هاوسەرگیرییەکەمان بدەیت، ئەمە بخوێنەوە.» ڕۆژین بە دەستێکی لەرزۆکەوە پاکەتەکەی وەرگرت. ناوی باوکی لەسەر نووسرابوو، بەڵام نامەکە بۆ سەردار نووسرابوو. نامەکەی کردەوە. «کوڕەکەم سەردار، ئەگەر ئەم نامەیە دەخوێنیتەوە، واتە من ئیتر لەگەڵت نیم. ڕۆژین کچێکی ئاسایی نییە لە چیرۆکی ژیانی تۆدا. ڕۆژێک دەزانیت بۆچی باوکی هەوڵی دا هەموو ڕاستییەکان بشارێتەوە. بەڵام تکایە شتێکت لەبیر نەچێت: ڕۆژین تاوانبار نییە بەهۆی ئەو هەڵانەی گەورەکان کردوویانە. ئەگەر ڕۆژێک لە ژیانتدا بوو، مەهێڵە تاوانی ئەوان ببێتە سزای ئەو.» ڕۆژین لە خوێندنەوە وەستا. ـ «واتە... تۆ لە سەرەتاوە دەزانت من تاوانبار نیم؟ بۆچی هەموو ئەم ماوەیە وەک دوژمن مامەڵەت لەگەڵم کرد؟» سەردار چاوی لە زەوی بڕی. ـ «چونکە منیش لە ڕاستییەکەدا گیرۆدە بووم، ڕۆژین. هەموو شتێک ئەوە نییە کە تۆ دەیبینیت.» ئارام کە تا ئەو ساتە بێدەنگ مابوو، بە تووڕەییەوە پێی گوت: ـ «بەسە سەردار! ئیتر زیاتر لێی مەشارەوە. ئەو مافی ئەوەی هەیە هەموو شتێک بزانێت.» سەردار بە توندی ڕووی کردە ئارام. ـ «تۆ کەسی ئەو نیت کە باسی ماف بکەیت! تۆ خۆت بەشێکیت لەو نەهێنییەی کە ئەم هەموو ساڵە وێرانی کردووین.» ڕۆژین لە نێوانیاندا وەستابوو و هەستی دەکرد هەردوو پیاوەکە شتێکی گەورەیان لە دڵدایە. ـ «بەسە! من چی کردووە؟ بۆچی هەمووتان بەبێ ئەوەی پرسم پێ بکەن، بڕیار لەسەر ژیانم دەدەن؟» بەو قسانە، هەردووکیان بێدەنگ بوون. ڕۆژین نامەکەی لە دەستی سەردار دانا و بە فرمێسکەوە گوتی: ـ «من ناتوانم لەگەڵ کەسێک هاوسەرگیری بکەم کە هێشتا نازانم بۆچی پێویستە ئەوە بکەم. ئەگەر ڕاستییەک هەیە، دەبێت خۆم بیزانم.» پاشان ڕووی کردە ئارام. ـ «تۆش ئەگەر شتێکت لە من شاردبێتەوە، ئیتر ناتوانم وەک جاران متمانەت پێ بکەم.» ڕۆژین ڕۆیشت و بەجێی هێشتن. سەردار هەنگاوێکی بەرەو پێش نا وەک ئەوەی بیەوێت بانگی بکات، بەڵام وەستی. ئارام بە دەنگێکی نەزم گوتی: ـ «تۆ دەزانیت ئەگەر ڕاستییەکە بزانێت، چی ڕوودەدات؟» سەردار بە چاوی پڕ لە نیگەرانییەوە وەڵامی دایەوە: ـ «بەڵێ... بەڵام ئەوەی من دەترسێنم، تەنها ڕاستییەکە نییە.» ـ «کەواتە چییە؟» سەردار بەرەو ئەو ڕێگایە سەیری کرد کە ڕۆژین تێیدا ون ببوو. ـ «ئەوەی ڕۆژین لە دوای زانینی ڕاستییەکەدا لە من ڕق بکات... لەوە دەترسم کە ئەمجارە بە ڕاستی لەدەستی بدەم.» ئارام سەرسام بوو. بۆ یەکەم جار تێگەیشت کە پشت ئەو ڕەفتارە ساردەی سەردار، هەستییەک هەیە کە خۆی لێی دەترسێت. بەڵام هیچ کامیان نەدەیانزانی کە لەو کاتەدا، لە ئۆتۆمبێلێکەوە لە دوورەوە، پیاوێک هەموو قسەکانیان گوێ لێ دەگرت. پیاوەکە مۆبایلەکەی دەرهێنا و پەیوەندی بە ژمارەیەکەوە کرد. ـ «بەڵێ، ڕۆژین نامەکەی خوێندەوە... پێموایە کاتی ئەوە هاتووە ڕاستییەکە بۆ هەمیشە لەناو بچێت.» پاشان پەیوەندییەکەی پچڕاند و بە پێکەنینێکی ساردەوە گوتی: ـ «ئەگەر ڕۆژین بزانێت من کێم، هیچ شتێک وەک جاران نامێنێت...» کۆتایی بەشی پێنجەم 🖤🥀 📖 لە بەشی شەشەم: پیاوە نەناسراوەکە کێیە؟ و بۆچی لە ڕۆژین دەترسێت؟

خـراپترین تـاریکی، تاریکی شـەو نییە: ئـەو تاریکییەیـە کـە دڵ لـە نـووری ئـیمان بـەتاڵ دەبێت، گوناح ئـاسایی دەبێتەوە، و مرۆڤ بێ‌ ئـەوەی هەست بکات لە‌ پەروەردگاری خۆی دوور دەکەوێتـەوە . . @DengiQuran