H I W A_✹

ئه‌ی باڵداری ئێسک سووک بولبولی ده‌نووک بچووک باغچه به باغچه ئه‎فڕێ وچانێکی لێ ئه‌گری کام سه‌ر چڵ دڵت گرتی ده‌نگی لێ هه‌ڵئه‌بڕی کام ئاوازه شیرینه ڕووناکی و نه‌شئه‌ی ژینه به چوار ده‌وریا ئه‌پژێنی دنیا پێ ئەکه‌نێنی له‌و گه‌روه بچکۆلانه ئه‌م نه‌غمه به‌رز و جوانه چۆن دێته ده‌ر چۆن ئه‌ڕژێ واگیان ئه‌سمێ هۆش ئه‌مژێ منیش ده‌روونم شاد بێ ملم له بەند ئازاد بێ ده‌ور و پشتم گوڵزار بێ عومرم یه‌کسه‌ر به‌هار بێ په‌رداغی ئاوم گوڵ بێ جێی حه‌سانه‌وه‌م چڵ بێ عه‌شقم وه‌ک عه‌شقت پاک بێ پڕ له هیواو ڕووناک بێ ئه‌به‌دی بێ و پڕ جۆش بێ ئه‌وه‌نده‌ی هێی تۆ خۆش بێ منیش ئه‌ی مه‌لی پیرۆز به یه‌ک چریکه‌ی پڕ سۆز به‌سته‌ی وات بۆ ئه‌خوێنم که جوان جوان بیله‌رزێنم ڕووی کام گۆم شین و مه‌نگه کام دره‌خت شۆخ و شه‌نگه کام شاخ که سه‌خت و به‌رزه بیخه‌مه بوومه له‌رزه کام ئاسمان بێ بنه ناخی پڕ که‌م له شنه

مەڕێژن بۆم فرمێسکی خەم کە سوور بووە بە خوێن جەستەم شەهیدی دەستی زۆردارم بەڵام ئۆخەی کە پێشمەرگەم خەباتم کرد لە ژیانم هەر بۆ گەل و نیشتمانم دەبا لاوان لە یادتان بم کە قوربانی کوردستانم مەڕێژن بۆم فرمێسکی خەم کە سوور بووە بە خوێن جەستەم شەهیدی دەستی زۆردارم بەڵام ئۆخەی کە پێشمەرگەم ئەو ڕێگای کە من بۆی کوژرام لە ناوی گۆڕیشا دڵنیام کە ئێوەی شۆڕشگێڕی کورد ونی ناکەن خوێن و هیوام